Spika wa Bunge, Job Ndugai atuma salamu za rambirambi kufuatia vifo vya Askari wa JWTZ nchini DRC.

December 9, 2017, 12:01 am

≫ Next: Israel yaifyatulia Palestina Makombora

≪ Previous: Umoja wa Mataifa walaani kuuawa wanajeshi wa Tanzania nchini DRC

Spika wa Bunge la Jamhuri ya Muungano wa Tanzania Job Ndugai ametuma salamu za rambi rambi kwa Waziri wa Ulinzi na Jeshi la Kujenga Taifa Dkt. Hussein Mwinyi pamoja na Mkuu wa Majeshi ya Ulinzi, Jenerali Venance Mabeyo, kufuatia vifo vya askari 14.

Spika Ndugai amesema amepokea kwa masikitiko taarifa za vifo vya askari hao ambao walikuwa wakilinda amani nchini Kongo, pamoja na wengine 44 waliojeruhiwa kufuatia mashambulizi yanayotekelezwa na askari waasi nchini humo.

Kufuatia tukio hilo, Spika Ndugai ametoa pole kwa familia za askari hao waliouawa, na kuwaombea wale waliojeruhiwa kupona haraka na kuendelea na shughuli za ujenzi wa Taifa.

↧

Israel yaifyatulia Palestina Makombora

December 9, 2017, 2:44 am

≫ Next: Breaking News: Rais Magufuli katoa msamaha kwa Babu Seya na Familia yake

≪ Previous: Spika wa Bunge, Job Ndugai atuma salamu za rambirambi kufuatia vifo vya Askari wa JWTZ nchini DRC.

Jeshi la Israel limefyatua makombora kadhaa kuelekea eneo la Gaza, Palestina ikilenga wapiganaji wa kundi la Hamas.

Jeshi hilo la Israel limeeleza kuwa katika mashambulizi hayo lilipiga maeneo ya viwanda vya uzalishaji wa silaha na maghala ya silaha ya Hamas, mapema leo. Hata hivyo, kwa mujibu wa Independent, makombora hayo yalileta madhara katika maeneo ya makazi yakigusa pia watoto.

Hamaki kati ya Israel na Palestina iliongezeka wiki iliyopita baada ya Rais wa Marekani, Donald Trump kuitambua Jerusalem kama mji mkuu wa Israel.

Israel imekuwa ikidai Jerusalem ni mji wake mkuu wakati Wapalestina wakiendelea kudai upande wa Mashariki mwa mji huo kuwa eneo lao muhimu lililotwaliwa na Israel katika vita ya mwaka 1967.

Jana, kiongozi wa Hamas, Fathi Hammad alisema kuwa Taifa lolote litakalohamishia ubalozi wake Jerusalem litakuwa ‘adui wa Wapalestina’.

Tanzania kupitia Waziri wa Mambo ya Nje, Augustine Maige imeweka wazi msimamo wake kuwa haitahamisha ubalozi wake kutoka Tel Aviv kwenda Jerusalem.

“Hatuna ulazima wa kuhamisha ubalozi wetu. Unapaswa kufahamu kuwa ubalozi wa Tanzania nchini Israel utabaki kuwa Tel Aviv na hakuna mpango wa kuuhamishia Jerusalem ingawa kumekuwa na jitihada za kutushawishi kufanya hivyo,” Waziri Maige anakaririwa na The Citizen.

Uamuzi wa Trump umepokelewa kwa hisia tofauti na mataifa mengi huku ikielezwa wazi kuwa utakwamisha mazungumzo ya amani kati ya Israel na Palestina.

↧

Breaking News: Rais Magufuli katoa msamaha kwa Babu Seya na Familia yake

December 9, 2017, 4:02 am

≫ Next: Habari Zilizopo Katika Magazeti ya Leo Jumapili ya Disemba 10

≪ Previous: Israel yaifyatulia Palestina Makombora

RAIS wa Jamhuri ya Muungano wa Tanzania na Amri Jeshi Mkuu, ametangaza msamaha kwa Nguza Viking maarufu kama Babu Seya na mwanaye Jonson Nguza (Papii Kocha) ambao waliofungwa maisha katika Gereza la Ukonga jijini Dar es Salaam na kutaka waachiwe huru mara moja kutoka gerezani.

“Tanzania tuna jumla ya wafungwa 39,000 ambapo wanaume ni 37,000 na wanawake 2,000. Wafungwa waliohukumiwa wako 522 kati yao wanaume ni 503 na wanawake ni 19. Nimeamua kusamehe wafungwa 8157, ambapo baada ya msamaha huu wafungwa 1828 watatoka leo.

“Mfano wa watu niliowasamehe ni Mzee Mganga Matonya mwenye umri wa miaka 85 amekaa Gerezani miaka 37 na miaka 7 ya kukaa mahabusu. Nimeamua kusaheme familia ya Nguza Viking jina lingine anaitwa Babu Seya na Ndugu Johnson Nguza ama Papii Kocha.

“Nimeamua kuwasamehe wafungwa 61 waliokuwa wamehukumiwa kunyongwa. Lakini katika kuchunguzwa kwingi wapo wafungwa ambao wametubu dhambi zao, wamekiri makosa yao kwelikweli,” alisema Magufuli.

Mwaka 2003, Babu Seya na wanaye watatu walikamatwa na kufunguliwa mashtaka ya kubaka na kulawiti watoto wa Shule ya Msingi Mashujaa, mwaka 2004, Mahakama ya Hakimu Mkazi Kisutu, Dar iliwahukumu wote wanne kifungo cha maisha jela.

Baada ya hukumu hiyo, walikata rufaa lakini mwaka 2005, Mahakama Kuu iliridhia hukumu hiyo ya kifungo cha maisha jela kwa wote wanne kabla ya Mahakama ya Rufaa kuwaachia huru Mbangu na Chichi Februari 2010.

