Waziri Mkuu akaribisha wawekezaji kutoka India.

July 10, 2016, 12:34 pm

≫ Next: VIDEO:Masanja Mkandamizaji amvisha pete mchumba wake.

≪ Previous: India na Tanzania zasaini mikataba ya miradi ya maendeleo.

TAARIFA KWA VYOMBO VYA HABARI

WAZIRI MKUU Kassim Majaliwa amesema Tanzania inahitaji wawekezaji kwenye mashamba makubwa ya kibiashara pamoja na viwanda vya usindikaji mazao ili iweze kuboresha uzalishaji nchini.

Waziri Mkuu ametoa kauli hiyo leo (Jumapili, Julai 10, 2016) wakati akifungua kongamano la siku moja la wafanyabiashara baina ya Tanzania na India lililofanyika kwenye ukumbi wa mikutano wa Benki Kuu jijini Dar es Salaam.

Akizungumza na waandishi wa habari mara baada ya kufungua kongamano hilo lililojumuisha wafanyabiashara 50 kutoka India ambao wameambatana na Waziri Mkuu wa India, Bw. Narendra Modi, Waziri Mkuu Majaliwa alisema Tanzania inayo fursa za uwekezaji kwenye sekta nyingi zikiwemo miundombinu, kilimo, utalii, viwanda na madini.

“Serikali ya awamu ya tano imedhamiria kujenga uchumi wa viwanda lakini pia imelenga kuzalisha malighafi za viwanda ambavyo tunahimiza vijengwe. Lakini pia tumewaita waje kuwekeza kwenye sekta za uvuvi na utalii kwani nazo bado hazijaendelezwa vya kutosha,” alisema.

“Tanzania inazo kilometa 1,424 za fukwe za bahari, pia ina kilometa za mraba 223,000 za eneo la kiuchumi la bahari kuu (EEZ) na kilometa za mraba 54,337 za mito, mabwawa na maziwa ambayo ni sawa na asilimia 6.1 ya eneo la nchi nzima. Kuna fursa nyingi kwenye uvuvi, usindikaji wa samaki na ufugaji wa samaki kwenye mabwawa,” amesema.

Amesema washiriki pia wamepata nafasi ya kusikia fursa za uwekezaji zilizoko upande wa Zanzibar na kwamba kupitia vituo vya uwekezaji TIC na ZIPA wanaweza kupata huduma zote palepale bila kuhangaika kwenye ofisi mbalimbali.

Mapema, akihutubia washiriki wa mkutano huo, Waziri Mkuu amesema kuna fursa nyingine nyingi za kuwekeza kwenye sekta ya mifugo hasa katika uanzishaji wa ranchi za mifugo, usindikaji wa maziwa na nyama, usindikaji wa ngozi na utengenezaji wa bidhaa za ngozi.

Hata hivyo, Waziri Mkuu alisema urari wa kibiashara baina ya Tanzania na India umeegemea upande mmoja ambapo India inauza zaidi bidhaa zake hapa nchini Tanzania inavyouza bidhaa zake India. “Ninaamini njia mojawapo ya kurekebisha hali hii ni kwa wafanyabiashara kutoka India kuamua kuwekeza kwa kiwango kikubwa hapa nchini,” aliongeza.

Mapema, akimkaribisha Waziri Mkuu kufungua mkutano huo, Waziri wa Viwanda na Biashara, Bw. Charles Mwijage alisema Tanzania inahitaji India kama ambavyo India inahitaji Tanzania katika kufanya biashara zake. “India inaongoza kwa kuuza bidhaa zake hapa nchini lakini pia ni miongoni mwa nchi 10 ambazo zinanunua kwa wingi bidhaa zake kutoka Tanzania,” alisema.

Naye, Rais wa Chama cha Wafanyabiashara na Wenye Viwanda wa India (Federation of Indian Chambers of Commerce and Industries - FICCI), Bw. Harshavardhan Neotia alisema biashara kati ya Tanzania na India inaendelea kukua na kwamba fursa zilizopo ni lazima zichangamkiwe mapema. “Fursa za kibiashara ni kama mawio ya jua, ukiendelea kusubiri sana unaweza usiyaone,” alisema.

Mkutano umejadili mada mbalimbali zikiwemo fursa za uwekezaji Tanzania bara na Zanzibar, fursa za uwekezaji kwenye maeneo ya kiuchumi, na uzoefu wa baadhi ya wafanyabiashara kutoka India walioko nchini.

(mwisho)

IMETOLEWA NA:

OFISI YA WAZIRI MKUU

2 MTAA WA MAGOGONI,

S. L. P. 3021,

11410 DAR ES SALAAM

JUMAPILI, JULAI 10, 2016.

↧

VIDEO:Masanja Mkandamizaji amvisha pete mchumba wake.

July 10, 2016, 8:52 pm

≫ Next: CCM Zanzibar Yahofia Kutapeliwa

≪ Previous: Waziri Mkuu akaribisha wawekezaji kutoka India.

Miongoni mwa vitu vinavyozungumzwa kwenye mitandao ya kijamii ni pamoja na picha zinazomuonyesha Masanja Mkandamizaji akimvisha pete msichana anaedaiwa kuwa mchumba wake,kwenye picha hizo Masanja na mchumba wake huyo wanaonekana wakiwa kanisani na baadhi ya waumini akiwemo Mc Pilipili na Emanuel Mbasha.

Hapo chini kuna video ambazo zimewekwa na Mc Pilipili zikionyesha mazingira halisi ya namna shughuli hiyo ilivyokuwa.

↧

CCM Zanzibar Yahofia Kutapeliwa

July 10, 2016, 9:03 pm

≫ Next: Mtoto wa miaka minne Auawa, atupwa kisimani

≪ Previous: VIDEO:Masanja Mkandamizaji amvisha pete mchumba wake.

CHAMA cha Mapinduzi (CCM) Zanzibar kimewataka viongozi na watendaji wa chama hicho kuhakikisha mikataba ya kibiashara wanayofunga inapitiwa na kuwashirikisha wanasheria ili kuepuka vitendo vya utapeli.

Kimesema kuwashirikisha wanasheria wakati wa kufunga mikataba ya aina mbali mbali ya kukodisha Mali za Chama hicho kutasaidia kumaliza kero na migogoro ya matumizi mabaya ya Rasilimali za CCM.

Hayo aliyasema Naibu Katibu Mkuu wa CCM Zanzibar, Vuai Ali Vuai katika mwendelezo wa ziara ya kukagua na kuhakiki mali za Chama hicho huko Nungwi Mkoa wa Kaskazini Unguja.

Alisema matatizo ya matumizi mabaya ya Mali za chama hicho yanayojitokeza katika maeneo nchini ni kutokana na baadhi ya viongozi na watendaji kufunga mikataba ama makubaliano na wafanyabiashara bila ya kuwashirikisha wanasheria ama kupata ushauri kutoka kwa viongozi wa ngazi za juu hali inayopelekea baadhi ya watu kutumia nafasi hiyo kujinufaisha wenyewe badala ya kuangalia maslahi ya CCM.

Vuai alieleza kwamba njia pekee ya kuziweka salama mali mbali mbali za chama hicho ni uwepo wa maridhiano na makubaliano yanayojali na kuzingatia matakwa ya kisheria.

“ Naendelea kusisitiza kwamba mali za CCM hazipo kwa ajili ya kuwanufaisha watu wachache, bali zipo kwa ajili ya kukinufaisha chama ambacho ni taasisi halali ya watu wengi na jambo lolote la umiliki wa Rasilimali zake lazima liendeshwe kwa misingi ya uwazi na usawa kupitia utaratibu halali wa kisheria.

Pia Mali zote kwa sasa ni lazima zitumike ipasavyo kwa mujibu wa matakwa ya sera ya CCM ya siasa kwenda sambamba na ukuaji wa uchumi ndani ya chama chetu.”, alisisitiza Vuai na kuongeza kuwa CCM kwa sasa inaendelea na mipango ya kuhakikisha Rasilimali zake zinatumika vizuri kuimarisha uchumi wa Chama hicho badala ya watu wachache wanaojimilikisha mali hizo kinyume na taratibu.

Alisema lengo la ziara hiyo ni kuhakiki mali za Chama hicho pamoja na kuwakumbusha Viongozi na Watendaji wa Chama na Jumuiya kwamba chombo pekee kinachomiliki mali zote ni Baraza la Wadhamini la Chama hicho hivyo hakuna chombo kingine tofauti na baraza hilo kinachoweza kutoa maamuzi ya kuuza mali za Chama.

