Zitto akubali kushindwa uchaguzi wa udiwani....Ni Baada ya Chama Chake Kuamulia Patupu

November 27, 2017, 5:03 am

≫ Next: Hatimiliki Za Ardhi Kutolewa Ndani Ya Wiki Moja....Wenye Hati za Zamani Watatakiwa Kuzibadili

≪ Previous: Lowassa Apangua Kauli za Mkuu WA Mkoa...Akanusha Kutaka Kurudi CCM

Kiongozi wa Chama cha ACT Wazalendo, Zitto Kabwe, leo Jumatatu, Novemba 27, 2017 amefunguka kuwa, chama chao wameshapata matokeo ya kata zote walizoshiriki uchaguzi mdogo wa madiwani ulifanyika jana Jumapili huku akisema hawajashinda hata kata moja.

Adiha kiongozi huyo amelaani vitendo vya vurugunna fujo vilivyofanywa katika baadhi ya vituo vya kupigia kura na kusababisha taharuki miongopnmi mwa wapiga kura.

“Uchaguzi wa Madiwani Umekwisha, ACT Wazalendo, tunalaani vurugu na Kuwashukuru Watanzania. Jana tumemaliza Uchaguzi mdogo wa madiwani nchi nzima. Katika kata zote 43 nchini zilizogombewa, Sisi ACT Wazalendo tuliweka wagombea kwenye kata 17 tu.

“Tumepata matokeo ya kata zote na hakuna kata tuliyoshinda. Wapiga kura wameamua na sisi tumekubali. Tunafanya tathmini ya matokeo nchi nzima na tutazungumza na Wananchi. Tunawashukuru sana kwa kura tulizopata. Tutazienzi kwani ndio haki yetu.

“Tunajiandaa na chaguzi ndogo zinazokuja ikiwemo za Ubunge kwenye majimbo yaliyowazi. Tutatumia mafunzo tuliyoyapata kwenye chaguzi ndogo hizi kujipanga na chaguzi zinazokuja.

“Kwetu sisi Chama cha Wazalendo, Uchaguzi ulikuwa fursa ya kuzungumza na Wananchi na kufikisha ujumbe wetu kwani kuzuiwa kwa mikutano ya hadhara kunatunyima fursa hiyo. Hatutachoka kuendelea kusambaza sera zetu kwani tunaamini ni bora zaidi na zinazoweza kuleta unafuu kwa wananchi

“Mwezi mmoja huu wa kampeni, tumepita sehemu mbalimbali za nchi na kuzungumza na Wananchi, kusikiliza matumaini na changamoto zao na kuwaeleza hali ya nchi kisiasa na kiuchumi. Tumeweza kufikisha ujumbe wetu wa kampeni za mwaka huu zilizojikita kwenye masuala ya Haki na Uchumi

“Tumewaeleza namna haki za raia zinavyominywa na namna Uendeshaji mbovu wa uchumi unavyowaweka kwenye dimbwi la umasikini. Tumewaeleza namna uhuru wa mawazo unaminywa, vyama kuzuiwa kufanya mikutano kueneza sera zetu.

“Bunge kuzuiwa kuonyeshwa moja kwa moja ili Wananchi kufuatilia namna wanavyowakilishwa na magazeti kufungiwa ili kudhibiti uhuru wa Habari.

“Tumewaeleza kuhusu vitendo vya kinyama vya kushambulia wawakilishi wa Wananchi kwa lengo la kuua na kufungulia kesi wanasiasa wanaoikosoa Serikali na kutoa mawazo mbadala.

“Yote haya yanafanywa kwa lengo la mtu mmoja kudhibiti mamlaka ya nchi na kufanya ukiritimba wa Uendeshaji wa nchi yetu jambo ambalo ni hatari kwa Demokrasia yetu.” amesema Zitto Kabwe.

↧

Hatimiliki Za Ardhi Kutolewa Ndani Ya Wiki Moja....Wenye Hati za Zamani Watatakiwa Kuzibadili

November 27, 2017, 5:23 am

≫ Next: Japan Yaonesha Nia Kuijenga Dodoma Kwa Miundombinu Ya Kisasa

≪ Previous: Zitto akubali kushindwa uchaguzi wa udiwani....Ni Baada ya Chama Chake Kuamulia Patupu

Serikali itaanza kutoa hatimiliki za viwanja kati ya siku moja na siku saba kwa kutumia mfumo wa kielektroniki ifikapo Juni 1, 2018.

Hayo yameelezwa leo jijini Dar es Salaam na Waziri wa Ardhi, Nyumba na Maendelo ya Makazi, Mhe. William Lukuvi wakati wa ziara ya kutembelea ofisi za Mfumo Unganishi wa Taarifa za Ardhi.

“Tunataka kupunguza urasimu na kuongeza ufanisi katika kutoa hati kutoka ilivyo sasa ambapo hati hutolewa kati ya mwezi mmoja hadi miezi mitatu”, alisema Lukuvi.

Ameongeza kuwa mfumo huo utaondoa udanganyifu katika kutoa hati kwa watu wawili au zaidi katika kiwanja kimoja na kuondoa migogoro ya viwanja ambayo imekuwa kero kwa wananchi.

Lukuvi amesema Serikali ya Awamu ya Tano imedhamiria kuondoa utapeli uliokuwa ukifanyika kuhusu ardhi na ndio maana imeanzisha mfumo huo ambao ameuita muarobaini wa migogoro ya ardhi.

Aidha, Waziri Lukuvi alisema kuwa hati ya kisasa itakuwa na ukurasa mmoja badala ya zamani ambayo ilikuwa na kurasa zaidi ya ishirini.

Kwa mfumo huo, maafisa ardhi hawatatumia tena karatasi bali watakuwa na kompyuta ambamo taarifa zote zitahifadhiwa, aliongeza Lukuvi.

Lukuvi amesema kuwa mfumo utaiwezesha Serikali kuwafahamu wamiliki wote wa viwanja na kuwakumbusha muda wa kulipia viwanja vyao, hivyo mapato ya Serikali yataongezeka.

Kwa mujibu wa Waziri Lukuvi, Mfumo huo utatumika kutunza taarifa za ardhi za nchi nzima na hauwezi kuchezewa na mtu yeyote kwani kutakuwepo na nywila (password) ya kuingia kwenye mfumo ambayo itatolewa kwa maafisa wachache na hivyo kupunguza uwezekano wa kutoa hati zaidi ya moja kwa kiwanja kimoja.

Wizara ya Ardhi, Nyumba na Maendeleo ya Makazi kwa kushirikiana na wataalam kutoka Kampuni ya IGN FI wanatekeleza, uundaji, usambazaji, usimikaji na uendeshajiwa mradi wa mfumo unganishi wa taarifa za ardhi unaodhaminiwa na Benki ya Dunia.

Dhumuni la mradi huo ni kuimarisha usalama katika umiliki wa ardhi kwa kuboresha usalama na usahihi katika manunuzi ya ardhi pamoja na kuanzisha mfumo sahihi na imara wa taarifa za ardhi.

