Rais wa zamani wa Brazil ahukumiwa kwenda jela miaka tisa na nusu

July 13, 2017, 2:29 am

≫ Next: Waziri Mpango Awatuliza Machinga Nchini

≪ Previous: Mbowe: Upinzani ni wito, Ningekuwa na Roho Nyepesi Ningekuwa Nishakimbia

Rais wa zamani wa Brazil, Luiz Ignacio Lula da Silva, amehukumiwa kifungo cha miaka tisa na nusu jela kutokana na kupatikana na makossa ya rushwa yaliyokuwa yakimkabili.

Kiongozi huyo wa zamani wa chama cha muungano, alijizolea umaarufu kwa sera zake za kijamii ambazo zilisaidia kuboresha maisha nchini Brazil.

Lakini sasa mambo yamegeuka na amekutwa na hatia ya kupokea rushwa ya zaidi ya Sh2 bilioni za malipo ya ukarabati wa ghorofa lake la mapumziko kwa kampuni ya ujenzi ya Ki Brazil, ya OAS.

Hukumu hii inakuja wakati Lula ameshatoa msimamo mkali kwamba, ana mpango wa kuingia katika kinyang'anyiro cha kugombea urais mwakani.

Kufuatia hukumu hiyo, Rais huyo amekana mashtaka yote yanayomkabili kwa kudai kuwa hajafanya makosa yoyote kiasi cha kustahili hukumu hiyo, huku mawakili wanaomtetea wakiahidi kukata rufaa.

Wakati huohuo, kamati ya Bunge la Congress ya Brazil inajadili iwapo iiruhusu mahakama kuu kusikiliza kesi ya rushwa inayomhusisha Rais mwingine wa Brazil Michel Temer.

Temer kwa upande wake, alishtakiwa mwezi uliopita kwa tuhuma za kupokea hongo kutoka kampuni kubwa ya usindikaji nyama.

Kamati hiyo inatarajiwa kupiga kura kesho.

↧

Waziri Mpango Awatuliza Machinga Nchini

July 13, 2017, 2:36 am

≫ Next: Lowassa Aripoti Polisi.....Atakiwa Kurudi Tena Alhamisi Ijayo

≪ Previous: Rais wa zamani wa Brazil ahukumiwa kwenda jela miaka tisa na nusu

Benny Mwaipaja, WFM-Dar es Salaam

Waziri wa Fedha na Mipango, Dkt. Philip Mpango amewahakikishia wafanyabiashara wadogo maarufu kama wamachinga kwamba Serikali itaendelea kuwawekea mazingira mazuri ya kufanyia biashara zao ili waweze kujikwamua kiuchumi.

Dkt. Mpango ametoa kauli hiyo baada ya kukagua zoezi la usajili wa wafanyabiashara hao linaloendelea katika katika Ofisi za TRA wilaya ya Ilala Jijini Dar es Salaam ambapo ameshuhudia idadi kubwa ya wafanyabiashara hao wakiwemo waendesha bodaboda, mamalishe na wauza bidhaa mbalimbali wakiendelea kujisajili ili wapate vitambulisho.

“Ndio maana tumeona tuweke utaratibu wa kuwaandikisha na tuwapatie vitambulisho hatimaye tuweke mpango maalumu wa kuwapatia maeneo rasmi ya kufanyiabiashara zenu badala ya kila siku kuwatumia askari mgambo kuwafukuza wakati mnatafuta riziki,” alisema Dkt. Mpango.

Amesema lengo la kufanya hivyo ni kuwawekea wafanyabiashara hao wadogo utaratibu mzuri ii waendelee kufanya kazi zao za kujenga familia na Taifa kwa ujumla bila bughudha kwa kuwa Serikali inathamini mchango wao katika uchumi na maendeleo ya nchi.

“Ni lazima ifike mahali kila mtanzania achoke na umasikini, na sisi Serikali yenu tufanyekazi ya kuwasaidia kujikwamua kiuchumi badala ya kuwakandamiza,” aliongeza Dkt. Mpango

Dkt. Mpango amesema nchi ya Sweden imeweka utaratibu mzuri wa masoko maalumu kwa ajili ya wamachinga wao kila siku za Jumamosi na Jumapili ambapo watu wengi hufika maeneo hayo kununua bidhaa hali inayoashiria kuwa suala la uwepo wa wafanyabiashara wadogo wadogo ni la nchi nyingi duniani.

“Nawasihi mkawaeleze Watanzania wengine na wafanyabiashara ndogo ndogo wenzenu wajitokeze kwa wingi kujiandikisha ili wasajiliwe na kupewa vitambulisho vitakavyowasaidia kujulikana,” alisisitiza Dkt. Mpango

Amerejea kauli yake ya kuwapongeza Watanzania wote kwa niaba ya Rais Dkt. John Magufuli kwa kujitokeza kwa wingi kulipa kodi mbalimbali ikiwemo kodi ya majengo kwa kuwa kodi hizo zinaipa Serikali nguvu na uwezo wa kuwahudumia ipasavyo.

Mkiona barabara zinajengwa, tunaboresha huduma za afya kwa nunua dawa za kutosha, mjue kuwa kodi yenu hiyo kidogo kidogo mnayotoa ndiyo inayotumika kuwezesha mambo hayo kufanyika (makofi)â€ Alisisitiza Waziri huyo wa Fedha na Mipango

Dkt. Mpango ameahidi kutatua changamoto ya upungufu wa watumishi na vitendeakazi katika kituo hicho cha uandikishaji ama usajili wa wafanyabishara wadogo wadogo kilichoko katika Ofisi za Mamlaka ya Mapato Tanzania-TRA, Ilala Jijini Dar es Salaam ili kufanikisha kazi hiyo.

Kwa upande wao, wafanyabiashara wadogo wadogo hao wameipongeza Serikali kwa hatua waliyoichukua ya kuwatambua rasmi na kuwaingiza katika mfumo wa ulipaji kodi kwa maendeleo ya nchi.

Wamemwomba Waziri wa Fedha na Mipango, Dkt. Philip Mpango awafikishie salamu zao za dhati kwa Mhe. Rais Dkt. John Magufuli, kwamba wanamuunga mkono katika jitihada zake za kuwaletea wananchi maendelo na kupambana na vitendo vya rushwa na ufisadi pamoja na kujenga nidhamu ya watumishi wa umma na matunda yake yameanza kuonekana katika uwajibikaji.

