Acacia wakutana na Rais Magufuli Ikulu leo, wakubali kulipa fedha wanazodaiwa

June 14, 2017, 11:35 am

≫ Next: Habari Zilizopp Katika Magazeti Ya Leo Alhamisi ya June 15

≪ Previous: SORRY MADAM -Sehemu ya 68 & 69 (Destination of my enemies)

Rais wa Jamhuri ya Muungano wa Tanzania Mhe. Dkt. John Pombe Magufuli amekutana na kufanya mazungumzo na Mwenyekiti wa Kampuni ya Barrick Gold Corporation ambayo ni mmiliki mkubwa wa kampuni ya Acacia Mining Limited Prof. John L. Thornton na kukubaliana kuwa kampuni hiyo ipo tayari kufanya mazungumzo na Serikali ya Tanzania ili kulipa fedha ambazo Tanzania imezipoteza kutokana na kampuni hiyo kuendesha shughuli zake hapa nchini.

Prof. John L. Thornton ambaye amesafiri kwa ndege binafsi kutoka nchini Canada hadi Tanzania amekutana na Mhe. Rais Magufuli leo Juni 14, 2017 Ikulu Jijini Dar es Salaam na mazungumzo yao yamehudhuriwa na Balozi wa Canada hapa nchini Mhe. Ian Myles na Waziri wa Sheria na Katiba Mhe. Prof. Palamagamba Kabudi.

Baada ya Mazungumzo hayo Prof. John L. Thornton amesema kampuni yake ipo tayari kufanya mazungumzo na Tanzania yatakayozingatia maslahi ya pande zote mbili na pia ipo tayari kulipa fedha zote ambazo inapaswa kulipa kwa Tanzania.

Kwa upande wake Mhe. Rais Magufuli amesema Serikali inakaribisha mazungumzo hayo na itaunda jopo la wataalamu watakaofanya majadiliano na kampuni ya Barrick Gold Corporation ili kufikia makubaliano ya kulipwa fedha zinazodaiwa na namna kampuni hiyo itakavyoendesha shughuli zake nchini maslahi ya pande zote mbili.

Mhe. Rais Magufuli amesema pamoja na kukubali kulipa fedha zinazodaiwa Prof. John L. Thornton amekubali kushirikiana na Tanzania kujenga mtambo wa kuchenjulia dhahabu (smelter) hapa nchini.

Wakati huo huo, Mhe. Rais Magufuli amevionya vyombo vya habari vinavyowataja Marais wastaafu Mhe. Benjamin William Mkapa na Mhe. Jakaya Mrisho Kikwete na kuwahusisha na taarifa za kamati mbili za uchunguzi wa madini yaliyo katika makontena yenye mchanga wa madini (Makinikia) ambao ripoti zimekabidhiwa kwake na kamati hizo.

“Nimesoma ripoti zote mbili hakuna mahali ambapo Mzee Mkapa na Mzee Kikwete wametajwa, vyombo vya habari viache kuwachafua hawa wazee, wamefanya kazi kubwa ya kulitumikia Taifa letu, viwaache wapumzike” amesema Mhe. Rais Magufuli.

Gerson Msigwa

Mkurugenzi wa Mawasiliano ya Rais, IKULU

Dar es Salaam

14 Juni, 2017

↧

Habari Zilizopp Katika Magazeti Ya Leo Alhamisi ya June 15

June 14, 2017, 10:05 pm

≫ Next: Rais Magufuli Amemteua Prof. Longinus Rutasitara kuwa Mwenyekiti wa Bodi ya Kituo cha Uwekezaji nchini(TIC).

≪ Previous: Acacia wakutana na Rais Magufuli Ikulu leo, wakubali kulipa fedha wanazodaiwa

↧

Rais Magufuli Amemteua Prof. Longinus Rutasitara kuwa Mwenyekiti wa Bodi ya Kituo cha Uwekezaji nchini(TIC).

June 14, 2017, 10:58 pm

≫ Next: TANESCO yautahadharisha umma kuhusu matapeli wanaodai watawawezesha kupata ajira walizoomba

≪ Previous: Habari Zilizopp Katika Magazeti Ya Leo Alhamisi ya June 15

↧

TANESCO yautahadharisha umma kuhusu matapeli wanaodai watawawezesha kupata ajira walizoomba

June 14, 2017, 11:02 pm

≫ Next: Kipindi Maalum : Rais Magufuli Alivyotana Na Mwenyekiti Wa Barrick Gold Corporation June 14,2017

≪ Previous: Rais Magufuli Amemteua Prof. Longinus Rutasitara kuwa Mwenyekiti wa Bodi ya Kituo cha Uwekezaji nchini(TIC).

