Spika Ndugai aigomea Serikali jina la Shirika la Wakala wa Meli wa Taifa

November 16, 2017, 8:08 pm

≫ Next: Rais Mugabe azungumza na wajumbe wa SADC

≪ Previous: Profesa Kitila Mkumbo ajiunga na Chama cha Mapinduzi (CCM)

Spika wa Bunge, Job Ndugai jana Alhamisi amegomea Serikali na kulazimika kuahirisha Bunge kwa muda wa saa moja ili warudi na kukubaliana kubadili jina la Shirika la Wakala wa Meli wa Taifa (NASAC)

Spika Ndugai alitoa agizo la kuahirisha Bunge baada ya mvutano wa Serikali na Kamati ya Bunge ya Miundombinu ambao walipendekeza kubadilishwa kwa jina hilo.

Mapema wakati Serikali ikijibu maoni ya wabunge kuhusu muswada huo, Spika alionyesha dhahiri kutokukubaliana na wazo la Serikali na badala yake akasimama katika mawazo ya kamati na wabunge wengine kuwa jina hilo halifai.

Mara baada ya Mwanasheria Mkuu wa Serikali, George Masaju kumaliza yake, Spika alihoji ni kwa nini asikubaliane na mapendekezo ya wabunge katika kubadili jina la muswada lakini mwanasheria huyo akatupia mpira kwa waziri kuwa angekwenda na majibu.

Hata hivyo, katika majumuisho ya michango ya wabunge, Waziri Profesa Makame Mbarawa alitoa sababu za kutobadilisha jina akisema halikuwa na maana yoyote na wala lililopendekezwa halikuwa na madhara kwani waliosema kuwa jina hilo ndilo lililofilisi hawakujua kuwa kulikuwa na usaliti.

“Mheshimiwa Spika, jina halina shida yoyote kwani hata lile la awali siyo kwamba lilipeleka madhara bali kilichotokea ni namna ambavyo baadhi ya watu waliokuwa ndani ya chombo hicho walikuwa ni wasaliti,” alisema Mbarawa

Baada ya hoja za waziri huyo Bunge lilikaa kama kamati na kuanza kuangalia vifungu hivyo ndipo Spika akampa nafasi mwenyekiti wa kamati hiyo Profesa Norman Sigala ambaye akasema Serikali ilikuwa imewadanganya.

“Nakushukuru mheshimiwa Spika, Serikali hapa ni kama imetudanganya maana kusema itaangalia huko mbeleni ni sawa na kutudanganya sisi, tulichokubaliana kwenye kamati sicho kilichowasilishwa bungeni,” alisema Profesa Sigala.

Spika alimpa nafasi Waziri ambaye aliendelea kuweka msimamo kuwa jina hilo liendelee kama lilivyowasilishwa na Serikali ili kama kutakuwa na marekebisho mbeleni Serikali itafanya hivyo.

Kauli ya waziri ilimuinua Spika ambaye alisema jina hilo linapeleka picha mbaya kwani haiwezekani Serikali kuunda chombo kipya kizuri lakini ikatumia jina ambalo lina maudhui mabovu.

“Hapa ndipo tunatunga sheria yenyewe, sasa kama mnaona kubadili jina kunaweza kuathiri kisheria niambie lakini kama hakuna, sioni kwa nini tuendelee kuvutana sana, naahirisha shughuli za Bunge kwa saa moja nendeni katika ukumbi wangu hapo mkutane na mjadiliane ili mkirudi hapa mniletee jina,” alisema Spika na kuahirisha Bunge

Wabunge walilipuka kwa makofi na makelele ya kumshangilia Spika huku wanasheria wakikutana kwa haraka ambapo Mwanasheria Mkuu wa Serikali na Waziri wa Katiba na Sheria, Profesa Palamagamba Kabudi waliwaongoza wajumbe wa kamati na serikali haraka kuingia ukumbini kwa ajili ya kutafuta jina hilo.

↧

Rais Mugabe azungumza na wajumbe wa SADC

November 16, 2017, 8:05 pm

≫ Next: Mhasibu Mkuu wa TAKUKURU afikishwa Mahakamani

≪ Previous: Spika Ndugai aigomea Serikali jina la Shirika la Wakala wa Meli wa Taifa

Serikali ya Afrika Kusini imesema Rais Robert Mugabe amekutana na wajumbe kutoka nchi za Jumuiya ya Maendeleo Kusini mwa Afrika( Sadc) katika juhudi za kujaribu kutatua mzozo wa kisiasa nchini humo.

Alisafiri hadi kwenye ikulu kutoka makao yake ya kibinafsi ambako amekuwa akizuiliwa na jeshi.

Wanajeshi waliingilia kati na kutangaza kudhibiti serikali Jumatano katika kinachoonekana kuwa juhudi za kumzuia mke wa Mugabe, Grace, asitwae madaraka.

Duru zinadokeza kwamba Bw Mugabe anataka kusalia madarakani hadi wakati wa kufanyika kwa uchaguzi mwaka ujao.

Lakini mpinzani wake wa muda mrefu Morgan Tsvangirai amemtaka ajiuzulu mara moja kwa maslahi ya taifa.

Makamu wake wa zamani Joice Mujuru pia ametaka kuwe na serikali ya mpito na pia uchaguzi huru na wa kuaminika.

Mzozo wa Zimbabwe pia unajadiliwa katika mkutano wa jumuiya ya nchi za kusini mwa Afrika, SADC, nchini Botswana.

↧

Mhasibu Mkuu wa TAKUKURU afikishwa Mahakamani

November 16, 2017, 8:10 pm

≫ Next: Spika Ndugai awataka mawaziri kuacha Kupiga stori bungeni

≪ Previous: Rais Mugabe azungumza na wajumbe wa SADC

Aliyekuwa Mhasibu Mkuu wa Taasisi ya Kuzuia na Kupambana na Rushwa (TAKUKURU), Godfrey Gugai, amefikishwa katika Mahakama ya hakimu Mkazi Kisutu, na kusomewa mashtaka 44.

Baadhi ya mashtaka aliyosomewa Godfrey gugai, ni pamoja na kutakatisha fedha, kughushi fedha na kudanganya mali anazomiliki.

Siku mbili zilizopita Naibu Mkurugenzi Mkuu wa TAKUKURU, Brigedia Generali, John Julius Mbungo, alitangaza dau nono la shilingi 10 milioni kwa yeyote atakayefanikisha kupatikana kwa Godfrey Gugai, ambaye hakuwa anajulikana alipo, lakini Novemba 15, alijisalimisha mwenyewe na kuhojiwa na taasisi hiyo.

TAKUKURU imemfikisha mahakamani, Gugai kwa tuhuma za kumiliki mali nyingi ambazo haziendani na kipato chake jambo ambalo ni kunyume cha sheria ya Utumishi wa Umma.

Mali zilizotajwa kumilikiwa na Gugai ni pamoja na viwanja zaidi ya 30, magari matano, nyumba 5 na piki piki moja ambavyo vitu hivyo viko maeneo mbalimbali hapa nchini.

↧

Spika Ndugai awataka mawaziri kuacha Kupiga stori bungeni

November 16, 2017, 8:16 pm

≫ Next: Tume ya uchaguzi yapokea taarifa kutoka kwa Spika Ndugai Kuhusu Jimbo la Lazaro Nyalandu na Lile la Onesmo Ole Nangole

≪ Previous: Mhasibu Mkuu wa TAKUKURU afikishwa Mahakamani

Spika wa Bunge, Job Ndugai amewaonya mawaziri kuacha kupiga stori wanapokuwa bungeni, badala yake wawe makini kusikiliza mijadala na maswali kutoka kwa wabunge.

Ndugai alitoa onyo hilo jana katika kipindi cha maswali na majibu baada ya kuwataja baadhi ya manaibu ili wajibu maswali lakini walishindwa kusimama kwa kuonyesha hawakusikiliza kilichokuwa kimeulizwa na wabunge.

“Waheshimiwa mawaziri acheni kupiga stori ndani ya Bunge, ndiyo maana mnashindwa kusikiliza kinachoendelea humu, hebu punguzeni na mjikite katika kusikiliza,” alisema Ndugai.

Kiongozi huyo alianza na naibu waziri wa Maji na Umwagiliaji, Jumaa Aweso ambaye alimtaka ajibu swali la nyongeza la Mwantumu Dau Haji (viti maalum - CCM) ambalo lililenga katika suala zima la upatikanaji wa maji kwa ajili ya kilimo cha umwagiliaji.

Kabla ya swali hilo, tayari mbunge huyo alishauliza swali la msingi ambalo lilielekezwa ofisi ya Makamu wa Rais na lilijibiwa na naibu waziri wa wizara hiyo, Kangi Lugola likihusu masuala la mabadiliko ya tabia nchi.