↧

Lowassa Aripoti Polisi.....Atakiwa Kurudi Tena Alhamisi Ijayo

July 13, 2017, 2:39 am

≫ Next: Serikali Yatangaza Ajira Mpya 10, 184 Kuziba Mapengo ya Waliogushi Vyeti

≪ Previous: Waziri Mpango Awatuliza Machinga Nchini

Baada ya Waziri Mkuu mstaafu Edward Lowassa kuwasili katika ofisi ya mkurugenzi wa Upelelezi na Makosa ya Jinai, kama alivyotakiwa kufanya Juni 29, ameruhusiwa kuondoka na kutakiwa kurudi tena Alhamisi ijayo.

Mwanasheria wa Lowassa, Peter Kibatala amezungumza na waandishi wa habari na kusema kuwa Lowassa ametakiwa kurudi Alhamisi bila sababu za kuahirishwa kwa mahojiano hayo kuwekwa wazi.

“Hatujaambiwa kwa nini ila tumeambiwa tuje alhamisi ijayo kwa ajili ya maelekezo na kuwasikiliza zaidi,” alisema

Hii ni mara ya tatu kwa Lowassa kwenda katika ofisi za DCI ambako anahojiwa kwa tuhuma za uchochezi.

Lowassa ambaye ni mjumbe wa Kamati Kuu ya Chadema, alihojiwa Juni 28 na Juni 29 na Wakili Kibatala alizungumza na wanahabari mara baada ya mahojiano hayo.

Lowassa anadaiwa kutoa maneno ya kichochezi Juni 23, mwaka huu katika futari iliyoandaliwa na mbunge wa Ukonga, Mwita Waitara.

↧

Serikali Yatangaza Ajira Mpya 10, 184 Kuziba Mapengo ya Waliogushi Vyeti

July 13, 2017, 2:45 am

≫ Next: Tume ya Haki za Binadamu na Utawala Bora Yalaani Matamshi ya Rais Mstaafu Benjamin Mkapa

≪ Previous: Lowassa Aripoti Polisi.....Atakiwa Kurudi Tena Alhamisi Ijayo

Ofisi ya Rais, Menejimenti ya Utumishi wa Umma na Utawala Bora imetangaza kutoa vibali vya ajira 10,184 ili kuziba nafasi zilizoachwa wazi na watumishi wa umma waliobainika kughushi vyeti vya elimu, imefahamika.

Kwa mujibu wa taarifa iliyotolewa na Mkuu wa Kitengo cha Mawasiliano Serikalini Ofisi ya Rais, Utumishi, Florence Temba, ilieleza kuwa agizo hilo linazihusu Mamlaka za Serikali za Mitaa, Sekretarieti za Mikoa, Wakala wa Serikali, pamoja na Taasisi na Mashirika ya Umma.

Ilimnukuu Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Angela Kairuki akitoa agizo hilo wakati akizungumza katika kikao kazi na watumishi wa Umma wa Wilaya ya Kigamboni mkoani Dar es Salaam jana.

“Mgawanyo wa vibali vya ajira umezingatia upungufu uliojitokeza baada ya kukamilika kwa zoezi la uhakiki, vipaumbele vya Taifa kwa sasa na upatikanaji wa watumishi kutoka katika soko la ajira,” alisema Kairuki.

Kairuki aliongeza kuwa taratibu za kukamilisha mgawo wa nafasi za ajira 4,816 zilizosalia unaendelea ili kuwezesha wizara na taasisi nyingine zilizokamilisha uhakiki wa watumishi wa umma hivi karibuni kuajiri watumishi wapya kuziba nafasi wazi zilizojitokeza.

Alieleza kuwa serikali imetoa kibali kuajiri watumishi wapya 15,000 ili kuziba pengo lililosababishwa na kuondolewa kwenye orodha ya malipo ya mishahara kwa watumishi wa umma waliobainika kughushi vyeti baada ya zoezi la uhakiki.

“Watumishi wa umma watakaoajiriwa kuziba nafasi hizo wanatarajiwa kuripoti kazini kuanzia mwezi Agosti, 2017,” alieleza Waziri Kairuki, na kuongeza kuwa utaratibu wa ajira mpya za serikali upo palepale na amewataka wananchi kutokuwa na wasiwasi wowote wa ajira hizo.

“Napenda kusisitiza kuwa vibali tulivyovitoa leo ni vile vilivyoziba pengo la walioghushi vyeti, naomba wananchi watambue kuwa suala la ajira mpya bado liko pale pale kama serikali ilivyojipanga,” alisema Kairuki.

Aprili mwaka huu, Rais John Magufuli alipokea ripoti yenye orodha ya watumishi wa umma ambao kati yao wanadaiwa kuwa na vyeti pungufu, vyenye utata na vya kughushi kutokea kwa Waziri Kairuki.

Waliokuwa na vyeti vya kughushi walikuwa 9,932, na Rais aliapa kwamba hawatarudi kazini. Rais Magufuli aliagiza kufutwa kazi kwa wote waliotajwa kwenye ripoti hiyo na kuzuia mishahara yao ya mwezi huo, lakini hata hivyo bado mlango uliwekwa wazi kwa wenye pingamizi na wapo waliokataa rufaa huku wengine wakienda kwenye mamlaka husika kutafuta ufumbuzi wa suala hilo.

Wiki iliyopita akiwa Dodoma, Katibu Mkuu, Ofisi ya Rais, Menejimenti ya Utumishi wa Umma na Utawala Bora, Dk Laurean Ndumbaro alitangaza kuwa wiki hii serikali itatoa vibali 3,000 vya ajira katika sekta ya afya vikiwemo vya madaktari na wauguzi pamoja na maofisa hesabu 535 kwa ajili ya vituo vya afya vya kata ili washughulike na ukusanyaji wa mapato kwenye vituo vya afya na zahanati.

↧

Tume ya Haki za Binadamu na Utawala Bora Yalaani Matamshi ya Rais Mstaafu Benjamin Mkapa

July 13, 2017, 2:58 am

≫ Next: TUCTA Yawatoa Hofu Watumishi Wenye Vyeti FEKI

≪ Previous: Serikali Yatangaza Ajira Mpya 10, 184 Kuziba Mapengo ya Waliogushi Vyeti

Tume ya Haki za Binadamu na Utawala Bora nchini Tanzania imesema imesikitishwa na matamshi ya Rais Mstaafu Benjamin Mkapa.

Kwa mujibu wa Taarifa iliyotolewa kwa vyombo vya habari imesema imesikitishwa na kauli ya rais wa awamu ya tatu akirudia maneno ya kejeli ya watanzania wenye maoni tofauti.

Kwa mujibu wa taarifa hiyo Mkapa alisema akiwa Chato, Geita kuwa Takwimu zilizotolewa na Waziri wa Afya siku hiyo( Julai 10, 2017) ya makabidhiano ya nyumba 50 zilizojengwa na Mkapa Foundaton Zitawasaida kupunguza Upumbavu Wale aliowaita hivyo Wakati wa Kampeni 2015.