Aliwaagiza Viongozi wa Mkoa huo kupitia upya mikataba yote waliyofunga na wafanyabiashara katika eneo linalomilikiwa na CCM ili kuhakikisha maslahi yanayopatikana yanaendana na mahitaji ya wakati uliopo sasa kibiashara.

Aliwasihi Wana CCM kuendelea na utamaduni wa kuwashirikisha viongozi wa ngazi mbali mbali za chama hicho pindi panapotokea kasoro za kiutendaji ili ziweze kutatuliwa kwa kufuata utaratibu wa kinanuni na kimaadili kwa lengo la kuepuka kauli na malalamiko yasiyofaa ndani ya Chama hicho.

Naibu Katibu Mkuu huyo alisema kazi iliyopo sasa mbele ya CCM ni kuendelea kujiimarisha kisiasa huku ikitekeleza ilani ya Uchaguzi ya Mwaka 2015/2020 kwa kasi na kwa ufanisi zaidi ili wananchi waendelee kuiunga mkono na hatimaye Chama hicho kiweze kuandika historia mpya ya ushindi wa mwaka 2020.

Alisema maeneo ya CCM yaliyopo Nungwi ni Rasilimali kubwa kwani yapo katika ukanda wa Utalii hivyo yanatakiwa kulindwa na kuangaliwa vizuri na wahusika yasije yakaangukiwa mikononi kwa watu ambalo ni matapeli na wapinga maendeleo na wakatumia fursa hiyo kupandikiza migogoro na mipasuko isiyokuwa ya lazima ndani ya Chama.

Pamoja na hayo alisema endapo uongozi wa Mkoa huo utahitaji msaada wa kisheria Afisi kuu ipo tayari kuwaunga mkono kwa kuwapa mwanasheria wake ili aweze kuwashauri na kuwaelekeza njia bora ya kufunga mikataba rasmi inayotambulikana kisheria.

Nao Viongozi wa Mkoa huo wameahidi kuzifanyia kazi kwa haraka changamoto zilizojitokeza katika maeneo yanayomilikiwa na chama hicho ili kwenda sambamba na matakwa ya sera ya ukuaji wa uchumi ya CCM.

Walisema licha ya CCM ndani ya mkoa huo kuendelea na harakati za kuimarisha shughuli za kisiasa, bado wana fursa ya kuhakikisha rasilimali za chama hicho hasa zilizopo katika maeneo ya uwekezaji katika sekta ya utalii zinakinufaisha chama badala ya watu wachache wanaojali maslahi binafsi.

↧

Mtoto wa miaka minne Auawa, atupwa kisimani

July 10, 2016, 9:11 pm

≫ Next: Jinsi Punyeto Inavyo Sababisha Ukosefu Na Upungufu Wa Nguvu za Kiume

≪ Previous: CCM Zanzibar Yahofia Kutapeliwa

Mtoto wa kike, Rahila Salim Ali (4) amekutwa amekufa huku mwili wake ukiwa umening’inizwa kisimani na vidole vya mikono vikiwa vimekatwa na mashavu kuchubuliwa.

Tukio hilo limetokea jana asubuhi, katika eneo Njiapanda, Mbagala, Temeke baada ya mtoto huyo kutoweka nyumbani siku nne zilizopita.

Akizungumzia tukio hilo, mama mzazi wa mtoto huyo, Raziah Ramadhani alisema binti yake alitoweka nyumbani saa tano asubuhi, wakati wakiwa pamoja wakitazama televisheni.

“Alitoka nje kama anaenda kucheza na wote hatukuwa na wasiwasi. Baada ya saa moja tulishtuka baada ya kutomuona, hivyo ikabidi tuanze kumtafuta,” alisema.

Alisema walitoa taarifa polisi na kwenye baadhi ya vyombo vya habari bila mafanikio hadi jana mwili wake ulipokutwa umening’inizwa kwenye kisima cha nyumba ya jirani yao.

“Nilipofika nilishangaa kuona nguo zake ni kavu na ana majeraha,” alisema.

Alisema kisima hicho kina tundu dogo ambalo huenda wauaji walijitahidi kuusukumiza mwili huo ili ionekane kama amefia humo ikashindikana.

Alisema mpaka juzi mchana, kilikuwa kikitumika na kuwa huenda mwili huo ulining’inizwa usiku wa kuamkia jana.

Baadhi ya majirani waliliomba jeshi la polisi kufanya uchunguzi wa kina na kuwachukulia hatua watu ambao wamekuwa wakijihusisha na vitendo vya ukatili dhidi ya watoto.

Kamanda wa Polisi Temeke, Andrew Satta alisema wanaendelea na uchunguzi:“Taarifa zilizopo ni kwamba amekufa maji lakini kwa hayo mazingira mengine tunaendelea kufanya uchunguzi zaidi.”

↧

Jinsi Punyeto Inavyo Sababisha Ukosefu Na Upungufu Wa Nguvu za Kiume

July 10, 2016, 10:23 pm

≫ Next: Wasimamishwa kazi baada ya mama kujifungua kwenye korido

≪ Previous: Mtoto wa miaka minne Auawa, atupwa kisimani

Ukosefu na/ama upungufu wa nguvu za kiume, ni tatizo linalo wakabili mamilioni ya wanaume duniani. Zipo sababu nyingi zinazo sababisha tatizo la ukosefu wa nguvu za kiume.

Miongoni mwa sababu hizo ni pamoja na maradhi kisukari, presha,shinikizo la damu, moyo, figo, matatizo kwenye mishipa ya ubongo & mishipa ya uti wa mgongo, matatizo kwenye mishipa itumikayo kusafrisha damu mwilini, maradhi ya ngiri, pamoja na upigaji punyeto kwa muda mrefu.

Katika makala yetu ya leo, tutaangalia namna suala la upigaji punyeto linavyo athiri nguvu za kiume.

Kabla hatujaangalia namna suala la upigaji punyeto linavyo maliza nguvu za kiume, ni vyema tukafahamu kwanza kuhusu SAYANSI YA MFUMO WA NGUVU ZA KIUME.

Kufahamu kuhusu SAYANSI YA MFUMO WA NGUVU ZA KIUME tafadhali tembelea :

http://neemaherbalist.blogspot.com/2015/07/uhusiano-kati-ya-damu-na-tatizo-la.html

Ukisoma vizuri kuhusu mfumo wa nguvu za kiume, utagundua kuwa Suala la nguvu za kiume ni suala la kimfumo. Ili mwanaume awe na nguvu za kiume, aendelee kuwa na nguvu za kiume na azilinde nguvu zake za kiume, ni lazima ogani zote zinazo husika na mfumo wa nguvu za kiume ziwe na afya njema na ziwe na ushirikiano thabiti na wenye afya.

Vile vile , utagundua kuwa , mambo makuu muhimu katika mfumo wa nguvu za kiume ni kama ifuatavyo:

i.Mishipa imara ya ubongo na yenye afya njema

ii. Mishipa imara ya uti wa mgongo ( spinal cords )

iii.Mishipa imara itumikayo kusafirisha damu mwilini ( Blood Vessels )

iv. Mfumo imara wa usafirishaji damu mwilini

v. Mishipa ya uume iliyo imara na yenye afya njema

vi. Uhusiano imara na wenye afya kati ya mishipa ya fahamu iliyopo katika ubongo, mishipa ya kwenye uti wa mgongo pamoja na misuli & mishipa ya kwenye uume.

Hivyo basi, ili mwanaume aweze kuwa na nguvu imara za kiume, na aendelee kuwa na nguvu hizo ni lazima mambo yote muhimu katika mfumo wa nguvu za kiume yawe imara pasi na hitilafu yoyote.

Hitilafu yoyote katika mambo hayo, itasababisha ukosefu na/ama upungufu wa nguvu za kiume kwa mwanaume huyo. Pale inapotokea hitilafu ama mapungufu katika ogani zaidi ya moja kati ya zilizo tajwa hapo juu, basi tatizo kwa muhusika huwa kubwa mara dufu.

JINSI PUNYETO INAVYO SABABISHA TATIZO LA UKOSEFU & UPUNGUFU WA NGUVU ZA KIUME.

Mwanaume anapopatwa na wazo la kufanya tendo la ndoa, ubongo hutoa ishara kwenye mishipa ya uti wa mgongo ambayo nayo husafirisha taarifa hadi kwenye mishipa & misuli ya uume.

