Waziri Mkuu Akemea Uvuvi Haramu Ziwa Victoria

February 18, 2018, 1:02 am

≫ Next: Mtandao wa wanafunzi Tanzania (TSNP) Wamtaka Mwigulu Nchemba Ajiuzulu Sakata la Mwanafunzi wa NIT Kupigwa Risasii na Polisi

≪ Previous: Waziri Mkuu Aagiza Kufunguliwa Kwa Zahanati Ya Bugabu

Waziri Mkuu, Kassim Majaliwa akisalimiana na Mmiliki wa Pantoni ya MV Nyehunge, Said Mohammed kwenye gati la Kirumba wakati aliposafiri na chombo hicho kutoka jijini Mwanza kwenda Ukerewe Februari 18, 2018. (Picha na Ofisi ya Waziri Mkuu)

***
WAZIRI MKUU Kassim Majaliwa amekemea vitendo vya uvuvi haramu wa kutumia sumu kali ndani ya ziwa Victoria kwa sababu vinaharibu soko la samaki.

Aliyasema hayo jana jioni (Jumamosi, Februari 17, 2018) wakati akizungumza na wananchi wa kijiji cha Kisorya wilayani Bunda mkoani Mara.

Alisema kitendo cha kuvua kwa kutumia sumu kinaharibu soko la samaki la ndani na nje ya nchi kwa sababu sumu hiyo inabaki hivyo kumuathiri mlaji.

Waziri Mkuu aliwaagiza Maofisa Uvuvi katika Wizara ya Mifugo na Uvuvi kwenda kutoa elimu kwa wavuvi wa eneo hilo juu ya madhara ya zana haramu za uvuvi.

Alisema baadhi ya wavuvi wanavua kwa kutumia nyavu zilizopigwa marufuku, kokoro pamoja na mabomu jambo ambalo haliwezi kuvumilika kwa sababu zana hizo zinaharibu uhai wa viumbe hai ndani ya ziwa Victoria.

Pia, Waziri Mkuu alisema Serikali tayari imeshaagiza nyavu zinazofaa kwa ajili ya uvuvi endelevu kutoka nje ya nchi ambazo zitauzwa kwa wavuvi mbalimbali.

Waziri Mkuu alisema wavuvi wote wanatakiwa kufuata sheria ikiwemo kuwa na leseni za uvuvi kwa vyombo vyao, hivyo alimuagiza Afisa Uvuvi afanye ukaguzi.

Alisema Serikali inafanya uhakiki wa vyombo na wavuvi wote ili kubaini nani anavua wapi na kwa utaratibu upi. “Kamati ya Ulinzi na Usalama simamieni suala hili.”

Katika hatua nyingine, Waziri Mkuu alimuagiza Mkurugenzi wa Halmashauri ya Wilaya ya Bunda Bw. Amos Kusaja kuhakikisha gari la kuhudumia wagonjwa la Kituo cha Afya cha Kasahunga linakuwa na mafuta wakati wote.

Alitoa agizo hilo baada ya kupokea malalamiko kutoka kwa wananchi waliodai kuchangishwa fedha za mafuta ya gari hilo mara wagonjwa wao wanapopewa rufaa kwenda katika hospitali ya wilaya.

(mwisho)

IMETOLEWA NA:

OFISI YA WAZIRI MKUU,

JUMAPILI, FEBRUARI 18, 2018.

↧

Mtandao wa wanafunzi Tanzania (TSNP) Wamtaka Mwigulu Nchemba Ajiuzulu Sakata la Mwanafunzi wa NIT Kupigwa Risasii na Polisi

February 18, 2018, 3:33 am

≫ Next: Polisi sita washikiliwa kwa uchunguzi kifo cha mwanafunzi NIT

≪ Previous: Waziri Mkuu Akemea Uvuvi Haramu Ziwa Victoria

Mtandao wa wanafunzi Tanzania (TSNP) na Chama cha ACT-Wazalendo wamemwomba Waziri wa Mambo ya Ndani ya Nchi, Mwigulu Nchemba kujiuzulu ili kuonyesha uwajibikaji kwa maelezo kuwa ameshindwa kusimamia amani.

TSNP imetoa kauli hiyo leo Februari 18, 2018 ikiwa ni siku moja tangu kupigwa risasi kwa mwanafunzi wa Chuo cha Usafirishaji cha Taifa (NIT), Akwilina Akwiline aliyekuwa katika daladala wakati polisi walipowatawanya wafuasi wa Chadema.

Kauli ya mtandao huo na chama hicho imetolewa leo baada ya viongozi wao kuzungumza na waandishi wa habari.

Mwenyekiti wa TSNP Taifa, Abdul Nondo amesema iwapo Mwigulu hatajiuzulu wadhifa wake, wamemuomba Rais John Magufuli kutengua uteuzi wake.

“Kwa kuwa hivi sasa matukio haya yamekuwa yakishamiri na kushika kasi; watu kutekwa, kupotea, kupigwa risasi na kuuwawa ni muda muafaka sasa kwa Mwigulu kuchukua uamuzi wa kujiondoa katika wizara kuonyesha uwajibikaji,” amesema.

Amebainisha kuwa mwaka 1977 Rais mstaafu wa Awamu ya Pili Ali Hassan Mwinyi wakati huo akiwa Waziri wa Mambo ya Ndani alijiuzulu baada ya polisi kutumia nguvu dhidi ya raia.

"Tunaamini kwamba huo utakuwa ni mwanzo wa kukaribisha mabadiliko katika Jeshi la Polisi kwani kuondoka kwa mkuu kutawafanya walio chini yake kuondolewa,” amesema.

Katika hatua nyingine Mkuu wa Idara ya Sheria TSNP, Deogratias Mahinyila amesema taasisi yao kupitia wanasheria wao na wanasheria mbalimbali watawasaidia walezi na wazazi wa mwanafunzi huyo kufungua kesi ya madai mahakamani, kutokana na uzembe uliofanywa na polisi ili iwe fundisho.

"Tunataka hatua stahiki zichukuliwe dhidi ya askari polisi waliotenda unyama huu na kukatisha haki ya kusoma na kuishi kwa mwanafunzi mwenzetu kwani wamekiuka sheria na maadili ya kazi yao, katika kulinda amani ya raia," amesema.

Chama cha ACT Wazalendo kimemtaka Waziri wa Mambo ya Ndani, Mwigulu Nchemba awajibike kwa kujiuzulu wadhifa wake kwa sababu ameshindwa kukomesha mfululizo wa mauaji ya watu wasio na hatia.

Pia, wamewataka Mkuu wa Jeshi la Polisi, IGP Simon Sirro na Kamanda wa Polisi Kanda Maalumu ya Dar es Salaam, Lazaro Mambosasa nao wajiuzulu kwa kushindwa kutekeleza majukumu yao ikiwamo kulinda usalama wa raia na mali zao.

Kwa upande wake Mwenyekiti wa Ngome ya Vijana wa ACT Wazalendo, Licapo Bakari amesema matukio mengi ya mauaji na kupotea kwa watu yanatokea na viongozi hao hawachukui hatua zozote kukomesha hali hiyo.