Taarifa hiyo imesema kuwa matamshi ya Mkapa hayapendezi kusikika yakitoka kwa kiongozi wa kitaifa, na ni matamshi yasiyoheshimu maoni tofauti.

==>Isome taarifa hiyo hapo chini

↧

TUCTA Yawatoa Hofu Watumishi Wenye Vyeti FEKI

July 13, 2017, 3:05 am

≫ Next: Kamanda Mpinga Ang’olewa Usalama Barabarani.....Apelekwa Kuwa RPC Mbeya

≪ Previous: Tume ya Haki za Binadamu na Utawala Bora Yalaani Matamshi ya Rais Mstaafu Benjamin Mkapa

Shirikisho la Vyama vya Wafanyakazi Tanzania (TUCTA), limewatoa hofu watumishi wa Serikali waliokutwa na vyeti feki na kuwataka kupuuza taarifa kuwa hawatolipwa malimbikizo ya madai yao.

Limewahakikishia watumishi hao, wanaoidai Serikali malimbikizo mbalimbali kuwa mchakato wa ulipaji wa malimbikizo yao ya mishahara na madai mengine utaanza hivi karibuni.

Kauli hiyo imetolewa Dar es Salaam jana na Rais wa TUCTA, Tumaini Nyamhokya wakati akizungumza na waandishi wa habari kuhusu makubaliano waliyoafikiana na Serikali.

“Kumekuwapo na taarifa zinazosambazwa kwenye mitandao ya kijamii kuwa watumishi waliokutwa na vyeti feki hawatolipwa madai yao, jambo hilo si kweli, nawahakikishia watumishi hawa TUCTA tumekutana na waziri mwenye dhamana na katibu mkuu wake ambao nao wamesema taarifa hizi hazina ukweli.

“Tumeambiwa uhakiki utakapokamilika, ndipo watatangaza uamuzi wa madai yao,” alisema.

Kuhusu malimbikizo ya mishahara na madai mengine ya watumishi wa Serikali, wakiwamo walimu, Nyamhokya alisema wamehakikishiwa wataanza kulipwa hivi karibuni.

“Ingawa hatukupewa muda kamili yataanza kulipwa lini, niwatoe hofu watumishi kuwa madai yao yote yataanza kulipwa hivi karibuni… kauli ambayo imetoka kwa waziri mwenyewe, baada ya kukutana naye ana kwa ana ofisini kwake hivi karibuni,” alisema.

Licha ya kupongeza juhudi za Rais Dk. John Magufuli katika kuisafisha Serikali, Nyamhokya aliiomba Serikali kutekeleza ahadi za rais alizozitoa wakati akihutubia sherehe za Mei Mosi, mwaka huu.

“Aliahidi kurejesha madaraja kwa wafanyakazi katika mwaka huu wa fedha, kuongeza mishahara pamoja na kulipa madeni ya watumishi wote,” alisema.

Hadi kufikia Novemba, mwaka jana, Serikali imelipa Sh bilioni 29 kwa watumishi mbalimbali wa umma wakiwamo walimu.

Hata hivyo, kwa mujibu wa hotuba aliyotolewa bungeni Aprili 18, mwaka huu na Waziri wa Nchi, Ofisi ya Rais (Menejimenti ya Utumishi wa Umma na Utawala Bora), Angellah Kairuki, ni madai 18,823 ya malimbikizo ya watumishi yenye thamani ya Sh bilioni 32.8 ambayo yamehakikiwa na kuingizwa kwenye mfumo wa taarifa za kiutumishi na mshahara kwa malipo.

↧

Kamanda Mpinga Ang’olewa Usalama Barabarani.....Apelekwa Kuwa RPC Mbeya

July 13, 2017, 3:17 am

≫ Next: Tiagi Masamaki wa TRA na Wenzake watano Waachiwa HURU na Mahakama ya Kisutu

≪ Previous: TUCTA Yawatoa Hofu Watumishi Wenye Vyeti FEKI

IGP Sirro, amefanya mabadiliko katika jeshi la polisi ili kuboresha utendaji wa jeshi hilo kwa kumuhamisha aliyekuwa Kamanda wa Polisi Kikosi cha Usalama Barabarani Naibu Kamishna wa Polisi (DCP) Mohamed Mpinga na kuwa Kamanda wa polisi wa mkoa Mbeya

Katika taarifa iliyotolewa na jeshi la polisi inasema kuwa aliyekuwa Kamanda wa polisi mkoa wa Mbeya (DCP) Dhahiri Kidavashari amehamishiwa Makao Makuu ya upelelezi.

Kufuatia mabadiliko hayo nafasi aliyokuwa nayo Mohamed Mpinga imechukuliwa na Kamishna Msaidizi Mwandamizi wa Polisi (SACP) Fortunatus Musilimu.

Kwa mujibu wa Barnabas Mwakalukwa (ACP) ambaye ni msemaji wa jeshi la polisi, Makao Makuu ya Jeshi hilo amesema uhamisho huo ni wa kawaida katika kuboresha utendaji wa kazi za Polisi kwa mujibu wa kanuni, taratibu na miongozo ya Jeshi la Polisi.

IGP Saimon Sirro alishauriwa na Rais John Pombe Magufuli kufanya mabadiliko katika jeshi hilo ili kuleta ufanisi na kuboresha utendaji wa jeshi la polisi nchini, jambo ambalo tayari inaonyesha ameanza kulifanyia kazi kwa kufanya mabadiliko kama haya.

↧

Tiagi Masamaki wa TRA na Wenzake watano Waachiwa HURU na Mahakama ya Kisutu

July 13, 2017, 4:14 am

≫ Next: Ofisi za kampuni ya Sahara Media Group inayomiliki vituo vya Star TV na Radio Free Africa (RFA) leo zimefungwa na TRA

≪ Previous: Kamanda Mpinga Ang’olewa Usalama Barabarani.....Apelekwa Kuwa RPC Mbeya

Mahakama ya Hakimu Mkazi Kisutu, imemuachia huru aliyekuwa Kamishna wa TRA, Tiagi Masamaki na Wenzake watano waliokuwa wakishtakiwa na makosa ya uhujumu uchumi na kuisababishia serikali hasara ya sh. Bilioni 12.7.

Washtakiwa hao wameachiwa na Hakimu Mkazi Huruma Shahidi baada ya upande wa mashtaka uliokuwa ukiongozwa na wakili wa Serikali Mwandamizi, Timon Vitalis kuiomba mahakama kufanya hivyo chini ya kifungu cha 91(1) ya makosa ya jinai (CPA) kuwa DPP hana nia ya kuendelea na mashtaka dhidi ya washtakiwa hao.