Mishipa ya uume inapopokea taarifa hiyo, hutanuka. Na mishipa ya uume inapotanuka, hufanya mambo mawili muhimu sana :

i.Husababisha mishipa ya ateri kupanuka na hivyo kuruhusu damu kuingia kwa kasi sana ndani ya mishipa ya uume na hivyo kuufanya uume usimame na kuwa imara bara bara.

ii. Huibinya na kuiziba mishipa ya vena na hivyo kuzuia kunyonya ama kufyonza damu iliyo ingia ndani ya mishipa ya uume. ( KAZI KUBWA YA MISHIPA YA VENA ILIYO KARIBU NA MISHIPA YA UUME NI KUHAKIKISHA HAKUNA DAMU NDANI YA MISHIPA YA UUME. HIVYO BASI DAMU INAPOINGIA NDANI YA MISHIPA YA UUME, MISHIPA YA VENA HU “SENSE” JAMBO HILO KWA HARAKA NA HIVYO KUIFYONZA DAMU HIYO KUTOKA KWENYE MISHIPA YA UUME YA KUITOA NJE YA MISHIPA YA UUME. NA DAMU INAPOKOSEKANA NDANI YA MISHIPA YA UUME, HUUFANYA UUME KUSINYAA NA KULEGEA )

Mtu anayepiga punyeto husababisha mambo yafuatayo katika mwili wake :

1. Huuwa nguvu ya mishipa & misuli ya uume ambayo ndio inayo husika na kusimama kwa uume

2. Mishipa ya uume inapo sinyaa na kukosa nguvu yake ya asili, husababisha mambo yafuatayo :

i.Huondoa uwezo wa mishipa & misuli ya uume kutanuka, na hii ndio sababu inayo wafanya waathirika wa punyeto kutumia nguvu nyingi sana katika kuufanya uume usimame.

ii.Huondoa uwezo wa mishipa & misuli ya uume kuibana na kuiziba mishipa ya vena, na hii ndio sababu inayo fanya waathirika wa punyeto kufika kileleni haraka sana, kwani damu inayo ingia kwenye misuli ya uume hufyonzwa ndani ya muda mfupi sana.

Hii hutokea kwa sababu mishipa na misuli ya uume inakuwa imelegea,na mishipa ya vena inakuwa imepwaya, hivyo msuguano wowote ule hufanya mishipa ya vena kufunguka na kufyonza damu kutoka kwenye mishipa ya uume na hivyo kuufanya uume kusinyaa ndani ya dakika ama sekunde chache sana.

3. Vile vile punyeto hufanya uume kusinyaa na kurudi ndani na kuufanya uonekane kama uume wa motto mdogo.

Kwa ufupi punyeto husababisha ukosefu wa nguvu za kiume kwa sababu kuu zifuatazo :

i.Kwanza hudhoofisha na kuharibu mishipa ya uume, ambayo ndio hufanya uume kusimama.

ii.Pili hudhoofisha utendaji kazi wa mishipa ya ateri, ambayo ndio hutumika kama njia ya kusafirisha damu kupeleka kwenye misuli ya uume na ivyo kuufanya uume usimame

iii. Tatu, punyeto hupelekea kuvuja kwa mishipa ya vena na hivyo kusababisha damu kufyonzwa kwa haraka sana kila iingiapo ndani ya misuli ya uume na matokeo yake ni uume kusimama kwa muda mfupi sana wakati wa tendo la ndoa.

iv. Punyeto huathiri mtiririko wa damu kwenda kwenye mishipa ya uume, kwa sababu hudhoofisha misuli & mishipa ya uume pamoja na mishipa ya ateri ambayo ndio hutumika katika kusafirisha damu kwenda kwenye uume

DALILI ZA MTU ALIYE ATHIRIWA NA PUNYETO

Dalili kuu za mtu aliye athiriwa na punyeto ni kama ifuatavyo:

i. Uume kusinyaa na kuwa kama wa mtoto

ii. Uume kurudi ndani

iii. Uume kusimama ukiwa legelege

iv. Kufika kileleni haraka wakati wa tendo la ndoa.

TIBA YA NGUVU ZA KIUME KWA MTU ALIYE ATHIRIKA NA PUNYETO.

Dawa asilia ya nguvu za kiume iitwayo JIKO ni tiba bora na ya uhakika kabisa kwa mtu aliye athiriwa na punyeto. Dawa hii, pamoja na mambo mengine mengi, husaidia kufanya mambio yafuatayo katika mwili wa mwanaume aliye athiriwa na punyeto :

i.Kuimarisha mishipa & misuli ya uume ulio legea na hivyo kuurejeshea uwezo wake wa asili

ii. Hutibu tatizo la uume kurudi ndani

iii.Humaliza tatizo la kusimama kwa uume ukiwa legelege

iv.Hutibu na kuponya kabisa tatizo la kufika kieleleni haraka.

BEI YA DAWA : Dawa hii inapatikana kwa gharama ya SHILINGI ELFU THEMANINI TU (Tsh. 80,000/=)

MAHALI INAPOPATIKANA : Dawa hii inapatikana katika duka la dawa asilia liitwalo NEEMA HERBALIST & NUTRITIONAL FOODS CLINIC lililopo jijini DAR ES SALAAM katika eneo la UBUNGO nyuma ya jengo la UBUNGO PLAZA karibu na SHULE YA MSINGI UBUNGO NATIONAL HOUSING.

Kwa wateja wasio weza kufika ofisini kwetu. Watafikishiwa dawa mahali popote walipo jijini DAR ES SALAAM.

Kwa wateja waliopo mikoani watatumiwa dawa kwa njia ya MABASI

Kwa wateja waliopo Zanzibar wata fikishiwa dawa kwa njia ya usafiri wa boti.

Na kwa wateja waliopo UGHAIBUNI watatumiwa dawa kwa njia ya POSTA ama DHL.

MAWASILIANO : WASILIANA NASI KWA SIMU NAMBA 0766 53 83 84.

Kwa taarifa zaidi kuhusu huduma zetu, tutembelee kila siku kwenye blogu yetu :

www.neemaherbalist.blogspot.com

↧

Wasimamishwa kazi baada ya mama kujifungua kwenye korido

July 10, 2016, 9:33 pm

≫ Next: Naibu Spika wa Bunge, Dk Tulia Akson Asema Kura za Wabunge wa UKAWA Hazitoshi Kumvua Madaraka ya Unaibu Spika

≪ Previous: Jinsi Punyeto Inavyo Sababisha Ukosefu Na Upungufu Wa Nguvu za Kiume

Siku chache baada ya vyombo vya habari kuripoti mjamzito kujifungulia kwenye korido ya Kituo cha Afya Lyabukande, Shinyanga kwa kukosa huduma, uongozi wa Halmashauri ya Shinyanga umewasimamisha kazi watumishi wawili wa kituo hicho kwa tuhuma za uzembe.

Mkurugenzi Mtendaji wa Halmashauri hiyo, Kiomoni Kibamba ambaye kwa sasa ameteuliwa kuwa Mkurugenzi wa Jiji la Mwanza, jana aliwataja waliosimamishwa kuwa ni pamoja na muuguzi msaidizi wa kituo hicho, Zulfa Mussa na mhudumu katika maabara, Peter Mazengo.

Kibamba alisema wamewasimamisha kazi na kufunguliwa mashtaka ya kukiuka maadili ya utumishi huku wakipewa siku 14 kujibu kwa utaratibu wa ajira ya utumishi.

“Baada ya hapo tunasubiri baraza la madiwani ndilo litatoa uamuzi juu yao.”

Alisema wakati tukio hilo linatokea, watumishi hao walikuwa zamu na kushindwa kumsaidia mjamzito huyo na kitendo hicho kilibainika kuwa cha makusudi na uzembe wa wazi.

“Awamu hii ya tano ni awamu nyepesi kwa kufanya kazi sababu imenyooka na iko wazi. Mtu anayeona hawezi kwenda na kasi atupishe ili wabaki wanaoweza kutekeleza majukumu yao kwa kufuata kanuni, taratibu na sheria za nchi na nilishasema mara kwa mara suala hili,” alisema Kibamba.

Kamati iliyoteuliwa kuchunguza jambo hilo, ikiongozwa na Mganga Mkuu wa Wilaya ya Shinyanga, Dk Athuman Pembe ilibaini kuwa baada ya mjamzito huyo kujifungua kwenye korido, watumishi ambao hawakuwapo bali walipata taarifa na kufika kumhudumia mtoto ambaye ana afya nzuri na baada ya muda aliruhusiwa kurudi nyumbani.