Amesisitiza kwamba wote wanaouawa na kutoweka katika mazingira tatanishi ni vijana ambao ndiyo nguvu kazi ya Taifa na chachu ya mabadiliko ambayo inatakiwa kulindwa kwa mustakabali wa nchi hii.

Bakari amesema vijana wa ACT Wazalendo wanalaani mauaji ya Akwilina, kwamba tukio la kuuawa kwa binti huyo siyo la kwanza, siku chache zilizopita kiongozi wa Chadema kata ya Hananasifu, Daniel John naye aliuawa na mwili wake kuokotwa kwenye fukwe za Coco.

"Tunataka uchunguzi huru ufanyike kwa kuchunguza matukio yote kuanzia hili la mwanafunzi wa NIT na mengine yote ya mauaji na utekaji," amesema.

Wakati huohuo, Bakari amewataka viongozi wote wa vyama vya siasa kukutana na kupanga mikakati na siku ambayo wanajumuika pamoja na wananchi kupaza sauti na kusema matukio hayo sasa basi.

"Wote tunaipenda nchi yetu, hatupendi kuona ikipotea. Viongozi wa dini, vijana, wanafunzi na wananchi wote tuungane pamoja kupinga ukatili unaotokea ndani ya nchi yetu wenyewe," amesema.

↧

Polisi sita washikiliwa kwa uchunguzi kifo cha mwanafunzi NIT

February 18, 2018, 3:36 am

≫ Next: Rais Magufuli Aomboleza Kifo cha Mwanafunzi wa NIT Aliyepigwa Risasi na Polisi

≪ Previous: Mtandao wa wanafunzi Tanzania (TSNP) Wamtaka Mwigulu Nchemba Ajiuzulu Sakata la Mwanafunzi wa NIT Kupigwa Risasii na Polisi

Polisi inawashikilia askari wake sita na silaha zao kwa ajili ya uchunguzi kuhusu tukio la kuuawa kwa risasi mwanafunzi wa Chuo cha Taifa cha Usafirishaji (NIT), Akwilina Akweline.

Kamanda wa Polisi Kanda Maalumu ya Dar es Salaam, Lazaro Mambosasa amesema hayo leo Februari 18,2018 alipozungumza na waandishi wa habari kuhusu ulinzi wakati wa kampeni, upigaji kura, na utangazaji matokeo ya uchaguzi mdogo wa ubunge jimbo la Kinondoni uliofanyika jana Februari 17,2018.

Amesema polisi iliunda timu ya upelelezi kuchunguza chanzo cha kifo cha mwanafunzi huyo kilichotokea Februari 16,2018 wakati polisi wakiwatawanya wanachama wa Chadema waliokuwa wanakwenda ofisi za mkurugenzi wa Manispaa ya Kinondoni kushinikiza mawakala wao kupatiwa barua za viapo vyao.

Kamanda Mambosasa amesema polisi pia inawachunguza watuhumiwa 40 ili kubaini iwapo miongoni mwao walikuwepo waliokuwa na silaha za moto.

Amesema pia wanaendelea kuwatafuta wafuasi na viongozi wa Chadema walioshiriki kushawishi wafuasi wao kushiriki kwenye maandamano.

Wakati huohuo, Katibu wa Itikadi na Uenezi wa CCM, Humphrey Polepole katika taarifa aliyoitoa jana Februari 17,2018 alisema chama hicho kinalitaka Jeshi la Polisi kufanya uchunguzi wa kina kuhusu aliyehusika na tukio la kuuawa kwa mwanafunzi huyo.

Polepole alisema polisi imhoji Mwenyekiti wa Chadema, Freeman Mbowe na viongozi wenzake walioshiriki maandamano aliyosema hayakuwa halali yaliyosababisha uhai wa Mtanzania kupotea.

↧

Rais Magufuli Aomboleza Kifo cha Mwanafunzi wa NIT Aliyepigwa Risasi na Polisi

February 18, 2018, 3:45 am

≫ Next: Shy-Rose Bhanji: CCM haiwezi kukwepa lawama Mauaji ya Mwanafunzi wa NIT

≪ Previous: Polisi sita washikiliwa kwa uchunguzi kifo cha mwanafunzi NIT

Rais wa Jamhuri ya Muungani wa Tanzania, Dkt John Pombe Magufuli ametuma salamu za pole kwa familia ya Akwilina Akwilini aliyeuawa baada ya kupigwa na risasi katika maandamano wa Chama cha Demokrasia na Maendeleo (CHADEMA) Februari 16, 2017 eneo la Kinondoni jijini Dar es Salaam

Katika salamu hizo, Rais Dkt Magufuli amesema kwamba amepokea kwa masikitiko makubwa taarifa za kifo hicho na hivyo ameviagiza vyombo vya dola kufanya uchunguzi na kuwachukulia hatua za kisheria wale wote watakaobainika kuhusika na tukio hilo.

“Nimesikitishwa sana na kifo cha mwanafunzi Akwilina Akwilini wa Chuo cha Usafirishaji (NIT). Natoa pole kwa familia,ndugu,wanafunzi wa NIT na wote walioguswa na msiba huu. Nimeviagiza vyombo vya dola kufanya uchunguzi na kuwachukulia hatua za kisheria waliosababisha tukio hili.”

Akwilina alikumbwa na umauti wakati Polisi walipokuwa wakitawanya maandamano ya CHADEMA walipotaka kwenda kwenye Ofisi za Msimamizi wa uchaguzi wa Jimbo la Kinondoni kuhoji kwanini mawakala wao hawajaaapishwa.

↧

Shy-Rose Bhanji: CCM haiwezi kukwepa lawama Mauaji ya Mwanafunzi wa NIT

February 18, 2018, 3:52 am

≫ Next: Serikali kugharimia mazishi ya mwanafunzi aliyepigwa risasi na Polisi

≪ Previous: Rais Magufuli Aomboleza Kifo cha Mwanafunzi wa NIT Aliyepigwa Risasi na Polisi

Aliyekuwa Mbunge wa Afrika Mashariki, Shy-Rose Bhanji amefunguka na kuweka wazi msimamo wake juu ya tukio la kupigwa risasi kwa mwanafunzi wa mwaka wa kwanza Chuo cha NIT Aqulina Akwilini na kusema kuwa chama chake cha CCM hakiwezi kukwepa juu hilo.

Shy-Rose Bhanji amesema kuwa kufuatia kifo hicho cha mwanafunzi huyo ambaye alipigwa risasi na jeshi la polisi Februari 16, 2018 eneo la Mkwajuni jijini Dar es Salaam wakati jeshi la polisi likiwatawanya wafuasi wa CHADEMA ambao walikuwa wakiandamana kwenda kwa Mkurugenzi wa uchaguzi wa Kinondoni na kudai kuwa suala hilo yeye linamsuta moyoni mwake.