↧

Habari Zilizopo Katika Magazeti ya Leo Jumapili ya Disemba 10

December 9, 2017, 8:10 pm

≫ Next: Mrema azungumzia uamuzi wa Rais Magufuli Kusamehe Wafungwa

≪ Previous: Breaking News: Rais Magufuli katoa msamaha kwa Babu Seya na Familia yake

↧

Mrema azungumzia uamuzi wa Rais Magufuli Kusamehe Wafungwa

December 9, 2017, 8:18 pm

≫ Next: Chadema wadai Rais Magufuli ametekeleza ahadi ya Lowassa Kumwachia Babu Seya

≪ Previous: Habari Zilizopo Katika Magazeti ya Leo Jumapili ya Disemba 10

Mwenyekiti wa Bodi ya Parole, Augustine Mrema amepongeza uamuzi wa Rais John Magufuli wa kutoa msamaha kwa wafungwa na kumuelezea kama Rais mwenye upendo wa aina yake.

Mrema amesema ni wazi kuwa Rais amesikia kilio cha watu na kuamua kufanya ubinadamu ili kupunguza msongamano wa wafungwa magerezani.

“Namvulia kofia kabisa, huyu ni Rais msikivu, ana mapenzi ya kweli kwa Watanzania naweza kusema tumepata mtu ambaye tulikuwa tunamtaka,”

Mrema amesema upo uwezekano kuwa Rais alikuwa hapewi taarifa sahihi kuhusu hali ya magereza.

“Magerezani kuna uozo, wapo watu wengine wanajaa kule kwa makosa ambayo wanaweza kulipa faini tu wakatoka,”

“Nilianzisha kampeni ya kuwalipia faini wafungwa ambao walishindwa kujilipia lakini kutokana na maslahi ya baadhi ya watu nikaambiwa nisitishe kwa madai kuwa wafungwa hao hawajajutia makosa. Hii si sawa, naomba watu wa magereza wabadilike hakuna sababu ya kuwajaza wafungwa kule ambao wanatakiwa kutoka,”

↧

Chadema wadai Rais Magufuli ametekeleza ahadi ya Lowassa Kumwachia Babu Seya

December 9, 2017, 8:28 pm

≫ Next: Babu Seya na Papii Kocha Baada ya Kuachiwa Huru Jana Jioni

≪ Previous: Mrema azungumzia uamuzi wa Rais Magufuli Kusamehe Wafungwa

Chama cha Demokrasia na Maendeleo (Chadema) kimempongeza Rais John Magufuli kwa kutekeleza ahadi zilizotolewa na mgombea urais wa chama hicho, Edward Lowassa ikiwemo ya kuwaachia huru wanamuziki Nguza Viking na Johnson Nguza ‘Papii Kocha’.

Taarifa iliyotolewa jana Jumamosi na chama hicho ilieleza kuwa katika ahadi zake Lowassa aliahidi iwapo Chadema ingeshinda uchaguzi angewaachia wanamuziki hao.

Vilevile chama hicho kimetoa wito kwa Serikali kutumia mamlaka yake kwa mujibu wa sheria kuondoa nia ya kuwashtaki masheikh wa Zanzibar na mahabusu na washtakiwa wa makosa ya mtandao.

==>Hii ndo kauli ya CHADEMA

Tunampongeza Rais John Pombe Magufuli kwa ujasiri wa kuendelea kutekeleza baadhi ya ahadi zilizotolewa na Chama cha Demokrasia na Maendeleo (CHADEMA) kupitia kwa Mgombea wa Urais, Mhe. Edward Lowassa, wakati wa uchaguzi mkuu uliopita, ambapo leo akihutubia sherehe za siku ya Uhuru wa Tanganyika, ametoa msamaha kwa waliokuwa wafungwa wa kifungo cha maisha, Ndugu Nguza Vicking (Babu Seya) na Johnson Nguza (Papii Kocha).

Kutokana na kitendo alichofanya leo Rais Magufuli kwa kutumia ibara ya 45 ya Katiba ya Nchi, kama ambavyo mgombea wetu wa urais aliahidi iwapo CHADEMA ingeshinda uchaguzi, kushika dola na kuongoza Serikali, Chama kinatoa wito kwa Serikali itumie mamlaka yake kwa mujibu wa sheria za nchi, hususan kupitia kwa Mkurugenzi wa Mashtaka (DPP) kwa utaratibu wa *Nolle Prosqui*, iondoe nia ya kuendelea kuwashtaki;

1. Masheikh wa Zanzibar wanaoshtakiwa Mahakama ya Kisutu, Tanzania Bara.

2. Mahabusu na watuhumiwa wa makosa ya mitandao.

3. Watuhumiwa na mahabusu wa makosa ya kisiasa, ikiwemo kesi za uchochezi, zinazohusisha kumkosoa Rais Magufuli, kuikosoa Serikali yake na chama chake au tuhuma zinazotokana na kutekeleza shughuli halali za kisiasa kwa mujibu wa Katiba na Sheria za nchi, ikiwemo maandamano, mikutano ya hadhara na vikao vya ndani.

Imetolewa Jumamosi, Desemba 9, 2017 na;

Tumaini Makene
Mkuu wa Idara ya Habari na Mawasiliano
CHADEMA

↧

Babu Seya na Papii Kocha Baada ya Kuachiwa Huru Jana Jioni

December 9, 2017, 8:35 pm

≫ Next: THBUB yampongeza Rais kwa kuwafutia watu 61 adhabu ya kifo

≪ Previous: Chadema wadai Rais Magufuli ametekeleza ahadi ya Lowassa Kumwachia Babu Seya

Mwanamuziki Nguza Viking ‘Babu Seya’ na mwanaye Johnson Nguza ‘Papii Kocha’ wametoka katika gereza la Ukonga jana jioni baada ya kusota kwa miaka 13.

Wanamuziki hao ‘baba na mwana’ walitoka katika kifungo cha maisha baada ya kupata msamaha wa Rais John Magufuli jana Jumamosi Desemba 9, mwaka 2017.

JPM alitoa msamaha kwa baadhi ya wafungwa alipokuwa akihutubia Taifa kusherehea miaka 56 ya Uhuru wa Tanzania Bara na miongoni mwa waliopata ahueni hiyo ni Babu Seya na Papii Kocha.