Ilivyotokea

Tukio la mjamzito huo, Margareth Charles (22), mkazi wa Kijiji cha Kizungungu lilitokea Julai 2 baada ya kuelezwa na mtaalamu wa maabara kuwa hakuna huduma waende sehemu nyingine, lakini mama huyo alishindwa kutokana na uchungu.

Mtendaji wa Kata ya Lyabukande, Julius Lugende alisema wananchi wamekuwa wakikilalamikia kituo hicho kwa muda mrefu na ilifikia wakati waliandamana kuwakataa watumishi waliopo kutokana na wajawazito kunyanyasika na kujifungua bila usaidizi.

↧

Naibu Spika wa Bunge, Dk Tulia Akson Asema Kura za Wabunge wa UKAWA Hazitoshi Kumvua Madaraka ya Unaibu Spika

July 10, 2016, 9:52 pm

≫ Next: Lori lakwepa magari manne, lagonga mengine manne na kuua watu wanne

≪ Previous: Wasimamishwa kazi baada ya mama kujifungua kwenye korido

Naibu Spika wa Bunge, Dk Tulia Akson amesema hoja ya wabunge wa Ukawa kutaka aenguliwe kwenye wadhifa huo inafanyiwa kazi na Kamati ya Haki, Maadili na Madaraka ya Bunge ambayo iwapo itaridhia, itarejeshwa bungeni kupigiwa kura ambazo hata hivyo, hazitatosha kwa uchache wao.

Dk Tulia alisema hayo jana wakati akihojiwa na Tido Mhando katika kipindi cha Funguka kinachorushwa na Azam TV.

“Hoja ikishakuja bungeni hapo sasa huwa ni kampeni na baadaye kupigiwa kura. Kwa kuwa waliopeleka hoja ni wabunge wa upinzani, hivyo wanatakiwa kufikisha idadi fulani ambayo kiuhalisia wao kwa sasa hawana,” alisema.

Kwa karibu mwezi mzima kwenye Bunge la Bajeti, wabunge wa Ukawa walimsusia Dk Tulia na walikuwa wakitoka bungeni kila alipoingia, tayari wameanzisha mchakato wa kumuondoa madarakani kwa madai kuwa hawatendei haki na anaminya demokrasia ndani ya Bunge.

Dk Tulia alisema Katiba inatambua kwamba kiongozi aliyechaguliwa anaweza kuondolewa madarakani na wale waliomchagua, hivyo wabunge wa upinzani wametumia haki yao ya msingi na kinachosubiriwa ni hoja yao kufanyiwa kazi.

“Kanuni imeweka wazi na msingi ule umejengwa kwenye Katiba kwa sababu inatambua wale waliomchagua kiongozi wasiporidhika naye wanaweza kumuondoa madarakani. Nafarijika kuona wanachukua hatua, hivyo mimi sina malumbano nao,” alisema.

Hakuna maridhiano

Dk Tulia alisema hakuna maridhiano yanayotakiwa baina yake na wabunge wa Ukawa kwa kuwa hana malumbano nao, bali kanuni na taratibu zinafuatwa kufanikisha hoja yao ya kumuondoa madarakani.

Naibu Spika huyo alisema maridhiano huwapo baina ya watu wanaolumbana na kwamba, baina yao hakutakuwa na suala hilo.

↧

Lori lakwepa magari manne, lagonga mengine manne na kuua watu wanne

July 10, 2016, 10:20 pm

≫ Next: Mwenyekiti wa Chadema, Freeman Mbowe Awazuia Vijana wa Chadema ( BAVICHA ) Kwenda Dodoma Kuzuia Mkutano wa CCM

≪ Previous: Naibu Spika wa Bunge, Dk Tulia Akson Asema Kura za Wabunge wa UKAWA Hazitoshi Kumvua Madaraka ya Unaibu Spika

Licha ya lori lililokosa breki katika Mlima Iwambi nje kidogo ya Jiji la Mbeya, kuyakwepa magari manne, limeyagonga mengine manne na kusababisha vifo vya watu wanne na majeruhi 22.

Ajali hiyo ilitokea juzi usiku katika mji mdogo wa Mbalizi, Barabara Kuu ya Mbeya - Tunduma, ambako lori hilo liligonga basi aina ya Toyota Coaster na magari madogo matatu.

Katika tukio hilo, watu watatu walifariki muda mfupi baada ya kufikishwa Hospitali Teule ya Ifisi na hadi tunakwenda mitamboni walikuwa hawajatambuliwa, huku mwingine aliyetambuliwa kwa jina Philip Cheyo (39) akifariki jana asubuhi katika Hospitali ya Rufaa ya Mbeya.

Muuguzi Mkuu wa Hospitali ya Ifisi, Elimate Sanga alisema walipokea miili ya watu watatu na majeruhi 22 wakiwamo sita waliohamishiwa Hospitali ya Rufaa ya Mbeya kutokana na hali zao kuwa mbaya. Sanga alisema hadi jana asubuhi, ali- kuwa na wagonjwa 12 waliolazwa.

Ofisa Muuguzi Msaidizi wa Hospitali ya Rufaa, Lucy Elias alisema Cheyo ambaye alikuwa mmoja wa majeruhi sita, alifariki jana asubuhi akiwa chumba cha wagonjwa wanaohitaji uangalizi maalumu (ICU).

Kamanda wa Polisi Mkoa wa Mbeya, Dhahiri Kidavashari alisema wanachunguza chanzo cha ajali hiyo ingawa taarifa za awali zinaonyesha kuwa lori lilifeli breki wakati likiteremka mlima huo.

Akisimulia tukio hilo, kondakta wa lori hilo, Wilberd Joseph akiwa wodi ya nne ya Ifisi alisema lilianza kuongeza mwendo wakati wakianza kuteremka mlima huo na ndipo dereva akalalamika halina breki.

“Nilisikia dereva ananiambia, tuombe Mungu, breki zimegoma kabisa, ndipo lori likazidi kuchanganya na dereva alijitahidi kuyakwepa magari zaidi ya manne hivi, lakini tulipoingia mjini kabisa (Mbalizi), kulikuwa na (basi dogo) Hiace ikitokea upande wa kushoto kuingia barabara kuu, alipolikwepa tela likagonga basi jingine aina ya Coaster lililokuwa limesimama upande wa kulia,” alisema kondakta huyo.

Alisema baada ya kugonga basi hilo lililokuwa likitokea Tunduma kwenda Mbeya, pia liligonga magari mengine yaliyokuwa nyuma ya Coaster hiyo.

Mmoja wa majeruhi wa basi hilo, Isack Mwaipaja aliyelazwa katika Hospitali ya Ifisi, alisema walipofika Mbalizi dereva wao hakutaka kuingia stendi na aliamua kuteremsha abiria pembeni mwa barabara kuu ndipo ghafla wakasikia kishindo.

“Bila kujua kinachoendelea nikajiona nimelowa usoni, kupangusa hivi nikaona damu inavunja usoni, kumbe ni lori lilikuwa limetugonga ubavuni na wale waliokuwa nyuma ya basi ndiyo walioumia sana kwani tela lote liliishia huko,” alisema.

↧

Mwenyekiti wa Chadema, Freeman Mbowe Awazuia Vijana wa Chadema ( BAVICHA ) Kwenda Dodoma Kuzuia Mkutano wa CCM

July 10, 2016, 10:26 pm

≫ Next: Makamu wa Rais Mh. Samia Suluhu Hassan awataka wanawake kukabiliana na mabadiliko ya tabia nchi

≪ Previous: Lori lakwepa magari manne, lagonga mengine manne na kuua watu wanne

Mwenyekiti wa Chadema, Freeman Mbowe ametangaza kusitisha mpango wa vijana wa chama hicho kwenda Dodoma kuzuia Mkutano Mkuu wa CCM ili kuepusha maafa ambayo yanaweza kutokea. Badala yake, Mbowe amesema wataendelea kusaka haki ya kufanya mikutano ndani na nje ya nchi.

Sambamba na uamuzi huo, chama hicho kimetaka viongozi sita wa Baraza la Vijana (Bavicha) wanaoshikiliwa na Jeshi la Polisi kuachiwa mara moja.

Mbowe alitoa tamko hilo jana wakati akizungumza na wanahabari jijini Arusha, katika mkutano wa mameya na wenyeviti wa halmashauri 18 zinazoongozwa na Umoja wa Katiba ya wananchi (Ukawa).

Sababu za kusitisha
Mbowe alisema wamewataka vijana wa Chadema nchi nzima ambao walianza kujiandaa kwenda Dodoma kuisaidia polisi kuzuia mkutano huo wa Julai 23 kutokwenda kwa sababu polisi wamepewa maagizo ya kuwapiga na kuwajeruhi, hivyo wao hawataki kupambana nao.