Aweso alisimama asijue nini cha kujibu huku akiendelea kutazamana na Spika Ndugai kwa sekunde kadhaa ndipo akaamuliwa kuketi kwa kuwa alikuwa hajui swali gani liliulizwa.

“Tatizo lenu mawaziri hamsikilizi kinachoendelea ndani ya Bunge, mnapiga stori tu. Haya naibu waziri Ofisi ya Makamu wa Rais okoa jahazi hilo,” alisema Ndugai.

Baada ya maswali kadhaa kupita aliwataka naibu mawaziri ofisi ya Rais (Tamisemi), Joseph Kakunda na Joseph Kandege kujibu swali la nyongeza kuhusu umaliziaji wa majengo ambayo yanaanzishwa na wananchi.

“Haya naibu mawaziri Tamisemi, Josephat Kandege naomba ujibu swali hilo. Kama hujajipanga naomba mwenzako Joseph Kakunda ajibu, jamani ndiyo haya niliyosema wapo hapa tu lakini wanapiga stori na hawasikilizi kinachoendelea,” alisema spika.

Ndugai aliwaonya pia wabunge kutozungumza na waziri mkuu na kumtaka kiongozi huyo wa shughuli za Serikali kuzungusha macho ili kuona namna ambavyo wabunge walikuwa wamesimama na kutaka kuuliza maswali kuhusu maji.

“Mheshimiwa waziri mkuu, naomba hao wanaozungumza na wewe wakuache kwanza, hebu geuka nyuma na uangalie pande zote uone namna ambavyo wabunge wamesimama kutaka kuuliza maswali kuhusu maji majimboni kwao, Serikali iangalie jambo hili,” alisema.

Wakati huo spika aliitaka Serikali kutafakari namna ambavyo imekuwa ikitoa maagizo na amri kila wakati kupitia mabaraza ya madiwani akisema siyo afya na haijengi.

Alikuwa akitolea majibu mwongozo ulioulizwa na mbunge wa Babati Mjini (Chadema), Pauline Gekul kuhusu mpango wa Serikali kuagiza wananchi kuendelea kumalizia majengo ya zahanati, maabara na madarasa waliyoyaanzisha.

“Ndugu zangu Serikali, anachokisema mbunge ni sahihi maana sasa imekuwa ni kero kubwa, hebu angalieni jambo hilo kwani kila mahali ni maagizo maagizo na hata tukienda kwenye baraza la madiwani utasikia kuna ajenda ya kudumu ambayo ni maagizo, hii inakera jamani,” alisisiza Ndugai.

Pia, aliwataka viongozi kuangalia namna bora ya kufanya ili kufikisha ujumbe kuliko kuagiza kila mara ambako kunaondoa imani ya wananchi kwa Serikali yao.

Hata hivyo, alisema kumekuwapo na tabia ya baadhi ya viongozi kujiona kama miungu watu na wanaamini kuagiza kila wakati kwa kutumia amri ndiyo itakuwa maendeleo wakati si kweli.

↧

Tume ya uchaguzi yapokea taarifa kutoka kwa Spika Ndugai Kuhusu Jimbo la Lazaro Nyalandu na Lile la Onesmo Ole Nangole

November 16, 2017, 8:56 pm

≫ Next: Kutana na Mtaalamu wa Kusafisha Nyota........Anatoa Mvuto wa Biashara, Kupandishwa Cheo, Kurudishiwa Mali Uliyoibiwa na Mengne

≪ Previous: Spika Ndugai awataka mawaziri kuacha Kupiga stori bungeni

Tume ya Taifa ya Uchaguzi imepokea taarifa kutoka kwa Spika wa Bunge la Jamhuri ya Muungano wa Tanzania, Job Ndugai kuhusu kuwepo kwa nafasi wazi ya Ubunge katika Jimbo la Singida Kaskazini kufuatia, Lazaro Samwel Nyalandu kujivua Uanachama wa Chama cha Mapinduzi (CCM) na hivyo kupoteza sifa ya kuwa Mbunge.

Aidha, kwa mujibu kifungu cha 113(1) cha Sheria ya Taifa ya Uchaguzi, Sura ya 343, Tume imepokea Hati ya Mahakama Kuu ya Tanzania ikithibitisha uamuzi wa Mahakama hiyo juu ya kutengua matokeo ya Uchaguzi wa Mbunge wa Jimbo la Longido ambalo, Onesmo Ole Nangole alikuwa ni Mbunge.

Wakati huo huo Waziri wa Tamisemi kwa kutumia mamlaka aliyopewa chini ya kifungu cha 13(1) cha Sheria ya Uchaguzi ya Serikali za Mitaa, ameitaarifu Tume uwepo wa nafasi wazi za Madiwani katika Kata tano zilizopo katika Halmashauri mbalimbali.

Hata hivyo, kwa kuzingatia masharti ya Sheria ya Taifa ya Uchaguzi Sheria ya Uchaguzi ya Serikali za Mitaa, Tume ya Taifa ya Uchaguzi itatoa ratiba ya Uchaguzi Mdogo wa kujaza nafasi wazi za Majimbo na Kata hizo hapo baadae.

Majimbo na Kata zilizo wazi ni kama ifuatavyo

Jedwali Na. 1: Majimbo yaliyowazi

NA.	MKOA	HALMASHAURI	JIMBO
1.	Singida	Halmashauri ya Wilaya ya Singida	Singida Kaskazini
2.	Arusha	Halmashauri ya Wilaya ya Longido	Longido

Jedwali Na. 2: Kata zilizowazi

NA.	MKOA	NA.	HALMASHAURI	NA.	KATA
1.	Kagera	1.	Halmashauri ya Wilaya ya Ngara.	1	Keza
2.	Arusha	2	Halmashauri ya Jiji la Arusha	2	Kimandolu
3.	Pwani	3.	Halmashauri ya Wilaya ya Kisarawe.	3	Kurui
4.	Tabora	4.	Halmashauri ya Wilaya ya Tabora

↧

Kutana na Mtaalamu wa Kusafisha Nyota........Anatoa Mvuto wa Biashara, Kupandishwa Cheo, Kurudishiwa Mali Uliyoibiwa na Mengne

November 16, 2017, 9:15 pm

≫ Next: Tanzania Kuwa Mnunuzi Mkuu Wa Dawa Na Vifaa Tiba Ukanda Wa SADC

≪ Previous: Tume ya uchaguzi yapokea taarifa kutoka kwa Spika Ndugai Kuhusu Jimbo la Lazaro Nyalandu na Lile la Onesmo Ole Nangole

Kutana na Mtaalamu wa Kusafisha Nyota........Anatoa Mvuto wa Biashara, Kupandishwa Cheo, Kurudishiwa Mali Uliyoibiwa na Mengne

Kutana Maajabu ya Mtabibu MAALIM MOHAMEDI MASUDI Mganga wa Waganga Sasa Yupo Mikoa Yote Tanzania

Pia anatoa Tiba kwa Njia ya Simu ukiwa popote Pale Tanzania au Nje ya Tanzania..

MAALIM MOHAMEDI MASUDI ni Mtabibu na Mtafiti wa Dawa za Asili ya Africa, na Duniani Katika utoaji wa Tiba za Asili..

Je unasumbulia na Mapenzi..?

(Umeachwa na Umpendae awe Mume/ Mke au mpenzi na Anaishi na Mtu Mwingine na Bado Unampenda?) Umejaribu sehemu Nyingi bila Mafanikio?Wasiliana na MAALIM MOHAMEDI MASUDI Akusaidie Kumshika Umpendae Asikusaliti(LIMBWATA) Kumtawala Mpenzi wako kwa sababu Maalum..Anauwezo wa Kusambalatisha Mahusiano yao ndani ya siku Moja tu.

Je Unasumbuliwa na Madeni?

Biashara yako Haina wateja?

Unatatizo la kutokushika Mimba na umehangaika sehemu nyingi bila mafanikio?

Wasiliana na MAALIM MOHAMEDI MASUDI Kwa Majibu ya Maswali yako..

Anasafisha NYOTA na Kutoa PETE za BAHATI kuendana na NYOTA yako. UTAJIRI USIO NA MASHARTI.(Magic Wallet_Pochi ya Maajabu Isio Isha Hela)

KUWA MAARUFU na KUJULIKANA

Kupandishwa CHEO na HESHIMA Mahala pa KAZI.

Utapewa Nguvu ya Kujilinda na MALI ZAKO zako na Mwili wako.. Huzuia Chuma Ulete katika Biashara.. Hurudisha MALI zilizo Potea au KUDHULUMIWA.

Mvuto wa Biashara na Mwili wako.

Hutibu kabisa Nguvu za Kiume na Kurefusha Uume kwa saizi Unayotaka.

Magonjwa Sugu(Miguu Kufa Ganzi, kisukari, Presha, Pumu nk.