"Mheshimiwa Hakimu kesi hii leo imekuja kwa ajili ya kutajwa, hata hivyo tuna maombi, DPP amewasilisha Nolle Prosque, hana nia ya kuendelea na mashtaka dhidi ya washtakiwa", amesema Wakili wa Serikali Timon Vitalis.

Hakimu Shahidi alikubaliana na ombi hilo na kuwaachia huru washtakiwa.

Mbali na Masamaki, washtakiwa wengine waliokuwa katika kesi hiyo iliyotokana na sakata la makontena 329 ni Meneja Kitengo cha Huduma za Ushuru TRA, Habib Mponezya (45) na Meneja Msimamizi na Ufuatiliaji wa Forodha, Burton Mponezya (51).

Msimamizi Mkuu Kitengo cha Ushuru wa Forodha ICD Azam, Eliachi Mrema (31), Mchambuzi Mwandamizi wa Masuala ya Biashara TRA, Hamis Omary (48), Meneja wa Oparesheni za Usalama na Ulinzi ICD, Raymond Adolf Louis (39) na Meneja wa Azam ICD, Ashrafu Khan (59) na Haroun Mpande (28) wa kitengo cha Mawasiliano ya Kompyuta ICT TRA.

Hata hivyo, DPP amewafutia mashtaka watuhumiwa watano tu ambao ni,Tiagi Masamaki, Eliachi Mrema, Habibu Mponezya, Burton Mponezya na Ashraf Khan.

Hata hivyo, Raymond Louis, Haruni Mpande na Khakis Ally Omari wameendelea kushikiliwa na kusomewa mashtaka mapya pamoja na watuhumiwa wapya, Khalid Yusuph Hassan na Benson Vitalis Malembo.

↧

Ofisi za kampuni ya Sahara Media Group inayomiliki vituo vya Star TV na Radio Free Africa (RFA) leo zimefungwa na TRA

July 13, 2017, 4:36 am

≫ Next: Balozi Mwapachu ajitoa katika Bodi ya Wakurugenzi ya Kampuni ya Acacia

≪ Previous: Tiagi Masamaki wa TRA na Wenzake watano Waachiwa HURU na Mahakama ya Kisutu

Ofisi za Kampuni ya Sahara Media Group inayomiliki kituo cha televisheni cha Star na cha redio cha Radio Free Africa (RFA) zimefungwa na Mamlaka ya Mapato Tanzania (TRA) kwa deni la Sh4.5 bilioni.

Ofisi hizo zimefungwa leo Alhamisi (Julai 13) na wakala wa TRA, Kampuni ya Sukah Auction Mart and Court Brokers ya jijini Mwanza.

Meneja utumishi na utawala wa Sahara Media Group, Raphael Shilatu amesema ni kweli wana malimbikizo ya madeni yanayotokana na kuhama kutoka mfumo wa analogia kwenda digitali.

↧

Balozi Mwapachu ajitoa katika Bodi ya Wakurugenzi ya Kampuni ya Acacia

July 13, 2017, 4:43 am

≫ Next: DCI Ajitosa Sakata la Mchele wa Plastiki....Atoa ONYO Kwa Aliyesambaza Video

≪ Previous: Ofisi za kampuni ya Sahara Media Group inayomiliki vituo vya Star TV na Radio Free Africa (RFA) leo zimefungwa na TRA

Mjumbe wa Bodi ya Wakurugenzi wa kampuni ya uchimbaji ya Acacia, Balozi Juma Mwapachu amestaafu nafasi hiyo baada ya kuitumikia kwa vipindi viwili.

Mwapachu amechukua uamuzi huo leo, Julai 13 baada ya muhula wake wa pili wa miaka mitatu mitatu wa ujumbe wa bodi hiyo, kumalizika.

Taarifa iliyotumwa leo na Bodi ya Wakurugenzi na Menejimenti ya Acacia imeeleza kuwa inamshukuru Balozi Mwapachu kwa utendaji wake na ushirikiano wake wote alipokuwa mjumbe.

“Tunamtakia maisha mema,” imesema taarifa hiyo.

Kutokana na mabadiliko hayo, Bodi ya Acacia itabaki na wajumbe saba, wakiwamo wanne wakurugenzi na wasio wakurugenzi.

==>Isome taarifa ya Acacia hapo chini

↧

DCI Ajitosa Sakata la Mchele wa Plastiki....Atoa ONYO Kwa Aliyesambaza Video

July 13, 2017, 4:51 am

≫ Next: Habari Zilizopo Katika Magazeti ya Leo Ijumaa ya July 14

≪ Previous: Balozi Mwapachu ajitoa katika Bodi ya Wakurugenzi ya Kampuni ya Acacia

Mkurugenzi wa upelelezi wa Makosa ya jinai (DCI), Robert Boaz, ametoa onyo kali kwa watumiaji wa mitandao ya jamii kwa lengo la upotoshaji na kuliagiza Jeshi la polisi kuanza mara moja kuwashughuliakia na kuwachukulia hatua za kisheria watu wenye tabia hiyo.

Hayo yamezungumzwa na mkurugenzi huyo mara baada ya mitandao ya kijamii kusambaza video yenye habari inayonyesha uwepo wa mchele wa plastiki nchini.

Boaz amekanusha uwepo wa mchele huo wa plastiki na kumsaka kwa udi na uvumba mtu aliyerekodi video hiyo ili asaidie kutoa taarifa zaidi.

Na amewaomba wananchi kutumia vizuri mitandao ya kijamii na kujiepusha kusambaza taarifa zisizokuwa na ukweli, kwani ni hatari na husababisha madhara makubwa katika jamii.

”Kabla ya kusambaza taarifa kwanza uwe na uhakika wa vyanzo vyako, wahsuika wanaweza kuingia kwenye matatizo yasiyokuwa ya msingi”. amesema Boaz.

Aidha waziri wa Afya, maendeleo ya jamii, jinsia na wazee na watoto , Ummy Mwalimu ametaarifiwa na Mamlaka ya chakula na Dawa (TFDA), kuwa hakuna mchele wa aina hiyo nchini.

Waziri Ummy amewasisitizia watanzania kuwa makini na matumizi ya mitandao ya kijamii, na kuepuka upotoshaji.

↧

Habari Zilizopo Katika Magazeti ya Leo Ijumaa ya July 14

July 13, 2017, 9:30 pm

≫ Next: Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

≪ Previous: DCI Ajitosa Sakata la Mchele wa Plastiki....Atoa ONYO Kwa Aliyesambaza Video

↧

Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

July 13, 2017, 10:31 pm

≫ Next: Ofisi ya CCM Yachomwa Moto Pwani

≪ Previous: Habari Zilizopo Katika Magazeti ya Leo Ijumaa ya July 14

Unene na uzito uliozidi ( Obesity ) ni miongoni mwa vyanzo na visababishi vikuu vya tatizo la ukosefu na upungufu wa nguvu za kiume.