“Babu, babu, babu,” zilikuwa ni kelele za mashabiki na ndugu zake waliompokea Babu Seya na Papii Kocha waliokuwa wametoka gerezani wakiwa na magitaa yao mgongoni.

Babu Seya aliyeonekana mtanashati alionekana anapunga mkono wa kulia kama mtu asiyeamini huku Papii Kocha akipunga mkono akionekana kufurahia na kuzungumza na mashabiki.

Walisindikizwa na askari magereza mpaka nje na kulikuwa na foleni kubwa kutokana na tukio hilo.

↧

THBUB yampongeza Rais kwa kuwafutia watu 61 adhabu ya kifo

December 9, 2017, 10:45 pm

≫ Next: Mnyika aungana na Rais Magufuli

≪ Previous: Babu Seya na Papii Kocha Baada ya Kuachiwa Huru Jana Jioni

Mwenyekiti wa Tume ya Haki za Binadamu na Utawala Bora (THBUB), Mhe. Bahame Tom Nyanduga kwa niaba ya Tume na Wafanyakazi wote wa THBUB anachukua fursa hii kumpongeza kwa dhati Mhe. Rais wa Jamhuri ya Muungano wa Tanzania, Dkt. John Pombe Magufuli kwa uamuzi wake wa kufuta adhabu ya kifo kwa watu 61 waliokuwa magereza mbalimbali nchini, wakisubiri utekelezaji wa adhabu ya kifo dhidi yao.

Tume inampongeza sana Mhe. Rais kwa uamuzi wake huo kwani unaendana na Azimio la Baraza Kuu la Umoja wa Mataifa Na. 62/149 la tarehe 18 Desemba 2007 linalozitaka nchi wanachama wa Umoja wa Mataifa kufuta au kusimamisha utekelezaji wa adhabu ya kifo na kuweka adhabu mbadala.

Tume inatambua kwamba, kama alivyosema Mhe. Rais, msamaha huu haufuti adhabu ya kifo katika sheria za nchini.

Hivyo, kutokana na mamlaka yake kwa mujibu wa Katiba ya Jamhuri ya Muungano wa Tanzania ya mwaka 1977 Ibara ya 130(1) (g), Tume inapenda kuchukua nafasi hii kuishauri Serikali kuona uwezekano wa kufuta adhabu ya kifo na kuweka adhabu mbadala, ili iendane na Azimio la Umoja wa Mataifa lililotajwa hapo juu.

Pia, Tume inaisihi Serikali, hususan Idara yake ya Ustawi wa Jamii kuwasaidia, na Wananchi kwa ujumla kuwapokea, wale wote waliopewa msamaha ili waweza kuendelea na maisha yao kama raia wema katika jamii.

Imetolewa na:

Mhe. Bahame Tom Nyanduga

Mwenyekiti

TUME YA HAKI ZA BINADAMU NA UTAWALA BORA

Desemba 9, 2017

↧

Mnyika aungana na Rais Magufuli

December 10, 2017, 1:20 am

≫ Next: Mwenyekiti UVCCM ashikiliwa na Takukuru

≪ Previous: THBUB yampongeza Rais kwa kuwafutia watu 61 adhabu ya kifo

Naibu Katibu Mkuu wa CHADEMA, John Mnyika, ameungana na Rais wa Jamhuri ya Muungano wa Tanzania Dkt. John Pombe Magufuli, katika kuomboleza vifo vya askari 14 waliouawa nchini Kongo na wengine kujeruhiwa, huku akiwapa pole wafiwa wote.

Mbunge wa Kibamba ameitumia Jumapili ya leo Disemba 10,2017 kuwaombea mashujaa hao na kuwapa pole wanafamilia wote ambao ndugu zao wamepoteza maisha katika tukio hilo.

"Kwa kipekee naitoa ibada ya leo kuwaombea Mashujaa wetu,askari 14 wa JWTZ waliojitoa mhanga na maisha yao kuitetea amani Congo, 44 ambao wamejeruhiwa na wale wawili (2) ambao hawajulikani walipo. Mungu awajalie pumziko jema kwa wale waliopoteza uhai kupigania amani

"Awape uponyaji majeruhi na kusaidia kupatikana kwa Askari wawili. Aijalie faraja na ustawi familia za wahanga na wote ambao wameguswa kwa moja kwa moja au namna ingine yeyote na tukio baya hilo" aliandika John Mnyika

↧

Mwenyekiti UVCCM ashikiliwa na Takukuru

December 10, 2017, 3:04 am

≫ Next: Rais Magufuli atia saini nyaraka za kuachiwa Babu Seya na wenzake

≪ Previous: Mnyika aungana na Rais Magufuli

Taasisi ya Kuzuia na Kupambana na Rushwa (Takukuru) Mkoa wa Dodoma inamshikilia Mwenyekiti wa Umoja wa Vijana wa CCM (UVCCM), Sadifa Juma Khamis kwa tuhuma za kugawa rushwa kwa wajumbe wa mkutano mkuu wa uchaguzi.

UVCCM leo Jumapili Desemba 10,2017 inachagua viongozi wapya wa ngazi ya Taifa watakaoongoza jumuiya hiyo ya CCM kwa kipindi cha miaka mitano.

Sadifa ambaye pia ni mbunge wa Donge, Zanzibar amekamatwa nyumbani kwake karibu na mnada wa zamani mkoani Dodoma.

Kamanda wa Takukuru mkoani Dodoma, Emma Kihanga amethibitisha kukamatwa kwa mwenyekiti huyo na kwamba watatoa taarifa zaidi baadaye.

"Ni kweli tumemkamata tangu jana usiku tumekesha tunafanya uchunguzi, nitatoa taarifa baadaye kuhusu tukio hilo," amesema.

Mkutano mkuu wa uchaguzi wa UVCCM unaendelea mjini Dodoma na miongoni mwa waliohudhuria ni Mwenyekiti wa CCM, Rais John Magufuli.

Makamu wa Rais, Samia Suluhu Hassan akifunga mkutano mkuu wa uchaguzi wa Umoja wa Wanawake (UWT) jana Jumamosi Desemba 9,2017 alisema hawajapokea malalamiko mengi kutoka umoja huo na kuzitaka jumuiya nyingine za CCM kujifunza UWT.