Wasiliana nae kwa namba

0655516982

0688856265

0621898709(Whatsapp)

↧

Tanzania Kuwa Mnunuzi Mkuu Wa Dawa Na Vifaa Tiba Ukanda Wa SADC

November 16, 2017, 9:04 pm

≫ Next: Kama Ulishiriki Kusambaza Ujumbe Huu Basi Imekula Kwako!

≪ Previous: Kutana na Mtaalamu wa Kusafisha Nyota........Anatoa Mvuto wa Biashara, Kupandishwa Cheo, Kurudishiwa Mali Uliyoibiwa na Mengne

Mawaziri wa Afya wa nchi wanachama wa Jumuiya ya Maendeleo ya Nchi za Kusini mwa Africa (SADC) kwa kauli moja wamepitisha uteuzi wa nchi ya Tanzania kupitia Bohari ya Dawa (MSD) kuwa Mnunuzi Mkuu wa Dawa, Vifaa Tiba na Vitendanishi vya Maabara kwa ajili ya nchi hizo kupitia mfumo wa Ununuzi Shirikishi (Pooled Procurement Services (SPPS).

Uteuzi huo wa nchi ya Tanzania umepita bila kipingamizi mwishoni mwa wiki kwenye Mkutano wa Mkutano wa Mawaziri wa Afya wa nchi za SADC uliowakutanisha Mawaziri wa Afya na Mawaziri wanaohusika na masuala ya UKIMWI uliofanyika mjini Polokwane, Limpopo – Afrika Kusini.

Hatua ya uteuzi wa Tanzania kuwa mnunuzi mkuu wa Dawa, Vifaa Tiba na Vitendanishi vya Maabara umetokana na juhudi za Mhe. Rais wa Jamhuri ya Muungano wa Tanzania Mhe. John Pombe Magufuli kuimarisha hali ya upatikanaji wa dawa MSD ambapo sasa inatekeleza majukumu yake kwa ufanisi mkubwa .

Aidha,umahiri na uzoefu wa Bohari ya Dawa (MSD) katika masuala ya ununuzi, utunzaji na usambazaji Dawa, Vifaa Tiba na Vitendanishi vya Maabara (yaani mnyororo wa ugavi) unaeleweka na kuaminika vizuri hata na nchi nyingine zilizowahi kututembelea kujifunza na kubadilishana uzoefu.

Kwa hatua hiyo MSD itakuwa na dhamana na majukumu yafuatayo:

Kununua Dawa na Vifaa Tiba kwa ajili ya nchi za SADC
Usimamizi wa taarifa na takwimu za Dawa na Vifaa Tiba vitakavyohitajika
Usimamizi wa kanzidata (Database) ya dawa za nchi wananchama wa SADC na usimamizi wa bei elekezi ya Dawa, Vifaa Tiba na Vitendanishi vya Maabara
Kusimamia manunuzi ya Dawa, Vifaa Tiba na Vitendanishi vya Maabara kwa ajili ya Ukanda wa SADC na kusimamia mnyororo wa ugavi
Kutoa huduma za kitaalamu na kupanga bei elekezi na
Kutoa huduma za ushauri wa kitaalam katika masuala ya dawa na vifaa tiba.

Hatua hii itapunguza kwa kiasi kikubwa bei ya dawa na vifaa tiba kwa ajili ya matumizi ya nchi wananchama wa SADC. Jambo ambalo limeipatia heshima na sifa kubwa Tanzania, kwani imeaminiwa kufanya ununuzi wa dawa kwa niaba ya nchi nyingine kumi na tano (15) ambazo ni wanachama wa SADC.

Tanzania kupewa jukumu hilo ni jambo la kujivunia sana tena inaonyesha dhahiri tumetambulika tuko vizuri kwenye masuala mazima ya mnyororo wa ugavi kwa nchi wanachama wa SADC.

Faida zitakazopatikana kwa Tanzania kuwa Mwenyeji wa huduma hii ni kama zifuatazo:

Heshima kwa nchi yetu kwa kuaminiwa na nchi wanachama wa SADC baada ya kukidhi vigezo vya kitaalam
Viwanda vyetu vya ndani vitaweza kuuza dawa zao kwa nchi za SADC, kwani wajumbe wa mkutano tumekubaliana kuwa na kituo kimoja kitakachoshughulikia udhibiti ubora na ukaguzi
Bei ya dawa itapungua zaidi maana sasa tutaweza kwenda moja kwa moja kwa wazalishaji sio kama nchi (Tanzania), lakini kama Ukanda unaoshughulikia nchi 15
Itaongeza ajira na kuijengea uwezo Bohari ya dawa(MSD)

Imetolewa na:

Kitengo cha Mawasiliano Serikalini-Afya

↧

Kama Ulishiriki Kusambaza Ujumbe Huu Basi Imekula Kwako!

November 16, 2017, 9:02 pm

≫ Next: Ushuhuda: Nilivyowatumia Bundi Kubatilisha Ndoa ya Mtoto wa Shangazi Yangu

≪ Previous: Tanzania Kuwa Mnunuzi Mkuu Wa Dawa Na Vifaa Tiba Ukanda Wa SADC

Hatimaye, uongozi wa Shirikisho la Soka Tanzania (TFF) umekanusha juu ya taarifa ambazo zilikuwa zinasambaa zikiwahusu vigogo wa shirikisho hilo wakiongozwa na rais wao, Wallace Karia kujilipa posho ya kiwango cha juu.

Hivi karibuni kulisambaa taarifa mitandaoni juu ya vigogo hao wa TFF kujilipa fedha nyingi.

Kumbuka viongozi wa kuchaguliwa TFF hawapati mishahara, badala yake wanalipwa posho, sasa ilielezwa kwamba Karia analipwa Sh milioni sita, makamu wake Sh milioni tano huku wajumbe wa Kamati ya Utendaji wakilipwa milioni moja kwa kila mwezi.

Kaimu Katibu Mkuu wa TFF, Wilfred Kidao, amesema suala hilo halina ukweli na kudai kuwa Karia alikataa kulipwa na kusisitiza posho yake ipelekwe katika masuala mingine ya kimpira kwa kuwa yeye ni muajiriwa serikalini na analipwa mshahara huko.

“Hizo taarifa hazina ukweli wowote kwa sababu viongozi wa hapa hakuna ambaye anachukua kiasi hicho cha fedha.

“Hata kwenye suala la wajumbe, nao hakuna ambaye anapokea shilingi milioni moja kwa mwezi kama inavyosemekana badala yake tunatoa shilingi milioni moja na nusu kwa miezi mitatu tena kwa yule ambaye anachakarika na tunaona juhudi zake kwa kupitia ripoti ambazo anawasilisha kwenye vikao.

“Lakini kwa sababu jambo hilo limechafua sura ya taasisi yetu tuna mpango wa kuwafungulia kesi ya makosa ya kimtandao wale wote ambao wamehusika kwenye suala hilo na tayari tuna majina 10 ya watu ambao tutaanza nao,” alisema Kidau.

Pamoja na TFF kuamua kulitolea ufafanuzi suala hilo, bado inaonekana haukuwa mjadala mpana hasa nje ya mitandao na huenda waliamua kuwahi mapema ili kumaliza mjadala.

WARAKA WA TUHUMA UNAZOSAMBAZWA NI HUU;

“KAMATI TENDAJI YA SHIRIKISHO LA MPIRA WA MIGUU TANZANIA (TFF) KUTUMIA MILIONI 438 KWA MWAKA KUJILIPA POSHO.

Tarehe 28/10/2017 Kamati ya Utendaji ya TFF, ilifanya Kikao katika Hoteli ya SEA SCAPE Kunduchi Beach jijiji Dar es Salaam ambapo pamoja na mambo mengine ilipitisha azimio la Wajumbe wa Kamati hiyo kuanza kulipwa posho ya kila mwezi kwa mchanganuo ufuatao:

1. Rais wa TFF Tsh.Mil.6 kwa mwezi sawa na Mil.72 kwa Mwaka.

2. Makamu wa Rais wa TFF, Tsh. mil. 5 kwa mwezi sawa na Mil.60 kwa mwaka.

3. Wajumbe 20 wa Kamati ya Utendaji kila mmoja Tsh. Mil. 1 kwa mwezi sawa na mil.12 kwa mwaka , kwa wajumbe 20 ni Tsh. Mil. 240 kwa mwaka.

NB: Posho hizi ni mpya na hazijawahi kuwepo katika shirikisho hilo katika uongozi uliopita.

Aidha Posho za kila kikao zimepanda kutoka Tsh. 300, 000/= uongozi uliopita hadi laki tano (500,000/) uongozi wa sasa kwa kila mjumbe, kwa mwaka kuna vikao vya kawaida visivyopungua sita, kwa Wajumbe wote 22 kwa mwaka itakuwa mil.66.