Mfumo huo utakamilika ifikapo Juni 1 mwakani (2018) na hati ya kwanza ya kielektroniki ndipo itatolewa rasmi. Na wenye hati za zamani watatakiwa kubadilisha hati zao na kupewa za kielektroniki.

↧

Japan Yaonesha Nia Kuijenga Dodoma Kwa Miundombinu Ya Kisasa

November 27, 2017, 5:14 am

≫ Next: Polepole: Matokeo Yanaonyesha CCM Inaongoza Kata 42 Kati ya 43 (VIDEO)

≪ Previous: Hatimiliki Za Ardhi Kutolewa Ndani Ya Wiki Moja....Wenye Hati za Zamani Watatakiwa Kuzibadili

Benny Mwaipaja, Dar es Salaam

SHIRIKA la Kimataifa la Maendeleo la Japan (JICA) limesema liko tayari kushirikiana na Serikali kujenga miundombinu ya kisasa ya usafiri, Nishati ya umeme, maji na usafi wa mazingira katika Makao Makuu ya nchi, Dodoma.

Ahadi hiyo imetolewa na Makamu wa Rais wa Shirika hilo Bw. Hiroshi Kato wakati alipokutana na kufanya mazungumzo na Waziri wa Fedha na Mipango, Dkt. Philip Mpango, Jijini Dar es Salaam.

Bw. Kato alisema kuwa mradi mwingine wanaotaka kuutekeleza katika mji wa Dodoma ni udhibiti wa taka ngumu na kwamba wanachosubiri ni Serikali kuainisha maeneo ya vipaumbele vilivyoko katika mpango mji wa Dodoma.

Aidha Makamu huyo wa Rais wa JICA alisema kuwa Shirika lake litaendelea kusaidia eneo la kilimo hususan kilimo cha mpunga ili kuongeza thamani ya zao hilo na kuwakomboa wakulima.

Waziri wa Fedha na Mipango, Dkt. Philip Mpango amelishukuru Shirika hilo kwa kuonesha nia ya kusaidia ujenzi wa mji wa Dodoma ambao ndio Makao Makuu ya nchi.

Alisema kuwa mradi huo utasaidia kwa kiasi kikubwa kuupanga mji wa Dodoma mapema ili kuondoa changamoto za msongamano wa huduma za jamii kwenye eneo moja kama ilivyo Jijini Dar es Salaam.

“Pamoja na umuhimu wa miundombinu ya maji, umeme, usafiri wa mjini, lakini pia tunataka tujenge mapema njia za juu (ring roads) ili kudhibiti msongamano wa magari” alisema Dkt. Mpango.

Aliongeza kuwa mradi mwingine wa kipaumbele katika mji huo ni ujenzi wa uwanja wa ndege wa kimataifa katika eneo la Msalato, karibu kilometa 20 kutoka katikati ya mji huo ili kurahisisha usafiri kwa njia ya anga.

↧

Polepole: Matokeo Yanaonyesha CCM Inaongoza Kata 42 Kati ya 43 (VIDEO)

November 27, 2017, 5:18 am

≫ Next: Taarifa Kutoka Wizara Ya Afya Kuhusu Matapeli

≪ Previous: Japan Yaonesha Nia Kuijenga Dodoma Kwa Miundombinu Ya Kisasa

Polepole atoa kauli ya CCM kuhusu uchaguzi mdogo wa madiwani uliofanyika jana

==>Msikilize hapo chini

↧

Taarifa Kutoka Wizara Ya Afya Kuhusu Matapeli

November 27, 2017, 5:25 am

≫ Next: Wabunge wa CUF waliovuliwa Ubunge wazungumza baada ya kushinda kesi

≪ Previous: Polepole: Matokeo Yanaonyesha CCM Inaongoza Kata 42 Kati ya 43 (VIDEO)

Wizara ya Afya,Maendeleo ya Jamii, Jinsia,Wazee na Watoto inapenda kuutahadharisha Umma dhidi ya matapeli wanaopita maeneo mbali mbali wakiwaeleza watu kwamba wanauwezo wa kuwapatia Ajira za Afya, huku wakiwataka kutoa rushwa, kitu ambacho si kweli na ni kinyume na sheria na taratibu za nchi.

Katika watu hao kuna mtu anayetumia jina la Godfrey Nyami anaejifanya ni mtumishi wa Idara ya Utawala Wizara ya Afya, Maendeleo ya Jamii, Jinsia, Wazee na Watoto na huchukua fedha kiasi cha shilingi 100,000/ kwa ahadi ya kuwapatia kazi.

Kama kuna mtu yoyote anafanya hivyo na unamfahamu tafadhari toa taarifa katika vyombo vya dola, kwani kufanya hivyo ni kosa kisheria na hatua kali zitachukuliwa.

Imetolewa na ,

Kitengo cha Mawasiliano Serikalini-Afya

27/11/2017.

↧

Wabunge wa CUF waliovuliwa Ubunge wazungumza baada ya kushinda kesi

November 27, 2017, 5:31 am

≫ Next: Majengo Ya Wizara ya Maji Yaanza Kubomolewa Kutekeleza Agizo la Rais Magufuli

≪ Previous: Taarifa Kutoka Wizara Ya Afya Kuhusu Matapeli

WANACHAMA wanane wa CUF waliovuliwa ubunge wamemwandika barua Katibu wa Bunge ili amjulishe Spika Job Ndugai kuhusu uamuzi wa Mahakama Kuu ili achukue hatua stahiki ikiwamo kuwafahamisha utaratibu utakaotumika kuwarejesha kwenye nafasi zao.

Wanachama hao ni Miza Haji, Saverina Mwijage, Salma Mwasa, Raisa Mussa, Riziki Mngwali, Hadija Al-Qassmy, Saumu Sakala na Halima Mohamed.

Taarifa iliyotolewa na wabunge wao wa CUF waliovuliwa uanachama na chama hao hii hapa:-

WABUNGE CUF WAMUANDIKIA BARUA SPIKA KUTAKA UTEKELEZWAJI WA MAAMUZI YA MAHAKAMA KUU:-

THE CIVIC UNITED FRONT (CUF-CHAMA CHA WANANCHI)

TAARIFA KWA WAANDISHI WA HABARI KUHUSU MAAMUZI YA MAHAKAMA KUU YA TANZANIA KANDA YA DAR ES SALAAM KUREJESHWA KATIKA NAFASI YA UBUNGE WA BUNGE LA JAMHURI YA MUUNGANO WA TANZANIA

1. Ndugu Waandishi wa Habari; Awali ya yote hatuna budi kumshukuru Mwenyezi Mungu Mtukufu kwa kutujaalia Uzima na Afya njema ya kuweza kukutana hapa leo kuweza kuzungumza nanyi na kupitia nyinyi kufikisha ujumbe wetu kwa Watanzania wote.