"Serikali ya chama changu CCM haiwezi kukwepa lawama kwa namna yoyote ile kufuatia kupigwa risasi kwa binti ambaye hakuwa na hatia hata kidogo. Imekuwa ni siku mbaya sana kwangu, nimeshindwa kula na nashindwa kupata usingizi kutokana na kifo cha huyu binti. Nafsi yangu inanisuta. Mungu wangu naomba unisaidie" alisema Shy-Rose Bhanji

↧

Serikali kugharimia mazishi ya mwanafunzi aliyepigwa risasi na Polisi

February 18, 2018, 7:50 am

≫ Next: PICHA: Waziri Ndalichako,Masauni watoa mkono wa pole kwa wafiwa kifo cha Mwanafunzi aliyepigwa Risasi

≪ Previous: Shy-Rose Bhanji: CCM haiwezi kukwepa lawama Mauaji ya Mwanafunzi wa NIT

Serikali imetoa pole kwa familia ya mwanafunzi wa Chuo cha Taifa cha Usafirishaji (NIT), Akwilina Akwiline aliyeuawa kwa kupigwa risasi Februari 16,2018 na kuahidi kugharimia mazishi yake.

Akizungumza leo Februari 18,2018 na vyombo vya habari, Waziri wa Elimu, Sayansi na Teknolojia, Profesa Joyce Ndalichako amesema pamoja na katibu mkuu wa wizara watahakikisha wanasimamia shughuli zote za msiba huo.

Amesema Akwilina alikuwa katika majukumu yake ya kawaida akipeleka barua yake ya mafunzo kwa vitendo Bagamoyo alipofariki dunia.

"Mafunzo yake kwa vitendo yalikuwa yanatarajiwa kuanza Februari 26, mwaka huu, hivyo kifo chake kimeleta simanzi kwa wananchi wote na Serikali kwa jumla.”

"Akwilina alikuwa ni miongoni mwa wanafunzi wa kike waliojipambanua kwa kujua umuhimu wa elimu, alihakikisha anasoma kwa bidii kwa manufaa yake na familia yake, lakini pia alinufaika na mkopo wa elimu ya juu," amesema Profesa Ndalichako.

Naibu Waziri wa Mambo ya Ndani ya Nchi, Hamad Masauni amesema uchunguzi wa tukio hilo utafanyika haraka iwekezanavyo, kwa weledi na utaalamu ili haki itendeke.

"Tutafanya uchunguzi na kuwachukulia hatua kali za kisheria wote watakaobainika kuhusika na tukio hilo, Serikali tunasikitishwa na kifo cha mwanafunzi huyu, pia na kujeruhiwa raia na askari polisi wawili," amesema Masauni.

Amesema Serikali haiwezi kuyaacha matukio hayo yapite kama yalivyo, hivyo imeyachukulia kwa uzito unaostahili.

↧

PICHA: Waziri Ndalichako,Masauni watoa mkono wa pole kwa wafiwa kifo cha Mwanafunzi aliyepigwa Risasi

February 18, 2018, 9:10 am

≫ Next: PICHA: IGP Sirro amefika katika Msiba wa Mwanafunzi Aliyepigwa Risasi

≪ Previous: Serikali kugharimia mazishi ya mwanafunzi aliyepigwa risasi na Polisi

Waziri wa Elimu, Sayansi, Teknolojia na Ufundi Prof Joyce Ndalichako pamoja na Naibu Waziri wa Mambo ya Ndani ,Injinia Hamad Masauni wakimfariji Mama Mzazi wa marehemu Aqwilina jioni ya leo Mbezi Kimara jijini Dar.

***

Mwanafunzi huyo wa Chuo cha Taifa cha Usafirishaji(NIT) amepoteza maisha baada ya kupigwa risasi Februari 16 mwaka huu eneo la Mkwajuni jijini Dar es Salaam wakati Polisi walipokuwa wakizuia maandamano ya chama cha CHADEMA.Kufuatia kifo cha Mwanafunzi huyo Serikali imesema itabeba jukumu la Mazishi yake.

Aidha Rais Dkt John Pombe Magufuli amesema amesikitishwa sana na kifo cha mwanafunzi huyo,Aqwilina Akwilini wa Chuo cha Usafirishaji (NIT).

"Natoa pole kwa familia,ndugu,wanafunzi wa NIT na wote walioguswa na msiba huu.Nimeviagiza vyombo vya dola kufanya uchunguzi na kuwachukulia hatua za kisheria waliosababisha tukio hili",Ilisema sehemu ya taarifa yake iliyotolewa mapema leo.

Waziri wa Elimu, Sayansi, Teknolojia na Ufundi Prof Joyce Ndalichako (tatu kulia) akiwafariji Mama Mzazi wa marehemu Aqwilina pamoja na ndugu jioni ya leo Mbezi Kimara jijini Dar

Mama wa Marehemu Akwiline akilia kwa uchungu mara baada ya kuona viongozi wa Waandamizi wa serikali walipofika nyumbani kwake,Mbezi Kimara jioni ya leo kwa lengo la kutoa pole na kufahamu taratibu mbalimbali za msiba huo.

↧

PICHA: IGP Sirro amefika katika Msiba wa Mwanafunzi Aliyepigwa Risasi

February 18, 2018, 9:40 am

≫ Next: Kauli ya Waziri Mwigulu Nchemba kuhusu Mwanafunzi Aliyepigwa Risasi

≪ Previous: PICHA: Waziri Ndalichako,Masauni watoa mkono wa pole kwa wafiwa kifo cha Mwanafunzi aliyepigwa Risasi

Mkuu wa Jeshi la Polisi nchini IGP Simon Nyakoro Sirro, leo amefika kwenye msiba wa aliyekuwa mwanafunzi wa Chuo cha Taifa cha Usafirishaji (NIT), Akwilina Akwilini ambaye aliuawa kwa kupigwa risasi juzi Ijumaa eneo la Mkwajuni, Kinondoni, Dar. Msiba huo upo nyumbani kwao Akwilina maneo ya Mbezi jijini Dar.

↧

Kauli ya Waziri Mwigulu Nchemba kuhusu Mwanafunzi Aliyepigwa Risasi

February 18, 2018, 11:24 am

≫ Next: Habari Zilizopo Katika Magazeti ya Leo Jumatatu ya February 19

≪ Previous: PICHA: IGP Sirro amefika katika Msiba wa Mwanafunzi Aliyepigwa Risasi

Waziri wa Mambo ya ndani ya Nchi Dr. Mwigulu Nchemba amemuagiza Mkuu wa jeshi la Polisi nchini IGP Simon Sirro na timu ya uchunguzi kutoka jeshi la polisi kufanya uchunguzi wa kina juu ya kupigwa risasi kwa mwanafunzi Akwilina Maftah.

Waziri Nchemba ametoa maagizo hayo akiwa mkoani Geita wilaya ya Chato wakati wa uzinduzi wa Gereza la wilaya ya Chato.

Waziri Dr. Mwigulu amelitaka jeshi la polisi kuchunguza kwa kina tukio hilo na kuchukua hatua kwa askari aliyehusika na hilo na kuwaambia wananchi nini kinachoendelea.

“Kama Waziri mwenye dhamana nalaani vikali sana tukio la kupoteza maisha ya binti wetu ambaye hakua na hatia, matukio ya namna hii naona yanaanza kujirudia tena kwa kasi matukio ya kupoteza maisha kwa watu wasiokuwa na hatia hasahasa katika masuala yanayohusu siasa ni mambo ambayo hayakubaliki na ninalaani kwa nguvu zote.” -Waziri Mwigulu

Dr. Mwigulu amewataka wananchi wote kuepuka vitendo hivi vinavyoweza kusababisha madhara kwa namna moja au nyingine na wanapoona matukio ya namna hii watoe ushirikiano kwa vyombo vya ulinzi na usalama ili wahusika wafikishwe katika vyombo vya usalama.