Kwa mchanganuo huo, Gharama za Posho tu kwa mwaka kwa Wajumbe wa Kamati ya Utendaji tu ni milioni mia nne thelathini na nane (mil.438). Bado posho za vikao vya dharura, posho za watumishi wengine n.k

Moja ya changamoto za maendeleo ya Mpira wa Miguu Tanzania ni Ukosefu wa fedha. Timu zetu za taifa zinashindwa kukaa kambini, Waamuzi wanakosa Mafunzo, viwanja vya michezo vinashindwa kuboreshwa, vilabu vya michezo havisaidiwi na mambo mengine chungu nzima hayafanyiki sababu ya ukosefu wa fedha, leo hii EXCOM inakwenda kujifungia Sea ESCAPE na kuidhinisha mil. 438 kwa ajili kujilipa posho!

Kwa mwendo huu tusitegemee maendeleo katika soka Tanzania. Rais wa TFF, WALES KARIA na Makamu wake, MICHAEL WAMBURA wanapaswa kujitathmini upya,”.

↧

Ushuhuda: Nilivyowatumia Bundi Kubatilisha Ndoa ya Mtoto wa Shangazi Yangu

November 16, 2017, 10:54 pm

≫ Next: Kikao Cha Kamati Kuu (CC) Na Halmashauri Kuu Ya Taifa (NEC) Ya Chama Cha Mapinduzi (CCM) Kuanza Novemba 19 Na 23

≪ Previous: Kama Ulishiriki Kusambaza Ujumbe Huu Basi Imekula Kwako!

Bwana Yesu Asifiwe , jina langu ninaitwa Winnie, mkaazi wa wilaya ya Kisarawe mkoani Pwani.

Kwa sasa nimeokoka na kumpokea Yesu kama Bwana na Mwokozi wa maisha yangu lakini kabla sijaokoka nilikuwa mtumwa wa shetani kupitia uchawi.

Nimeamua kuandika waraka wangu huu baada ya kuguswa .

Ninaona nina wajibu mkubwa wa kuelezea siri hizi za wachawi ili niweze kuwekwa huru lakini pia niweze kuwasaidia watu wengine waweze kuwa huru, kwani maandiko matakatifu yanasema nanyi mtaijua kweli nayo itawaweka huru.

Nimeona si vyema endapo nitakufa nikiwa na siri yangu hii. Mambo niliyo yapitia yamefunza mambo mengi sana maovu yanayo tendeka katika ulimwengu huu ambayo nilikuwa siyafahamu hapo awali.

Ninataka ulimwengu mzima uyafahamu na hivyo kuwa huru.

Nisiwachoshe kwa maneno mengi ila kwa ufupi tu ni hivi mwaka 2014 rafiki yangu mmoja alinipeleka kwa mganga wa kienyeji ili anisaidie niweze kupata mume wa kuniona.

Nilifikia uamuzi huu baada ya mwanaume alie kuwa anataka kunioa kufariki ghafla kwa ajali ya gari huku akiniacha na kichanga cha minane tumboni.

Tukio hilo lilini huzunisha sana kwa sababu mwaka huo wa 2014 nilikuwa nimetimiza umri wa miaka 40 nikiwa bado naishi nyumbani kwa wazazi wangu huku nikiwa na watoto wawili huku kila mmoja akiwa na baba ake.

Nilimfuata dada mmoja jirani yangu ambae alikuwaga ananisaidia hela na chakula kila nilipokuwa naenda kumuomba

Nilipo mfuata kuomba ushauri nifanye nini, nilimuelezea historia yangu yote kuanzia mume alietaka kuniona wakati bado nipo msichana kisha akaingia mitini kabla ndoa haijafungwa, mwanaume nilie zaa nae mtoto wa kwanza, wapili hadi huyu ambae amefariki na kuniacha na kichanga cha miezi minane.

Dada huyu akaniambia atasaidia kunihudumia hadi nitakapo nijifungua na nikisha jifungua atanipeleka kwa mganga ambae atanisaidia.

Kweli alifanya kama alivyo niahidi. Bahati mbaya mtoto hakuwa riziki. Alizaliwa akiwa amefariki tayari.

NAPELEKWA KWA MGANGA

Tulipofika kwa mganga akanitazama na kuniambia kuwa nimefungwa kichawi.

Mganga akaniambia kuwa nyota yangu iliibwa kichawi muda mrefu kwa ajili ya kwenda kutumikishwa kichawi.

Mganga akaniambia hakuna haja yoyote ile ya kuirudisha nyota hiyo kwa sababu imeshakufa huko ilipo na haiwezi kunisaidia kitu chochote hata kama itarudishwa kwa sababu imetumikishwa .

Akaniambia ilikuwa niolewe tangu nikiwa na miaka 20,lakini “ndoa” yangu ilibatilishwa kichawi kwa kutumia bundi na bahati yangu ya kuolewa akapewa mwanamke mwingine.

Na kweli kwa mujibu wa kumbukumbu zangu, nikiwa nina umri huo kuna mwanaume mmoja alitaka kunioa lakini badae ndoa ikapeperuka hata sijui kitu gani kilitokea.

Mganga akaniambia kwa kuwa bahati yangu ya ndoa iliibwa kwa kutumia bundi basi na mimi itabidi niibe bahati ya mtu mwingine kwa kutumia bundi.

Sikuwa na jinsi Zaidi ya kukubaliana na mganga pamoja na kwamba sikujua lingewezekanaje hilo..

NAAMBIWA NIKACHUME MTI WA PILIPILI NIKIWA KWENYE SIKU ZANGU.

Mganga akaniambia nirudi nyumbani, halafu siku nitakapo ziona siku zangu basi niende kwenye mti wa pilipili nichume pilipili halafu niutazame vizuri huo mti kisha nimjulishe nimeona nini.

NACHUMA MTI WA PILIPILI NIKIWA KWENYE SIKU ZANGU

Siku nilipoziona siku zangu nikaenda kuchuma pilipili. Niliona kitu cha ajabu sana. Kitu ambacho sikuwahi kukiona tangu nizaliwe.Ule mti wa pilipili ulikauka ghafla. Niliogopa sana nikampigia mganga. Mganga akaniambia niuchume huo mti halafu kesho niende nikamuone.

NAPELEKA KWA MGANGA MTI WA PILIPILI ULIO KAUSHWA NA HEDHI

Kesho yake nikadamkia kwa mganga na mti wa pilipili ulio kauka. Mganga akauchukua huo mti na kuusaga pamoja na dawa zake nyingine anazo zijua yeye mwenyewe. Baadae akanichanja akanipaka mafuta ambayo sikujua ni mafuta ya nini. Akanipa dawa za kuoga, na kunywa pamoja na hirizi.

Halafu akanipa dawa ya kuchoma usiku.

MGANGA ANANIELEKEZA NAMNA YA KUWAITA BUNDI NA KUWASILIANA NA BUNDI KWA ISHARA.

Mganga akaniambia haya mafusho ninayo kupa ni uchawi mkubwa sana.

Zingatia masharti yote nitakayo kupa vinginevyo utapata madhara makubwa sana.

Akaniambia hilo ni fusho maalumu la kuwaita bundi. Kwa kutumia fusho hilo utakuwa unawaita bundi na kwa kuwatumia bundi hao utaweza kujua ni katika nyumba gani kuna mwanamke mwenye bahati ya kuolewa.

Kupitia bundi utaweza kujifunza vitu vingi sana ambavyo ulikuwa hauvijui.

Mbali na kujua mwanamke gani ana bahati ya kuolewa, unaweza kujua kwenye nyumba gani kuna watu wana nyota nzuri nakadhalika.

Mganga akaniambia nitakufundisha namna ya kutafsiri ishara mbalimbali za milio ya bundi.

i. Bundi akilia mara moja, anatoa ishara kuwa katika nyumba hiyo kutatokea msiba hivi karibuni. Na hapo itategemea amelia saa ngapi. Kama akilia kati ya saa sita na saa saba usiku basi anakuwa anatoa ishara ya kutokea kwa msiba na kama kama atalia kati ya saa 4 na saa 5 usiku anakuwa anatoa ishara na kuwaonya wenye mji juu ya ujio wa wachawi katika mji huo usiku huo.

