Mgogoro wa wakulima na wafugaji wilayani Kiteto wasababisha mauaji ya watu 13 na majeruhi zaidi ya 50

MZAHA  unaodaiwa kufanywa na baadhi ya viongozi wilayani Kiteto na mkoani Manyara katika kusuluhisha mgogoro wa wafugaji na wakulima, umesababisha mauaji ya watu zaidi ya 13 usiku wa kuamkia jana. Mbali ya vifo hivyo, vita hiyo iliyaonza majira ya saa 11 alfajiri kwa kutumia silaha za moto na jadi, imesababisha majeruhi zaidi ya 50 huku wengine wakiachwa na ulemavu wa kudumu.