↧

Kipindi Maalum : Rais Magufuli Alivyotana Na Mwenyekiti Wa Barrick Gold Corporation June 14,2017

June 15, 2017, 12:11 am

≫ Next: Taarifa Kwa Umma Kuhusu D9 Club

≪ Previous: TANESCO yautahadharisha umma kuhusu matapeli wanaodai watawawezesha kupata ajira walizoomba

Kipindi Maalum : Rais Magufuli Alivyokutana Na Mwenyekiti Wa Barrick Gold Corporation June 14,2017

==>Tazama Full Ripoti Hapo Chini

↧

Taarifa Kwa Umma Kuhusu D9 Club

June 14, 2017, 11:37 pm

≫ Next: 'Pedeshee Ndama mto wa ng'ombe' Alipa Milioni 200 na Kuachiwa huru kwa dhamana.

≪ Previous: Kipindi Maalum : Rais Magufuli Alivyotana Na Mwenyekiti Wa Barrick Gold Corporation June 14,2017

↧

'Pedeshee Ndama mto wa ng'ombe' Alipa Milioni 200 na Kuachiwa huru kwa dhamana.

June 14, 2017, 11:43 pm

≫ Next: Serikali Yatoa Onyo.......Yavitaka vyombo vya habari kuacha kuwahusisha Marais wastaafu na mchanga wa madini

≪ Previous: Taarifa Kwa Umma Kuhusu D9 Club

Baada ya kufanikiwa kulipa faini ya milioni 200 hatimae jana mfanyabiashara , Ndama Shabani Hussein, maarufu kama Pedeshee Ndama mtoto ya Ng'ombe amepata dhamana.

Ndama amepata dhamana baada ya kuwa na wadhamini wawili na kuwasilisha hati ya mali isiyohamishika yenye thamani zaidi ya shilingi milioni 600.

Wiki iliyopita Mahakama ya Hakimu Mkazi Kisutu ilimtia hatiani Ndama na kumuhukumu kwenda jela miaka mitano au kulipa faini ya milioni 200 baada ya kukiri shtaka la kutakatisha USD 540,000.

Aidha mahakama hiyo iliyoketi chini ya Hakimu Mkazi Victoria Nongwa ilimsomea masharti ya dhamana mshtakiwa huyo iwapo angefanikiwa kulipa kiasi hicho cha milioni 200 ili awe huru katika mashtaka matano yanayoendelea kumkabili mahakamani hapo ambayo upelelezi wake bado haujakamilika.

Katika masharti hayo, Ndama alitakiwa kuwa na wadhamini wawili wanaoaminika na atoe fedha taslimu kiasi cha USD 270,200 ambacho ni sawa na zaidi ya milioni 600 mahakamani hapo ama mali isiyohamishika yenye thamani ya kiasi hicho cha fedha

Licha ya kupata dhamana, Ndama alirudishwa gerezani kukamilisha taratibu kabla ya kuachiwa huru.

Hukumu hiyo ya shtaka la sita la kutakatisha fedha ilitolewa baada ya Wakili wa Serikali, Christopher Msigwa kumsomea maelezo ya awali (PH) Ndama na kuyakubali maelezo ya awali na maelezo yote yanayounda shtaka hilo la kutakatisha fedha, akapatikana na hatiani na kupewa adhabu hiyo.

Kabla ya kutolewa kwa hukumu hiyo, Wakili Msigwa aliiambia mahakama kuwa mshtakiwa amekubali shtaka la sita la kutakatisha fedha na maelezo yanayounda shtaka hilo, hawana kumbukumbu za nyuma za makosa dhidi ya Ndama ila ni rai ya upande wa mashtaka kuwa wakati mahakama ikitoa adhabu izingatie matakwa ya kifungu cha 13(a) cha sheria ya kuzuia utakatishaji fedha.

↧

Serikali Yatoa Onyo.......Yavitaka vyombo vya habari kuacha kuwahusisha Marais wastaafu na mchanga wa madini

June 14, 2017, 11:59 pm

≫ Next: Jinsi Ya Kuandaa Na Kutayarisha Lishe Maalumu Ya Kuongeza Na Kunenepesha Mwili

≪ Previous: 'Pedeshee Ndama mto wa ng'ombe' Alipa Milioni 200 na Kuachiwa huru kwa dhamana.

Serikali ya Tanzania kupitia Waziri ya Habari, Utamaduni, Sanaa na Michezo imevitaka vyombo vya habari na mitandao ya kijamii kuacha kuwatuhumu Marais wastaafu kwenye sakata la mchanga wa madini kwani majina yao hayajatajwa kwenye ripoti ambayo Rais Magufuli ameipokea.

Katika taarifa ambayo imetolewa na Waziri Mwakyembe imeeleza kuwa kuna baadhi ya vyombo vya habari na mitandao ya kijamii wamekuwa wakituhumu Marais wastaafu bila kujua athari zake kiasiasa na kijamii

==>Msikilize Waziri Mwakyembe Akiongea Hapo chini

↧

Jinsi Ya Kuandaa Na Kutayarisha Lishe Maalumu Ya Kuongeza Na Kunenepesha Mwili

June 15, 2017, 12:03 am

≫ Next: Viongozi wa Dini Watangaza Siku Saba za Kumwombea Rais Magufuli

≪ Previous: Serikali Yatoa Onyo.......Yavitaka vyombo vya habari kuacha kuwahusisha Marais wastaafu na mchanga wa madini

Kama umekonda na kudhoofika mwili kutokana na sababu mbalimbali kama vile kuugua magonjwa na maradhi mbalimbali au kupatwa na msongo mawazo, basi fuata maelekezo yafuatayo ili upate kujua namna ya kuandaa na kutayarishe lishe maalumu ya asili itakayo kusaidia kunenepa na kurejesha afya ya mwili wako katika hali yake ya kawaida.