2. Mtakumbuka kuwa Tarehe 25 Julai, 2017 Spika wa Bunge wa Jamhuri ya Muunagano wa Tanzania, Mheshimiwa Job Ndugai, alitangaza kutuvua Ubunge Wabunge [8] wa CUF Viti Maalum kwa kasi tuliyoiita (supersonic speed) na baadaye haraka haraka Tume ya Taifa ya Uchaguzi [NEC] kuwatangaza wafuasi wa Lipumba kuchukua nafasi hizo bila ya kufuata utaratibu huku wakijua kuwa kuna Shauri Mahakamani linalosubiri kusikilizwa na kufanyiwa maamuzi.

3. Tulifungua Shauri la Madai Mahakama Kuu ya Tanzania (Civil Case No. 143/2017) na Shauri dogo la Madai (Miscellaneous Civil Case No. 479/2017). Hata hivyo, kutokana na michakato ya kisheria Mahakama Kuu haikuweza kutoa maamuzi ya Zuio [Temporary Injunction and Maintenance of Status Quo] tuliloomba kwa wakati huo ndani ya muda muafaka. Baadaye Tarehe 5 Septemba, 2017 Wafuasi 8 wa Lipumba waliotangazwa kuwa wameteuliwa na NEC kuwa Wabunge waliapishwa na Bunge kuchukua nafasi zetu.

4. Tarehe 10 Novemba, 2017 Mahakama Kuu baada ya kusikiliza maombi yetu na kuzipitia hoja za pande zote imetoa maamuzi ya kuizuia CUF kujadili kwa namna yoyote ile Uanachama wetu na imetengua utekelezwaji wa kufukuzwa kwetu Uanachama (suspend implementation), kisheria ikiwa na maana kwamba sisi sote bado ni Wanachama halali wa CUF na pia bado tuna sifa za kuendelea kuwa Wabunge.

Sehemu ya Maamuzi ya Mahakama Kuu inasomeka kama ifuatavyo, ninanukuu:

“…The object of the temporary injunction is to protect the plaintiff against injury by violation of his right for which he could not adequately be compensated in damages recoverable in the action if the uncertainty were resolved in his favour on the trial…”

To the extent it relates to the 1st, 2nd, and 3rd Respondents, it can hardly be argued in this application that a loss shutting down the Applicants political carrier can be easily atoned by award of damages and I would not hesitate upholding the submission on the second principle.

Lastly, on balance of convenience. Under this condition, the court has to assess in whose favour the balance lies by the grant or refusal of the order sought. Again I am Satisfied that the Applicants have met this condition. The Applicants have averred that have appealed to the MKUTANO MKUU against their expulsion from CUF and that pending the determination of their appeals, the 1st, 2nd, and 3rd Respondents should be restrained from implementing their impugned decision.

“….IN ZITTO ZUBEIR KABWE V. BOARD OF TRUSTEES OF CHAMA CHA DEMOKRASIA NA MAENDELEO & ANOTHER, CIVIL CASE NO. 270 OF 2013 (unreported) this Court speaking through Utamwa, J considered an application in more or less similar circumstances involving an elected member of parliament whose membership in the sponsoring party was about to be terminated which could have culminated into loss of his seat. Discussing the last condition, Court said:

“….I agree …that the balance of convenience is in favour of the Applicant in this matter for, in case temporary injunction order is not issued, the feared irreparable loss will become real, the main suit will become nugatory and thus the Applicant will face more inconvenience than the Respondents and the party generally will not suffer more inconvenience than the Applicant because,… the order is not intended to restrain the Respondents from their other functions generally….” (at page 45).

I am inclined to agree with my brother in his reasoning and that disposes the third condition in favour of the Applicants.

In the upshot, the application against the 1st, 2nd, and 3rd Respondents [Board of Trustees – CUF, Lipumba na Magdalena Sakaya] is hereby granted and the Court makes the following temporary orders of Injunction as Follows:

1. Suspension of the implementation of the expulsion Order issued against the Applicants from the Civic United Front (CUF) Political Party pending the hearing and final determination of Civil Case No. 143 of 2017 or any other order from the Court.

2. The 1st, 2nd and 3rd respondents, their agents, assignees or anybody acting under their authority are restrained from in any shape or form discussing the membership of the Applicants herein pending the hearing and final determination of Civil Case 143 of 2017 or any other order from the Court.

L. J. S. Mwandambo

JUDGE

Nakala ya Maamuzi haya tumeambatanisha na Taarifa hii

5. Ni kwa msingi huu Tarehe 20 Novemba, 2017 tulimuandikia Katibu wa Bunge na ili amjulishe Mheshimiwa Spika Job Ndugai kuhusu Maamuzi haya ya Mahakama Kuu ili naye achukue hatua stahiki ikiwemo kutufahamisha utaratibu atakaoutumia kuturejesha katika nafasi zetu za Ubunge kama ilivyokuwa awali ndani ya Bunge la Jamhuri ya Muungano wa Tanzania.

6. Tumeonelea ni vyema kuwajulisha wanaCUF na Watanzania kwa ujumla hatua tulizozichukua baada ya Maamuzi ya Mahakama Kuu, na ni matarajio yetu kuwa Mheshimiwa Spika na Mamlaka zake zote zitaheshimu Maamuzi ya Mahakama Kuu.

HAKI SAWA KWA WOTE

Imetolewa Leo Tarehe 27 Novemba 2017

Dar-es-Salaam.

………………………………………………….

RIZIKI SHAHARI MNGWALI

Kwa niaba ya:

1) MHE. SEVERINA SILVANUS MWIJAGE,

2) MHE. SAUMU HERI SAKALA,

3) MHE. SALMA MOHAMED MWASSA,

4) MHE. RAISA ABDALLAH MUSSA,

5) MHE. MIZA BAKARI HAJI,

6) MHE. KHADIJA SALUM ALLY AL-QASSMY, NA

7) MHE. HALIMA ALI MOHAMED

↧

Majengo Ya Wizara ya Maji Yaanza Kubomolewa Kutekeleza Agizo la Rais Magufuli

November 27, 2017, 5:40 am

≫ Next: Magdalena Sakaya: Sipo Tayari Kuhama CUF na Kama Kitafutwa Basi Ntastaafu Siasa

≪ Previous: Wabunge wa CUF waliovuliwa Ubunge wazungumza baada ya kushinda kesi

TINGATINGA limeanza kubomoa majengo ya Wizara ya Maji yaliyopo eneo la Ubungo jijini Dar es Salaam kufuatia amri ya Rais John Magufuli aliyoitoa hivi karibuni.

Jengo lingine ambalo lkinatarajia kubomolewa na tingatinga ni la Shirika la Umeme Nchini (Tanesco), ambalo linatazamana na wizara ya maji eneo la Ubungo.

Majengo hayo yanatakiwa kubomolewa ili kupisha ujenzi wa barabara itakayoanzia Ubungo hadi Chalinze mkoani Pwani kwa njia sita.