↧

Habari Zilizopo Katika Magazeti ya Leo Jumatatu ya February 19

February 18, 2018, 9:56 pm

≫ Next: Jinsi Punyeto Inavyo Sababisha Ukosefu Na Upungufu Wa Nguvu za Kiume

≪ Previous: Kauli ya Waziri Mwigulu Nchemba kuhusu Mwanafunzi Aliyepigwa Risasi

↧

Jinsi Punyeto Inavyo Sababisha Ukosefu Na Upungufu Wa Nguvu za Kiume

February 18, 2018, 11:18 pm

≫ Next: Waziri Mkuu Ampa Siku 3 Mkurugenzi Ajiieleze Matumizi ya Milioni 350

≪ Previous: Habari Zilizopo Katika Magazeti ya Leo Jumatatu ya February 19

Ukosefu na/ama upungufu wa nguvu za kiume, ni tatizo linalo wakabili mamilioni ya wanaume duniani. Zipo sababu nyingi zinazo sababisha tatizo la ukosefu wa nguvu za kiume.

Miongoni mwa sababu hizo ni pamoja na maradhi kisukari, presha,shinikizo la damu, moyo, figo, matatizo kwenye mishipa ya ubongo & mishipa ya uti wa mgongo, matatizo kwenye mishipa itumikayo kusafrisha damu mwilini, maradhi ya ngiri, pamoja na upigaji punyeto kwa muda mrefu.

Katika makala yetu ya leo, tutaangalia namna suala la upigaji punyeto linavyo athiri nguvu za kiume.

Kabla hatujaangalia namna suala la upigaji punyeto linavyo maliza nguvu za kiume, ni vyema tukafahamu kwanza kuhusu SAYANSI YA MFUMO WA NGUVU ZA KIUME.

Kufahamu kuhusu SAYANSI YA MFUMO WA NGUVU ZA KIUME tafadhali tembelea :

http://neemaherbalist.blogspot.com/2015/07/uhusiano-kati-ya-damu-na-tatizo-la.html

Ukisoma vizuri kuhusu mfumo wa nguvu za kiume, utagundua kuwa Suala la nguvu za kiume ni suala la kimfumo. Ili mwanaume awe na nguvu za kiume, aendelee kuwa na nguvu za kiume na azilinde nguvu zake za kiume, ni lazima ogani zote zinazo husika na mfumo wa nguvu za kiume ziwe na afya njema na ziwe na ushirikiano thabiti na wenye afya.

Vile vile , utagundua kuwa , mambo makuu muhimu katika mfumo wa nguvu za kiume ni kama ifuatavyo:

i.Mishipa imara ya ubongo na yenye afya njema

ii. Mishipa imara ya uti wa mgongo ( spinal cords )

iii.Mishipa imara itumikayo kusafirisha damu mwilini ( Blood Vessels )

iv. Mfumo imara wa usafirishaji damu mwilini

v. Mishipa ya uume iliyo imara na yenye afya njema

vi. Uhusiano imara na wenye afya kati ya mishipa ya fahamu iliyopo katika ubongo, mishipa ya kwenye uti wa mgongo pamoja na misuli & mishipa ya kwenye uume.

Hivyo basi, ili mwanaume aweze kuwa na nguvu imara za kiume, na aendelee kuwa na nguvu hizo ni lazima mambo yote muhimu katika mfumo wa nguvu za kiume yawe imara pasi na hitilafu yoyote.

Hitilafu yoyote katika mambo hayo, itasababisha ukosefu na/ama upungufu wa nguvu za kiume kwa mwanaume huyo. Pale inapotokea hitilafu ama mapungufu katika ogani zaidi ya moja kati ya zilizo tajwa hapo juu, basi tatizo kwa muhusika huwa kubwa mara dufu.

JINSI PUNYETO INAVYO SABABISHA TATIZO LA UKOSEFU & UPUNGUFU WA NGUVU ZA KIUME.

Mwanaume anapopatwa na wazo la kufanya tendo la ndoa, ubongo hutoa ishara kwenye mishipa ya uti wa mgongo ambayo nayo husafirisha taarifa hadi kwenye mishipa & misuli ya uume.

Mishipa ya uume inapopokea taarifa hiyo, hutanuka. Na mishipa ya uume inapotanuka, hufanya mambo mawili muhimu sana :

i.Husababisha mishipa ya ateri kupanuka na hivyo kuruhusu damu kuingia kwa kasi sana ndani ya mishipa ya uume na hivyo kuufanya uume usimame na kuwa imara bara bara.

ii. Huibinya na kuiziba mishipa ya vena na hivyo kuzuia kunyonya ama kufyonza damu iliyo ingia ndani ya mishipa ya uume. ( KAZI KUBWA YA MISHIPA YA VENA ILIYO KARIBU NA MISHIPA YA UUME NI KUHAKIKISHA HAKUNA DAMU NDANI YA MISHIPA YA UUME. HIVYO BASI DAMU INAPOINGIA NDANI YA MISHIPA YA UUME, MISHIPA YA VENA HU “SENSE” JAMBO HILO KWA HARAKA NA HIVYO KUIFYONZA DAMU HIYO KUTOKA KWENYE MISHIPA YA UUME YA KUITOA NJE YA MISHIPA YA UUME. NA DAMU INAPOKOSEKANA NDANI YA MISHIPA YA UUME, HUUFANYA UUME KUSINYAA NA KULEGEA )

Mtu anayepiga punyeto husababisha mambo yafuatayo katika mwili wake :

1. Huuwa nguvu ya mishipa & misuli ya uume ambayo ndio inayo husika na kusimama kwa uume

2. Mishipa ya uume inapo sinyaa na kukosa nguvu yake ya asili, husababisha mambo yafuatayo :

i.Huondoa uwezo wa mishipa & misuli ya uume kutanuka, na hii ndio sababu inayo wafanya waathirika wa punyeto kutumia nguvu nyingi sana katika kuufanya uume usimame.

ii.Huondoa uwezo wa mishipa & misuli ya uume kuibana na kuiziba mishipa ya vena, na hii ndio sababu inayo fanya waathirika wa punyeto kufika kileleni haraka sana, kwani damu inayo ingia kwenye misuli ya uume hufyonzwa ndani ya muda mfupi sana.

Hii hutokea kwa sababu mishipa na misuli ya uume inakuwa imelegea,na mishipa ya vena inakuwa imepwaya, hivyo msuguano wowote ule hufanya mishipa ya vena kufunguka na kufyonza damu kutoka kwenye mishipa ya uume na hivyo kuufanya uume kusinyaa ndani ya dakika ama sekunde chache sana.

