Akizungumza na maofisa wa Jeshi hilo jijini Arusha IGP Simon Sirro amewahakikishia wananchi kuwa uchaguzi utakwenda vizuri kama ulivyopangwa na jeshi hilo litaendelea kutenda haki.
Amesema askari wa Jeshi hilo wamepata mafunzo ya kutosha yatakayowawezesha kukabiliana na matishio mbalimbali ikiwemo uhalifu na wahalifu pamoja na mbinu nyingine za kuwashughulikia wanaovunja sheria na kuwataka askari wa jeshi hilo kuendelea kutoa elimu kwa wananchi.