“Nawataka vijana wote wa Chadema waliokuwa wanajiandaa kwenda Dodoma wasitishe na wasubiri maelekezo mapya ya Chadema,” alisema Mbowe.

Mbowe ambaye pia ni Kiongozi wa Kambi Rasmi ya Upinzani Bungeni alisema wana taarifa Jeshi la Polisi limejipanga kuwanyima dhamana viongozi wa Bavicha hadi baada ya mkutano wa CCM, ingawa viongozi wote wa chama hicho hawana hofu ya kukaa mahabusu.

Aliwataka vijana hao kutokwenda Dodoma na wawaache CCM waendelee na mkutano wao kwa kuwa Chadema haina hofu na mkutano wa chama hicho, bali walitaka dunia ione jinsi polisi wanavyofanya kazi kwa maelezo ambayo yanakiuka Sheria ya Vyama vya Siasa na Katiba ya nchi.

“Wakati sisi tunazuiwa kufanya siasa, Rais anafanya siasa, Waziri Mkuu anafanya siasa, mawaziri wanafanya siasa, wakuu wa mikoa na wilaya wanafanya siasa jambo ambalo si sahihi,” alisema.

Alisema lengo la Bavicha kwenda Dodoma ni kuchoshwa na uonevu wa kuzuiwa kufanya mikutano ya ndani na hadhara wakati CCM wanaendelea na mikutano yao.

“Waliona pengine itakuwa busara washinikize polisi kuona maagizo yao ya kuzuiwa mikutano yanatekelezwa kwa wote,” alisema.

Alilitaka jeshi la polisi kufanya kazi kwa kufuata taratibu kwa kutoa haki sawa kwa wote, kwa kuruhusu vyama vyote kufanya mikutano yao.

Apinga tamko la Mwigulu
Kuhusu tamko la Waziri wa Mambo ya Ndani, Mwigulu Nchemba kuhusu mikutano hiyo, Mbowe alisema hawakulielewa tamko hilo la Rais, kuwa mikutano ambayo imezuiwa ni ya hadhara na maandamano na si ya ndani.

Alisema mikutano ya ndani ya chama hicho imezuiwa kwani Chadema Wilaya ya Kahama walikuwa na mkutano wa ndani wa uchaguzi ambao umezuiwa.

Alisema mkutano wa ndani na wabunge wa Chadema mkoani Shinyanga ulizuiwa na pia mahafali za Vijana wa Vyuo Vikuu wa Chadema (Chaso).

“Lakini wakati haya yanafanyika, CCM waliendelea na mikutano yao na mahafali yao,” alisema.

Alisema Chadema itaendelea kudai haki ya mikutano na maandamano katika mahakama za ndani na nje ikiwamo ya Afrika ya Mashariki.

Viongozi wa madiwani
Katika mkutano wa wenyeviti wa halmashauri 18 zinazoongozwa na Chadema, Mbowe alisema Calist Lazaro, Meya wa jiji la Arusha amechaguliwa kuwa mwenyekiti wa wenyeviti wa madiwani wa Chadema nchini.

Meya wa Kinondoni, Boniface Jacob alichaguliwa kuwa katibu wa madiwani wote wa chama hicho na Mwenyekiti wa Halmashauri ya Tarime, Moses Matiku alichaguliwa kuwa mnadhimu wao. Wote hao watakuwa wajumbe wa Kamati Kuu Chadema.

Katibu Mkuu wa Chadema, Dk Vincent Mashinji alisema katika mkutano huo wenyeviti hao wamepatiwa elimu juu kuongoza vyema halmashauri zao ili kuchochea maendeleo.

“Siku mbili za mkutano huu tumekaa na kuweka mikakati bora ya kuhakikisha halmashauri zinazoongozwa na upinzani zinafanya vizuri,” alisema.

↧

Makamu wa Rais Mh. Samia Suluhu Hassan awataka wanawake kukabiliana na mabadiliko ya tabia nchi

July 11, 2016, 6:33 am

≫ Next: Daraja la Nyerere limezikusanya hizi Bilioni kupitia tozo mpaka sasa hivi

≪ Previous: Mwenyekiti wa Chadema, Freeman Mbowe Awazuia Vijana wa Chadema ( BAVICHA ) Kwenda Dodoma Kuzuia Mkutano wa CCM

Makamu wa Rais wa Jamhuri ya Muungano wa Tanzania Mh. Samia Suluhu Hassan amesema ukuosefu wa fedha, taarifa pamoja na ujuzi wa kukabiliana na mabadiliko ya tabia nchi ni vikwazo vinavyoendelea kuongeza umaskini nchini ambapo wanawake ndio waathirika wakubwa.

Mama Samia aliyasema hayo jijini Dar es Salaam alipokuwa akizindua mradi wa Green Voices ambao unakusudia kuwasaidia wanawake katika kupambana na mabadiliko ya tabia nchi ambapo wamegeuza changamoto kuwa fursa.

“Wote tumeshuhudia jinsi Bara la Afrika linavyopoteza mabilioni ya shilingi kila mwaka kutokana na mabadiliko ya tabia nchi”. Alisema Mama Samia.

Awali Rais wa Mfuko wa Wanawake Afrika Mama Maria Terezo la Vega Fernandes alisema atahakikisha anatimiza dhamira yake ya kuendelea kuwasaidia wanawake wa Tanzania na Afrika katika maeneo ya kilimo, afya, Amani na haki za binadamu.

“ Miradi ya Green Voices imeanzishwa katika nchi mbalimbali duniani kwa lengo la kuwawezesha wanawake kujikwamua kiuchumi na kujiletea maendeleo yao”. Alsema Mama Tereza.

Naye mjumbe wa Bodi ya ushauri wa mradi huo Balozi Getrude Mongela alimpongeza mama Tereza kwa juhudi zake za kuwaunganisha wanawake katika kuleta maendeleo na ukombozi wao kwa ujumla.

“Mradi wa Green Voices umenikumbusha maazimio ya mkutano wa Reo De Jenairo uliofanyika mwaka 1992, mkutano wa Cairo na Beijing ambayo ilizingatia ushirikishwaji wa wanawake katika suala zima la mazingira”. Alisema Balozi Mongela.

Naye mratibu wa mradi huo nchini Bi.Sechelela Balisydia amesema wanawake 15 kutoka Tanzania walipata mafunzo ya jinsi ya kukabiliana na mabadiliko ya tabia nchi na uongozi nchini Spain.

Aliongeza kuwa baada ya mafunzo hayo wameweza kutoa kutoa mafunzo kwa wenzao 250 kwa kuwashirikisha katika miradi ya ufugaji nyuki, mitambo ya kukaushia mboga inayotumia nishati ya jua na kilimo cha uyoga.

Miradi hiyo ipo katika mikoa ya Dar es Salaam, Pwani, Kigoma, Mwanza, Morogoro na Kilimanjaro ambapo mradi huo mpaka sasa umetimiza mwaka mmoja

↧

Daraja la Nyerere limezikusanya hizi Bilioni kupitia tozo mpaka sasa hivi

July 11, 2016, 6:45 am

≫ Next: Daktari feki akamatwa katika chumba cha wagonjwa mahututi hospitali ya Rufaa Morogoro

≪ Previous: Makamu wa Rais Mh. Samia Suluhu Hassan awataka wanawake kukabiliana na mabadiliko ya tabia nchi

Mkurugenzi Mkuu wa Mfuko wa Hifadhi ya Jamii ‘NSSF’ Prof. Godius Kahyarara ameeleza mapato yaliyopatikana kwenye daraja la Nyerere tangu lilipofunguliwa rasmi May 14 2016.

Prof Kahyarara amesema jumla ya shilingi bilioni 1.3 zimekusanywa kutoka Daraja hilo lililopo Kigamboni jijini Dar es Salaam kupitia tozo mbalimbali zinazolipwa na vyombo vya usafiri vinavyopita darajani hapo.

Prof. Kahyarara ameongeza kuwa fedha hizo zimekusanywa kupitia tozo za magari yakiwemo magari binafsi, magari ya abiria, magari ya mizigo, pikipiki na bajaji zinazopita darajani hapo kila siku.