MAHITAJI:

1. Dawa Lishe ya kuongeza na kunenepesha mwili

2. Asali ya tende

3. Ufuta

4. Ukwaju

5. Kitunguu swaumu

6. Giligiliani

7. Juisi ya Komamanga na Asali

MATAYARISHO NA MATUMIZI

Matumizi ya lishe hii, yame gawanyika katika awamu kuu mbili. Awamu ya kwanza, itachukua siku thelathini na awamu ya pili itachukua siku thelathini pia.

Katika awamu ya kwanza , mgonjwa atatumia DAWA LISHE YA KUNENEPESHA MWILI, ASALI YA TENDE NA UFUTA na awamu ya pili, mgonjwa atatumia UKWAJU, KITUNGUU SWAUMU, GILIGILIANI na JUISI YA KOMAMANGA & ASALI kwa kufuata utaratibu utakao elezwa hapo chini.

AWAMU YA KWANZA

SIKU THELATHINI ZA KWANZA

Mahitaji

1. Dawa lishe ya kuongeza na kunenepesha mwili

2. Ufuta

3. Asali ya Tende ( Dates Syrup )

MATAYARISHO , MAELEKEZO NA MATUMIZI

1. Dawa –Lishe ya Kunenepesha Mwili

Chukua vijiko vitatu vikubwa vyenye dawa yako, kisha changanya na maji nusu lita halafu chemsha hadi itokote, Ikiisha tokota, ipua acha ipoe kidogo kisha tumia kunywa pamoja na machicha yake. Utafanya hivyo mara mbili kwa siku asubuhi na jioni kwa muda wa siku thelathini.

2. Ufuta : Matayarisho : Chukua vijiko vikubwa vinane vyenye ufuta, kisha changanya na lita moja na nusu ya maji. Kama hauna tatizo na sukari, unaweza kuongeza na sukari kiasi ili kuipa ladha. Ikisha tokota, ipua iache ipoe kiasi kisha tumia kula ufuta wote pamoja na supu yake ama juisi yake. Utafanya hivyo mara mbili kwa siku asubuhi na jioni kwa muda wa siku thelathini.

(N.B: KAMA UNA NAFASI, BADALA YA KUTUMIA VIJIKO VINANE TU VYA UFUTA KWENYE LITA MOJA NA NUSU YA MAJI, WEWE TUMIA ROBO KILO YA UFUTA KWENYE LITA TATU YA MAJI, CHEMSHA HADI ITOKOTE, IACHE IPOE, KISHA TUMIA KULA . FANYA HIVYO MARA MBILI KWA SIKU ASUBUHI NA JIONI KWA MUDA WA SIKU THELATHINI )

2. ASALI YA TENDE

3. Tumia kula vijiko vikubwa vinne vya tende mara mbili kwa siku asubuhi na usiku kwa muda wa siku thelathini. Yaani asubuhi kula vijiko vikubwa vinne na usiku kula vijiko vikubwa vinne vya asali ya tende.

( HABARI NJEMA KWA WATEJA WETU NI KWAMBA, ASALI YA TENDE SASA INAPATIKANA MOJA KWA MOJA DUKANI KWETU . UTAPATIWA DAWA LISHE PAMOJA NA ASALI YA TENDE UTAKAYO ITUMIA KWA MUDA WA SIKU THELATHINI KWA UTARATIBU WA MAELEKEZO HAYO HAPO JUU )

AWAMU YA PILI

Awamu ya pili ya lishe hii, itaanza baada ya kukamilika kwa siku thelathini za kutumia dawa lishe, ufuta pamoja na asali ya tende. Kama ilivyo kuwa kwa awamu ya kwanza, awamu ya pili pia itachukua muda wa siku thelathini

MAHITAJI, MATAYARISHO NA MATUMIZI

1. UKWAJU

Matayarisho na Maandalizi

Chukua ukwaju kiasi cha robo kilo , weka kwenye maji kiasi cha lita moja, ongeza pilipili manga kiasi cha kijiko kimoja kidogo ( tea spoon ) halafu ongeza sukari vijiko vitatu vikubwa, ongeza karafuu ya unga kijiko kimoja kidogo, pamoja na hiriki vijiko vikubwa viwili.

Ukisha fanya hivyo, chemsha hadi mchanganyiko wako utokote. Ukisha tokota, ipua na kuchuja kisha weka kwenye chombo kisafi.

MATUMIZI :

Tumia kunywa mchanganyiko huu kila siku asubuhi baada ya kunywa chai. Utafanya hivyo kwa muda wa siku thelathini mfululizo.