↧

Rais Magufuli atia saini nyaraka za kuachiwa Babu Seya na wenzake

December 10, 2017, 6:38 am

≫ Next: JWTZ Wazungumzia Vifo vya Wanajeshi 14

≪ Previous: Mwenyekiti UVCCM ashikiliwa na Takukuru

Rais wa Jamhuri ya Muungano wa Tanzania Mhe. Dkt. John Pombe Magufuli leo tarehe 10 Desemba, 2017 ametia saini nyaraka za msamaha alioutoa jana kwa wafungwa 61 waliohukumiwa kunyongwa hadi kufa na wawili Nguza Viking (Babu Seya) na Johnson Nguza (Papii Kocha) waliohukumiwa kifungo cha maisha jela.

Mhe. Rais Magufuli ametia saini nyaraka hizo Ikulu ya Chamwino Mkoani Dodoma na kuwapongeza Jeshi la Magereza kwa kazi nzuri wanayoifanya kurekebisha tabia za wafungwa wa makosa mbalimbali.

Mhe. Rais Magufuli amesisitiza kuwa pamoja na kutolewa kwa msamaha huo, vyombo vya dola viendelee kusimamia sheria, na kwa Jeshi la Magereza amelitaka kuhakikisha linawatumia wafungwa kuzalisha mali ikiwemo kuzalisha mazao ya kilimo na kufanya kazi za ujenzi.

“Nimeona nitumie kifungu hiki cha Katiba (Ibara ya 45 {1}) ambacho nilipewa na Watanzania, ingawa kilikuwa hakijawahi kutumika, unajua mtu ambaye alihukumiwa kunyongwa halafu baadaye anaachiwa, ni kitu kinashangaza kwa sababu hakijawahi kutokea, lakini nimeona nifanye hivyo kwa ajili ya Watanzania”

“Mimi nikuombe tu, muendelee kusimamia wajibu wenu na kusimamia sheria, mtu anayehukumiwa kufungwa afungwe kweli, na nilishatoa wito kwa magereza, pasiwepo wafungwa wa kukaa tu na kupumzika, wafanye kazi, kufungwa sio kustarehe” Amesisitiza Mhe. Rais Magufuli.

Kwa upande wake Kamishna Jenerali wa Magereza Dkt. Juma Malewa amemshukuru Mhe. Rais Magufuli kwa kutoa msamaha huo wa kihistoria na kubainisha kuwa wafungwa na Maafisa Magereza wameipongeza hatua hiyo, ambayo itasaidia kuwatia moyo wafungwa wanaorekebishwa tabia katika magereza mbalimbali nchini.

Kamishna Jenerali Malewa amesema wafungwa waliopatiwa msamaha wa kuachiwa huru, waliruhusiwa kutoka magerezani tangu jana na Maafisa Magereza wamewaasa kwenda kuonesha mfano bora kwenye jamii watakakwenda kuishi.

Katika hatua nyingine Mhe. Rais Magufuli amelipongeza Jeshi la Magereza kwa kutekeleza agizo lake la kutengeneza viatu kwa ajili ya askari wake badala ya kuagiza kutoka nje ya nchi.

Jeshi la Magereza linazalisha jozi 150 za viatu kwa siku katika kiwanda chake cha Karanga kilichopo Moshi Mkoani Kilimanjaro, na kwa kushirikiana na mfuko wa hifadhi ya jamii wa PPF limeanza kuboresha kiwanda hicho ili kufikia uzalishaji wa jozi 450 kwa siku.

Gerson Msigwa
Mkurugenzi wa Mawasiliano ya Rais, IKULU
Chamwino, Dodoma

10 Desemba, 2017

↧

JWTZ Wazungumzia Vifo vya Wanajeshi 14

December 10, 2017, 6:51 am

≫ Next: Msando Awalipua UVCCM Mbele ya Rais Magufuli

≪ Previous: Rais Magufuli atia saini nyaraka za kuachiwa Babu Seya na wenzake

Jeshi la Ulinzi wa Wananchi wa Tanzania limesema kikundi chake cha ulinzi na usalama kilichopo DRC kwaajili ya kutekeleza jukumu la ulinzi na amani kilivamiwa na Waasi waliojilikana kuwa ni ADF na kusababisha mauaji kwa wanajeshi 14.

Amesema kwamba tukio hilo lilitokea katika eneo la kambi iliyopo daraja kwenye mto Simulike barabara ya kutokea Oicha kwenda Kamango mpakani mwa nchi ya Uganda Kaskazini Mashariki ya wilaya ya Beni Jimbo la Kivu Kaskazini.

Akithibitisha mauaji hayo muwakilishi wa Mkuu wa Majeshi ya Ulinzi na Usalama Tanzania (CDF) Luteni Jenerali James Mwakibolwa amesema shambulio hilo lakuvamiwa lilizusha mapigano baina ya kikundi hicho na kile cha waasi na yalidumu kwa takribani masaa kumi na tatu (13) na kusababisha vifo vya askari wa Tanzania 14 na wengine 44 kujeruhiwa na askari wawili bado hawajulikani walipo ambapo jitihada zaidi za kuwatafuta zinaendelea.

Amesema shambulizi la tarehe 7 kuamkia tarehe 8 Desemba lilikua baya zaidi kuwahi kuitokea tangu vikosi hivyo vianze kushiriki ulinzi wa amani nchini DRC mwaka 2011 kwakua limeleta madhara makubwa, hata hivyo kikundi hicho ambacho bado kipo huko kinauwezo mkubwa wa kutekeleza majukumu husika kwa uhodari wa hali ya juu ,ushupavu, weledi mkubwa na umahiri stahiki.

Kwa niaba ya mkuu wa majeshi Luteni Jenerali Mwakibolwa amewathibitishia watanzania kuwa tukio hilo halitawavunja moyo na kamwe Jeshi la Ulinzi la Wananchi wa Tanzania halitatetereka kupeperusha bendera yake ndani na nje ya nchi kwani tukio hilo limewaongezea nguvu, ari ,ushupavu na uhodari zaidi katika kutekeleza majukumu yake.