Kwa mujibu wa tafiti mbalimbali za kitabibu, asilimia kubwa ya wanaume wenye unene na uzito uliozidi, wanakabiliwa na tatizo la ukosefu na upungufu wa nguvu za kiume.

KWANINI WANAUME WENYE UNENE NA UZITO ULIOZIDI WANAKABILIWA NA HATARI KUBWA YA KUPATWA NA TATIZO LA UKOSEFU NA UPUNGUFU WA NGUVU ZA KIUME.

Wanaume wenye uzito na unene uliozidi wapo katika hatari kuu ya kupatwa na tatizo la ukosefu na upungufu wa nguvu za kiume kwa sababu kuna uhusiano mkubwa kati ya unene/uzito uliozidi pamoja na tatizo la ukosefu wa nguvu za kiume.

Kama tulivyo elezea katika makala zetu za nyuma, SUALA LA NGUVU ZA KIUME NI SUALA LA KIMFUMO. Mfumo wa nguvu za kiume unahusisha ogani mbalimbali katika mwili wa mwanadamu.

Ili mwanaume aweze kuwa na nguvu imara za kiume, ni lazima ogani zote zinahusika katika mfumo, ziwe imara na zenye afya njema, na pia ni lazima ziwe na ushirikiano imara.

Kudhoofishwa kwa ogani moja wapo kati ya ogani hizo kutasababisha mhusika apatwe na tatizo la ukosefu na/ama upungufu wa nguvu za kiume.

Kwa kukumbushia tu, mambo makuu muhimu katika mfumo wa nguvu za kiume yapo matano ambayo ni

1. Ubongo imara na wenye afya njema

2. Mishipa imara ya kusafirishia damu mwilini

3. Mfumo imara na wenye afya wa usafirishaji damu mwilini.M .3

4.Mishipa na misuli ya uume iliyo imara na yenye afya njema

5.Pamoja na uhusiano imara na wenye afya kati ya mishipa ya fahamu iliyo katika ubongo ( nerves),mishipa ya kwenye uti wa mgongo ( spinal cords ) pamoja na mishipa & misuli ya kwenye uume.

Sasa basi, hitilafu yoyote katika mojawapo kati ya mambo matano tajwa hapo juu, itamfanya mhusika apatwe na tatizo la ukosefu na/ama upungufu wa nguvu za kiume.

UNENE NA UZITO ULIOZIDI UNA SABABISHA VIPI TATIZO LA UKOSEFU NA/AMA UPUNGUFU WA NGUVU ZA KIUME.

Kwa lugha nyepesi na yenye kueleweka kwa kila mtu, mtu mwenye unene na uzito uliopitliza, maana yake ni kwamba ana mafuta , sukari na kolestrol nyingi katika damu yake.

Kwa maana nyingine, ni kwamba kama wewe una unene uliopitiliza, maana yake ni kwamba, ogani zilizomo ndani ya mwili wako zinaogelea katika mafuta yaliyomo ndani ya mwili wako.

1. Kolestrol nyingi katika damu, huathiri mfumo usafirishaji damu katika mishipa ya inayo tumika kusafirisha damu katika sehemu mbalimbali za mwili ikiwamo katika mishipa ya kwenye uume. Matokeo yake basi , kolestrol hiyo husababisha kuziba kwa ateri ambayo ndio njia itumikayo kupeleka damu katika mishipa na misuli ya kwenye uume, na kama damu haitaweza kusafirishwa hadi kwenye mishipa ya kwenye uume, maana yake ni kwamba, mwanaume huyo hatokuwa na uwezo wa kusimamisha uume wake kwa sababu, damu ndio inayo ufanya uume uweze kusimama.

2. Kama ilivyo kwa kolestrol, sukari na mafuta mengi katika damu huathiriki utiririkaji wa damu mwilini na hivyo kufanya vigumu damu kutiririka kuelekea kwenye mishipa na misuli ya uume ambayo ndio inahusika na kuufanya uume usimame.

3. Unene na uzito uliopitiliza una uhusiano mkubwa sana na ugonjwa wa kisukari. Na ugonjwa wa kisukari nao una uhusiano mkubwa na tatizo la ukosefu wa nguvu za kiume, kwa sababu unaathiri mfumo mzima wa nguvu za kiume kama ifuatavyo : Kwanza;unashambulia na kudhoofisha mishipa ya ubongo na kuifanya ishindwe kuwa na uhusiano mzuri na mishipa ya kwenye uti wa mgongo, pamoja na mishipa na misuli ya kwenye uuume. Pili unashambulia na kudhoofisha mishipa ya usafirishaji damu mwilini na tatu unasababisha kudhoofika kwa ogani muhimu katika mwili wa mwanadamu kama vile figo.

Hivyo basi, mwanaume mwenye unene na uzito ulio zidi, yupo katika hatari kubwa sana ya kupatwa na tatizo la ukosefu na/ama upungufu wa nguvu za kiume, kuliko inavyo weza kufikiriwa.

4. Unene na uzito uliopitiliza una uhusiano mkubwa na tatizo la shinikizo la damu. Kwa lugha nyingine ni kwamba, watu wanene wapo katika hatari kubwa sana ya kupatwa na tatizo la shinikizo la damu,. na tatizo la shinikizo la damu nalo lina uhusiano mkubwa sana na tatizo la ukosefu na upungufu wa nguvu za kiume.

Shinikizo la Damu husababisha mishipa ya ateri ambayo hutiririsha damu iingiayo kwenye uume kuziba na kushindwa kutanuka kwa kiwango inachotakiwa kutanuka.

Pia huifanya mishipa laini katika uume kushindwa ku-relax na hivyo kushindwa kuizuia mishipa ya vena ya kunyonya damu kutoka kwenye mishipa ya uume na kuipeleka kwenye maeneo mengineyo ya mwilini.

Matokeo yake kunakuwa hakuna kiasi cha kutosha cha damu iingiayo kwenye uume na hivyo kufanya uume ushindwe kusimama.

Vile vile hata kiasi kidogo cha damu kinacho ingia kwenye uume, kinashindwa kuendelea kuhifadhiwa ndani ya uume wakati uume ukiwa umesimama, na matokeo yake ni uume kusinyaa ndani ya kipindi kifupi sana tangu usimame.

Kama hiyo haitoshi, tatizo la unene na uzito kupita kiasi lina weza kupelekea mhusika kupatwa na magonjwa ya presha na moyo ambayo nayo yanachangia tatizo la ukosefu wa nguvu za kiume kwa kiasi kikubwa sana.