2. JUISI YA KOMAMANGA NA ASALI

Matayarisho na Matumizi

Tayarisha juisi ya komamanga kiasi cha nusu lita, changanya na asali ya kawaida vijiko vikubwa vinane, kisha ongeza chumvi kijiko kidogo( tea spoon)

Koroga mchanganyiko wako halafu tumia kunywa. Utafanya hivyo mara moja kwa siku kwa muda wa siku thelathini.

Matunda ya makomamanga yanapatikana masokoni, ingawa mara nyingi hupatikana kwa uchache. Kama utabahatika kupata matunda mengi, basi unashauriwa kuyachukua kwa wingi na kuyahifadhi, sehemu salama ili usipate usumbufu wakati wa kutumia tiba yako.

Mbali na kutumika katika lishe ya kuongeza na kunenepesha mwili, tunda la komamanga, linasaidia kuondoa harufu mbaya ya kinywa. Kwa kuondoa harufu mbaya ya kinywa, kula walau tunda moja la komamanga kwa siku kwa muda wa siku thelathini mfululizo. Utapata matokeo mazuri . ( HII ITAWASAIDIA ZAIDI WALE AMBAO TATIZO LAO LA KUTOKWA NA HARUFU MBAYA YA KINYWA LIMEANZIA KINYWANI NA SIO TUMBONI

ALTERNATIVE (MBADALA ) WA JUISI YA KOMAMANGA ILIYO UNGWA NA ASALI.

Kama utashindwa kupata makoma manga, basi utafanya kama ifuatavyo :

KITUNGUU SWAUMU

Chukua punje nne za vitunguu swaumu, zitwange kisha tia kwenye maji nusu lita halafu ongeza juisi ya ndimu moja au limao moja kisha chemsha hadi mchanganyiko wako uchemke.

Matumizi : Tumia hivyo kila siku usiku baada ya kula chakula cha usiku. Utafanya hivyo kwa muda wa siku thelathini mfululizo.

Vile vile , mbadala mwingine wa kutumia juisi ya komamanga iliyo changanywa na asali, unaweza kutumia JUISI YA GILIGILIANI kwa kufuata utaratibu ufuatao :

JUISI YA GILIGILIANI

MATAYARISHO NA MATUMIZI YA JUISI YA GILI GILIANI

Chukua giligiliani fresh, kisha zi -blend ( ZISAGE ) ili kupata juice yake kiasi cha robo lita.

Ndani ya juisi yako ya giligiliani, kamuliamo ndimu fresh moja, halafu ongeza chumvi kiasi robo kijiko kidogo ( tea spoon), koroga kisha tumia kunywa. Utakunywa usiku baada ya kula chakula cha usiku. Utafanya hivyo mara moja kwa siku kwa muda wa siku thelathini mfululizo.

PIA : Jenga utaratibu wa kuwa unakula giligiliani kwa wingi. Hakikisha katika kila mlo wako, inakuwepo mboga ya giligiliani pembeni.

VITU VINGINE VYA KUZINGATIA..

Pamoja na kutumia lishe hii ya asili kwa kufuata utaratibu huo hapo juu, unashauriwa kuzingatia matumizi ya vyakula vifuatavyo:

TANGAWIZI

Jenga tabia ya kuwa una tumia tangawizi, kila mara upatapo nafasi. Utaratibu wa jinsi ya kutayarisha tangawizi ni kama ifuatavyo :

Chukua kipande kimoja cha tangawizi, kisha kitwange halafu ongeza vikombe viwili vya maji vyenye ujazo wa milimita mia mbili na hamsini ( 250 mills). Chemsha pamoja kisha ongeza maziwa kiasi cha robo lita na sukari ili kupata ladha. Fanya hivi kila mara uapatapo nafasi. Ukiweza kufanya hivyo walau mara mbili kwa siku, itakuwa vizuri zaidi.

AU chukua kipande kimoja cha tangawizi, kitwange kisha chemsha pamoja na chumvi nusu kijiko kidogo kwenye maji kiasi cha nusu lita halafu tumia kunywa kikombe kimoja nusu saa kabla ya kula chakula chako cha asubuhi, mchana na usiku.

HIRIKI

Jenga utaratibu wa kuwa unakunywa mara kwa mara chai iliyo changanywa na hiriki.

MACHUNGWA

Jenga utaratibu wa kuwa unakula machungwa kwa wingi, kwa kadri utakavyo weza. Unashauriwa kuwa unachanganya na chumvi kidogo pamoja na pilipili manga.

KWA MAHITAJI YAKO YA DAWA-LISHE YA KUNENEPESHA & KUONGEZA MWILI PAMOJA NA ASALI YA TENDE.

Kwa mahitaji yako ya DAWA-LISHE ya kuongeza & kunenepesha mwili, pamoja na asali ya tende, fika katika duka la NEEMA HERBALIST.

Tunapatikana UBUNGO jijini DAR ES SALAAM, jirani na SHULE YA MSINGI UBUNGO NATIONAL HOUSING nyuma ya jengo la UBUNGO PLAZA.

WASILIANA NASI KWA SIMU NAMBA 0766 53 83 84.