Leo asubuhi majengo hayo ya wizara yameanza ‘kupigwa nyundo’ ikiwa ni utekelezaji wa agizo la Rais John Magufuli ambaye aliagiza majengo ya wizara hiyo na ghorofa la Shirika la Umeme Tanzania (Tanesco) kuwekwa alama ya X kwa ajili ya kubomolewa.

Novemba 15,2017 akitokea Chato alipokwenda kwa mapumziko baada ya ziara ya Uganda, Rais Magufuli aliagiza Wakala wa Barabara Tanzania (Tanroads) kuweka alama ya X katika jengo la Tanesco na Wizara ya Maji, sehemu zilizo katika hifadhi ya barabara.

Katika majengo ya Wizara ya Maji, tingatinga limevunja ukuta, huku watu wengine wakiendelea na kazi ya kuondoa madirisha na milango kwenye majengo. Jengo lililoanza kubomolewa ni la ofisi ya Waziri wa Maji.

Wafanyakazi wa wizara hiyo wanaendelea kutoa mali ndani ya majengo waliyokuwa wakiyatumia kwa ofisi.

Mbali ya majengo hayo, Tanraods inaendelea kuweka alama ya X kwenye nyumba za wananchi zilizo katika hifadhi ya barabara ikiwa ni pamoja na kupisha ujenzi wa barabara za juu eneo la Ubungo.

Tayari nyumba takriban 1,200 zikiwamo tano za ibada, vituo vya mafuta na baa katika eneo la Ubungo hadi Kimara mwisho zimewekwa alama kwa ajili ya ubomoaji.

Kwa mujibu wa Tanroads, ubomoaji katika eneo la Ubungo hadi Kimara mwisho unahusisha nyumba zilizo mita 91.7 katika hifadhi ya barabara ikiwa ni utekelezaji wa Sheria ya Hifadhi ya Barabara ya mwaka 1932.

↧

Magdalena Sakaya: Sipo Tayari Kuhama CUF na Kama Kitafutwa Basi Ntastaafu Siasa

November 27, 2017, 6:07 am

≫ Next: Serikali kununua kondomu milioni 500 ......Zitasambazwa Bure Nchi Nzima

≪ Previous: Majengo Ya Wizara ya Maji Yaanza Kubomolewa Kutekeleza Agizo la Rais Magufuli

Naibu Katibu wa CUF Tanzania Bara, Magdalena Sakaya amedai hayuko tayari kuondoka Chama cha Wananchi CUF na kwenda katika vyama vingine hata kama chama chake kina mgogoro na iwapo na ikitokea Ofisi ya Msajili wa Vyama vya Siasa ikiamua kukifuta chama hicho yeye atastafu siasa

Akifanya mahojiano maalumu na Nipashe, Sakaya amesema kwamba Mgogoro unaoendelea ndani ya chama chao ni wa Kikatiba na unafahamika kwa msajili wa vyama na kuongeza kama ikitokea kwamba CUF inafutwa basi yeye atastaafu siasa na siyo kuhama chama.

"Kwanza naamini CUF haiwezi kufutwa. Yaani hilo halipo pamoja na changamoto ya mgogoro iliyopo. CUF ina misingi yake na mgogoro uliopo ndani yake ni wa kikatiba. Kwa hiyo, mimi nikiamua kwamba sasa sitaki kuendelea kuwapo CUF, ninaacha siasa. Ninaendelea na mambo yangu mengine, eeeh" Sakaya

"Kwanza mimi sijawahi kuwa na kadi ya CUF pekee. Nakumbuka wakati tunaripoti Shule yaSekondari ya Wasichana Kibosho (mwaka 1986) tuligawiwa kadi za kijani (CCM) wakati ule nchini kulikuwa na chama kimoja. Baadaye nikiwa na akili yangu timamu kadi niliyoichukua ni ya CUF ambayo niliichukua mwaka 1995 na ninayo mpaka leo na nitaendelea kuwa nayo. .

↧

Serikali kununua kondomu milioni 500 ......Zitasambazwa Bure Nchi Nzima

November 27, 2017, 6:48 am

≫ Next: TANESCO yatekeleza agizo la Rais Magufuli..... Yaanza kubomoa jengo lake kwa Hiari

≪ Previous: Magdalena Sakaya: Sipo Tayari Kuhama CUF na Kama Kitafutwa Basi Ntastaafu Siasa

Serikali inatarajia kununua kondomu milioni 500 zitakazosambazwa nchi nzima bure kwa lengo la kupunguza maambukizi ya Ukimwi ifikapo mwaka 2030.

Kondomu hizo zitasambazwa bila malipo ambapo kutakuwa na mashine maalumu zitakazofungwa kwenye maeneo ya baa, nyumba za kulala wageni, migodini na katika kumbi za burudani.

Akizungumza leo wakati wa uzinduzi wa mkakati wa kitaifa wa kondomu, Mkurugenzi wa Kinga kutoka Wizara ya Afya, Maendeleo ya Jamii, Jinsia, Wazee na Watoto, Dk. Neema Rusibamaila, amesema kondomu hizo zitanunuliwa kupitia fedha za Global Fund.

“Takwimu za mwaka 2011/12 zinaonyesha asilimia 69 ya wanawake na asilimia 77 ya wanaume wanafahamu kwamba kondomu inaweza kuzuia VVU lakini ni asilimia 27 tu ya watu wenye wenza zaidi ya mmoja walitumia kondomu walipofanya ngono mara ya mwisho,” amesema.

Credit:Mtanzania

↧

TANESCO yatekeleza agizo la Rais Magufuli..... Yaanza kubomoa jengo lake kwa Hiari

November 27, 2017, 7:04 am

≫ Next: Mbunge wa CHADEMA Susan Kiwanga Atiwa Mbaroni......Polisi Waendelea Kumsaka Mbunge Lijualikali

≪ Previous: Serikali kununua kondomu milioni 500 ......Zitasambazwa Bure Nchi Nzima

Uongozi wa Shirika la Umeme Tanzania (Tanesco) umesema umeanza utekelezaji wa agizo la Rais John Magufuli la kubomoa jengo lake lililo ndani ya hifadhi ya barabara eneo la Ubungo jijini Dar es Salaam.

Kazi hiyo iliyoanza leo Jumatatu Novemba 27,2017 ni utekelezaji wa agizo la Rais Magufuli aliyeagiza majengo ya Wizara ya Maji na Umwagiliaji na ghorofa la Tanesco kuwekwa alama ya X kwa ajili ya kubomolewa.

Novemba 15,2017 akitokea Chato alipokwenda kwa mapumziko baada ya ziara ya Uganda, Rais Magufuli aliagiza Wakala wa Barabara Tanzania (Tanroads) kuweka alama ya X katika majengo hayo sehemu zilizo katika hifadhi ya barabara.

Taarifa ya Tanesco kwa umma imesema kuanzia leo Jumatatu Novemba 27,2017 wameanza kubomoa ukuta wa mbele ya jengo.