Aidha amesema nchi pia iko salama na itaendelea kuwa salama na yeyote ambaye anataka kuwajaribu atashughulikiwa ipasavyo kwani historia ya jeshi inadhihirisha uwezo thabiti.

Kuhusu taratibu za kusafirisha miili ya marehemu kuirejesha nchini zinafanyika chini ya utaratibu wa Serikali na umoja wa mataifa na JWTZ na serikali wanaendelea kuchukua hatua stahiki kufuatia tukio hilo ikiwemo kufanya uchunguzi katika eneo husika sambamba na kuangalia taratibu za kuwajulisha familia za wafiwa zimekamilika na ndio maana hawakuweza kutoa taarifa hizo bila kuwaweka sawa familia za mashujaa hao.

Kwa umoja wa watanzania amewataka kuwaombea dua roho za mashujaa hao zipumzike mahali pema peponi kwa amani na majeruhi wote wapone haraka iwezekanavyo ili warejee kutekeleza majukumu yao ya kila siku kwa ulinzi wa taifa na dunia nzima.

↧

Msando Awalipua UVCCM Mbele ya Rais Magufuli

December 10, 2017, 7:16 am

≫ Next: Habari Zilizopo Katika Magazeti ya Leo Jumatatu yya Disemba 11

≪ Previous: JWTZ Wazungumzia Vifo vya Wanajeshi 14

WAKILI Alberto Msando, ambaye alijiunga na Chama Cha Mapinduzi (CCM) akitokea chama ACT-Wazalendo, leo akiongea kwenye mkutano wa UVCCM Taifa, unaoendelea Dodoma, amefunguka na kuwachana vijana wa chama hicho (UVCCM) baada ya viongozi wake aliodai walimdanganya Mwenyekiti wa CCM, John Pombe Magufuli juu ya idadi wa vijana wao.

Albert Msando aliomba nafasi kwa Rais Magufuli ili aweze kuwasema vijana hao wa CCM baada ya moja ya taarifa yao kusema wapo vijana wa CCM zaidi ya milioni sita, jambo ambalo linapingana na taarifa zao wenyewe.

“Nimeazima taarifa ya utekelezaji na mpango mkakati naona mmesema kwamba UVCCM mpo milioni sita. Je, ni kweli? Kama vijana mtakuwa mnafanya mambo kama haya, tutakuwa na nchi ya hovyo sana na chama cha hovyo sana. Mmeandika takwimu zinazoonyesha kuwa idadi ya vijana wenye umri kati ya 14 na 35 ni asilimia 34 ya watu wote nchini. Mara tu baada ya ukurasa wa nane, ukurasa wa tisa mmeandika kundi la vijana ni kubwa, takwimu zinaonyesha sasa wamefikia asilimia 65 ya idadi ya watu nchini. Ina maana hatujijui tupo wangapi?” alihoji Msando

Akiendelea kuonyesha mapungufu hayo, Msando alisema:

“Kwenye kitabu hiki mmemwambia Rais Magufuli kuwa vijana wa UVCCM mnafika milioni sita lakini kwenye jedwali la kweli mmeandika idadi ya vijana wa UVCCM kila mkoa tangu 2013 hadi 2017 jumla walio hai ni milioni moja laki sita, wasio hai ni laki nne. Sasa kwa nini mmdanganye Rais? Tukafanye kazi na hizi ndiyo takwimu zenu, sasa hivi mnamwambia Rais tunakaribia milioni sita. Mnataka Rais aondoke akiwa na picha ya kuwa mpo zaidi ya milioni sita wakati mpo milioni moja laki tano? Jamani hatuendi hivyo, tunakata CCM mpya ya vijana wachapa kazi, Wanachama wote ambao hawapo hai warudi, tupate wanachama wapya, ” alisema Msando.

↧

Habari Zilizopo Katika Magazeti ya Leo Jumatatu yya Disemba 11

December 10, 2017, 8:04 pm

≫ Next: Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

≪ Previous: Msando Awalipua UVCCM Mbele ya Rais Magufuli

↧

Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

December 10, 2017, 10:19 pm

≫ Next: Ado Shaibu : “Sijaona hoja yoyote ya maana ya kunifanya niondoke ACT”

≪ Previous: Habari Zilizopo Katika Magazeti ya Leo Jumatatu yya Disemba 11

Unene na uzito uliozidi ( Obesity ) ni miongoni mwa vyanzo na visababishi vikuu vya tatizo la ukosefu na upungufu wa nguvu za kiume.

Kwa mujibu wa tafiti mbalimbali za kitabibu, asilimia kubwa ya wanaume wenye unene na uzito uliozidi, wanakabiliwa na tatizo la ukosefu na upungufu wa nguvu za kiume.

KWANINI WANAUME WENYE UNENE NA UZITO ULIOZIDI WANAKABILIWA NA HATARI KUBWA YA KUPATWA NA TATIZO LA UKOSEFU NA UPUNGUFU WA NGUVU ZA KIUME.

Wanaume wenye uzito na unene uliozidi wapo katika hatari kuu ya kupatwa na tatizo la ukosefu na upungufu wa nguvu za kiume kwa sababu kuna uhusiano mkubwa kati ya unene/uzito uliozidi pamoja na tatizo la ukosefu wa nguvu za kiume.

Kama tulivyo elezea katika makala zetu za nyuma, SUALA LA NGUVU ZA KIUME NI SUALA LA KIMFUMO. Mfumo wa nguvu za kiume unahusisha ogani mbalimbali katika mwili wa mwanadamu.

Ili mwanaume aweze kuwa na nguvu imara za kiume, ni lazima ogani zote zinahusika katika mfumo, ziwe imara na zenye afya njema, na pia ni lazima ziwe na ushirikiano imara.

Kudhoofishwa kwa ogani moja wapo kati ya ogani hizo kutasababisha mhusika apatwe na tatizo la ukosefu na/ama upungufu wa nguvu za kiume.