Kwa wateja wetu waliopo jijini Dar Es Salaam, ambao hawana nafasi ya kufika dukani kwetu Ubungo, tunayo huduma ya kuwapelekea dawa mahali walipo ( HOME & OFFICE DELIVERY )

Kwa wateja waliopo nje ya mkoa wa Dar Es Salaam, watatumiwa dawa kwa kutumia mabasi mbalimbali.

Kwa wateja waliopo Zanzibar, watatumiwa dawa kwa njia ya usafiri wa boti.

Kwa wateja waliopo ughaibuni, watatumiwa dawa kwa njia ya POSTA au DHL.

Na kwa taarifa zaidi kuhusu huduma zetu, tutembelee kila siku katika blogu yetu :

www.neemaherbalist.blogspot.com

↧

Viongozi wa Dini Watangaza Siku Saba za Kumwombea Rais Magufuli

June 15, 2017, 12:10 am

≫ Next: Mama Amuua Mwanae Kwa Kumtupa Ziwa Victoria

≪ Previous: Jinsi Ya Kuandaa Na Kutayarisha Lishe Maalumu Ya Kuongeza Na Kunenepesha Mwili

Na Jonas Kamaleki- MAELEZO

Viongozi wa dini wametangaza maombi ya siku saba nchi nzima kumwombea Rais John Pombe Magufuli ili aendelee na juhudi zake za kulinda raslimali za watanzania kwa manufaa ya Taifa kwa ujumla.

Hayo yalisemwa jana jijini Dar es Salaam katika mahojiano maalum na Mwenyekiti wa Kamati ya Kitaifa ya Maadili, Amani na Haki za Binadamu kwa jamii ya dini zote, Askofu William Mwamalanga kwa niaba ya viongozi wa dini.

“Tumeamua kufanya maombi ya siku saba kwa kumtaka kila mtanzania popote alipo kutembea hatua saba kila siku akimwombea Mhe. Rais Magufuli ili Mungu amlinde pamoja na anaofanyanao kazi kwa usahihi (uaminifu)”, alisema Askofu Mwamalanga.

Ndani ya siku hizo saba kila mtanzania atakuwa ametembea jumla ya hatua 49 akimwombea Rais Magufuli na wazalendo wenzake.

Kwa mujibu wa Kiongozi huyo wa Dini, maombi hayo yataanza leo Alhamisi Juni 15 nchi nzima na yatajumuisha watu wa dini zote nchini, yaani madhehebu ya Kiislam, Kikristo, Kihindu, Budha na madhehebu mengine.

Maombi haya yanafanyika baada ya kuona kuwa Mhe. Rais Magufuli anachukua hatua madhubuti za kutaka waliohusika kwa namna yoyote kuiba raslimali za Taifa hususani madini, wanachukuliwa hatua na kuitaka kampuni ya ACCASIA kulipa kile ambacho walichukua kinyume cha sheria.

Askofu Mwamalanga alisema kuwa Kamati yake inamwomba Rais Magufuli achukue hatua za haraka kudhibiti raslimali za nchi kwa upande wa Wizara ya Maliasili na Utalii ambako mali nyingi zinatoroshwa na wajanja wachache.

Kamati hiyo ya Kitaifa ya Maadili, Amani na Haki za Binadamu kwa jamii ya dini zote imemwomba Mhe. Rais aziunganishe Wizara za Nishati na Madini na Maliasili na Utalii na kuunda wizara moja ambayo itasimamia kwa karibu raslimali za watanzania.

“Tunamwomba Rais Magufuli amchague mtu makini na mzalendo mwenye uchungu na nchi hii ili asimamie wizara hiyo, na nina hakika wizara hiyo ikisimamiwa vizuri, ndoto ya Rais ya kuifanya Tanzania kuwa nchi mhisani itatimia kwa kuwa hapa Mungu ametujalia kila kitu”,alisema Askofu Mwamalanga.

Viongozi hao wamempongeza Rais Magufuli kwa Uzalendo na Ujasri alionao katika kulinda raslimali za Taifa na kupambana na maovu. Wamesema ni kiongozi wa kuigwa na Marais au viongozi Duniani kote.

Kuhusu suala la walioachishwa kazi kutokana na kuwa na vyeti feki, Askofu Mwamalanga alisema kuwa Kamati inamwomba Mhe Rais kuwasamehe wale ambao wameitumikia nchi hii kati ya miaka mitano na 30 ili walau wapatiwe kifuta jasho licha ya kwamba walitumika bila kuwa na vyeti halali vya Kidato cha nne.

“Msamaha tunaoomba si wa kuwarudisha kazini bali tunaomba kwa ajili ya kupata kiinua mgongo kwani wengine walitumika kwa uaminifu na hata kupewa tuzo za ufanyakazi hodari (bora) hasa katika sekta za Afya,wauguzi, Elimu na maeneo mengine”, alisema Askofu Mwamalanga.