Tanesco imesema baadhi ya watumishi wa shirika hilo wameanza kuhamishiwa katika ofisi nyingine za shirika zilizopo jijini Dar es Salaam ili kupisha shughuli za ubomoaji kufanyika kwa usalama.

Uongozi wa shirika hilo na Wakala wa Majengo Tanzania (TBA) unaendelea kufanya utaratibu utakaowezesha ubomoaji wa jengo hilo la ghorofa kufanyika bila kuathiri huduma kwa wateja wa Tanesco.

“Katika kipindi hiki cha utekelezaji wa agizo la Rais. Tunapenda kuwahakikishia wateja na Watanzania kwa jumla kuwa, huduma za umeme zitaendelea kupatikana kama kawaida ikiwemo huduma ya ununuzi wa Luku,” imesema taarifa hiyo.

Uongozi wa shirika hilo umesema utaendelea kutoa taarifa kwa kadri kazi hiyo itakavyokuwa ikiendelea.

==>Soma taarifa iliyotolewa na Tanesco kwa Vyombo vya Habari leo Novemba 27, 2017.

↧

Mbunge wa CHADEMA Susan Kiwanga Atiwa Mbaroni......Polisi Waendelea Kumsaka Mbunge Lijualikali

November 27, 2017, 7:01 am

≫ Next: Kajala Aonyesha Umahiri Wake wa Kumtega Shemeji Yake

≪ Previous: TANESCO yatekeleza agizo la Rais Magufuli..... Yaanza kubomoa jengo lake kwa Hiari

Polisi mkoani Morogoro inawashikilia watu 41 akiwemo mbunge wa Mlimba (Chadema), Susan Kiwanga.

Pia inawashikilia madiwani wawili, huku mbunge wa Kilombero (Chadema), Peter Lijualikali akitafutwa na jeshi hilo wakidaiwa kufanya fujo na kuchoma moto ofisi ya mtendaji baada ya kutangazwa matokeo ya uchaguzi mdogo wa udiwani katika Kata ya Sofi wilayani Malinyi.

Kamanda wa Polisi Mkoa wa Morogoro, Urlich Matei katika taarifa leo Jumatatu Novemba 27,2017 amesema tukio hilo lilitokea jana Jumapili Novemba 26,2017 saa tano usiku ambako walikwenda kwa ajili ya uchaguzi mdogo wa udiwani.

Kamanda Matei amesema wabunge hao na madiwani wawili wa Chadema kutoka Ifakara walionekana kuhamasisha baadhi ya wafuasi wao kufanya vurugu.

Amesema watuhumiwa wanadaiwa kuchoma majengo ya umma ambayo ni ofisi shule ya msingi Sofi, nyumba ya walimu wa shule hiyo na ofisi ya mtendaji kata.

Kamanda Matei amesema fujo na uharibu huo ulitokea baada ya msimamizi wa uchaguzi kutangaza matokeo kuwa mgombea wa CCM ndiye alishinda kwa kupata kura 2,099.

Mgombea wa chadema alipata kura 1,684 jambo lililopingwa na wafuasi wa chama hicho na kuanza vurugu.

Amesema baada ya kuchoma majengo hayo kwa kutumia petroli, walidhamiria pia kwenda katika zahanati lakini askari waliwakamata.

Kamanda Matei amesema polisi inaendelea kuwatafuta watu wengine waliohusika na vurugu hizo, akiwemo mbunge Lijualikali.

Amesema watuhumiwa 41 wamepelekwa wilayani Ulanga kwa ajili ya kufikishwa mahakamani kujibu tuhuma zinazowakabili.

Mbunge Lijualikali amesema wakati matokeo yakitangazwa alikuwa Ifakara.

“Baada ya kumalizika kampeni Jumamosi nilirejea Ifakara kwa hiyo sijui chochote kuhusu hizo vurugu na nashangazwa kuhusishwa na tuhuma hizo, lakini kama kweli natafutwa nitakwenda kujisalimisha polisi,” amesema Lijualikali.

↧

Kajala Aonyesha Umahiri Wake wa Kumtega Shemeji Yake

November 27, 2017, 9:27 am

≫ Next: Habari Zilizopo Katika Magazeti ya Leo Jumanne ya Novemba 28

≪ Previous: Mbunge wa CHADEMA Susan Kiwanga Atiwa Mbaroni......Polisi Waendelea Kumsaka Mbunge Lijualikali

Video mpya ya 'Omulilo' ambayo ni kazi yake mwanamama Saida Karoli imeachiwa rasmi, huku Kajala akiigiza muhusika aliyeimbwa kwenye wimbo huo.

Video hiyo inamuonyesha Kajala akiwa anaishi kwa shoga yake kipenzi, lakini licha ya kumsitiri anafanya kitendo kibaya cha kumtaka shemeji yake kimapenzi kwa kumtega kwa kumvalia mavazi ya kumshawishi.

Kazi hiyo ambayo imefanywa na mikono ya Hanscana, ni moja ya kazi zilizoachiwa hivi karibuni na Saida karoli tangu arudi rasmi kwenye game, baada ya kishindo cha wimbo wa 'Orugambo'.

==>Kuitazama Video hiyo <<BOFYA HAPA>>

↧

Habari Zilizopo Katika Magazeti ya Leo Jumanne ya Novemba 28

November 27, 2017, 8:20 pm

≫ Next: Agizo la Rais kuhusu hospitali nchini latekelezwa ndani ya saa 48

≪ Previous: Kajala Aonyesha Umahiri Wake wa Kumtega Shemeji Yake

↧

Agizo la Rais kuhusu hospitali nchini latekelezwa ndani ya saa 48

November 27, 2017, 8:38 pm

≫ Next: IGP Sirro Atembelea Bandarini Kufanya Ukaguzi wa Magari ya Polisi Yaliyoibuliwa na Rais Magufuli

≪ Previous: Habari Zilizopo Katika Magazeti ya Leo Jumanne ya Novemba 28

Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Selemani Jafo amekabidhi rasmi Hospitali za Rufaa za Mikoa kwa Wizara ya Afya, Maendeleo ya Jamii, Jinsia, Wazee na Watoto.

Hatua hiyo imekuja kufuatia pendekezo lililotolewa na Rais John Magufuli Novemba 25 aliyetaka hospitali hizo zitolewe TAMISEMI ziwe chini ya Wizara ya Afya ili kuweza kuwapo kwa mfanano wa sera lakini pia ugawaji wa rasilimali watu katika hospitali hizo.

Rais aliyasema hayo alipokuwa akizindua Hospitali ya Taaluma na Tiba ya Chuo Kikuu cha Afya na Sayansi Shirikishi Muhimbili (MUHAS), Kampasi ya Mloganzila na kueleza kuwa kumekuwa na utofati mkubwa wa ugawaji wa madaktari katika hospitali za rufaa kutokana na mgawanyo huo kufanywa na wizara mbili tofauti.