3. Vile vile punyeto hufanya uume kusinyaa na kurudi ndani na kuufanya uonekane kama uume wa motto mdogo.

Kwa ufupi punyeto husababisha ukosefu wa nguvu za kiume kwa sababu kuu zifuatazo :

i.Kwanza hudhoofisha na kuharibu mishipa ya uume, ambayo ndio hufanya uume kusimama.

ii.Pili hudhoofisha utendaji kazi wa mishipa ya ateri, ambayo ndio hutumika kama njia ya kusafirisha damu kupeleka kwenye misuli ya uume na ivyo kuufanya uume usimame

iii. Tatu, punyeto hupelekea kuvuja kwa mishipa ya vena na hivyo kusababisha damu kufyonzwa kwa haraka sana kila iingiapo ndani ya misuli ya uume na matokeo yake ni uume kusimama kwa muda mfupi sana wakati wa tendo la ndoa.

iv. Punyeto huathiri mtiririko wa damu kwenda kwenye mishipa ya uume, kwa sababu hudhoofisha misuli & mishipa ya uume pamoja na mishipa ya ateri ambayo ndio hutumika katika kusafirisha damu kwenda kwenye uume

DALILI ZA MTU ALIYE ATHIRIWA NA PUNYETO

Dalili kuu za mtu aliye athiriwa na punyeto ni kama ifuatavyo:

i. Uume kusinyaa na kuwa kama wa mtoto

ii. Uume kurudi ndani

iii. Uume kusimama ukiwa legelege

iv. Kufika kileleni haraka wakati wa tendo la ndoa.

TIBA YA NGUVU ZA KIUME KWA MTU ALIYE ATHIRIKA NA PUNYETO.

Dawa asilia ya nguvu za kiume iitwayo JIKO ni tiba bora na ya uhakika kabisa kwa mtu aliye athiriwa na punyeto. Dawa hii, pamoja na mambo mengine mengi, husaidia kufanya mambio yafuatayo katika mwili wa mwanaume aliye athiriwa na punyeto :

i.Kuimarisha mishipa & misuli ya uume ulio legea na hivyo kuurejeshea uwezo wake wa asili

ii. Hutibu tatizo la uume kurudi ndani

iii.Humaliza tatizo la kusimama kwa uume ukiwa legelege

iv.Hutibu na kuponya kabisa tatizo la kufika kieleleni haraka.

BEI YA DAWA : Dawa hii inapatikana kwa gharama ya SHILINGI ELFU THEMANINI TU (Tsh. 80,000/=)

MAHALI INAPOPATIKANA : Dawa hii inapatikana katika duka la dawa asilia liitwalo NEEMA HERBALIST & NUTRITIONAL FOODS CLINIC lililopo jijini DAR ES SALAAM katika eneo la UBUNGO nyuma ya jengo la UBUNGO PLAZA karibu na SHULE YA MSINGI UBUNGO NATIONAL HOUSING.

Kwa wateja wasio weza kufika ofisini kwetu. Watafikishiwa dawa mahali popote walipo jijini DAR ES SALAAM.

Kwa wateja waliopo mikoani watatumiwa dawa kwa njia ya MABASI

Kwa wateja waliopo Zanzibar wata fikishiwa dawa kwa njia ya usafiri wa boti.

Na kwa wateja waliopo UGHAIBUNI watatumiwa dawa kwa njia ya POSTA ama DHL.

MAWASILIANO : WASILIANA NASI KWA SIMU NAMBA 0766 53 83 84.

Kwa taarifa zaidi kuhusu huduma zetu, tutembelee kila siku kwenye blogu yetu :

www.neemaherbalist.blogspot.com

↧

Waziri Mkuu Ampa Siku 3 Mkurugenzi Ajiieleze Matumizi ya Milioni 350

February 18, 2018, 9:28 pm

≫ Next: Makamu wa Rais awasili mkoani Mwanza kwa ziara ya kikazi

≪ Previous: Jinsi Punyeto Inavyo Sababisha Ukosefu Na Upungufu Wa Nguvu za Kiume

WAZIRI MKUU Kassim Majaliwa ametoa siku tatu kwa Mkurugenzi wa Halmashauri ya wilaya ya Ukerewe Bw. Frank Bahati aeleze amepeleka wapi zaidi ya sh milioni 350 zilizotolewa na Serikali kwa ajili ya miradi mbalimbali.

Ametoa agizo hilo jana (Jumapili, Februari 18, 2018) wakati akizungumza na madiwani na watumishi wa Halmashauri ya Wilaya ya Ukerewe akiwa katika siku ya nne ya ziara yake ya kikazi mkoani Mwanza.

Waziri Mkuu amesema Serikali haiwezi kuvumia kuona fedha inazopeleka katika halmashauri hiyo kwa ajili ya kugharamia miradi na kulipa madai ya watumishi zinatumika kinyume na maelekezo.

Alisema miongoni mwa fedha hizo ni sh. milioni 451.47 za miradi ya miradi ya maendeleo (CDG), ambapo zilizotumika ni sh. milioni 221.9 tu.” Namtaka Mkurugenzi na Muweka hazina wa Halmashauri hii Bw. Peter Molel tarehe 21 waje Mwanza wanieleze walikopeleka fedha hizo.”

Waziri Mkuu amesema fedha zingine ni sh. milioni 50 za ziizotolewa na Serikali kwa ajili ya kulipa madai mbalimbali ya watumishi kama likizo ambapo zililipwa sh. milioni 13 na zingine hazijulikani zilipo.

Pia Serikali ilitoa sh. milioni 65 za kugharamia mradi wa umwagiliaji wa Bugorola ambazo nazo hazijulikani zilipo pamoja na sh. milioni 84 zilizotolewa kwa ajili ya kulipa motisha kwa walimu ambapo zilizolipwa ni sh. milioni 60 tu.

“Kama mlidhani Ukerewe ni sehemu ya kutafunia fedha za umma mmekosea kwa sababu Serikali haiwezi kuvumia haya, Mkurugenzi umeaminika na kupewa dhamana ya kusimamia rasilimali za umma lakini unafanya tofauti.”

Waziri Mkuu amesisitiza kwamba lazima viongozi hao wahakikishe fedha zinazopelekwa na Serikali katika Halmashauri zao zikiwemo za utekelezaji wa miradi ya afya, elimu, uvuvi zinatumika kama ilivyoelekezwa na si vinginevyo.

Pia Waziri Mkuu amemuagiza Katibu Tawala wa Mkoa wa Mwanza asimamie utendaji wa viongozi na watumishi katika wilaya zote za mkoa huo na kisha kutoa taarifa kwa Mkuu wa Mkoa, Bw. John Mongella.

Katika hatua nyingine, Waziri Mkuu amewataka watumishi wa Halmashauri hiyo wasikubali kugawanywa kwa sababu ya maslahi ya watu ambayo hayana tija kwao na hata kwa wananchi wa wilaya hiyo.

Waziri Mkuu ameyasema hayo baada ya kubaini kuwepo kwa mgogoro kati ya Mkurugenzi wa Halmashauri hiyo Bw. Bahari pamoja na Mwenyekiti wa Halmashauri hiyo Bw. George Nyamaha ambao wamekuwa wakiwagawa watumishi.

Amewataka viongozi hao kurekebisha tofauti zao kwa sababu mgogoro wao umesababisha watumishi kugawanyika, hivyo kuwaumiza wananchi wa wilaya ya Ukerewe kwa kushindwa kuwahudumia vizuri jambo ambalo halikubaliki.

(mwisho)

IMETOLEWA NA:

OFISI YA WAZIRI MKUU,

JUMAPILI, FEBRUARI 18, 2018.