Mapema wiki hii, Rais Magufuli alipokea ripoti ya pili ya uchunguzi wa makinikia ambayo iliwajumuisha wanasheria na wachumi. Katika ripoti hiyo ilibainika kuwa kiasi kikubwa cha madini kilichukuliwa bila watanzania kupata chochote. Takriban madini yenye thamani ya shilingi trilioni 108 yalisafirishwa nje ya nchi bila Tanzania kupata faida kutokana na madini hayo.

↧

Mama Amuua Mwanae Kwa Kumtupa Ziwa Victoria

June 15, 2017, 12:33 am

≫ Next: UKATILI: Msichana Asimulia Jinsi Kondakta na Dereva Walivyombaka Kwa Zamu Ndani ya Daladala

≪ Previous: Viongozi wa Dini Watangaza Siku Saba za Kumwombea Rais Magufuli

Jeshi la polisi mkoani Mwanza linawashikilia wanawake wawili katika matukio mawili tofauti likiwemo la mwanamke mmoja kumuua mwanaye.

Kamanda wa Polisi Mkoa wa Mwanza, Ahmed Msangi alisema katika tukio la kwanza, mwanamke mmoja mkazi wa Kisiwa cha Nyamango, Kijiji cha Soswa katika Tarafa ya Buchosa, Nyamisi Bahati (27) anashikiliwa na polisi akituhumiwa kumuua mtoto wake, Sakimu Hassan mwenye umri wa miezi saba kwa kumtupa ndani ya Ziwa Victoria.

Msangi alisema tukio hilo lilitokea juzi saa moja usiku wakati mtuhumiwa alipotoka nyumbani kwake kwenda kuwasalimia wazazi wake huku ikidaiwa kuwa aliondoka akiwa na mtoto wake.

“Akiwa nyumbani kwao ghafla alitoka nje akiwa na mtoto wake, ilionekana kama anaenda kumbembeleza baada ya muda alirejea akiwa hana mtoto ndipo bibi yake alipoanza kuhoji alipo mtoto,” alisema Msangi.

Alisema baada ya kumhoji zaidi, baadaye mtuhumiwa alikiri kumtupa ndani ya Ziwa Victoria.

Baada ya bibi kupokea taarifa hiyo ilimshtua na kuanza kupiga kelele kuomba msaada kwa watu ili waweze kusaidia kumuokoa mtoto huyo.

Kamanda huyo aliendelea kueleza kuwa majirani waliokusanyika katika tukio hilo walisaidia kutoa taarifa kituo cha polisi ambao nao walifika eneo hilo na kuanza shughuli ya uokozi hadi walipofanikiwa kuupata mwili wa marehemu.

Msangi alisema uchunguzi wa awali umebainisha kuwa mtuhumiwa ana matatizo ya akili ingawa bado wapo kwenye upelelezi na mahojiano kujua ukweli wa jambo hilo.

Katika tukio la pili, polisi wanamshikilia mkazi wa mtaa wa Malulu, Kata ya Igogo wilayani Nyamagana, Ghati Chacha (36) kwa madai ya kukutwa na pombe haramu ya gongo lita 23.

↧

UKATILI: Msichana Asimulia Jinsi Kondakta na Dereva Walivyombaka Kwa Zamu Ndani ya Daladala

June 15, 2017, 1:51 am

≫ Next: Tundu Lissu,Abdallah Mtolea Wapinga Azimio la Bunge Kumpongeza Rais Magufuli

≪ Previous: Mama Amuua Mwanae Kwa Kumtupa Ziwa Victoria

Dereva na kondakta wa daladala zinazofanya safari ndani ya Manispaa ya Moshi mkoani Kilimanjaro, Soweto–Mbuyuni wanatuhumiwa kumbaka abiria wao kwa zamu na kumuumiza sehemu za siri.

Tukio hilo lililotokea Juni 12 saa moja jioni maeneo ya Veta katika uchochoro uliopo karibu na shule ya Northen Highland iliyo umbali wa mita 400 kutoka barabara ya lami.

Akielezea tukio hilo, binti huyo mwenye umri wa miaka 20 alisema alitumwa na bosi wake kwenda kununua mahitaji ya nyumbani Soko la Mbuyuni na kumuelekeza kuwa akimaliza apande basi la Soweto sokoni hapo na ashukie mwisho ambako angechukua bodaboda ya kumfikisha nyumbani.

“Nilipomuuliza konda akaniambia ndiyo na nikampigia bodaboda ambaye nilipewa namba na bosi wangu ili ampe maelekezo huyo kondakta sehemu ambayo watanishusha ili yeye anichukue hapo na wakazungumza na baadaye akanirejeshea simu yangu,” alisema msichana huyo.

Alisema baada ya hapo safari ya kutoka Mbuyuni kwenda Soweto ilianza.

“Kwa kuwa nilikuwa mgeni, sikuelewa hata kituo kipi cha kushukia. Niliendelea kukaa hadi nilipoona watu wote wameisha kwenye (Toyota) Hiace, ndipo nikamuuliza konda kwa nini hanishushi akasema bado sijafika,” alisema.