SULUHISHO LA TATIZO NI NINI?

Kama wewe ni mwanaume mwenye tatizo la unene na uzito ulio zidi, unapaswa kufanya mambo yafuatayo:

i. Kupunguza kolestrol mwilini: Unaweza kupunguza kolestrol na mafuta mengi mwilini kwa kufanya mazoezi na diet ama kwa kutumia dawa mbalimbali za asili ama vyote kwa pamoja.

ii. Unapaswa kupunguza unene na uzito : Unaweza kupunguza unene na uzito kwa kutumia mazoezi na diet ama kwa kutumia dawa asilia ya MKATAA KITAMBI ambayo inasaidia sana kupunguza mafuta mwilini, kupunguza unene na uzito.

TIBA ASILIA YA NGUVU ZA KIUME KWA WANAUME WENYE UNENE & UZITO ULIOZIDI.

Kwa mwanaume mwenye unene & uzito uliozidi ambaye pia ana sumbuliwa na tatizo la ukosefu wa nguvu za kiume, anashauriwa kutumia dawa zifuatazo kwa pamoja

1. Dawa ya kuondoa kolestrol na mafuta mengi kwenye damu.

2. Dawa ya kupunguza unene na uzito pamoja na

3. Dawa asilia ya nguvu za kiume iitwayo JIKO ambayo inatibu na kuponya kabisa tatizo la ukosefu na/ama upungufu wa nguvu za kiume ndani ya siku thelathini tu.

Dawa ya JIKO inapatikana kwa gharama ya SHILINGI ELFU THEMANINI.

Dawa ya JIKO pamoja na dawa za kuondoa kolestrol & mafuta mwilini, kupunguza unene na uzito zinapatikana katika duka la kuuza dawa asilia la NEEMA HERBALIST & NUTRITIONAL FOODS CLINIC lililopo jijini DAR ES SALAAM, katika eneo la TABATA MAKOKA karibu na Shule ya Sekondari ya Mt. ANNUARITE.

Ubungo jirani na SHULE YA MSINGI UBUNGO NATIONAL HOUSING, nyuma ya jengo la UBUNGO PLAZA.

WASILIANA NASI KWA SIMU NAMBA 0766 53 83 84.

Kwa wateja waliopo jijini DAR ES SALAAM, ambao hawana nafasi ya kufika ofisini kwetu, watapelekewa dawa mahali walipo ( DELIVERY )

Kwa wateja wa ZANZIBAR watatumiwa dawa kwa njia ya boti.

Kwa wateja wa mikoani, watatumiwa dawa kwa njia ya MABASI na

Kwa wateja wa ughaibuni, watatumiwa dawa kwa njia ya POSTA au DHL.

Kwa taarifa zaidi kuhusu tiba asilia ya magonjwa mbalimbali, tembelea kila siku :www.neemaherbalist.blogspot.com

↧

Ofisi ya CCM Yachomwa Moto Pwani

July 13, 2017, 10:47 pm

≫ Next: Jaji Mutungi Atishia Kuchukua Hatua Kali za Kisheria Dhidi ya CHADEMA na CUF

≪ Previous: Fahamu Uhusiano Uliopo Kati Ya Unene & Uzito Kupita Kiasi ( Overweight & Obesity ) Na Tatizo La Ukosefu & Upungufu Wa Nguvu Za Kiume.

Watu wasiojulikana wameichoma moto ofisi ya Chama cha Mapinduzi tawi la Mshonzini iliyopo wilayani Mafia mkoani Pwani na kuteketeza mali mbalimbali za chama hicho.

Akithibitisha tukio hilo, Katibu wa CCM wilayani Mafia Mohammed Dhikiri amesema tukio hilo limetokea usiku wa kuamkia jana Alhamisi Julai 13.

Dhikiri amesema moto huo umeteketeza kabisa ofisi hiyo pamoja na samani za ndani.

Amesema bado haijajulikana sababu za ofisi hiyo kuchomwa moto kwa kuwa wakati tukio linatokea hakukuwepo na viashiria vyovyote vya vurugu miongoni mwa wanachama.

Amesema bado halijafahamika ni nani aliyehusika na tukio hilo na kueleza kuwa wameliachia Jeshi la Polisi kuendelea na uchunguzi zaidi dhidi ya tukio hilo.

Naye Mbunge wa Mafia, Mbaraka Dau amesema vipo viashiria vinavyoonyesha kuwa alifika mtu asiyejulikana karibu na ofisi hiyo kisha kuwasha na kurusha kijinga cha moto kwenye paa la makuti la ofisi hiyo.

Dau amesema mtu huyo baada ya kutekeleza kitendo hicho aliondoka kuelekea kichakani kama ambavyo alama za nyayo za miguu yake zilivyoonyesha.

Amesema hilo ni tukio la kwanza kutokea wilayani humo kwa kuwa hadi linatokea hapakuwa na viashiria vyovyote vile vya kutokuwepo kwa Amani kati ya wanachama au viongozi.

↧

Jaji Mutungi Atishia Kuchukua Hatua Kali za Kisheria Dhidi ya CHADEMA na CUF

July 13, 2017, 11:00 pm

≫ Next: Everton Yairarua Timu ya Gor Mahia

≪ Previous: Ofisi ya CCM Yachomwa Moto Pwani

Siku chache baada ya vyama vya upinzani vya Chadema na CUF (Upande wa Profesa Ibrahim Lipumba) kutishiana kuharibiana kupitia oparesheni zao mpya, msajili wa vyama vya siasa nchini, Jaji Francis Mutungi amevionya vyama hivyo.

Chadema walikuwa wa kwanza kutangaza kuingilia mgogoro ndani ya CUF wakitangaza kuanzisha ‘Oparesheni Ondoa Msaliti Buguruni’ wakilenga kumuondoa mwenyekiti wa CUF anayetambuliwa na ofisi ya Msajili, Profesa Ibrahim Lipumba.

CUF inayomuunga mkono Profesa Lipumba pia ilijibu mapigo kwa kudai kuwa itakuja na ‘Oparesheni Futa Chadema’, wakilaani kitendo cha Chadema kuingilia mgogoro huo.

Kufuatia kauli hizo, Jaji Mutungi amevionya vyama hivyo kuwa vitakabiliwa na mkono wa sheria endapo vitajihusisha na vurugu ya aina yoyote.

Msajili aliongeza kuwa ingawa amesikia kupitia vyombo vya habari vitisho hivyo, hajapokea barua yoyote ya malalamiko ofisini kwake kutoka kwa vyama hivyo.