Kwa kukumbushia tu, mambo makuu muhimu katika mfumo wa nguvu za kiume yapo matano ambayo ni

1. Ubongo imara na wenye afya njema

2. Mishipa imara ya kusafirishia damu mwilini

3. Mfumo imara na wenye afya wa usafirishaji damu mwilini.M .3

4.Mishipa na misuli ya uume iliyo imara na yenye afya njema

5.Pamoja na uhusiano imara na wenye afya kati ya mishipa ya fahamu iliyo katika ubongo ( nerves),mishipa ya kwenye uti wa mgongo ( spinal cords ) pamoja na mishipa & misuli ya kwenye uume.

Sasa basi, hitilafu yoyote katika mojawapo kati ya mambo matano tajwa hapo juu, itamfanya mhusika apatwe na tatizo la ukosefu na/ama upungufu wa nguvu za kiume.

UNENE NA UZITO ULIOZIDI UNA SABABISHA VIPI TATIZO LA UKOSEFU NA/AMA UPUNGUFU WA NGUVU ZA KIUME.

Kwa lugha nyepesi na yenye kueleweka kwa kila mtu, mtu mwenye unene na uzito uliopitliza, maana yake ni kwamba ana mafuta , sukari na kolestrol nyingi katika damu yake.

Kwa maana nyingine, ni kwamba kama wewe una unene uliopitiliza, maana yake ni kwamba, ogani zilizomo ndani ya mwili wako zinaogelea katika mafuta yaliyomo ndani ya mwili wako.

1. Kolestrol nyingi katika damu, huathiri mfumo usafirishaji damu katika mishipa ya inayo tumika kusafirisha damu katika sehemu mbalimbali za mwili ikiwamo katika mishipa ya kwenye uume. Matokeo yake basi , kolestrol hiyo husababisha kuziba kwa ateri ambayo ndio njia itumikayo kupeleka damu katika mishipa na misuli ya kwenye uume, na kama damu haitaweza kusafirishwa hadi kwenye mishipa ya kwenye uume, maana yake ni kwamba, mwanaume huyo hatokuwa na uwezo wa kusimamisha uume wake kwa sababu, damu ndio inayo ufanya uume uweze kusimama.

2. Kama ilivyo kwa kolestrol, sukari na mafuta mengi katika damu huathiriki utiririkaji wa damu mwilini na hivyo kufanya vigumu damu kutiririka kuelekea kwenye mishipa na misuli ya uume ambayo ndio inahusika na kuufanya uume usimame.

3. Unene na uzito uliopitiliza una uhusiano mkubwa sana na ugonjwa wa kisukari. Na ugonjwa wa kisukari nao una uhusiano mkubwa na tatizo la ukosefu wa nguvu za kiume, kwa sababu unaathiri mfumo mzima wa nguvu za kiume kama ifuatavyo : Kwanza;unashambulia na kudhoofisha mishipa ya ubongo na kuifanya ishindwe kuwa na uhusiano mzuri na mishipa ya kwenye uti wa mgongo, pamoja na mishipa na misuli ya kwenye uuume. Pili unashambulia na kudhoofisha mishipa ya usafirishaji damu mwilini na tatu unasababisha kudhoofika kwa ogani muhimu katika mwili wa mwanadamu kama vile figo.

Hivyo basi, mwanaume mwenye unene na uzito ulio zidi, yupo katika hatari kubwa sana ya kupatwa na tatizo la ukosefu na/ama upungufu wa nguvu za kiume, kuliko inavyo weza kufikiriwa.

4. Unene na uzito uliopitiliza una uhusiano mkubwa na tatizo la shinikizo la damu. Kwa lugha nyingine ni kwamba, watu wanene wapo katika hatari kubwa sana ya kupatwa na tatizo la shinikizo la damu,. na tatizo la shinikizo la damu nalo lina uhusiano mkubwa sana na tatizo la ukosefu na upungufu wa nguvu za kiume.

Shinikizo la Damu husababisha mishipa ya ateri ambayo hutiririsha damu iingiayo kwenye uume kuziba na kushindwa kutanuka kwa kiwango inachotakiwa kutanuka.

Pia huifanya mishipa laini katika uume kushindwa ku-relax na hivyo kushindwa kuizuia mishipa ya vena ya kunyonya damu kutoka kwenye mishipa ya uume na kuipeleka kwenye maeneo mengineyo ya mwilini.

Matokeo yake kunakuwa hakuna kiasi cha kutosha cha damu iingiayo kwenye uume na hivyo kufanya uume ushindwe kusimama.

Vile vile hata kiasi kidogo cha damu kinacho ingia kwenye uume, kinashindwa kuendelea kuhifadhiwa ndani ya uume wakati uume ukiwa umesimama, na matokeo yake ni uume kusinyaa ndani ya kipindi kifupi sana tangu usimame.

Kama hiyo haitoshi, tatizo la unene na uzito kupita kiasi lina weza kupelekea mhusika kupatwa na magonjwa ya presha na moyo ambayo nayo yanachangia tatizo la ukosefu wa nguvu za kiume kwa kiasi kikubwa sana.

SULUHISHO LA TATIZO NI NINI?

Kama wewe ni mwanaume mwenye tatizo la unene na uzito ulio zidi, unapaswa kufanya mambo yafuatayo:

i. Kupunguza kolestrol mwilini: Unaweza kupunguza kolestrol na mafuta mengi mwilini kwa kufanya mazoezi na diet ama kwa kutumia dawa mbalimbali za asili ama vyote kwa pamoja.

ii. Unapaswa kupunguza unene na uzito : Unaweza kupunguza unene na uzito kwa kutumia mazoezi na diet ama kwa kutumia dawa asilia ya MKATAA KITAMBI ambayo inasaidia sana kupunguza mafuta mwilini, kupunguza unene na uzito.

TIBA ASILIA YA NGUVU ZA KIUME KWA WANAUME WENYE UNENE & UZITO ULIOZIDI.