Anasema alishangaa kuona dereva anaenda kuegesha gari uchochoroni na aliposimama, kondakta akashuka, akidai anaenda kujisaidia. “Aliporudi kwanye gari alifunga mlango na wakazima taa na kuanza kuniambia kuwa wamenipenda kama ninataka kuwa hai nikubaliane na wanachokitaka na nikikataa wataniua,” alisema binti huyo.

Alisema baadaye dereva alitoka kwenye usukani na kumfuata alipokaa na kuanza kumpapasa.

Alisema alipoona hivyo alijaribu kutoka nje kupitia dirishani, lakini walimvuta ndani huku wakimfunga mdomo asipige kelele na kumtishia kumuua.

“Nilikubali yaishe na nikatulia. Akaanza dereva huku kondakta akinishika mikono na baada ya kumaliza alichofanya, konda naye akaja akafanya hivyohivyo. Nilisikia maumivu, lakini nilishindwa kupiga kelele kwa kuwa walinitisha kuwa wangeniua,” alisema dada huyo.

“Walipomaliza kufanya ukatili huo, konda alimwambia dereva kuwa waniue kwa kuwa nimeshawatambua, lakini dereva akasema hakuna haja.”

Alisema katika mabishano hayo alijikaza na kuwaambia kuwa yeye ni mgeni na hajui popote kwa hiyo hatamwambia mtu kwa kuwa hilo ni tukio la aibu.

“Walikubaliana na mimi na wakaniambia kuwa ni kweli kubakwa ni kitendo cha aibu kwa hiyo nikimwambia mtu nitatengwa na jamii. Nikawaomba wanisaidie sehemu ya kupata msaada niweze kufika nyumbani,” alisema.

Alisema baadaye aliwaomba aende kuchukua kiatu chake kilichokuwa kimedondoka dirishani wakati akitaka kuruka, na walipomruhusu akatumia nafasi hiyo kusoma namba za gari.

Mlezi wake, Abdi Massawe alisema baada ya kufika nyumbani akiwa na bodaboda, binti huyo alimweleza tukio hilo na akatoa taarifa polisi ambako alipewa fomu ya matibabu aliyoitumia Hospitali ya Mawenzi, ambako vipimo vilithibitisha kuwa alibakwa.

“Huyu binti ni mgeni kutoka mkoani Singida. Hapa Moshi ana mwezi mmoja tu,” alisema Masssawe.

Massawe alisema baada ya hapo alianza kusaka daladala hilo kwa kutumia namba alizopewa na binti huyo na kufanikiwa kuikuta maeneo ya Soweto. Baadaye aliwapigia simu polisi ambao walifika na kushusha abiria waliokuwamo na kuipeleka kituoni.

Alisema wakati dereva akiendelea na mahojiano kondakta alitoroka.

Kaimu Kamanda wa Polisi Mkoa wa Kilimanjaro, Koka Moita alisema derava wa gari hilo aliyemtaja kuwa ni Salimu Abdalla (30) anashikiliwa na polisi ambao wanaendelea kumtafuta kondakta ambaye alitoroka akiwa katika kituo cha polisi.

Kwa sasa binti huyo anatibiwa Hospitali ya Mawenzi.

↧

Tundu Lissu,Abdallah Mtolea Wapinga Azimio la Bunge Kumpongeza Rais Magufuli

June 15, 2017, 1:51 am

≫ Next: William Ngeleja : Kutuhumiwa siyo kukutwa na hatia......Maisha yanaendelea

≪ Previous: UKATILI: Msichana Asimulia Jinsi Kondakta na Dereva Walivyombaka Kwa Zamu Ndani ya Daladala

Azimio la Bunge la kumpongeza Rais John Magufuli kwa hatua anazochukua kukabiliana na upotevu wa mapato ya serikali katika sekta ya madini jana liligawa Bunge baada ya wabunge wa upinzani kulikataa wakati wenzao wa CCM wakilikubali.

Mwenyekiti wa Bunge, Musa Zungu alipowahoji wabunge kama wanakubali azimio hilo, wabunge wote wa CCM waliitikia "ndiyooo" wakati wale wa upinzani walisema "siyooo".

Azimio hilo lenye kurasa mbili liliwasilishwa bungeni jana na Mbunge wa Newala Mjini (CCM), George Mkuchika na baada ya hapo wabunge walipata nafasi ya kulijadili.

“Bunge linamuunga mkono Rais John Magufuli na lipo tayari kutoa ushirikiano wa dhati kadri itakavyohitajika kuhakikisha juhudi hizi hazipotei bure na sekta ya madini inachangia maendeleo ya wananchi na Taifa kwa ujumla,” alisema Mkuchika ambaye pia ni Mwenyekiti wa Kamati ya Bunge ya Haki, Kinga, Maadili na Madaraka ya Bunge.

Lakini, aliposimama akiwa wa kwanza kuchangia hoja ya maazimio hayo, Mbunge wa Singida Mashariki (Chadema), Tundu Lissu alipinga akisema ni kinyume na majukumu ya Bunge hivyo kulitaka lisiendelee na taratibu za kumpongeza Rais akisema alichokifanya si kipya.