“Natoa onyo kwa chama chochote cha siasa ambacho kitaonesha ubabe na kutumia wafuasi wake waweze kufanya vurugu. Tutakichukulia hatua kali kwa mujibu wa sheria,” Jaji Mutungi anakaririwa na Mtanzania.

“Kama kungekuwa na tatizo wangeleta barua ofisini kwangu ya malalamiko, lakini mpaka sasa sijapata barua yoyote inayohusiana na madai yao zaidi ya kusoma kwenye vyombo vya habari,” aliongeza.

Mbunge wa Ubungo, Saed Kubenea alifanya mkutano na vyombo vya habari hivi karibuni jijini Dar es Salaam na kueleza kuwa wamebaini Profesa Lipumba anatumika kuidhoofisha CUF hali itakayodhoofisha pia muungano wa Ukawa, hivyo wameamua kumuunga mkono Katibu Mkuu wa Chama hicho, Maalim Seif Sharif Hamad.

Kubenea alitangaza rasmi ‘Oparesheni Ondoa Msaliti Buguruni’ akidai kuwa tayari ilishaanza wakiwa Bungeni mjini Dodoma kwa kuwatenga wote wanaoshirikiana na Profesa Lipumba.

Saa chache baadae, Naibu Katibu Mkuu CUF upande wa Bara, Magdalena Sakaya ambaye anatambuliwa na Ofisi ya Msajili na anayemuunga mkono Profesa Lipumba alijibu mapigo kwa kueleza kuwa kambi yake itakuja na ‘Oparesheni Futa Chadema’.

↧

Everton Yairarua Timu ya Gor Mahia

July 14, 2017, 12:20 am

≫ Next: Rufaa Vyeti Feki: 600 Wagonga Mwamba, 450 Warudishwa Kazini

≪ Previous: Jaji Mutungi Atishia Kuchukua Hatua Kali za Kisheria Dhidi ya CHADEMA na CUF

Timu ya Soka ya Uingereza, Everton imewafunga mabingwa wa kombe la SportPesa 2017, Gor Mahia ya Kenya 2-1 katika mchezo ulioshuhudiwa na maelfu katika uwanja wa Taifa wa Dar es Salaam.

Everton walikuwa wa kwanza kushindilia goli la kwanza nyavuni kupitia mchezaji wake mpya Wayne Rooney katika dakika ya 34 akipiga shuti kali umbali wa takribani hatua 30.

Hata hivyo, Gor Mahia walifanya purukushani zenye mahesabu mazuri na kurudisha kipigo hicho ndani ya dakika nne, hali iliyowaweka Everton mguu sawa. Magoli hayo yalidumu hadi wakati wa mapumziko huku timu hiyo ya Uingereza ikionekana kumiliki zaidi mpira.

Piga ni kupige iliyoambatana na makosa ya hapa na pale yaliyokuwa yanafanywa na Gor Mahia ilipelekea Everton kupata goli la pili lililowekwa nyavuni na Kieran Dowell aliyewatoka walinzi na kupiga shuti kali, hivyo kufanya matokeo kuwa 2-1 yakidumu hadi kiliposikika kipyenga cha mwisho.

Tofauti na wengi walivyotegemea, Gor Mahia walijitahidi kuwapa wakati mgumu Everton hali iliyosababisha kocha Dylan Kerr kutoa maelekezo ya mara kwa mara kwa wachezaji wake.

Rooney pia alikutana na kisiki cha kukamiwa na wachezaji wa Gor Mahia wakitimiza ahadi yao ya kumdhibiti ingawa nahodha huyo wa zamani wa Manchester Utd hadhibitiki kirahisi, hali iliyopelekea kuwapa madhara ya goli moja.

↧

Rufaa Vyeti Feki: 600 Wagonga Mwamba, 450 Warudishwa Kazini

July 14, 2017, 4:03 am

≫ Next: Serikali kuiunganisha mikoa ya Rukwa na Songwe

≪ Previous: Everton Yairarua Timu ya Gor Mahia

Watumishi wa umma 450 walioondolewa kazini kutokana na kudaiwa kutumia vyeti vya kughushi wamerudishwa kazini baada ya kushinda rufaa zao.

Baada ya kutangazwa kwa Orodha ya watumishi wenye vyeti feki, 1050 walikata Rufaa huku 8800 wakiridhika na matokeo hayo.

Mbali na hilo, Serikali imesitisha mishahara kwa watumishi wa umma ambao walitakiwa kuwasilisha vyeti vyao kwa uhakiki lakini mpaka sasa hawajafanya hivyo.

Akizungumza na waandishi wa habari jana jijini Dar es Salaam, Katibu Mkuu, Ofisi ya Rais, Menejimenti ya Utumishi wa Umma na Utawala Bora, Dk.Laurean Ndumbalo alisema watumishi hao wameshinda rufaa zao hivyo wataandikiwa barua za kurudishwa katika utumishi wa umma.

Alisema katika rufaa hizo, wengi walikuwa wanawake walioolewa na kubadili majina yao kwa kutumia ya waume zao.

“Kuna baadhi walitumia majina mawili alipokuwa kidato cha nne baadaye alilazimika kutumia matatu na kusababisha mkanganyiko hivyo tumejiridhisha na wanarudishwa katika utumishi wa umma,” alisema Dk. Ndumbalo.

Alisema Serikali pia imesitisha mishahara kwa watumishi wa umma ambao walitakiwa kuwasilisha vyeti vyao kwa uhakiki lakini mpaka sasa hawajafanya hivyo.

“Serikali imesitisha mishahara ya watumishi wote ambao muundo wa utumishi wao uliwataka kuwa na sifa ya kufaulu kidato cha nne wakati wanaajiriwa lakini hawakuwasilisha vyeti vyao kuhakikiwa na Baraza la Mitihani.

“Tunasitisha mishahara yao kuanzia mwezi Julai hadi hapo watakapowasilisha vyeti vyao kuhakikiwa,” alisema Dk. Ndumbalo.

Dk. Ndumbalo aliongeza kuwa kwa watumishi walioajiriwa wakiwa darasa la saba kabla ya waraka wa Utumishi wa Umma namba moja wa mwaka 2004 uliowataka waajiriwa kuwa na sifa ya kidato cha nne, wataendelea na kazi mpaka watakapostaafu.

Alisema sera ya Menejimenti na Ajira katika utumishi wa umma toleo la mwaka 1998 lilianza kutekelezwa Mei 20, 2004 hivyo kwa walioajiriwa kabla ya hapo warudishwe kazini kama waliondolewa kimakosa.

“Nasisitiza kuwa watumishi wote wa umma walioajiriwa kwa sifa ya elimu ya darasa la saba kabla ya Mei 20 hawahusiki na uhakiki wa vyeti vya kufaulu mtihani wa kidato cha nne na wataendelea kuwa watumishi wa umma katika vyeo vyao mpaka watakapostaafu kazi,” alisema Dk.Ndumbalo.