Mbali na Rais kuagiza hospitali hizo ziwe chini ya Wizara ya Afya ili zisimamiwe vizuri na wataalamu na pia ameiagiza wizara hiyo kurekebisha mgawanyo wa madaktari katika hospitali zote nchini ili kuepuka uwepo madaktari wengi katika sehemu moja, huku maeneo mengine yakiwa na uhaba mkubwa.

“Kuanzia leo (Novemba 27) hospitali zote za rufaa zitakuwa chini ya Wizara ya Afya na kwetu sisi (TAMISEMI) tutabaki na hospitali za wilaya, vituo vya afya na zahanati pekee,” amesema Waziri Jafo.

Kuhusu madaraka ya Waganga Wakuu wa Mikoa amesema wataendelea kuwa chini ya TAMISEMI lakini Waganga Wafawidhi wa Hospitali watapelekwa Wizara ya Afya.

↧

IGP Sirro Atembelea Bandarini Kufanya Ukaguzi wa Magari ya Polisi Yaliyoibuliwa na Rais Magufuli

November 27, 2017, 8:42 pm

≫ Next: Serikali ya Zimbabwe Yatangaza siku ya kuzaliwa Rais Mugabe, Februari 21 kuwa ni Siku ya Taifa na Itakuwa ni Mapumziko

≪ Previous: Agizo la Rais kuhusu hospitali nchini latekelezwa ndani ya saa 48

Mkuu wa Jeshi la Polisi Nchini IGP Simon Sirro, amefanya ziara katika bandari ya Dar es salaam, ili kufanya ukaguzi wa magari 31 ya Jeshi hilo ambayo Mhe. John Pombe Magufuli, alielekeza kukabidhiwa kwa Jeshi hilo ili kurahisisha utendaji kazi

Akiwa Bandarini IGP Sirro amekutana na kufanya mazungumzo na askari wa Jeshi hilo Kikosi cha Bandari ambapo amewataka kuhakikisha wanatimiza majukumu yao ipasavyo pamoja na kutenda haki ikiwa ni pamoja na kutoa huduma bora kwa wateja.

Hata hivyo IGP amewataka Polisi wasaidizi wanaofanya kazi bandarini hapo kushirikiana na Jeshi la Polisi ili kuendelea kudhibiti vitendo vya kihalifu vinavyofanywa na baadhi ya watu wasio waaminifu.

↧

Serikali ya Zimbabwe Yatangaza siku ya kuzaliwa Rais Mugabe, Februari 21 kuwa ni Siku ya Taifa na Itakuwa ni Mapumziko

November 27, 2017, 8:46 pm

≫ Next: Mabasi ya Mwendokasi Dar Yageuka shule kwa nchi za Afrika.....Dart Yapanga kuongeza mabasi Mengine 165

≪ Previous: IGP Sirro Atembelea Bandarini Kufanya Ukaguzi wa Magari ya Polisi Yaliyoibuliwa na Rais Magufuli

Serikali ya Zimbabwe imetangaza siku kuu mpya ya kukumbuka mchango wa Robert Mugabe ambaye aliondolewa madarakani wiki iliyopita.

Gazeti la serikali la Herald limesema sikukuu hiyo itakuwa ikiadhimishwa siku ya kuzaliwa kwa Bw Mugabe kila mwaka.

Uamuzi wa kusherehekea Siku ya Taifa ya Vijana ya Robert Gabriel Mugabe kila 21 Februari ulifanywa rasmi kupitia tangazo rasmi kwenye gazeti la serikali.

Tangazo hilo lilichapishwa Ijumaa – siku ambayo Rais Emmerson Mnangagwa aliapishwa kuwa rais, na kufikisha kikomo uongozi wa Mugabe wa miaka 37.

Serikali ya Bw Mugabe ilikuwa imeamua kutangaza siku ya kuzaliwa kwake kuwa sikukuu ya taifa mwezi Agosti, baada ya kampeni kutoka kwa mrengo wa vijana katika chama cha Zanu-PF.

Bw Mugabe aliondolewa mamlakani wiki iliyopita kutokana na shinikizo kutoka kwa wanajeshi waliokuwa wamechukua udhibiti wa serikali wiki iliyotangulia.

Credit:BBC

↧

Mabasi ya Mwendokasi Dar Yageuka shule kwa nchi za Afrika.....Dart Yapanga kuongeza mabasi Mengine 165

November 27, 2017, 8:58 pm

≫ Next: Nape Nnauye Atoa Neno Kwa Vyama vya Upinzani Baada ya Uchaguzi wa Madiwani

≪ Previous: Serikali ya Zimbabwe Yatangaza siku ya kuzaliwa Rais Mugabe, Februari 21 kuwa ni Siku ya Taifa na Itakuwa ni Mapumziko

Tangu kuanza rasmi Mei 10, 2016 kwa mradi wa mabasi yaendayo haraka jijini Dar es Salaam, zaidi ya nchi tano za Afrika zimetuma viongozi wake kujifunza namna ya uendeshaji wake.

Mfumo huo wa usafiri unalenga kupunguza foleni katika barabara, tangu uzinduliwe na Rais John Magufuli nchi za Ethiopia, Malawi, Uganda na Kenya zimetuma viongozi kuja kujifunza.

Pia, ugeni kutoka Rwanda jana uliongeza idadi ya viongozi wanaoendelea kuja mahsusi kwa ajili ya mradi huo huku kukiwa na taarifa za ujio mwingine Desemba kutoka nchini Senegal.

Akielezea utekelezaji wa mradi huo kwa wageni hao, mtendaji mkuu wa Wakala wa Mabasi Yaendayo Haraka (Dart), Ronald Lwakatare kuwa wanatarajia kuongeza mabasi kutoka 140 yaliyopo sasa hadi 305 katika awamu ya kwanza ya mfumo huo itakapokamilika Juni mwakani.

Taarifa iliyotolewa jana kwa vyombo vya habari na Lwakatare, inasema wageni hao sita kutoka Serikali ya Rwanda wana ziara ya siku tano kujifunza namna wakala huo unavyotoa huduma.

Lwakatare alisema ongezeko la mabasi kutasaidia kuongeza idadi ya abiria kutoka 200,000 wanaohudumiwa sasa kwa siku hadi kati ya 400,000 na 500,000.

“Licha ya hilo, tutaongeza njia za mlisho kutoka mbili zilizopo sasa hadi tisa zitakazokuwa zikienda Masaki, Sinza, Chuo Kikuu cha Dar es Salaam na maeneo mengine ambayo yapo jirani ili kupanua huduma ya usafiri kwa maeneo yaliyomo ndani ya mfumo wa mabasi yaendayo haraka katika awamu ya kwanza ya mradi,” alisema.

Kuhusu athari zilizotokana na mvua iliyonyesha Oktoba 26, Lwakatare alisema mabasi 20 yaliharibika zaidi lakini yameshatengezwa na yanatoa huduma.

Alisema Dart imejipanga kuhakikisha mitaro yote inayozunguka karakana ya Jangwani inasafishwa, ili kuepuka eneo hilo kukumbwa tena na mafuriko.