Hii ni kwa sababu bundi anaweza kuona mambo ya sirini, mambo aliyo fichwa mwanadamu na mambo yatakayo tokea siku za mbeleni.

ii. Bundi akilia mara mbili maana yake ni kwamba wewe ulie isikia sauti hii utapata mafanikio makubwa sana katika kitu unacho taka kukianzisha hivi karibuni, na ili ufanikiwe katika kitu au jambo hilo ni lazima ukifanye haraka iwezekanavyo.

iii. Bundi akilia mara tatu basi anatoa ishara kwamba katika nyumba iliyopo karibu na mti ambao bundi huyo alitua wakati analia, kuna mwanamke ataolewa na ndoa yake itadumu kwa muda mrefu.

iv. Bundi akilia mara nne anakuwa anatoa ishara kwamba wakaazi wa nyumba au mtaa huo watapata usumbufu mkubwa katika siku za karibuni.

v. Bundi akilia mara tano anatoa ishara kwamba wewe ulie sikia sauti hiyo utapata safari nzuri hivi karibuni.

vi. Bundi akilia mara sita anatoa ishara kwamba, kuna wageni wapo njiani wanakuja kuwatembelea.

vii. Bundi akilia mara saba anatoa ishara kwamba kuna mtu au watu katika nyumba hiyo watapatwa na matatizo ya msongo wa mawazo.

viii. Bundi akilia mara nane, anakuwa anatoa ishara kwamba katika nyumba hiyo utatokea msiba wa ghafla.

ix. Bundi akilia mara tisa anatoa ishara ya bahati njema katika nyumba hiyo.

Sasa basi, wachawi huwa wanakuwa makini sana kusikia sauti za bundi pindi wanapolia. .

Baada ya hapo mganga akaniambia natakiwa kwenda kumwaga mafusho hayo kidogo kwenye mti wowote mkubwa ulio jirani na nyumba ambayo nimeikusudia na kuchukua jani la huo mti kwenda nalo hadi chumbani kwangu kisha kulichoma kwenye chetezo pamoja na hayo mafusho huku nikitamka maneno maalumu ya kuwaita bundi waje kwenye huo mti ili waweze kujua ni mwanamke gani anakaribia kuolewa ndani ya nyumba hiyo.

Usiku wa siku hiyo nikafanya kama nilivyo elekezwa. Nikaenda kuchuma jani la huo mti na kuwamga fusho kidogo kwenye mti kisha ilipofika saa tatu za usiku nikaanza kuchoma ilo fusho pamoja na jani la huo mti.

Ilipofika saa sita usiku kweli bundi wakaja na muda si mrefu wakaanza kulia. Nikasikia kwa makini sana.

Bundi akalia mara tatu . Alilia kutoka kwenye mti uleule ulio jirani na nyumba ya shangazi yangu. Nilichagua mti ulio jirani na nyumba ya shangazi yangu kwa sababu shangazi yangu alikuwa na watoto wengi wa kike na nyumba yake ilikuwa na wageni na wapangaji wengi wanawake.

Mganga aliniambia bundi wakisha nyamaza tu nimjulishe haraka sana.

Kama alivyo nielekeza mganga nikamjulisha.

Nilipo mjulisha akaniambia sawa, nilale halafu kesho asubuhi nihakikishe naenda kwa shangazi yangu au naongea na mtu yoyote anaeishi nyumbani kwa shangazi yangu.

Nitakapo kuwa hapo kwa shangazi yangu nisikie kama watazungumza chochote kuhusu bundi na kama wasipo zungumza basi nijifanye kuanzisha mazungumzo kuhusu bundi, nijifanye na mimi jana bundi walitua nyumbani kwetu na kwamba ninaogopa sana.

Na watakacho nijibu basi nimjulishe mganga.

Kweli nikaenda hadi kwa shangazi na bahati nzuri nikamkuta binamu yangu ambae ndio nilibatilisha ndoa yake kichawi.

Binamu hakuwa na dalili zozote za kupiga story kuhusu bundi hivyo nikaanzisha story za bundi kwamba jana bundi walilia sana batini kwangu na kwamba nilishindwa kulala.

Binamu akaniambia hata kwao ilikuwa hivyo hivyo na sio kulia tu bali kuna wakati bundi waliingia hadi ndani wakatua na kuondoka.

Tukaongea kwa muda kidogo kisha baada ya hapo nikampigia mganga na kumueleza kila kitu.

Mganga akaniambia vizuri sana, mambo yako yatakuwa mazuri sana.

Niseme kitu kimoja, wachawi kwa kumtumia bundi, wakishajua kwenye nyumba Fulani kuna mtu ana nyota ya kuolewa hivi karibuni au kuna watu wenye nyota kali wamelala kwenye nyumba hiyo huwa wanawatuma bundi kwenda kuiba nyota hizo.

Hivyo basi siku ukisikia bundi wamelia mara tatu karibu na nyumba yenu halafu baadae wakaingia ndani basi jua bahati ya kuolewa ya mtu imeibiwa na kama kuna watu wenye nyota kali walikuwa ndani ya nyumba hiyo basi na nyota zao zinakuwa zimechukuliwa pia.

Hivyo ndivyo alivyo niambia Dokta na akaniambia ikitokea nimeenda kwenye mji wa ugenini halafu jambo hilo likatokea, basi nihakikishe huyo bundi atakae ingia ndani anauliwa au anakamatwa kabla hajapaa,jambo ambalo hata hivyo ni gumu sana kwa sababu bundi wanapo ingia ndani huwezi kuwasikia kwani huwa wanapaa bila kupiga kelele wala kutoa sauti.

Dokta akaniambia huu ni uchawi unao tumika sana na hautumiki kwenye masuala ya mapenzi tu bali biashara pia.

Akaniambia wafanya biashara wengi wametajirika na wanaendelea kutajirika kwa kutumia uchawi huu wa kuiba nyota za watu kwa kuwatumia bundi.

Na hii ndio sababu bundi anatukuzwa sana miongoni mwa wafanya biashara.

Mganga akaniambia ili nyota isichukuliwe na bundi kwa staili hiyo natakiwa niwe na kinga maalumu ya kuwazuia bundi kuchukua nyota.

Akasema kinga hii ni tofauti na kinga zingine zote na kwamba hata kama una kinga nyingine yoyote ile lazima kinga hii uwe nayo pia.

Akaniambia kwa kuwa nimeingia kwenye mtandao huu inabidi hiyo kinga niwe nayo.

Siku ya kutengeneza kinga hii,mganga alichukua paka mweusi, akauliwa kisha akatobolewa macho halafu kwenye macho yake zikawekwa mbegu za mti wa mnyonyo kila jicho.

Paka huyo akafungwa kwenye kitambaa cheupe mfano wa maiti akawekwa kwenye mfuko nikapewa kwenda nae na kumzika vichakani kwenye eneo ambalo nitaliweka alama… Nikawa namwagilizia maji kila siku hadi mti ulipo chipuka na kukua.. Mti ulipo kua mganga akaniambia nitoe mbegu, nikafanya kama alivyo nielekeza . Mganga akaniambia nichukue mbegu saba kisha nimpelekee.

Nilipo mpelekea mbegu hizo mganga, akazichukua akachanganya na dawa zake anazo zijua mwenyewe akachukua popo,akamkata kucha akiwa hai na kumuacha, akaziasaga na muzichoma kisha kunichanja na kunipaka.

BAADA YA BUNDI KULIA NA KUTUA KWENYE NYUMBA YA SHANGAZI YANGU

Sikuwa najua kama binamu yangu mtoto wa shangazi yangu alikuwa na mpango wa kuolewa kwa sababu ni jambo lililofanywa siri.

Lakini siku chache baada ya bundi kutua kwenye nyumba ya shangazi yangu nikaanza kusikia habari za kuharibika kwa mipango ya ndoa ya binamu yangu.

Binamu yangu alitaka kujaribu kujiua baada ya mume mtarajiwa kugombana nae na kuingia mitini na kisha kuhamishia uchumba kwa mwanamke mwingine.

Wakati huo huo,mimi nikapata mwanaume mwenye pesa ambae alinichumbia na kunioa tena kwa harusi kubwa.

Ni hivi bahati ya ndoa ya mtu inayo ibwa kwa kutumia bundi, sio lazima wewe uolewe na aliekuwa anataka kumuoa mwanamke uliye iba bahati yake.HAPANA. Ni hivi inaweza kutokea mwanaume huyo labda akafukuzwa kazi ghafla au akafilisika na mipango yake kuvurugika.

Nyota ya mwanaume huyo inaibwa anapewa mwanaume mwingine ambae atakuja kukuoa wewe.

NAAMUA KUACHANA NA USHIRIKINA NA KUMRUDIA MUNGU.

Niliishi na mwanaume huyo toka 2014 hadi 2016 katikati.. Siku moja nilipokea taarifa za msiba wa rafiki yangu ambae ndio aliniunganisha na huyo mganga.

Huyu dada alikuwa anaishi maisha ya kidini lakini kumbe alikuwa anafanya ushirikina sana.

Kuhusu kifo chake, sijui kama kilitokana na ushirikina ama ni mipango ya mungu lakini nilipo ona mwili wake niliogopa sana.

Niliwaza nakuwazua, nilitafakari nakutafakari. Nikajiuliza moyoni kumbe na mimi pamoja na mali na pesa hizi nilizo zipata kwa njia ya ushirikina ipo siku nitakuwa kama huyu ?