Kwa mwanaume mwenye unene & uzito uliozidi ambaye pia ana sumbuliwa na tatizo la ukosefu wa nguvu za kiume, anashauriwa kutumia dawa zifuatazo kwa pamoja

1. Dawa ya kuondoa kolestrol na mafuta mengi kwenye damu.

2. Dawa ya kupunguza unene na uzito pamoja na

3. Dawa asilia ya nguvu za kiume iitwayo JIKO ambayo inatibu na kuponya kabisa tatizo la ukosefu na/ama upungufu wa nguvu za kiume ndani ya siku thelathini tu.

Dawa ya JIKO inapatikana kwa gharama ya SHILINGI ELFU THEMANINI.

Dawa ya JIKO pamoja na dawa za kuondoa kolestrol & mafuta mwilini, kupunguza unene na uzito zinapatikana katika duka la kuuza dawa asilia la NEEMA HERBALIST & NUTRITIONAL FOODS CLINIC lililopo jijini DAR ES SALAAM, katika eneo la TABATA MAKOKA karibu na Shule ya Sekondari ya Mt. ANNUARITE.

Ubungo jirani na SHULE YA MSINGI UBUNGO NATIONAL HOUSING, nyuma ya jengo la UBUNGO PLAZA.

WASILIANA NASI KWA SIMU NAMBA 0766 53 83 84.

Kwa wateja waliopo jijini DAR ES SALAAM, ambao hawana nafasi ya kufika ofisini kwetu, watapelekewa dawa mahali walipo ( DELIVERY )

Kwa wateja wa ZANZIBAR watatumiwa dawa kwa njia ya boti.

Kwa wateja wa mikoani, watatumiwa dawa kwa njia ya MABASI na

Kwa wateja wa ughaibuni, watatumiwa dawa kwa njia ya POSTA au DHL.

Kwa taarifa zaidi kuhusu tiba asilia ya magonjwa mbalimbali, tembelea kila siku :www.neemaherbalist.blogspot.com

↧

Ado Shaibu : “Sijaona hoja yoyote ya maana ya kunifanya niondoke ACT”

December 10, 2017, 8:41 pm

≫ Next: Godbless Lema ampongeza Rais Magufuli.....Amshauri Awaangalie na Waliokaa Mahabusu Muda Mrefu

≪ Previous: Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

Ikiwa vuguvugu la kuhama kwa wanasiasa limepamba moto nchini, Katibu wa Itikadi na Uenezi Taifa wa ACT-Wazalendo, Ado Shaibu, amesema haoni hoja ya msingi itakayo mshawishi kukihama chama hicho.

Ado aliyasema hayo Novemba 9, 2017 siku moja baada ya aliyekuwa Mgombea kiti cha Urais kwenye uchaguzi Mkuu wa mwaka 2015 kupitia ACT ambaye pia alikuwa mwenyekiti wa chama hicho, Mama Anna Mgwira kuhamia CCM, uamuzi alioutangaza kwenye Mkutano wa Umoja wa Wanawake wa CCM (UWT) uliofanyika mjini Dodoma.

Ado alifunguka kuwa, katika kipindi cha wiki mbili zilizopita ambacho hakuwepo kwenye mitandao ya kijamii na kupatikana kwenye simu iliyozoeleka, kuna baadhi ya watu baada ya kurejea hewani, walimtumia jumbe zenye kuhoji kama ameshahamia CCM kutoka ACT.

“Jibu langu kwao lilikuwa jepesi. Siasa halisi si mzaha Kama mchezo wa komborera. Kwamba Leo ujifiche hapa kesho pale Kisha ubutue. Siasa ni itikadi. Siasa ni falsafa. Siasa ni sera. Siasa ni hisia za watu waliokuamini na kukuheshimu. Ukiheshimu Itikadi, falsafa, sera na hisia za watu waliokuheshimu na kukutumaini ndani na nje ya chama, hauwezi kuhama hovyo Kama wacheza komborera wanavyobadili maficho yao,” alisema na kuongeza.

“Kuhama Chama ni lazima kusukumwe na hoja za msingi na zenye mashiko. Kwa sasa, sijaona hoja yoyote ya maana ya kunifanya niondoke Act Wazalendo.”

Siku za hivi karibuni kumekuwepo na wimbi kubwa la wanasiasa wa vyama vya upinzani kuhamia chama Tawala CCM kwa madai ya kumuunga mkono Rais John Magufuli kutokana na kuridhishwa na utendaji kazi wake, miongoni mwao wapo waliokuwepo Wabunge, madiwani, viongozi kwenye vyama vya upinzani na wanasiasa mashuhuli.

↧

Godbless Lema ampongeza Rais Magufuli.....Amshauri Awaangalie na Waliokaa Mahabusu Muda Mrefu

December 10, 2017, 8:56 pm

≫ Next: PICHA: Rais Magufuli Akiangalia Kiatu Kinachotengenezwa Na Kiwanda Cha Magereza Cha Karanga

≪ Previous: Ado Shaibu : “Sijaona hoja yoyote ya maana ya kunifanya niondoke ACT”

Waziri Kivuli wa Mambo ya Ndani ya Nchi, Godbless Lema amempongeza Rais John Magufuli kwa kutoa msamaha kwa wafungwa.

Pia, amemshauri kuwaangalia mahabusu waliokaa muda mrefu gerezani pasipo kupata haki.

Katika maadhimisho ya uhuru wa Tanganyika (Tanzania Bara) Jumamosi Desemba 9,2017mkoani Dodoma, Rais Magufuli alitoa msamaha kwa wafungwa 8,157 kati yao 1,828 waliachiwa huru kuanzia siku hiyo.

Rais John Magufuli jana Jumapili Desemba 10,2017 ametia saini nyaraka za msamaha alioutoa kwa wafungwa 61 waliohukumiwa kunyongwa hadi kufa na wawili Nguza Viking na Johnson Nguza (Papii Kocha) waliohukumiwa kifungo cha maisha jela.

Msamaha huo umeonekana kumgusa Lema ambaye ni Waziri Kivuli wa Mambo ya Ndani ya Nchi. Lema amesema kuna mateso wanayopata mahabusu ambayo yanahitaji kuangaliwa.

“Rais Magufuli, Mungu akubariki kwa msamaha uliotoa jana kwa wafungwa na hasa wale waliokaa magereza muda mrefu pamoja na wazee, msamaha ni ibada,” amesema Lema ambaye pia ni mbunge wa Arusha Mjini (Chadema).