↧

Makamu wa Rais awasili mkoani Mwanza kwa ziara ya kikazi

February 18, 2018, 10:10 pm

≫ Next: Waziri Mkuu Aagiza Sekondari Ya Pius Msekwa Ipewe Gari

≪ Previous: Waziri Mkuu Ampa Siku 3 Mkurugenzi Ajiieleze Matumizi ya Milioni 350

Makamu wa Rais wa Jamhuri ya Muungano wa Tanzania Mhe. Samia Suluhu Hassan amewasili Jijini Mwanza jana jioni na kupokelewa na Mkuu wa Mkoa wa Simiyu Mhe. Anthony Mtaka.

Makamu wa Rais anategemewa kuanza ziara ya kuhamasisha shughuli za kimaendeleo leo mkoani Simiyu.

Katika ziara hiyo inayoanza leo tarehe 19/2/2018 na kumalizika tarehe 22/2/2018, Makamu wa Rais atakagua maendeleo ya ujenzi wa mradi wa maji Kiloleli na kuweka jiwe la msingi na baada ya hapo atazungumza na wanachi Lamadi.

Pia Makamu wa Rais ataweka jiwe la msingi kwa ajili ya ujenzi wa nyumba za viongozi wa mkoa katika eneo la Nyaumata.

Miradi mingine ambayo Makamu wa Rais ataitembelea ni Kukagua Ujenzi wa Barabara za Lami Bariadi mjini chini ya Programu ya uimarishaji wa Serikali za Mitaa za Mjini.

Makamu wa Rais atakagua maendeleo ya ujenzi wa bwawa la Mwanjoro na kusalimia wananchi siku ya tarehe 20, pia atasalimia wananchi wa Mwanhuzi Mjini, Mwandoya (Meatu)

Tarehe 21, Makamu wa Rais atafungua Kongamano la Elimu ya Juu na Uchumi wa Viwanda Tanzania kisha atafungua jengo la Utawala la halmashauri ya Itilima na kusalimia wananchi, kufungua jengo la upasuaji la Samia Suluhu Hassan katika Hospitali ya Wilaya ya Maswa na kuzungumza na wananchi katika viwanja vya nguzo nane.

Siku ya tarehe 22, Makamu wa Rais ataongoza Mahafali ya 34 ya Chuo Kikuu Huria.

↧

Waziri Mkuu Aagiza Sekondari Ya Pius Msekwa Ipewe Gari

February 18, 2018, 10:53 pm

≫ Next: Waziri Mkuu Azindua Mradi Wa Maji Ukerewe......Awataka Viongozi Wa Wilaya Wahakikishe Unakuwa Endelevu

≪ Previous: Makamu wa Rais awasili mkoani Mwanza kwa ziara ya kikazi

WAZIRI MKUU Kassim Majaliwa amemtaka Mkurugenzi wa Halmashauri ya wilaya ya Ukerewe Bw. Frank Bahati awe amepeleka gari katika shule ya Sekondari ya bweni ya Pius Msekwa ifikapo Februari 25 mwaka huu.

Amesema shule hiyo yenye wanafunzi zaidi ya 700 lazima iwe na chombo cha usafiri kitakachotumika kwa ajili ya shughuli mbalimbali ikiwa ni pamoja na dharura za kuwapeleka hospitali wanafunzi pale wanapougua.

Waziri Mkuu alitoa agizo hilo jana (Jumapili, Februari 18, 2018) wakati alipotembelea shule hiyo na kuzindua madarasa na mabweni yaliyojengwa kupitia mradi wa Mpango wa Elimu wa lipa kulingana na Matokeo (EP4R).

“Wakurugenzi mnatakiwa kutambua shule hizi ni zenu, hivyo mnapaswa kuzihudumia. Shule hii inawafunzi zaidi ya 700 na wanalala hapa hapa hivyo lazima kuwe na gari la kuwahudumia wanafunzi hasa wakati wa dharura.”

Alisema Serikali haiwezi kuiacha shule hiyo bila ya kuwa na chombo cha usafiri, ambapo alimsisitiza Mkurugenzi wa Halmashauri hiyo kuhakikisha anatoa kipaumbele kwa taasisi za umma ili ziweze kutekeleza majukumu yake ipasavyo.

Hata hivyo, Waziri Mkuu aliwwagiza Wakurugenzi wote nchini kushirikiana na uongozi wa shule mbalimbali za Serikali katika kutatua baadhi ya changamoto zinazoikabili.

Miongoni mwa changamoto hizo ni malipo ya watumishi wasaidizi wakiwemo wapishi, walinzi na madereva, ambapo aliwataka wachukue jukumu la kuwalipa watumishi hao badala ya kuacha ya kuwaachia Wakuu wa Shule.

Katika hatua nyingine, Waziri Mkuu aliziagiza halmashauri zote nchini kuhakikisha zinamalizia ujenzi wa vyumba vya maabara katika shule zao zilizobaki na Serikali itasambaza vifaa vya maabara mara zitakapokamilika.

Waziri Mkuu alisema tayari Serikali ilishasambaza vifaa vya maabara katika shule 1,696 za sekondari nchini ambazo zilikamilisha ujenzi.

(mwisho)

IMETOLEWA NA:

OFISI YA WAZIRI MKUU,

JUMATATU, FEBRUARI 19, 2018.

↧

Waziri Mkuu Azindua Mradi Wa Maji Ukerewe......Awataka Viongozi Wa Wilaya Wahakikishe Unakuwa Endelevu

February 18, 2018, 11:33 pm

≫ Next: Mwanamke achomwa moto na waganga wa jadi akitafuta uzazi

≪ Previous: Waziri Mkuu Aagiza Sekondari Ya Pius Msekwa Ipewe Gari

WAZIRI MKUU Kassim Majaliwa amezindua mradi wa maji katika kijiji cha Bwasa katika mji wa Nansio wilayani Ukerewe na kuuagiza uongozi wa wilaya hiyo kuhakikisha maji hayo yanatoka wakati wote na mradi huo unakuwa endelevu.

Waziri Mkuu alizindua mradi huo jana (Jumapili, Februari 18, 2018) wakati akiwa katika siku ya nne ya ziara yake ya kikazi mkoani Mwanza. Alisema Serikali imedhamiria kumaliza tatizo la upatikanaji wa maji safi na salama nchini.

Baada ya kuzindua mradi huo, Waziri Mkuu alizungumza na wananchi wa mji wa Nansio kwenye mkutano wa hadhara uliofanyika katika Uwanja wa Getrude Mongella, ambapo alisema mradi aliouzindua katika kijiji cha Bwasa ni sehemu ya mradi wa maji wa Kazilankanda utakaohudumia vijiji 13 vya wilaya hiyo.

Alisema mradi huo unagharimu shilingi bilioni saba na unatekelezwa katika vijiji vya Muhula, Mahande, Namasabo, Namagondo, Kazilankanda, Malegea, Igalla, Kigara, Lutare, Busunda, Bwasa, Buhima, Hamuyebe na utahudumia wakazi 68,038 pindi utakapokamilika.

Mkataba wa Mradi huo ulisainiwa Machi 2013 na unatarajiwa kukamilika ifikapo April, 2018, ambapo hadi sasa jumla ya shilingi bilioni 5.637 sawa na asilimia 78.26 tayari zimeshatumika na mradi umekamilika kwa asilimia 92 na tayari baadhi vijiji vimeanza kupata maji.