Kumbe mimi sio kitu kabisa katika dunia hii ? Kumbe binadamu ni mchanga.

Kumbe binadamu ananuka na kutoa harufu ? Kumbe ipo siku ndugu zangu wataogopa kulala na mimi ?

Nilitakafakari sana .. Nilikumbuka mambo mengi ya utotoni. Jinsi nilivyo lelewa na wazazi wangu.

Nililelewa kufuata maadili ya Mungu na kuwa mvumilivu na mstahimilivu kwa namna yoyote ile.

MAHUBIRI YA MCHUNGAJI WAKATI WA MAZISHI YANILIZA

Nikiwa katika hali ya majuto na uchungu mkubwa Mchungaji alianza kuhubiri neno la Mungu.

Alihubiri mambo mengi sana lakini kikubwa aliwasisitizia waombolezaji kumkumbuka Mungu wakati wa uhai wao na kwamba hapa duniani tunapita tu.

Mchungaji waliwaasa waumini wasiwe na tamaa na mali za duniani hapa kwani tutaziacha hapahapa duniani.

Mchungaji akawakumbusha waumini kwa kuwasomea neno la Mungu kutoka katika kitabu cha MATHAYO 16 : 26 ambalo linasema

“Kwa maana mtu atapata faida gani akiupata ulimwengu wote lakini aipoteze nafsi yake?au mtu atatoa nini ili aipate nafsi yake?”

Hapa Mchungaji akawa kama ananiongelea mimi kabisa.

Baadae akasema najua kuna watu wanakata tamaa ya kufanikiwa katika maisha kwa sababu wamehangaika muda mrefu bila mafanikio.

Shetani anazitumikisha nafsi zao kwa faida yake na watu wake. Wametupiwa nuksi na mikosi na wachawi.

Mungu anasema katika kitabu cha YOELI 2 Sura ya 25 Nami nitawarudishia hiyo miaka iliyoliwa na nzige, na parare, na madumadu, na tunutu, jeshi langu kubwa nililotuma kati yenu…

Baadae Mchungaji akasema kama kuna watu wapo tayari kuokoka basi na wanyooshe mikono yao nami nitawaongoza sara ya toba.

Nilidhani ni mimi tu nitakae nyoosha mkono wangu lakini nilishangaa kuona na watu wengine wengi tu wakinyoosha mikono yao.

Hata yule binamu yangu ambae niliiba nyota yake kichawi nae alinyoosha mkono wake. Wote tuliombewa na baadae tukaanza mafundisho kanisani na hadi muda huu ninaondika waraka huu bado tunaendelea kumtumikia Mungu.

KUHUSU MUME WANGU : Mume wangu alinikimbia baada ya kuona nimeokoka jambo ambalo nililishukuru pia kwa sababu hakuwa haki wala staili yangu.

MAISHA YETU YA MAHUSIANO KWA SASA.

Kwa sasa mimi nina mchumba na yule binamu yangu ameshaolewa tayari.

KUHUSU MGANGA ALIYE NIINGIZA KWENYE SUALA LA KUIBA NYOTA ZA WATU KWA KUMTUMIA BUNDI.

Mganga huyu anajulikana Zaidi kama mungu wa kabili na namba zake za simu ni 0744 -000 473.

NIMEWEKA JINA LAKE NA NAMBA ZAKE ZA SIMU ILI WATU WAJUE KWAMBA HUYU NI MCHAWI NA WAKALA WA WACHAWI NASHETANI NA WAEPUKANE NAE KWA SABABU ATAWAINGIZA KWENYE MAMBO YA UTUMWA WA ULOZI NA UCHAWI KAMA ALIVYO FANYA KWANGU.

↧

Kikao Cha Kamati Kuu (CC) Na Halmashauri Kuu Ya Taifa (NEC) Ya Chama Cha Mapinduzi (CCM) Kuanza Novemba 19 Na 23

November 16, 2017, 10:52 pm

≫ Next: Kamati Ya Bunge Ya Maadili Yamhoji Mhe. Kubenea Mjini Dodoma

≪ Previous: Ushuhuda: Nilivyowatumia Bundi Kubatilisha Ndoa ya Mtoto wa Shangazi Yangu

↧

Kamati Ya Bunge Ya Maadili Yamhoji Mhe. Kubenea Mjini Dodoma

November 16, 2017, 11:33 pm

≫ Next: Mtoto wa Chacha Wangwe Ahukumiwa

≪ Previous: Kikao Cha Kamati Kuu (CC) Na Halmashauri Kuu Ya Taifa (NEC) Ya Chama Cha Mapinduzi (CCM) Kuanza Novemba 19 Na 23

Kamati ya Haki, Maadili na Madaraka ya Bunge, imemhoji Mbunge wa Ubungo Mheshimiwa Saed Kubenea kwa kosa la kutoa kauli ya kudharau Bunge.

Akizungumza mara baada ya kumhoji Mbunge huyo, Mwenyekiti wa Kamati hiyo, Mheshimiwa Almasi Athuman Maige (Mb) alisema, Mheshimiwa Kubenea amefikishwa mbele ya Kamati hiyo kujibu tuhuma inayomkabili kutokana na kauli aliyotoa kitendo ambacho ni kinyume na kifungu cha 26 (e) na 34 (1) (a) ya Sheria ya Kinga, Madaraka na Haki za Bunge, Sura ya 296.

Mheshimiwa Maige alisema mahojiano hayo yamefanyika leo (jana) baada ya kuahirishwa mara mbili kutokana na Mheshimiwa Kubenea kutokua katika hali nzuri kiafya na hivyo kuomba mahojiano yaahirishwe.

Mheshimiwa Maige aliongeza kuwa baada ya kumsikiliza Mhe. Kubenea itaandaa Taarifa yake na kuiwasilisha kwa Spika wa Bunge, Mheshimiwa Job Ndugai kwa hatua zaidi.

“Kanuni zimeweka masharti kuwa shughuli za Kamati hii zinazofanywa zitabakia kuwa ni siri hadi hapo itakapomaliza kazi yake na kuwasilisha taarifa Bungeni,” alisema.

↧

Mtoto wa Chacha Wangwe Ahukumiwa

November 15, 2017, 1:42 am

≫ Next: Mugabe aonekana hadharani kwa mara ya kwanza toka Jeshi liingie Ikulu

≪ Previous: Kamati Ya Bunge Ya Maadili Yamhoji Mhe. Kubenea Mjini Dodoma

Mahakama ya Hakimu Mkazi Kisutu imemuhukumu Mtoto wa Marehemu Chacha Wangwe ambae alikua Mbunge wa Tarime, Bob Chacha Wangwe kifungo cha mwaka mmoja na nusu jela au kulipa faini ya Shilingi Milioni 5 baada ya kupatikana na hatia kwenye kosa la kuchapisha taarifa za uongo kwenye mtandao wa Facebook.

Hukumu hiyo imesomwa na Hakimu Mkazi Mkuu, Huruma Shaidi ambapo amesema katika kesi hiyo upande wa mashtaka ulikuwa na mashahidi 6 na vielelezo 5 dhidi ya Bob ambae pia ni Mwanaharakati.

Alisema kuwa Mei 7, 2016 polisi walipata taarifa ya chapisho la Bob ambapo walianza kumfatilia na kumkamata kisha walichukua simu na kuipeleka maabara ya Polisi ili kuikagua.

“Kimsingi Bob hukupinga kuandika maneno hayo lakini umedai kuwa hukuyachapisha katika jamii bali yalikuwa ni siri kwenye akaunti yako“.

Hakimu Shaidi alisema kuwa wakati wa ushahidi simu yake ilipokaguliwa ilionekana ilitumika kuchapisha ujumbe huo kwa jamii na watu walimjibu, ikiashiria ujumbe uliwafikia.

“Hivyo ni dhahiri ulikuwa na nia ya kuchapisha taarifa hiyo, kueleza kile ambacho ulikiona sahihi kama ingekuwa ni ujumbe wako binafsi basi Polisi wasingeweza kukutafuta na watu wasingekujibu“

Hakimu Shahidi amesema kutokana na hatua hiyo Bob amekutwa na hatia chini ya kifungu cha 16 cha sheria ya makosa ya mitandao ya mwaka 2015 ambapo katika utetezi wake, Bob aliomba apunguziwe adhabu kwa sababu ni Mwanafunzi wa masomo ya Sheria na pia ni kijana mdogo na ni kosa lake la kwanza kulitenda.

Hakimu Shaidi alisema anakubaliana na hoja za Bob kwani Mahakama inamuona bado ni mdogo na anapaswa kufanya mambo mengi mazuri katika jamii ambapo pia amesema kama yeye ni mwanafunzi wa masomo ya sheria anapaswa kufanya mambo mema katika jamii vitu ambavyo wengine watamuiga.