Kwa upande wake Msimamizi wa Mradi wa Daraja la Nyerere, Bw. Gerald Sondo alisema kuwa Serikali kwa kushirikiana na uongozi wa daraja wana mpango wa kuboresha huduma za malipo ili watumiaji wa daraja hilo waweze kulipa tozo kwa kutumia kadi za kielektroniki………

“Hivi karibuni tunatarajia kuanzisha mfumo wa malipo kwa kutumia kadi za kielektroniki ambapo madereva wa vyombo vya usafiri watakuwa wanatumia kulipa tozo pindi wanapopita darajani”

Aidha alisema kuwa kwa sasa idadi ya magari, pikipiki na bajaji zinazopita darajani hapo ni kati ya elfu 8 hadi elfu 10 kwa siku na wanalipa tozo kulingana na aina ya chombo cha usafiri.

Akieleza kuhusu usalama wa daraja na watumiaji wake, Sondo alisema kuwa ulinzi ni wa uhakika kwa saa 24 kila siku kwani kuna askari wa kutosha pamoja na kamera zinazosaidia zoezi hilo pia kuwa wanaandaa kanuni za matumizi ya daraja ikiwemo faini za uharibifu, uchafuzi wa mazingira, matumizi mabaya ya njia na lugha za matusi.

↧

Daktari feki akamatwa katika chumba cha wagonjwa mahututi hospitali ya Rufaa Morogoro

July 11, 2016, 7:06 am

≫ Next: Jeshi La Polisi Lakamata Vipande Vya Meno Ya Tembo 666 Vyenye Thamani Ya Zaidi Ya Sh.bilioni Nne.

≪ Previous: Daraja la Nyerere limezikusanya hizi Bilioni kupitia tozo mpaka sasa hivi

Jeshi la Polisi mkoani Morogoro linamshikilia mtu mmoja aliyefahamika kwa jina la Zakaria Benjamini mkazi wa Tungi Manispaa ya Morogoro baada ya kuingia hospitali ya rufaa kwa nia ya kufanya utapeli na kutaka kutoa huduma kwa wagonjwa waliolazwa hospitalini hapo.

Akizungumza na waandishi wa habari Kamanda wa jeshi hilo Ulrich Matei amesema mtu huyo ameshikiliwa na jeshi hilo kufuatia tuhuma zinazo mkabili na mara baada ya kubaini ukweli wa jambo hilo atafikishwa mahakamani kujibu tuhuma hizo.

↧

Jeshi La Polisi Lakamata Vipande Vya Meno Ya Tembo 666 Vyenye Thamani Ya Zaidi Ya Sh.bilioni Nne.

July 11, 2016, 9:58 am

≫ Next: Habari Zilizopo Katika Magazeti ya Leo Jumanne ya July 12

≪ Previous: Daktari feki akamatwa katika chumba cha wagonjwa mahututi hospitali ya Rufaa Morogoro

JESHI la Polisi nchini kwa kishirikiana na Ofisi za Interpol Kanda ya Kusini Mwa Afrika imefanya operesheni na kukamata vipande vya meno ya Tembo 666 vyenye uzito wa Kilogram 1279.19 vyenye thamani zaidi ya Sh. Biloni Nne.

Hayo yamesemwa na Mkurugenzi wa Upelelezi wa Makosa ya Jinai, Kamishna wa Jeshi la Polisi (CP), Diwani Athuman wakati akizungumza na waandishi wa habari jijini Dar es Salaam leo.Amesema kuwa vipande hivyo vya tembo vimehusisha watu tisa kati yao mmoja ni Raia wa Guinea na mwingine ni Raia wa Uganda.

Amesema kuwa katika operesheni Usalama III wameweza kukamata vitu mbalimbali kutokana na taarifa za kiitelijensia zilizokusanywa wakati wa matayarisho ya operesheni ya Usalama III, ambapo waliweza kukamata mitambo 18 ya kutengenezea gongo pamoja na lita za gongo 960 zimekamatwa.

Athuman amesema katika Operesheni hiyo wameweza kukamata watuhumiwa 265 ambapo baada ya uchunguzi watakaobainika kuhusika na vitendo vya kihalifu watafikishwa mahakamani mara moja

Kamishina Othman amesema ametoa rai kwa wanunuzi wa magari nje ya nchi kuwasiliana na ofisi za Interpol za ndani au nje ya nchi magari yanakotoka kwa uchunguzi kabla ya kuyanunua ili kuondoa usumbufu wa kukamatwa mara kwa mara katika operesheni kama hizi.

Amesema kutokana na operesheni hiyo jeshi la polisi halitakubali kuona kundi la watu wachache linalotishia usalama wa maisha ya raia wema na mali zao na wataobainika kufanya hivyo watachukuliwa hatua za kisheria bila kusita.

↧

Habari Zilizopo Katika Magazeti ya Leo Jumanne ya July 12

July 11, 2016, 9:25 pm

≫ Next: Waziri wa Fedha Dr Philip Mpango Akemea Wanaopotosha Taarifa za Kodi ya Ongezeko la Thamani (VAT) katika huduma za utalii

≪ Previous: Jeshi La Polisi Lakamata Vipande Vya Meno Ya Tembo 666 Vyenye Thamani Ya Zaidi Ya Sh.bilioni Nne.

↧

Waziri wa Fedha Dr Philip Mpango Akemea Wanaopotosha Taarifa za Kodi ya Ongezeko la Thamani (VAT) katika huduma za utalii

July 11, 2016, 9:32 pm

≫ Next: Wauaji 30 wa Albino na Vikongwe Kunyongwa

≪ Previous: Habari Zilizopo Katika Magazeti ya Leo Jumanne ya July 12

WAZIRI wa Fedha na Mipango, Dk Philip Mpango, amekemea wanaopotosha taarifa za Kodi ya Ongezeko la Thamani (VAT) katika huduma za utalii.

Amesema kodi hiyo iliwekwa miaka miwili iliyopita; na serikali haina sababu ya kuwaongezea wananchi mzigo huo.

“Hata hao wanaosema utalii umepungua kwa sababu ya kodi hiyo, watoe hizo takwimu tuzione, watalii wanaangalia vitu vingi ikiwemo vivutio, usalama, amani, magonjwa. Wasiotaka kulipa kodi wanawachanganya tu wananchi...tunasisitiza kila mwananchi kulipa kodi. Tunachotaka sisi ni Taifa lifaidike na rasilimali ambazo Mungu ametupatia,” alisema Waziri Mpango.

Dk Mpango alisema hayo jana mjini Morogoro, wakati wa ufunguzi wa kikao cha kazi cha wakaguzi wa ndani wa wizara, idara, wakala, sekretarieti za mikoa na mamlaka za Serikali za Mitaa, iliyofadhiliwa na Shirika la Maendeleo la Kimataifa la Japan (JICA).

Ufunguzi huo ulikwenda sambamba na uzinduzi wa miongozo mitatu ya ukaguzi wa ndani.

Pia, Waziri Mpango aliwataka watumishi wa umma, kufuata na kutekeleza maagizo ya serikali, ikiwa ni pamoja na kufanyia mikutano na semina zote katika kumbi za serikali.

Alisema vinginevyo watachukuliwa hatua kama vile kukatwa mishahara ili kufidia fedha za serikali wanazozitumia kulipia kumbi. Dk Mpango alisema agizo hilo linatakiwa kutekelezwa kuanzia Julai Mosi mwaka huu ili kuokoa fedha za umma.

“Atakayekiuka hili tutamkata mshahara wake maana watoto wanakaa chini, hospitalini hakuna vitanda na magodoro, hakuna maji, hakuna madarasa, hakuna vyoo, hivyo tunatakiwa kupunguza matumizi ambayo si ya lazima ili tuboreshe sekta zingine,” alisema Dk Mpango.

Alisema hata kama semina au mkutano unagharamiwa na wafadhili, ni jukumu la viongozi wa umma kuwaomba kufanyia mikutano hiyo kwenye kumbi za serikali ili fedha zinazobaki zitumike kwa kazi nyingine.

Aliwaagiza wakaguzi wa ndani kufanya kazi kwa uadilifu na kufuata miongozo ya kitaifa na kimataifa ili kudhibiti mchwa wanaotafuna mali za umma.

Alisema kuna hisia na madai kuhusu uadilifu mdogo wa baadhi ya wakaguzi wa ndani na hivyo kusababisha kushindwa kutoa taarifa za vitendo vya ubadhirifu kwa sababu nao ni sehemu ya washiriki wa vitendo hivyo.

“Natambua si wakaguzi wa ndani wote ambao uadilifu wao unatiliwa shaka. Nafahamu kwamba wapo waliowajibishwa kwa ajili hiyo. Hivyo naomba muongeze bidii katika mapambano haya na serikali hatutawaonea haya wakaguzi wachache wanaoendelea kuchafua jina la taaluma hii. Tutawachukulia hatua kali za kinidhamu wale wote watakaokwenda kinyume na taaluma hii,” alisema.