Waziri Mkuu alisema mkakati wa Serikali ni kuwahudumia wananchi kwa kutatua kero zinazowakabili ikiwemo ya upatikanaji wa maji, ambapo imedhamiria kuendelea kusambaza huduma hiyo hadi vijijini ili kuhakikisha vyote vinapata maji.

Waziri Mkuu alisema Serikali inatekeleza Kampeni ya Rais Dkt. John Magufuli ya kumtua mama ndoo kichwani, inayolenga kuwaondolea wananchi tatizo la upatikanaji wa huduma ya maji safi na salama katika umbali usiozidi mita 400 kutoka kwenye makazi yao.

Waziri Mkuu aliwaambia wananchi kuwa Serikali ya Awamu ya Tano ina mikakati mizuri inayolenga kuondoa tatizo la maji kote nchini ili kusaidia wananchi hao hasa wanawake kutumia muda mwingi kufanya kazi za maendeleo kuliko kutafuta maji.

Katika hatua nyingine, Waziri Mkuu alimuagiza Mkuu wa Wilaya ya Ukerewe, Bw. Estomihn Chang’ah apange siku maalumu kwa ajili ya kusikiliza kero mbalimbali zinazowakabili wananchi hususani za ardhi na kushirikiana nao katika kuzipatia ufumbuzi.

Pia Waziri Mkuu alimuagiza Mkuu huyo wa wilaya leo saa 3.00 asubuhi akiwa na watumishi wa Idara ya Ardhi akutane na wananchi wote wenye malalamiko ya ardhi ili ashirikiane nao katika kuyapatia ufumbuzi. Alitoa agizo hilo baada ya kupokea malalamiko mengi ya wananchi yahusuyo masuala ya ardhi yaliyowasilishwa kwake kupitia njia ya mabango.

Alisema kwa sababu ya kutotekeleza wajibu wao ipasavyo kumekuwa na kero na malalamiko mengi kutoka kwa wananchi na hivyo kusababisha wananchi kuwasilisha kero na malalamiko hayo wakati wa ziara za viongozi wakuu wa nchi.

Awali, Naibu Waziri wa Mifugo na Uvuvi, Bw. Luhaga Mpina aliwaomba wananchi hao kutunza rasilimali zilizopo ndani ya ziwa Victoria na kujiepusha na uvuvi haramu kwa sababu unatishia uwepo wa samaki ndani ya ziwa hilo.

Waziri huyo alisema iwapo vitendo vya uvuvi haramu vikiachwa bila ya kuzuiwa kuna uwezekano mkubwa wa samaki kutoweka ndani ya ziwa hilo baada ya miaka miwili. Alisema tayari Serikali inaendelea na operesheni ya kupambana na uvuvi haramu.

(mwisho)

IMETOLEWA NA:

OFISI YA WAZIRI MKUU,

JUMATATU, FEBRUARI 19, 2018.

↧

Mwanamke achomwa moto na waganga wa jadi akitafuta uzazi

February 19, 2018, 12:56 am

≫ Next: TANGA RAHA- Sehemu ya Nane ( 8 )

≪ Previous: Waziri Mkuu Azindua Mradi Wa Maji Ukerewe......Awataka Viongozi Wa Wilaya Wahakikishe Unakuwa Endelevu

Jeshi la Polisi Mkoa wa Kipolisi wa Tarime/Rorya, linawashikilia waganga wa jadi wawili ambapo mmoja ni mkazi wa Kijiji cha Obwere na Michael Jacob wa Omuga kwa tuhuma za kumjeruhi kwa kumuunguza moto, Emiliana Thomas anayeishi Kijiji cha Omuga wilayani Rorya.

Kamanda wa Polisi wa mkoa huo, Henry Mwaibambe alisema jana kuwa, majeruhi huyo ambaye ni mwanamke anayesumbuliwa na tatizo la kutopata ujauzito, waganga hao walimwaminisha kuwa ataupata.

Alisema walimwambia ili apate mtoto ni mpaka kuku imwagiwe mafuta ya taa na iteketezwe moto huku mama huyo akiwa ameishikilia mikononi.

Kamanda alisema baada ya waganga hao kuwasha moto ulimunguza na kumsababishia majeraha.

Mwaibambe alisema, awali waganga hao walimweleza mwanamke huyo kuwa anasumbuliwa na mashetani ndani ya tumbo na ndio yanayomfanya asizae.

Alisema walimweleza kwamba kuku ikiteketea ikiwa mikononi mwake atakuwa ameondokana na mashetani, hivyo ni lazima iteketezwe.

Kamanda huyo alisema baada ya waganga hao ‘kumsomesha’ mwanamke huyo alikubali na ndipo walipoimwagia mafuta ya taa kuku hiyo na kuwasha moto kwa kibiriti uliolipuka na kumjeruhi kifuani na mikononi.

Mwaibambe aliongeza kuwa, hali ya mama huyo ni mbaya na anaendelea na matibabu katika Hospital ya Kowak wilayani humo.

Mmoja wa waganga hao wa jadi, Jacob alisema tukio hilo ni ‘bahati mbaya’.

“Alikuja akiomba tiba, sasa kwa bahati mbaya mafuta yalikuwa yamemumwagikia mikononi na mikono ya nguo aliyokuwa amevaa ilikuwa hadi mikononi, wakati tumewasha moto ndipo ukamuunguza,” alisema Jacob.

Mwakilishi wa Chama cha Tiba Asili mkoani Mara, Jacob Matiko alilaani kitendo hicho kuwa hakiendani na taratibu za tiba na kinakiuka sheria inayozuia vitendo hivyo huku akiwataka waganga kutofanya utapeli iwapo hawawezi kufanya tiba kama matabibu asili.

↧

TANGA RAHA- Sehemu ya Nane ( 8 )

February 19, 2018, 1:21 am

≫ Next: Zitto Kabwe kufanya ziara Nchi Nzima katika Kata zinazoongozwa na ACT Wazalendo

≪ Previous: Mwanamke achomwa moto na waganga wa jadi akitafuta uzazi

MWANDISHI: EDDAZARIA G.MSULWA

ILIPOISHIA

Simu yangu ikaanza kuita nikapiga hatua za haraka kwenda kuipokea huku nikimgonga kidogo muhudumu begani kitendo cha kuinama na kuiokota suruali yangu iliyopo chini ili kuitoa simu yangu mfukoni gafla taulo langu likafunguka na kudondoka chini huku muhudumu akibaki ananishangaa.

ENDELEA

Nikashika na bumbuwazi huku nisijue ni nini nifanye huku muhudumu akiwa hakwepeshi hata jicho katika kunitazama katika kiko yangu.Nikaitoa simu na kukuta ni Rahma anaye piga.Nikaipokea huku nikiwa ninaliokota taulo taratibu

“Baby umeshaletewa chakula”

“Ndio baby”

“Ok mimi nimeshafika kwa bibi nikitaka kuja huko nitakuambia”

“Sawa mke wangu”

Nikakata simu na kumkuta muhudumu akiwa anmenata kama amedandishwa na superglue kwani hakutingishika wala kukwepesha sura yake katika taulo ambalo limeifunika koki yangu

“Hei dada…..dada”

Akastuka na kwa aibu akatoka pasipo kuzungumza chochote na akaufunga mlango na nikabaki nikijifikiria ni kitu gani cha ajabu alicho kiona muhudumu mpaka akawa anashangaa kiasi cha kunifanya nimshangae.Nikala chakula ambacho kimeletwa na muhudumu kwenye chumba changu.Nikamaliza na kuvaa nguo zangu na kwenda kutembelea maeneo ya hteli hiyo yenye mandhari mazuri ya kupendeza.