“Hivyo Mahakama inakuhukumu kulipa faini ya Sh.milioni 5 ama uende jela mwaka mmoja na nusu na pia milango ya dhamana ipo wazi“

Katika kesi hiyo namba 167, Chacha Wange anatuhumiwa kwa kosa la kuchapisha taarifa za kupotosha katika ukurasa wake wa mtandao wa Facebook March 15,2016 ambapo aliandika maneno yafuatayo hapa chini.

“….Tanzania ni ambayo inajaza chuki wananchi.… matokeo ya kubaka Demokrasia Zanzibar ni hatari zaidi ya Muungano wenyewe…. Haiwezekani nchi ya Zanzibar kuwa koloni la Tanzania Bara kwasababu za kijinga.”

↧

Mugabe aonekana hadharani kwa mara ya kwanza toka Jeshi liingie Ikulu

November 17, 2017, 7:51 am

≫ Next: Utaratibu wa kulipa kodi za nyumba kwa miezi 6 au mwaka kupigwa Marufuku Tanzania

≪ Previous: Mtoto wa Chacha Wangwe Ahukumiwa

Rais Robert Mugabe ameonekana hadharani kwa mara ya kwanza tangu jeshi lilipomweka chini ya kizuizi cha nyumbani baada ya leo kuhudhuria mahafali ya chuo kikuu.

Akiwa amevalia joho la kisomi lenye rangi za bluu na njano na kofia, Mugabe mwenye umri wa miaka 93 alikaa kwenye kiti mbele kabisa kwenye ukumbi na alishangiliwa kwa mbinja na vigelegele alipotangaza kwamba mahafali yamefunguliwa.

Mkongwe huyo aliyetawala Zimbabwe tangu ilipopata uhuru mwaka 1980, kwanza akiwa waziri mkuu (1980 hadi 1987) na baadaye rais (1987 hadi sasa) aliwekwa chini ya kizuizi cha nyumbani kwake kuanzia Jumanne ikiwa ni wiki moja baada ya kumfuta kazi aliyekuwa makamu wake wa rais Emmerson Mnangagwa.

Hatua ya kumfukuza kazi Mnangagwa ilichukuliwa na wengi kwamba ulikuwa mpango wa kumpandisha mkewe, Grace katika nafasi hiyo ya makamu wa rais na hivyo kumtengenezea mazingira ya kurithi urais wa mumewe.

Zimbabwe ilibaki imeduwaa baada ya jeshi kuingilia kati katikati ya mzozo mkali wa kuwania uongozi wa nchi kati ya Grace na Mnangagwa, 75.

Wachambuzi wa masuala ya siasa wanasema kwamba jeshi linapinga Grace kupanda hadi kuwa kiongozi wakati Mnangagwa ndiye mwenye uhusiano mzuri na jeshi hilo.

Mugabe na wakuu wa jeshi wamekutana kwa mazungumzo na hatua yao ya kunyakua madaraka ni ishara kwamba mkongwe huyo anaondoka.

Mnangagwa, ambaye anapewa nafasi kubwa ya kuwa kiongozi mpya amerejea nchini baada ya kutoroka nchi akihofia usalama wake. Jeshi limesema kuwa lilikuwa katika mazungumzo na Mugabe na litaujulisha umma kuhusu matokeo ya mazungumzo hayo haraka iwezekanavyo.

↧

Utaratibu wa kulipa kodi za nyumba kwa miezi 6 au mwaka kupigwa Marufuku Tanzania

November 17, 2017, 7:54 am

≫ Next: Mgombea udiwani Mwanza na meneja wa kampeni wake Watupwa Gerezani.....Hakimu Kuamua Hatima yao Novemba 21

≪ Previous: Mugabe aonekana hadharani kwa mara ya kwanza toka Jeshi liingie Ikulu

Serikali iko katika mchakato wa maandalizi ya muswada wa sheria ambayo itasimamia sekta ya nyumba, hivyo kuondoa changamoto ya wamiliki kudai kodi ya pango ya zaidi ya mwezi mmoja.

Naibu Waziri wa Ardhi, Nyumba na Maendeleo ya Makazi, Angelina Mabula amesema hayo bungeni leo Ijumaa Novemba 17,2017 akijibu swali la nyongeza la mbunge wa Viti Maalumu (CCM), Halima Bulembo.

Halima katika swali lake amesema vijana ambao ni kati ya asilimia 56 na 60 nchini, wanashindwa kutimiza ndoto zao kutokana na gharama kubwa ya kodi ambayo hutakiwa kulipa kwa kipindi cha mwaka mmoja au miezi sita.

"Serikali inasemaje kuhusu kuleta sheria itakayofuta tabia ya wenye nyumba kulazimisha kulipwa kodi ya mwaka?" amehoji mbunge huyo.

Akijibu swali hilo, Mabula amesema Serikali imeliona tatizo hilo na ipo katika mchakato wa kuandaa muswada wa sheria utakaosimamia sekta hiyo.

Mabula amesema baada ya kukamilika kwa sheria ambayo itaunda chombo cha kusimamia sekta hiyo, wapangaji hawatalipa kodi ya mwaka wala miezi sita tena bali watalipa kwa mwezi na kuweka amana ya miezi mitatu.

Katika swali la msingi, Halima amesema kumekuwa na upandaji holela wa gharama za pango kwa nyumba za Shirika la Nyumba la Taifa (NHC).

"Je Serikali haioni kuna haja ya kudhibiti upandaji holela ambao unaathiri wananchi wengi kutokana na kipato chao?" amehoji.

Akijibu, Mabula amesema utaratibu wa urekebishaji wa viwango vya kodi za shirika hilo husimamiwa na bodi ya wakurugenzi ambayo imepewa mamlaka ya kisheria ya kusimamia kodi ya pango na kuidhinisha viwango vya kodi vinavyotozwa kwa wapangaji wa nyumba za shirika.

"Kwa mara ya mwisho bodi ya wakurugenzi ya Shirika la Nyumba la Taifa iliidhinisha viwango vipya vya kutoza kodi kwenye nyumba za shirika mwaka 2011 ambavyo ndivyo vinavyotumika mpaka sasa," amesema.

↧

Mgombea udiwani Mwanza na meneja wa kampeni wake Watupwa Gerezani.....Hakimu Kuamua Hatima yao Novemba 21

November 17, 2017, 8:06 am

≫ Next: Heche Amshukuru Spika Kwa Kumlinda Asikamatwe

≪ Previous: Utaratibu wa kulipa kodi za nyumba kwa miezi 6 au mwaka kupigwa Marufuku Tanzania

Mgombea udiwani kata ya Mhandu (Chadema), Godfrey Misana na kampeni meneja wake, Charles Chinjibela, wamepandishwa kizimbani kujibu shtaka la kujeruhi.

Misana (46) na Chinjibela (37) wanadaiwa kumjeruhi meneja wa kampeni za CCM katika kata hiyo, Thomas Warioba.

Katika Mahakama ya Hakimu Mkazi Mwanza, mbele ya hakimu Ainawe Moshi wanadaiwa kutenda kosa hilo Novemba 14,2017.

Akisoma mashtaka katika shauri hilo namba 540/2017, mwendesha mashtaka wa Jamhuri, Elizaberth Barabara amedai leo Ijumaa Novemba 17,2017 kuwa washtakiwa walitumia visu na mawe kumjeruhi Warioba.

Kabla ya kuhamia CCM, Warioba alikuwa mwanachama wa Chadema.

Upande wa Jamhuri umeiomba Mahakama kuzuia dhamana ya washtakiwa kwa kile ilichoeleza ni kwa usalama wao.

Ombi hilo la Jamhuri limepingwa na wakili wa utetezi, Gasper Mwanaliela.

Wakili Mwanaliela amesema dhamana ni haki ya wateja wake na kwamba, kuwanyima kutawazuia kushiriki kikamilifu katika kampeni za uchaguzi mdogo wa udiwani unaotarajiwa kufanyika Novemba 26,2017.

Baada ya kusikiliza hoja za pande zote mbili, Hakimu Moshi amesema Mahakama itatoa uamuzi kuhusu dhamana Novemba 21,2017.

Washtakiwa wamepelekwa mahabusu hadi siku huyo.

↧

Heche Amshukuru Spika Kwa Kumlinda Asikamatwe

November 17, 2017, 8:35 am

≫ Next: Patcho Mwamba Ampa Neno Mama Kanumba

≪ Previous: Mgombea udiwani Mwanza na meneja wa kampeni wake Watupwa Gerezani.....Hakimu Kuamua Hatima yao Novemba 21

Mbunge wa Tarime Vijijini, John Heche amekiri bila busara za Spika wa Bunge kutumika leo angekuwa amekamatwa leo na polisi wamedaiwa kutoka Morogoro waliokuwa eneo la Bunge kwa nia ya kumkamata.