Naye kiongozi wa ujumbe huo kutoka Mamlaka ya Halmashauri ya Jiji la Kigali, Rwagatore Etienne alisema wamechagua kutembelea wakala huo kwa sababu ndiyo mradi uliofanikiwa barani Afrika na upo karibu na Rwanda.

Katika msafara huo, Etienne ameambatana na wataalamu washauri ambao waliopewa kazi ya usanifu wa Jiji la Kigali ili liweze kuwa na mfumo wa mabasi yaendayo haraka.

↧

Nape Nnauye Atoa Neno Kwa Vyama vya Upinzani Baada ya Uchaguzi wa Madiwani

November 27, 2017, 11:06 pm

≫ Next: Jinsi Punyeto Inavyo Sababisha Ukosefu Na Upungufu Wa Nguvu za Kiume

≪ Previous: Mabasi ya Mwendokasi Dar Yageuka shule kwa nchi za Afrika.....Dart Yapanga kuongeza mabasi Mengine 165

Mbunge wa Mtama, Nape Nnauye, amekiri kuwepo na vitendo ambavyo siyo sahihi ambavyo vilivyojitokeza katika Uchaguzi wa marudio katika baadhi ya kata na kutaka hatua za kisheria zichukuliwe.

Nape amefafanua hayo baada ya kuwepo na malalamiko hayo kutoka upande wa upinzani ambapo amesema kwamba vitendo hivyo vinapaswa kushughulikiwa kisheria kama wahalifu na siyo kushughulikiwa kisiasa na kwamba kufanya matendo hayo kisiasa ni njia za kuficha uovu.

Pamoja na hayo Nape ameongeza kwamba hajawahi kuwa muumini wa matumizi ya nguvu kwenye siasa na wala hajawahi kushiriki mipango ya kutumia nguvu bali anaamini katika matumizi zaidi ya nguvu.

Aidha Nape ameongeza kwamba sehemu zote alizofanya kampeni na wala hakubariki matumizi ya nguvu hivyo kuwashauri vyama vya upinzani wafanye tathmini ya kweli kisha kuchukua hatua pale walipoteleza katika uchaguzi.

"Rafiki zangu Upinzani fanyeni tathmini ya kweli halafu chukueni hatua pale mlipoteleza. Hichi kinachoendelea cha kutoa visingizio vya jumla. Sikatai kuwa kulikuwa na baadhi ya maeneo kumekuwa na vitendo si vya kibinadamu lakini si kwa kata zote. Vitendo hivyo vishughulikiwe specific kisheria kama wahalifu na si kushughulikiwa kisiasa".Amesema Nape

↧

Jinsi Punyeto Inavyo Sababisha Ukosefu Na Upungufu Wa Nguvu za Kiume

November 27, 2017, 11:37 pm

≫ Next: LIVE: Sherehe za kuapishwa Uhuru Kenyatta

≪ Previous: Nape Nnauye Atoa Neno Kwa Vyama vya Upinzani Baada ya Uchaguzi wa Madiwani

Ukosefu na/ama upungufu wa nguvu za kiume, ni tatizo linalo wakabili mamilioni ya wanaume duniani. Zipo sababu nyingi zinazo sababisha tatizo la ukosefu wa nguvu za kiume.

Miongoni mwa sababu hizo ni pamoja na maradhi kisukari, presha,shinikizo la damu, moyo, figo, matatizo kwenye mishipa ya ubongo & mishipa ya uti wa mgongo, matatizo kwenye mishipa itumikayo kusafrisha damu mwilini, maradhi ya ngiri, pamoja na upigaji punyeto kwa muda mrefu.

Katika makala yetu ya leo, tutaangalia namna suala la upigaji punyeto linavyo athiri nguvu za kiume.

Kabla hatujaangalia namna suala la upigaji punyeto linavyo maliza nguvu za kiume, ni vyema tukafahamu kwanza kuhusu SAYANSI YA MFUMO WA NGUVU ZA KIUME.

Kufahamu kuhusu SAYANSI YA MFUMO WA NGUVU ZA KIUME tafadhali tembelea :

http://neemaherbalist.blogspot.com/2015/07/uhusiano-kati-ya-damu-na-tatizo-la.html

Ukisoma vizuri kuhusu mfumo wa nguvu za kiume, utagundua kuwa Suala la nguvu za kiume ni suala la kimfumo. Ili mwanaume awe na nguvu za kiume, aendelee kuwa na nguvu za kiume na azilinde nguvu zake za kiume, ni lazima ogani zote zinazo husika na mfumo wa nguvu za kiume ziwe na afya njema na ziwe na ushirikiano thabiti na wenye afya.

Vile vile , utagundua kuwa , mambo makuu muhimu katika mfumo wa nguvu za kiume ni kama ifuatavyo:

i.Mishipa imara ya ubongo na yenye afya njema

ii. Mishipa imara ya uti wa mgongo ( spinal cords )

iii.Mishipa imara itumikayo kusafirisha damu mwilini ( Blood Vessels )

iv. Mfumo imara wa usafirishaji damu mwilini

v. Mishipa ya uume iliyo imara na yenye afya njema

vi. Uhusiano imara na wenye afya kati ya mishipa ya fahamu iliyopo katika ubongo, mishipa ya kwenye uti wa mgongo pamoja na misuli & mishipa ya kwenye uume.

Hivyo basi, ili mwanaume aweze kuwa na nguvu imara za kiume, na aendelee kuwa na nguvu hizo ni lazima mambo yote muhimu katika mfumo wa nguvu za kiume yawe imara pasi na hitilafu yoyote.

Hitilafu yoyote katika mambo hayo, itasababisha ukosefu na/ama upungufu wa nguvu za kiume kwa mwanaume huyo. Pale inapotokea hitilafu ama mapungufu katika ogani zaidi ya moja kati ya zilizo tajwa hapo juu, basi tatizo kwa muhusika huwa kubwa mara dufu.

JINSI PUNYETO INAVYO SABABISHA TATIZO LA UKOSEFU & UPUNGUFU WA NGUVU ZA KIUME.

Mwanaume anapopatwa na wazo la kufanya tendo la ndoa, ubongo hutoa ishara kwenye mishipa ya uti wa mgongo ambayo nayo husafirisha taarifa hadi kwenye mishipa & misuli ya uume.