Kwa upande wake, Mwakilishi Mkuu wa JICA Tanzania, Toshio Nagase alisema Serikali ya Japan kupitia JICA imekuwa ikitoa msaada wa kitaalamu kwa Ofisi ya Mkaguzi wa Ndani katika kuwajengea uwezo wakaguzi wa ndani tangu mwaka 2009.

↧

Wauaji 30 wa Albino na Vikongwe Kunyongwa

July 11, 2016, 9:36 pm

≫ Next: UKAWA Wakubaliana kuwanyima mafuta wakuu wa wilaya

≪ Previous: Waziri wa Fedha Dr Philip Mpango Akemea Wanaopotosha Taarifa za Kodi ya Ongezeko la Thamani (VAT) katika huduma za utalii

WAZIRI wa Katiba na Sheria, Dk Harrison Mwakyembe amesema jumla ya watuhumiwa 30 wa mauaji ya vikongwe na wenye ulemavu wa ngozi (albino) nchini, wamehukumiwa kunyongwa, baada ya kupatikana na hatia ya mauaji hayo.

Dk Mwakyembe amesema pia kuwa serikali itaendelea kutoa adhabu kali kwa watu watakaobainika kuendelea kuhusika na mauaji ya watu hao ili kumaliza tatizo hilo, ambalo limeipaka matope Tanzania kwa kuonekana sio kisiwa tena cha amani. Waziri huyo alisema hayo mjini Shinyanga jana, alipofanya ziara yake ya kikazi.

Alisema katika miaka ya hivi karibuni tatizo la mauaji ya wenye ualbino na vikongwe yamepungua nchini na kwamba watahakikisha wanayakomesha kwa kutoa adhabu kali kwa wauaji.

“Tatizo hili la mauaji ya vikongwe na albino linatutia sana doa nchi yetu kimataifa ambayo imekuwa ikisifika kwa amani na utulivu, hivyo natoa mwito kwa wananchi waachane na mauaji ya watu hawa wasio na hatia pamoja na mahakama zifanye kazi kwa kutoa hukumu za haraka kwa watu watakaohusika na mauaji hayo,” alisema Dk Mwakyembe.

Hata hivyo, Dk Mwakyembe alisema serikali itaanza mikakati ya kujenga mahakama za mwanzo kwa kila kata nchi nzima ili kuondoa misongamano za kesi mahakamani na kukarabati majengo ya mahakama ambayo yamechakaa.

Aliwataka wakuu wa wilaya, waunde kamati za maadili ya wilaya.

Akisoma taarifa ya mkoa, Mkuu wa Mkoa wa Shinyanga, Zainabu Telack, alitaja changamoto ambazo zinawakabili kuwa ni uchakavu wa majengo ya mahakama, uhaba wa mahakimu na magereza ya Shinyanga na Kahama kuwa finyu na hivyo kusababisha mlundikano wa wafungwa.

↧

UKAWA Wakubaliana kuwanyima mafuta wakuu wa wilaya

July 11, 2016, 9:54 pm

≫ Next: Askofu Gwajima Akamatwa na Jeshi la Polisi Muda Mfupi Baada ya Kutua Uwanja wa Ndege

≪ Previous: Wauaji 30 wa Albino na Vikongwe Kunyongwa

Mwenyekiti wa Chadema, Freeman Mbowe ameagiza wenyeviti wa halmashauri 18 nchini zinazoongozwa na Ukawa kuacha utaratibu wa kutoa fedha za halmashauri kuwasaidia mafuta ya magari wakuu wa wilaya au kuzitumia kwa ajili ya masuala ya kisiasa ya vyama vyao.

Akizungumza na mameya na wenyeviti wa halmashauri zinazoongozwa na Ukawa katika mkutano uliofanyika juzi mjini Arusha, Mbowe alisema viongozi hao wanapaswa kuhakikisha fedha zote zinazokusanywa na halmashauri hizo zinatumika kwa ajili ya maendeleo ya wananchi.

Alisema katika kikao hicho cha mameya na wenyeviti wa halmashauri, wametambua kuwa kuna matumizi mabaya ndani ya Serikali, mbali na wafanyakazi hewa ambao wapinzani wamekuwa wakilalamika tangu mwaka 2005.

Mbowe alisema bado kuna halmashauri ambazo zimekuwa zikitumia fedha kufadhili ofisi za wakuu wa wilaya na chama tawala, jambo ambalo sasa kwa halmashauri za Ukawa halitakuwapo.

“Maeneo ambayo wakuu wa wilaya wamezoea kuomba fedha za mafuta na CCM wamekuwa wakiomba fedha kwa ajili ya kazi zao tunawaambia wasithubutu tena kwenda kwenye halmashauri zinazoongozwa na Ukawa, kwani hatutawapa fedha na tunawaumbua,” alisema.

Mbowe alisema katika halmashauri za Ukawa hawataki kusikia kuna fedha zimetolewa kwa wakuu wa wilaya au chama chochote cha siasa.

Alisema katika kikao hicho wamekubaliana kuanzisha mipango mikakati ambayo itawezesha kubuniwa vyanzo vipya vya mapato ambavyo ni rafiki kwa wananchi, kupatikana kwa ajira na kuboresha huduma muhimu za Watanzania.

Akizungumza baada ya maelekezo hayo, Mwenyekiti wa Madiwani Chadema nchini ambaye pia ni Meya wa Jiji la Arusha, Calist Lazaro alisema watatekeleza na hawatakubali kuingiliwa na wakuu wa wilaya, wakuu wa mikoa na makatibu tawala.

Calist alisema katika halmashauri za Ukawa uamuzi wa mwisho wa uendeshaji wa halmashauri utafanywa na madiwani na siyo mtu kutoka nje ya halmashauri hizo.

“Tutasimama na kutetea mamlaka ya kisheria ya Serikali za mitaa hapa nchini,” alisema.

Katibu wa Madiwani wa Ukawa nchi nzima ambaye ni Meya wa Kinondoni, Boniface Jacob alisema watahakikisha wanasimamia utendaji mzuri wa halmashauri zote wanazoziongoza ili kuhakikisha wananchi wanapata huduma bora.

↧

Askofu Gwajima Akamatwa na Jeshi la Polisi Muda Mfupi Baada ya Kutua Uwanja wa Ndege

July 11, 2016, 10:07 pm

≫ Next: Wanafunzi Chuo Kikuu Kizimbani Kwa Mauaji

≪ Previous: UKAWA Wakubaliana kuwanyima mafuta wakuu wa wilaya

Hatimaye Askofu wa Kanisa la Ufufuo na Uzima, Josephat Gwajima ambaye amekuwa akitafutwa na Jeshi la Polisi kwa siku kadhaa alikamatwa jana katika Uwanja wa Ndege wa Julius Nyerere (JNIA) alipowasili akitokea Japan.

Baada ya Askofu Gwajima kukamatwa na Kikosi cha Polisi cha Uwanja wa JNIA alipelekwa moja kwa moja Kituo Kikuu cha Polisi kwa ajili ya mahojiano akidaiwa alitoa maneno ya uchochezi mwezi uliopita.

Akizungumzia kukamatwa kwake, Kamanda wa Polisi Uwanja wa JNIA, Martin Otieno alisema askofu huyo aliwasili saa 2.45 asubuhi akitokea Japan kwa kutumia ndege ya Shirika la Ndege la Kenya.

Otieno alisema mara baada ya kukamatwa alipelekwa katika Kituo Kikuu cha Polisi kwa ajili ya kuhojiwa na Jeshi la Polisi Kanda Maalumu ya Dar es Salaam.

“Ni kweli tulimkamata Askofu Gwajima hapa uwanja wa ndege wa JNIA baada ya kuwasili kwa ndege ya Shirika la Ndege la Kenya na tulipomuhoji alidai kuwa alikuwa nchini Japan,” alisema Otieno.

Mwanasheria wake Peter Kibatala alisema Gwajima alifika Kituo Kikuu cha Polisi saa 4.45 asubuhi kwa mahojiano mafupi na aliruhusiwa kuondoka baada ya kujidhamini yeye mwenyewe.

“Askofu Gwajima amehojiwa leo (jana) na Jeshi la Polisi Kanda Maalumu na amejidhamini yeye mwenyewe, ameruhusiwa kuondoka hivyo tunasubiri chochote kitakachoendelea,” alisema Kibatala bila kueleza mahojiano yalivyokuwa.