Aidha alisema serikali inatangaza ajira mpya 10,184 katika sekta mbalimbali huku ikitoa ajira 3,172 kwa sekta ya afya.

↧

Serikali kuiunganisha mikoa ya Rukwa na Songwe

July 14, 2017, 4:43 am

≫ Next: ACACIA Yakubali Kulipa mirabaha iliyowekwa katika sheria mpya ya madini

≪ Previous: Rufaa Vyeti Feki: 600 Wagonga Mwamba, 450 Warudishwa Kazini

Serikali imesema kuwa itaanza kujenga daraja la Mto Momba litakaloiunganisha Mikoa ya Rukwa na Songwe kwaajili ya kuondoa kero kwa wananchi ambayo imekuwa ikiwasumbua hasa wakati wa masika.

Hayo yamesemwa Naibu waziri wa Ujenzi, Uchukuzi na Mawasiliano, Eng. Edwin Ngonyani mara baada ya ziara ya ukaguzi wa barabara Kasansa mpaka Kilyamatundu ambapo amesema kuwa tayari Serikali imeshampata mkandarasi atakayejenga daraja hilo.

“Serikali imeshatoa kiasi cha sh. Bilioni tatu fedha hizo zimetusaidia kutangaza zabuni na kumpata mkandarasi, tayari Mkandarasi wa ujenzi huu ameshapatikana na mkataba wa makubaliano ya ujenzi umeshakamilika hivyo mkandarasi atausaini rasmi hivi karibuni,” amesema Eng. Ngonyani.

Aidha, Eng.Ngonyani amesema kuwa ujenzi na kukamilika kwa daraja hilo kutasaidia kukuza uchumi na wa wananchi wa mikoa hiyo, hivyo kuongeza pato la taifa wakati huu nchi inaelekea kwenye uchumi wa kati wa Viwanda

Vile Vile amemuagiza Meneja Wa Wakala wa barabara (TANROADS) Mkoa wa Rukwa kuhakikisha anatoa ajira kwa wakazi waliopo kata ya Kipeta ambapo ujenzi wa daraja hilo utafanyika.

Hata hivyo, kwa upande wake Mbunge wa Jimbo la Kwela, Ignas Malocha ameishukuru Serikali ya awamu ya tano ya Dkt. John Magufuli kwa kutekeleza ahadi ya ujenzi wa daraja hilo ambalo kukamilika kwake kutawaletea maendeleo wakazi hao kwa vile litaufungua Mkoa wa Rukwa na kuunganisha na Songwe na Katavi.

Naye meneja wa TANROADS Rukwa Eng. Msuka Mkina amewahakikishia wakazi kijiji cha Kilyamatundu kuwa Wakala utasimamia ujenzi huo ili ukamilike kwa wakati na viwango na kupitia mradi huo wananchi hao watapata ajira.

↧

ACACIA Yakubali Kulipa mirabaha iliyowekwa katika sheria mpya ya madini

July 14, 2017, 4:59 am

≫ Next: Makamu wa Rais: Hatupo Tayari Kupokea Misaada ya Wafadhili Wenye Mashart ya Kudhalilisha Utu

≪ Previous: Serikali kuiunganisha mikoa ya Rukwa na Songwe

Kufuatia mabadiliko yaliyofanywa na Bunge katika sheria za usimamizi wa rasilimali nchini, ongezeko la mrabaha unaotarajiwa kulipwa serikali uliongezeka kutoka katika asilimia 4 iliyokuwa katika sheria za zamani.

Katika kuonyesha kukubaliana na mabadiliko hayo, Kampuni ya uchimbaji madini nchini ya Acacia imekubali kuilipa serikali mrabaha wa asilimia 6 unaoendana na sheria mpya zilizoanza kutumika mwezi huu mwanzoni baada ya kusainiwa na Rais Julai 5.

Kwa mujibu wa taarifa iliyotolewa na kampuni hiyo leo inaeleza kuwa, ili kuepuka mkanganyiko au mvurugano zaidi kwenye kazi zao katika siku za usoni, watatimiza matakwa yanayohitajika katika ongezeko la mrabaha wa katika madini ya dhahabu, fedha na shaba la asilimia 6

==>Isome taarifa ya ACACIA hapo chini

↧

Makamu wa Rais: Hatupo Tayari Kupokea Misaada ya Wafadhili Wenye Mashart ya Kudhalilisha Utu

July 14, 2017, 5:18 am

≫ Next: Kutana na Mtaalamu wa Kusafisha Nyota........Anatoa Mvuto wa Biashara, Kupandishwa Cheo, Kurudishiwa Mali Uliyoibiwa na Mengne

≪ Previous: ACACIA Yakubali Kulipa mirabaha iliyowekwa katika sheria mpya ya madini

Makamu wa Rais wa Jamhuri ya Muungano wa Tanzania Mhe Samia Suluhu Hassan amesema Taifa halipo tayari hata kidogo kupokea misaada kutoka kwa wafadhili wenye masharti ambayo hayaendani na mila na desturi za kitanzania.

Mhe Samia Suluhu Hassan ametoa kauli hiyo baada ya kukutana na kufanya mazungumzo na Rais Mstaafu wa Ireland Mary Robinson pamoja na mwanzilishi wa Taasisi ya Graca Machel, Craca Machel pamoja na ujumbe walioambatana nao Ikulu- Jijini Dar es Salaam.

"Kuna baadhi ya wafadhili wanaisaidia serikali katika utekelezaji wa miradi ya maendeleo na bajeti vizuri sana na bila masharti mabaya lakini kuna baadhi ya wafadhili wanaonyesha wazi kuwa wanataka serikali ikubali masharti yao ambayo yanaenda kinyume na maadili ya taifa kitu ambacho hakiwezekani" amesema Mhe. Samia.

Pamoja na hayo, Mhe Samia Suluhu amesema kuwa serikali imeongeza maradufu bajeti yake kwa mwaka wa fedha wa 2017/2018 katika sekta ya afya ili kuhakikisha wananchi wanapata huduma za afya kwa viwango vinavyotakiwa nchini.

Kwa upande wake, Rais Mstaafu wa Ireland Mary Robinson pamoja na mwanzilishi wa Taasisi ya Kimataifa ya Graca Machel, Craca Machel wameipongeza serikali kwa jitihada inazozifanya katika uimarishaji wa sekta ya afya nchini na wameahidi kuendelea kushirikiana na serikali katika kuhakikisha huduma za afya nchini zinaendelea kuboreshwa ipasavyo.

↧

Latest Images