“Ni msamaha muhimu kwao, mtu aliyehukumiwa maisha au kifo akipata msamaha ni jambo jema sana, ninafurahi wamesamehewa sasa hawatakuwa tena magereza maisha yao yote,”

“Nimefurahi kwamba hata wale waliokuwa wamehukumiwa kunyongwa hasa wazee pia wamepata msamaha, kwangu ninaona ni jambo jema na zuri, kwa mtu anayejua huzuni ya magereza atakubaliana nami.”

Kuhusu mahabusu, Lema amesema, ‘’Wako mahabusu wamekuwa magereza kwa muda mrefu bila kesi zao kukamilika. Mheshimiwa Rais fuatilia watu kama hawa pia.”

↧

PICHA: Rais Magufuli Akiangalia Kiatu Kinachotengenezwa Na Kiwanda Cha Magereza Cha Karanga

December 10, 2017, 9:30 pm

≫ Next: Takukuru kumfikisha mahakamani Mwenyekiti wa Umoja wa Vijana wa CCM (UVCCM), Sadifa Juma Khamis

≪ Previous: Godbless Lema ampongeza Rais Magufuli.....Amshauri Awaangalie na Waliokaa Mahabusu Muda Mrefu

Rais wa Jamhuri ya Muungano wa Tanzania Dkt. John Pombe Magufuli akiangalia ubora wa kiatu cha Mrakibu Msaidizi wa Magereza Melkior Komba, Katika Ikulu ya Chamwino mkoani Dodoma. Viatu hivyo vimetengenezwa na kiwanda cha Jeshi la Magereza Karanga kilichopo Moshi Mkoani Kilimanjaro.

Jeshi la Magereza linazalisha jozi 150 za viatu kwa siku katika kiwanda chake cha Karanga kilichopo Moshi Mkoani Kilimanjaro, na kwa kushirikiana na mfuko wa hifadhi ya jamii wa PPF limeanza kuboresha kiwanda hicho ili kufikia uzalishaji wa jozi 450 kwa siku.

PICHA NA IKULU

↧

Takukuru kumfikisha mahakamani Mwenyekiti wa Umoja wa Vijana wa CCM (UVCCM), Sadifa Juma Khamis

December 10, 2017, 9:38 pm

≫ Next: TANESCO Yawatoa Hofu Wateja Wake Juu Ya Mfumo Wa Ununuzi Wa Luku

≪ Previous: PICHA: Rais Magufuli Akiangalia Kiatu Kinachotengenezwa Na Kiwanda Cha Magereza Cha Karanga

Taasisi ya Kuzuia na Kupambana na Rushwa (Takukuru) Mkoa wa Dodoma imesema Mwenyekiti wa Umoja wa Vijana wa CCM (UVCCM), Sadifa Juma Khamis atafikishwa mahakamani leo.

Kamanda wa Takukuru mkoani Dodoma, Emma Kuhanga jana alisema Sadifa atafikishwa mahakamani leo Jumatatu Desemba 11,2017.

Alisema kiongozi huyo alikamatwa nyumbani kwake akiwapa soda wajumbe wa UVCCM kutoka Mkoa wa Kagera kitendo ambacho ni kinyume cha maadili.

UVCCM jana Jumapili Desemba 10,2017 ilichagua viongozi wapya wa ngazi ya Taifa watakaoongoza jumuiya hiyo ya CCM kwa kipindi cha miaka mitano.

Sadifa ambaye pia ni mbunge wa Donge, Zanzibar alikamatwa nyumbani kwake Mailimbili mjini Dodoma.

↧

TANESCO Yawatoa Hofu Wateja Wake Juu Ya Mfumo Wa Ununuzi Wa Luku

December 10, 2017, 9:47 pm

≫ Next: Jiji La Dar Es Salaam Lapata Tuzo Kupitia Mradi Wa Mabasi Yaendayo Haraka

≪ Previous: Takukuru kumfikisha mahakamani Mwenyekiti wa Umoja wa Vijana wa CCM (UVCCM), Sadifa Juma Khamis

Shirika la Umeme Tanzania Tanesco limewatoa hofu wateja wake juu ya mfumo wa ununuzi wa Umeme kwa njia ya luku na kusema kuwa kwa sasa upo sawa na wanaweza kununua

katika mifumo iliyozoeleka.

Akizungumza jana jijini Dar es Salaam Kaimu Meneja wa Teknolojia na Mawasiliano(TEHAMA) wa Tanesco, Demetruce Dashina alisema kuwa kulitokea tatizo dogo la mfumo wa ununuzi wa umeme kwa njia ya Luku kutokana na wataalamu wa shirika hilo walipokuwa wakihamisha mitambo hiyo kutoka ofisi ya Zamani kwenda sehemu nyingine.

“Jana tulikuwa tunafanya uhamisho wa mfumo wa luku kwenda katika ofisi zetu mpya hivyo ikawalazimu wateja wetu kupata usumbufu kidogo, lakini kuanzia saa saba(jana) mfumo huo umekaa sawa na wateja wanaweza kununua umeme kama walivyokuwa wanafanya hapo awali bila shida yoyote mara baada ya marekebisho ya kiufundi” alisema Dashina

Alisema kuwa shirika lilijipanga kuwahudumia wateja wake kama kawaida wakati wa kuhamisha mitambo hiyo lakini Wananchi wengi wakapata taharuki hivyo kufanya mfumo wa

ziada kuzidiwa kutokana na watu kununua umeme kuliko Kawaida.

Kwa upande wake Kaimu Meneja Uhusiano wa Tanesco Leila Muhaji aliwaomba radhi wananchi kwa usumbufu uliojitokeza na kuwasisitiza kuwa sasa wanaweza kununua katika mifumo iliyozoeleka.

Muhaji alisema kuwa Tanesco inatambua umuhimu wa umeme hivyo kuwataka watanzania kuwa na Imani na shirika lao kwani lipo kwa ajili ya kuwahudumia kama inavyohitajika.

↧

Latest Images