Mh. Heche amweka hilo wazi jioni hii huku akikosoa matumizi mabaya ya rasilimali iliyotumiwa.

"Nimepokea barua ya polisi asubuhi leo wakinitaka kuripoti Morogoro eti kwa kosa la kumsindikiza na kufanya mkutano jimboni kwa Mh Lijualikali alipotoka gerezani mwezi wa 4" Amesema Heche na kuongeza;

"Kabla hata ya kuitikia wanataka kunikamata bila busara za spika wangenikata. Matumizi mabovu ya rasilimali"

Kabla ya taarifa hii kutoka Mapema leo Heche alikiri kupokea wito unaomtaka kwenda kuhojiwa Morogoro.

"Nimepewa wito kuwa natakiwa nikahojiwe Morogoro. Nimepokea wito huu na tayari nao wako hapa. Siamini kama Spika ataruhusu hili," amesema Heche.

↧

Patcho Mwamba Ampa Neno Mama Kanumba

November 17, 2017, 8:58 am

≫ Next: Rais Magufuli Atoa Msaada Kwa Msikiti Wa Noor Kijijini Mkange, Miono, Wilaya Ya Chalinze Mkoa Wa Pwani Leo

≪ Previous: Heche Amshukuru Spika Kwa Kumlinda Asikamatwe

Mwanamuziki na Muigizaji nchini, Patcho Mwamba ameifungukia kauli ya Mama Kanumba ya kushukuru kitendo cha Muigizaji Lulu kufungwa miaka miwili kwa kosa la kumuua bila kukusudia muigizaji Kanumba na kusema kwamba hakuna haja ya kuendelea na 'beef' kwani hakuna haki inayoweza kumrudisha Kanumba hai.

Patcho ambaye alikuwa muigizaji na rafiki wa karibu na Marehemu Steven Kanumba amesema kwamba Mama kanumba anapaswa kuwa na moyo wa kusamehe kwa sababu binti huyo akimaliza kifungo atarudi mtaani na ataendelea na maisha yake hivyo kujengeana chuki siyo jambo jema.

"Sina la kusema juu ya jukumu ya Lulu, lakini Mahakama imeamua kama ilivyoamua, kwa upande mmoja kuna unafuu kwani kwa kesi ile kufungwa miaka miwili ni bahati, ukija upande wa pili inaumiza sana kwani jela siyo sehemu nzuri sana kwa mtu kuwepo kila mtu anajua hilo hasa ukizingatia bado ni mdogo hivyo tumuombee Mungu ampe nguvu, uwezo naamsaidie aweze kustahimili hiyo hali" Patcho.

Aidha Patcho ameongeza "Nimemuona mama anasema anashukuru (Mama Kanumba) haki imetendeka, mimi sidhani kama kunahitajika kuwepo na ma Beef. Mwanaye, ambaye pia ni rafiki yetu ameondoka lakini tunaamini ni mipango ya Mungu. Hakuna haki inayoweza kumrudisha Kanumba aishi. kusema naenda kumzika Kanumba upya sidhani kama kuna haja ya kuendeleza ma beef japo yapo. End of the day Lulu atatoka wataongea vizuri?. Sidhani yule mama yangu hivyo simshauri aendee kuwa na kinyongo".

Patcho amemalizia na kusema kwamba "Kusema kufungwa kwa Lulu kutampatia unafuu sidhani ni uongo yeye aendelee kuwa mama maana ninachoamini Lulu hakumuua Kanumba bali alikuwa shahidi wakati Kanumba anakufa ndichi ninachokiamini. Baadaye Lulu atatoka jela je ukimuon utamgonga na gari? au Mama Lulu utaweza kuongea naye na wale ni Wahaya ni kabila moja. Sidhani kama Lulu alikuwa akikaa na kufikiria ipo siku atamuua Kanumba".

↧

Rais Magufuli Atoa Msaada Kwa Msikiti Wa Noor Kijijini Mkange, Miono, Wilaya Ya Chalinze Mkoa Wa Pwani Leo

November 17, 2017, 8:59 am

≫ Next: Ufafanuzi Kuhusu Sheria Mpya Ya Ttcl Kwa Vyombo Vya Habari

≪ Previous: Patcho Mwamba Ampa Neno Mama Kanumba

Waumini wa dini ya Kiislam wa Msikiti wa Noor uliopo katika Kijiji cha Mkange, Miono, Wilaya ya Chalinze Mkoa wa Pwani ,wamemshukuru Rais wa Jamhuri ya Muungano wa Tanzania Mhe. Dkt. John Pombe Magufuli kwa msaada wa zulia la kuswalia na fedha taslim Shilingi milioni Mbili.

Zulia pamoja na fedha hizo zimekabidhiwa na Msaidizi wa Rais Kanali Mbaraka Mkeremy kwa niaba ya Rais Dkt. John Pombe Magufuli kwa Imamu wa Msikiti huo Alhaji Sheikh Khamis Nassor wa Msikiti Noor uliopo katika kijiji cha Mkange, Wilaya ya Chalinze mkoa wa Pwani.

Mara baada ya kukabidhi Zulia na fedha hizo, Kanal Mkeremy kwa niaba ya Rais Magufuli amewataka waumini wa Msikiti huo kutumia msaada huo kwa lengo lililokusudiwa.

Akiungumza mara baada ya kukabidhiwa Msaada huo, Sheikh Nassor amesema kwa niaba ya waumini wa Msikiti huo wanamshukuru Mhe. Rais kwa kuitikia ombil lao la kupata zulia, na kwamba kwa kutimiza ahadi yake hiyo Mhe. Rais amedhihirisha kuwa yeye ni mtu wa watu asiyebagua dini wala kabila katika kusaidia jamii ya kitanzania.

Sheikh Nassor amesema waumini wa msikiti huo wanamuombea na wataendelea kumuombea Mheshimiwa Rais na kuwataka watanzania wote nchinikuungana nao kumuombea Rais bila kujali itikadi za kisiasa ama imani za kidini kwani anayoyafanya Rais kwa wananchi wa Tanzania ni kwa manufaa ya wananchi wote.

Jaffar Haniu

Naibu Mkurugenzi wa Mawasiliano ya Rais, IKULU

Pwani

17 Novemba 2017.

↧

Ufafanuzi Kuhusu Sheria Mpya Ya Ttcl Kwa Vyombo Vya Habari

November 17, 2017, 9:30 am

≫ Next: Habari Zilizopo Katika Magazeti ya Leo Jumamosi ya Novemba 18

≪ Previous: Rais Magufuli Atoa Msaada Kwa Msikiti Wa Noor Kijijini Mkange, Miono, Wilaya Ya Chalinze Mkoa Wa Pwani Leo

Wizara ya Ujenzi, Uchukuzi na Mawasiliano (Sekta ya Mawasiliano) inapenda kutoa ufafanuzi kuhusu taarifa ya Kampuni ya Simu Tanzania (TTCL) iliyotolewa kwenye magazeti ya Mwananchi na Uhuru ya tarehe 15/11/2017. Gazeti la Mwananchi liliandika, “Serikali ‘yaiua’ rasmi TTCL na gazeti la Uhuru liliandika,“TTCL ‘bye’ ‘bye’. Vichwa hivi vya habari vimewachanganya wasomaji na kuleta taharuki kwa wateja na wafanyakazi wa TTCL, wadau wa Sekta ya Mawasiliano na wananchi kwa ujumla.

Waziri wa Ujenzi, Uchukuzi na Mawasiliano Prof. Makame Mbarawa amewasilisha Muswada wa Sheria ya Shirika la Mawasiliano Tanzania katika mkutano wa Tisa wa Bunge la Jamhuri ya Muungano wa Tanzania tarehe 14 Novemba, 2017 mjini Dodoma. Bunge lilijadili na kupitisha Muswada na kutungwa kuwa Sheria itakayoanzisha Shirika la Mawasiliano Tanzania. Madhumuni ya Muswada yalikuwa ni kuanzisha Shirika la Umma la Mawasiliano nchini kwa ajili ya kulinda usalama wa nchi, kukuza uchumi na kutoa huduma za mawasiliano kwa ubora unaotakiwa. Pia, kulipa Shirika la Mawasiliano jukumu la kusimamia miundombinu ya kimkakati ya mawasiliano nchini.

Sheria mpya itaiwezesha TTCL kutekeleza majukumu yake kama Shirika la Mawasiliano nchini. Hizi ni jitihada za Serikali kuimarisha TTCL na sio kuiua. TTCL bado ipo na itaendelea kutekeleza majukumu yake kama Shirika la Mawailiano nchini. Shirika litaendelea kutoa huduma kwa wananchi kwa ubora na ufanisi zaidi.

Imetolewa na Kitengo cha Mawasiliano Serikalini,

Wizara ya Ujenzi, Uchukuzi na Mawasiliano.

17 Novemba, 2017

↧