Askofu Gwajima alikuwa anatafutwa na polisi tangu mwezi uliopita baada ya kusambazwa mkanda kwenye mitandao ya kijamii unaodhaniwa una sauti yake akipendekeza Rais mstaafu Jakaya Kikwete kufikishwa mahakamani kwa yote yaliyofanyika wakati wa utawala wake ambayo sasa Rais John Magufuli anayashughulikia kwa mtindo wa kutumbua majipu.

Katika mkanda huo, sauti hiyo inadai kuwa baadhi ya viongozi wa CCM wametuma watu mikoani kupiga kampeni ya kutaka Rais Magufuli asipewe uongozi wa chama hicho kwa sasa kama ilivyo utaratibu wa chama hicho na kwamba hilo likifanyika basi Rais abadili katiba ili mstaafu huyo aweze kufikishwa kortini.

Tangu ulipotolewa mkanda huo, makachero wa polisi wamekuwa wakipiga kambi nyumbani kwa Askofu Gwajima kwa lengo la kumkamata lakini hawakumpata.

Baadaye ilikuja kufahamika kwamba askofu huyo alikuwa amekwenda nje ya nchi lakini haikujulikana ni nchi gani.

Hata hivyo, baada ya kutafutwa na polisi, Gwajima kupitia wakili wake Kibatala alisema atakaporejea nchini atakwenda moja kwa moja polisi kwa ajili ya mahojiano.

Kamanda wa Kanda Maalum ya Dar es Salaam, Simon Sirro amekuwa akisisitiza kwamba jeshi litaendelea kumtafuta askofu huyo kwa kushirikiana na polisi wa kimataifa, Interpol.

↧

Wanafunzi Chuo Kikuu Kizimbani Kwa Mauaji

July 11, 2016, 10:22 pm

≫ Next: Jeshi la Polisi Laanza Uchunguzi Dhidi Ya Vijana Wanaojiunga na Vikundi Vya Kikaidi Vya Al- Shabaab na IS

≪ Previous: Askofu Gwajima Akamatwa na Jeshi la Polisi Muda Mfupi Baada ya Kutua Uwanja wa Ndege

WATU watatu wakiwemo wanafunzi wawili wa vyuo vikuu vilivyoko jijini Dar es Salaam wamepandishwa kizimbani katika Mahakama ya Hakimu Mkazi Kisutu, Dar es Salaam wakikabiliwa na mashitaka ya mauaji.

Wanafunzi hao ni wa Chuo Kikuu cha Ardhi, Hussein Mustafa (26) na wa Chuo Kikuu Huria (OUT), Haruna Nkuye (24) ambao wanashitakiwa pamoja na fundi makenika Rajabu Ally (41) wote wakazi wa Dar es Salaam.

Washitakiwa hao wanaodaiwa kuhusika na mauaji hayo kwenye tukio la ujambazi katika Benki ya CRDB eneo la Chanika Wilaya ya Ilala, Dar es Salaam, walisomewa mashitaka na Wakili wa Serikali Jackson Chidunda mbele ya Hakimu Mkazi Mkuu Huruma Shahidi.

Akisoma hati ya mashitaka, Chidunda alidai Desemba 8, mwaka jana katika eneo la Chanika, Wilaya ya Ilala, Dar es Salaam, washitakiwa walimuua Ramadhani Halili, Shan Rajabu na Thomas Otemu.

Hakimu Shahidi alisema washitakiwa hawatakiwi kujibu mashitaka kwa kuwa mahakama hiyo haina mamlaka ya kusikiliza shauri hilo isipokuwa Mahakama Kuu.

Upande wa jamhuri ulidai kuwa upelelezi wa kesi hiyo haujakamilika na kuomba tarehe nyingine ya kutajwa ili wamuunganishe mshtakiwa Mohamed Ungando ambaye jana hakuwepo mahakamani.

Awali, mshitakiwa Mustafa aliiomba mahakama imsaidie apate matibabu kwa kuwa viungo vinamuuma kutokana na adhabu alizopewa akiwa mahabusu.

Hakimu Shahidi alisema gerezani kuna utaratibu wa matibabu, kama hatatibiwa kesi itakapotajwa tena aijulishe mahakama. Kesi hiyo imeahirishwa hadi Julai 14, mwaka huu.

↧

Jeshi la Polisi Laanza Uchunguzi Dhidi Ya Vijana Wanaojiunga na Vikundi Vya Kikaidi Vya Al- Shabaab na IS

July 11, 2016, 11:08 pm

≫ Next: Serikali Yakunjua Makucha.....Yakamata mali za kampuni ya Uingereza zenye thamani ya Dola mil 500

≪ Previous: Wanafunzi Chuo Kikuu Kizimbani Kwa Mauaji

JESHI la Polisi nchini, limesema linafanya uchunguzi kubaini baadhi ya vijana wanaojiunga na vikundi vya kigaidi, vikiwamo IS na Al-Shabaab ili wawachukulie hatua za kisheria.

Akizungumza na waandishi wa habari Dar es Salaam jana, Mkurugenzi wa Upelelezi wa Makosa ya Jinai (DCI), Diwani Athuman, alisema wimbi la vijana hao kujiunga na makundi hayo yanayopigwa vita duniani kote, linatokana na ushawishi wa baadhi ya watu.

“Tuna taarifa za kuwapo baadhi ya vijana wa Kitanzania wanaojiunga na vikundi vya ugaidi… suala hili ni la kiintelijensia zaidi, hatuwezi kulizungumzia kiundani, tunaendelea kulifanyia kazi, tutakapofikia sehemu nzuri tutawaambia,” alisema Athuman.

Alisema wakati suala hilo linaendelea kufanyiwa kazi, jeshi hilo liliendesha operesheni maalumu ya siku mbili, ambayo ilishirikisha nchi 26 za Afrika Mashariki na Kusini mwa Afrika.

Alizitaja nchi hizo kuwa ni Tanzania, Kenya, Uganda, Rwanda, Burundi, Angola, Botswana, Jamhuri ya Kidemokrasia ya Kongo (DRC), Lesotho, Malawi, Madagascar, Mauritius, Msumbuji, Namibia, Afrika Kusini, Swaziland, Zambia, Zimbabwe, Comoro, Djibouti, Eritrea, Ethiopia, Shelisheli, Sudan Kusini na Somalia.

Alisema operesheni hiyo iliyojulikana kama ‘Operesheni Usalama III’ ilishirikisha nchi zaidi ya 26 na ilisaidia kukaguliwa kwa magari 1,632 ambayo kati ya hayo, 10 yalikuwa ya wizi huku matano yalibainika yameingiliwa ‘chases’.

Alisema operesheni hiyo pia ilisaidia kukamatwa pikipiki 12 za wizi, huku 18 zikiendelea kufanyiwa uchunguzi zaidi kutokana na kutokuwa na vibali halali.

Athuman alisema operesheni hiyo ilisaidia pia kukamatwa aina mbalimbali ya dawa za kulevya, zikiwamo heroine gramu 83, bangi kilogramu 398.6, mirungi kilogramu 30, bunduki aina ya shotgun moja, gobole 11, risasi 104, mkuki mmoja na vipande 15 aina ya exprojel v6, cotex na detonator.

Alisema walikamata wahamiaji haramu 43 maeneo mbalimbali nchini, kati yao 18 ni raia wa DRC, ambao walikamatwa mikoa ya Rukwa na Kagera, wakati 22 wanatoka Burundi waliokamatwa mikoa ya Shinyanga, Tabora na Kagera na raia wawili wa Rwanda walikamatwa Kagera na mmoja wa Kenya alikamatwa Tabora.

“Katika operesheni hii tulifanya ukaguzi katika kampuni mbalimbali zinazofanya biashara ya madini ambapo tatu zilionekana kukosa uhalali wa kupewa leseni ya kuendelea kufanya biashara ya madini,

“Kampuni hizi ni Delicore Metal Company Ltd, Madandwa Gold Mining Export Import (T) Ltd na Alex Mining Co. Ltd, na tatizo lao linaendelea kushughulikiwa na Wizara ya Nishati na Madini. Pia yalikamatwa madini aina ya Acquqmiline Smoky Quartz kilogramu 20.

Alisema pia walikamata gamba moja la kasa mkoani Ruvuma, mbao 410 zilizokuwa zikisafirishwa bila kibali mikoa ya Pwani, Iringa na Morogoro, nyama ya pundamilia kilo 45 na bidhaa bandia.

↧

Latest Images