Mishipa ya uume inapopokea taarifa hiyo, hutanuka. Na mishipa ya uume inapotanuka, hufanya mambo mawili muhimu sana :

i.Husababisha mishipa ya ateri kupanuka na hivyo kuruhusu damu kuingia kwa kasi sana ndani ya mishipa ya uume na hivyo kuufanya uume usimame na kuwa imara bara bara.

ii. Huibinya na kuiziba mishipa ya vena na hivyo kuzuia kunyonya ama kufyonza damu iliyo ingia ndani ya mishipa ya uume. ( KAZI KUBWA YA MISHIPA YA VENA ILIYO KARIBU NA MISHIPA YA UUME NI KUHAKIKISHA HAKUNA DAMU NDANI YA MISHIPA YA UUME. HIVYO BASI DAMU INAPOINGIA NDANI YA MISHIPA YA UUME, MISHIPA YA VENA HU “SENSE” JAMBO HILO KWA HARAKA NA HIVYO KUIFYONZA DAMU HIYO KUTOKA KWENYE MISHIPA YA UUME YA KUITOA NJE YA MISHIPA YA UUME. NA DAMU INAPOKOSEKANA NDANI YA MISHIPA YA UUME, HUUFANYA UUME KUSINYAA NA KULEGEA )

Mtu anayepiga punyeto husababisha mambo yafuatayo katika mwili wake :

1. Huuwa nguvu ya mishipa & misuli ya uume ambayo ndio inayo husika na kusimama kwa uume

2. Mishipa ya uume inapo sinyaa na kukosa nguvu yake ya asili, husababisha mambo yafuatayo :

i.Huondoa uwezo wa mishipa & misuli ya uume kutanuka, na hii ndio sababu inayo wafanya waathirika wa punyeto kutumia nguvu nyingi sana katika kuufanya uume usimame.

ii.Huondoa uwezo wa mishipa & misuli ya uume kuibana na kuiziba mishipa ya vena, na hii ndio sababu inayo fanya waathirika wa punyeto kufika kileleni haraka sana, kwani damu inayo ingia kwenye misuli ya uume hufyonzwa ndani ya muda mfupi sana.

Hii hutokea kwa sababu mishipa na misuli ya uume inakuwa imelegea,na mishipa ya vena inakuwa imepwaya, hivyo msuguano wowote ule hufanya mishipa ya vena kufunguka na kufyonza damu kutoka kwenye mishipa ya uume na hivyo kuufanya uume kusinyaa ndani ya dakika ama sekunde chache sana.

3. Vile vile punyeto hufanya uume kusinyaa na kurudi ndani na kuufanya uonekane kama uume wa motto mdogo.

Kwa ufupi punyeto husababisha ukosefu wa nguvu za kiume kwa sababu kuu zifuatazo :

i.Kwanza hudhoofisha na kuharibu mishipa ya uume, ambayo ndio hufanya uume kusimama.

ii.Pili hudhoofisha utendaji kazi wa mishipa ya ateri, ambayo ndio hutumika kama njia ya kusafirisha damu kupeleka kwenye misuli ya uume na ivyo kuufanya uume usimame

iii. Tatu, punyeto hupelekea kuvuja kwa mishipa ya vena na hivyo kusababisha damu kufyonzwa kwa haraka sana kila iingiapo ndani ya misuli ya uume na matokeo yake ni uume kusimama kwa muda mfupi sana wakati wa tendo la ndoa.

iv. Punyeto huathiri mtiririko wa damu kwenda kwenye mishipa ya uume, kwa sababu hudhoofisha misuli & mishipa ya uume pamoja na mishipa ya ateri ambayo ndio hutumika katika kusafirisha damu kwenda kwenye uume

DALILI ZA MTU ALIYE ATHIRIWA NA PUNYETO

Dalili kuu za mtu aliye athiriwa na punyeto ni kama ifuatavyo:

i. Uume kusinyaa na kuwa kama wa mtoto

ii. Uume kurudi ndani

iii. Uume kusimama ukiwa legelege

iv. Kufika kileleni haraka wakati wa tendo la ndoa.

TIBA YA NGUVU ZA KIUME KWA MTU ALIYE ATHIRIKA NA PUNYETO.

Dawa asilia ya nguvu za kiume iitwayo JIKO ni tiba bora na ya uhakika kabisa kwa mtu aliye athiriwa na punyeto. Dawa hii, pamoja na mambo mengine mengi, husaidia kufanya mambio yafuatayo katika mwili wa mwanaume aliye athiriwa na punyeto :

i.Kuimarisha mishipa & misuli ya uume ulio legea na hivyo kuurejeshea uwezo wake wa asili

ii. Hutibu tatizo la uume kurudi ndani

iii.Humaliza tatizo la kusimama kwa uume ukiwa legelege

iv.Hutibu na kuponya kabisa tatizo la kufika kieleleni haraka.

BEI YA DAWA : Dawa hii inapatikana kwa gharama ya SHILINGI ELFU THEMANINI TU (Tsh. 80,000/=)

MAHALI INAPOPATIKANA : Dawa hii inapatikana katika duka la dawa asilia liitwalo NEEMA HERBALIST & NUTRITIONAL FOODS CLINIC lililopo jijini DAR ES SALAAM katika eneo la UBUNGO nyuma ya jengo la UBUNGO PLAZA karibu na SHULE YA MSINGI UBUNGO NATIONAL HOUSING.

Kwa wateja wasio weza kufika ofisini kwetu. Watafikishiwa dawa mahali popote walipo jijini DAR ES SALAAM.

Kwa wateja waliopo mikoani watatumiwa dawa kwa njia ya MABASI

Kwa wateja waliopo Zanzibar wata fikishiwa dawa kwa njia ya usafiri wa boti.

Na kwa wateja waliopo UGHAIBUNI watatumiwa dawa kwa njia ya POSTA ama DHL.

MAWASILIANO : WASILIANA NASI KWA SIMU NAMBA 0766 53 83 84.

Kwa taarifa zaidi kuhusu huduma zetu, tutembelee kila siku kwenye blogu yetu :

www.neemaherbalist.blogspot.com

↧

LIVE: Sherehe za kuapishwa Uhuru Kenyatta

November 28, 2017, 12:47 am

≫ Next: Makamu wa Rais Samia Suluhu amuwakilisha Rais Magufuli nchini Kenya Kushuhudia Kuapishwa kwa Rais wa Nchi Hiyo

≪ Previous: Jinsi Punyeto Inavyo Sababisha Ukosefu Na Upungufu Wa Nguvu za Kiume

Ni siku nyingine ambayo Taifa la Kenya leo linatekeleza shughuli muhimu ya kikatiba ya kumuapisha kiongozi wa taifa hilo kufuatia ushindi wake wa marudio ya uchaguzi wa Oktoba 26 uliosusiwa na upinzani.

Uhuru Kenyatta leo anaapishwa rasmi kuwa rais wa nchi hiyo kwa muhula wa pili baada ya kuibuka mshindi kwenye uchaguzi mkuu.

Wageni mbalimbali wanatarajiwa kushuhudia sherehe za kuapishwa kwa kiongozi huyo wa Kenya huku ulinzi ukiimarishwa kila kona

Uchaguzi wa uliofanyika Agosti ulifutwa na mahakama kutokana na kile kilichotajwa kuwa uchaguzi usio huru na haki.

Marudio ya uchaguzi wa Oktoba 26 ulimpatia Uhuru Kenyatta asilimia 98 ya kura huku waliojitokeza kushiriki katika shughuli hiyo wakiwa na asilimia 39.

==>Tazama tukio hilo hapo chini

↧

Latest Images