Nikatafuta sehemu ya kukaa iliyopo kandokando ya swimming pool na kagizia juisi baridi na kuanza kunywa huku nikimsubiri Rahma kuja kunihukua.Nikiwa ninaendelea kunywa juisi yangu kuna wasichana wawili warembo wakaja kukaa kwenye kitanda kilichopo pembeni yangu huku wakianza kuvua nguo zao kwa ajili ya kuogelea katika swimming pool hilo

Wakabaki na nguo zao za ndani na kujitosa ndani ya maji na kuanza kuogelea.Wakiwa wanaendelea kuogelea mmoja anayeonekana si mzoefu sana katika kuogelea akaanza kupiga kelele ya kuomba msaada wa kuokolewa.Nikanyanyuka haraka haraka na kuvua viatu na kuitoa wallet yangu yenye pesa pamoja na simu mfukoni na kujitosa ndani ya maji.Nikaogelea hadi katika eneo alilo kuwepo nikamsubiria maji ya mlegeze kwanza kwa sekunde kadhaa nikihofia enedapo nikimuokoa akiwa katika hali yake ya kuwa na nguvu anaweza kunizamisha na mbaya zaidi sehemu waliyopo katika swimming pool hilo kuna kina kirefu kwenda chini.

Nikamshika vizuri na kwenda naye njee na kumlaza katika ukingo wa swimming pool hilo huku nikianza kumminya minya kifuani ili atapike maji aliyo yanywa nikaanza kumpa pumzi kwa kumpulizia mdomoni kwake.Wahudumu wa kiume wa hotel wakawa tayari wameshafika katika eneo hilo na kunisaidia katika zoezi la kumtapisha msichana huyo huku mwenzake akiwa pembeni akilia

==>Endelea Nayo <<kwa Kubofya Hapa>>

↧

Zitto Kabwe kufanya ziara Nchi Nzima katika Kata zinazoongozwa na ACT Wazalendo

February 19, 2018, 1:40 am

≫ Next: Diamond Platnumz atangaza ziara yake ya muziki nchini Marekani

≪ Previous: TANGA RAHA- Sehemu ya Nane ( 8 )

Viongozi wa Chama cha ACT- Wazalendo wakiongozwa na Zitto Kabwe wameanza ziara katika mikoa minane kutembelea kata ambazo zinaongozwa na chama hicho.

Taarifa kwa umma, iliyotolewa leo Jumatatu Februari 19, 2018 na Zitto, imesema katika ziara hiyo ameambatana na mwenyekiti wa kamati ya chama hicho inayoshughulia Bunge na Serikali za Mitaa, Annamarrystella Mallack, katibu wa kamati hiyo, Janeth Rithe na mwenyekiti wa Kamati ya Sera na Utafiti, Emmanuel Mvula.

Zitto ambaye pia ni mbunge wa Kigoma Mjini amesema: “Tumeanza ziara ya mikoa minane kutembelea kata mbalimbali ambazo wananchi walichagua madiwani kutoka chama chetu katika Uchaguzi Mkuu wa mwaka 2015.”

“Ziara itafanyika kwa siku 19 katika mikoa minane husika, ambako leo (Februari 19,2018) tumeanzia Kata ya Kiparang’anda, Wilaya ya Mkuranga mkoani Pwani.”

Amesema lengo la ziara ni kuwashukuru wananchi, kushiriki kazi za maendeleo katika kata, kuzungumza na kamati ya maendeleo ya kata, kuzungumza na wananchi husika, kuangalia utendaji wa madiwani kutokana na matarajio ya wananchi, kuona vikwazo na changamoto za madiwani wao.

Pia, amesema watasisitiza uwazi, uwajibikaji na ushirikishwaji wa wananchi kwenye masuala yote ya kata, pamoja na kufanya tafiti juu ya masuala ya kisera na miradi ya maendeleo ambayo ACT Wazalendo Taifa wanaweza kuyabeba kusaidia madiwani.

↧

Diamond Platnumz atangaza ziara yake ya muziki nchini Marekani

February 19, 2018, 1:50 am

≫ Next: Mahakama yaamuru ‘Nabii Tito’ akapimwe Mirembe.....Kesi Imeahirishwa hadi Machi 5

≪ Previous: Zitto Kabwe kufanya ziara Nchi Nzima katika Kata zinazoongozwa na ACT Wazalendo

Msanii wa muziki wa Bongo Fleva, Diamond Platnumz ametangaza ziara yake ya muziki nchini Marekani ambapo atatumbuiza kwenye majiji 12 nchini humo.

Ziara hiyo inayoanza tarehe 22 June hadi 23 July 2018, Diamond atawapagawisha kwa burudani wakazi wa Majiji ya New York, Los Angeles, Minnesota, Houston, Seattle, Kansas City, Washington DC, Boston, Atlanta, Columbus, Philadephia, Dallas.

“Kuelekea kwenye Kuachiwa Rasmi kwa Albam ya #AboyFromTandale Ndugu zangu Mlio Marekani Jiandaeni kwa Ziara ya #AboyFromTandaleUSATour ndani ya State hizo 12 kuanzia tareh 22/06 hadi 23/07 Mwaka 2018!!“amesema Diamond Platnumz.

Ziara hiyo ya ‘A Boy From Tandale’ itakuja baada ya kuachiwa kwa album yake ya ‘A Boy From Tandale’ mwezi Machi 14, 2018.

↧

Mahakama yaamuru ‘Nabii Tito’ akapimwe Mirembe.....Kesi Imeahirishwa hadi Machi 5

February 19, 2018, 2:06 am

≫ Next: Salamu za Shukrani na Pongezi toka CCM kwa Ushindi wa Kishindo katika Majimbo ya Siha, Kinondoni na Kata Kumi

≪ Previous: Diamond Platnumz atangaza ziara yake ya muziki nchini Marekani

Mahakama ya Wilaya ya Dodoma imemuamuru mkuu wa Gereza la Isanga kumpeleka katika taasisi ya magonjwa ya akili mshtakiwa Onesmo Machibya maarufu Nabii Tito, ili kujua iwapo ana akili timamu au la.

Hakimu mkazi mfawidhi wa mahakama hiyo, James Karayemaha ametoa agizo hilo leo Jumatatu Februari 19,2018.

Amesema Magereza wanachelewesha haki ya mshtakiwa na kwamba, anashangaa ni kwa nini wanashindwa kutekeleza agizo la kumpeleka kufanyiwa uchunguzi.

"Naagiza amri ya Mahakama itekelezwe, apelekwe taasisi ya magonjwa ya akili Isanga (Mirembe) si kama alivyoleta vielelezo kutoka Muhimbili," amesema Karayemaha.

Hakimu ameahirisha kesi hadi Machi 5,2018 itakapotajwa kwa ajili ya kupokea taarifa ya uchunguzi.

↧

Latest Images