“Kazi ya Bunge ni kuishauri Serikali, siyo kuipongeza au kuiimbia mapambio. Hili siyo azimio la Bunge, bali wana-CCM kumpongeza mwenyekiti wao,” alisema mnadhimu huyo wa Kambi ya Upinzani Bungeni.

Alisema kinachofanywa na Rais Magufuli kilifanywa pia na watangulizi wake waliounda tume kadhaa na kwamba mpaka azimio hilo linajadiliwa, bado usafirishaji wa dhahabu inayochimbwa kwenye migodi mbalimbali nchini unaendelea.

“Dhahabu na madini mengine yanaendelea kusafirishwa hivi sasa. Ripoti za Profesa Mruma na Profesa Osoro ni professorial rubbish. Ni uongo, uongo, uongo,” alisema Lissu.

Ingawa alitakiwa kufuta neno rubbish kwenye mchango wake, Lissu alifafanua kwamba ripoti za wenyeviti hao wa kamati mbili za Rais za kuchunguza makontena 277 ya mchanga wa dhahabu, hazina taarifa sahihi.

Kuhusu azimio hilo kutokuwa na jipya, alisema Rais mstaafu, Benjamin Mkapa aliunda kamati ya Jenerali (Robert) Mboma mwaka 2002, ya Dk (Jonas) Kipokola mwaka 2004 kisha ya Dk (Enos) Bukuku mwaka 2005. Alisema hata Rais wa Awamu ya Nne, Jakaya Kikwete naye aliunda mbili za Lawrence Masha na Jaji Mark Bomani.

Alisema kama Bunge linataka kupongeza kuhusiana na kamati zilizoundwa na Rais Magufuli, basi halina budi kuanza na watangulizi hao ambao walifanya kama anachokifanya sasa kwa masilahi ya Taifa huku akipendekeza semina itolewe kwa wabunge ili kuwaongezea uelewa wa masuala ya madini na kuwafanya wachangie wakiwa na ufahamu wa kutosha kuhusu sekta hiyo.

Lissu alipingwa na Mbunge wa Mtera (CCM), Livingstone Lusinde ambaye alitoa sababu za kumpongeza Rais Magufuli akisema kuna tofauti kati ya kamati alizoziunda na zile za watangulizi wake.

“Rais ameenda mbali zaidi. Ripoti imepokewa hadharani na wananchi wote wameisikia. Hii ni hatua ya mbele. Haiwezekani Taifa lisimpongeze Rais anapofanya mambo yanayoonekana,” alisema.

Alisema ameona clip (video fupi) za mawaziri wakuu wastaafu waliohamia upinzani; Edward Lowassa na Frederick Sumaye wakimpongeza Rais kwa hatua zake.

Lakini, Mbunge wa Temeke (CUF), Abdallah Mtolea alionekana kuungana na Lissu akiongeza kwamba maazimio hayo hayakuwa sawa kwa maelezo kwamba kilichofanywa na Rais Magufuli mpaka sasa hakijapiga hatua kubwa zaidi ya kilichofanywa na watangulizi wake.

Alisema suala la msingi ni kudhibiti wizi wa rasilimali nchini akikumbusha kwamba Kikwete pia aliunda tume lakini hata baada ya kupelekewa ripoti, hakufanya chochote hatua ambayo Rais Magufuli amefikia mpaka sasa kwenye vita aliyoianzisha.

Alisema hoja ya wizi wa madini ilianzishwa siku nyingi na wabunge ambao walionekana kuwa si wazalendo. “Kama Mkapa na Kikwete tungewapongeza kwa kuunda tume leo ingekuwaje? Bunge tusiwe washangiliaji,” alisema.

Alikumbusha pia kwamba Mbunge wa Kigoma Kaskazini (CCM), Peter Serukamba alipiga kelele, Dk Hamis Kigwangallah wa Nzega Vijijini (CCM) aliteswa, Tundu Lissu, Zitto Kabwe wa Kigoma Mjini (ACT Wazalendo) na John Mnyika wa Kibamba (Chadema) walilizungumza suala hilo lakini walibezwa.

Alisema kwa kuwa suala hilo sasa linazungumzwa na mtu anayependwa, linaungwa mkono.

Katika mchango wake, Hasunga ambaye ndiye aliyekuwa mtoa hoja alisema hatua ya Rais kuzuia usafirishaji wa mchanga nje ni muhimu inayopaswa kuungwa mkono na Watanzania wote.

“Jimboni na mkoani kwangu kuna madini mengi, hatustahili kuwa maskini,” alisema.

Akiunga mkono hoja hiyo, Mbunge wa Mwibara (CCM), Kangi Lugola alisema anachokifanya Rais Magufuli ndicho alichoahidi hata kabla hajashika wadhifa huo,

“Aliahidi watu watalima kwa meno, tunaona mafisadi wakilima kwa meno. Namuomba hata watu wanaowatetea wezi hawa awalimishe kwa meno pia.”

Mbunge huyo ambaye aghalabu huzungumza kwa mbwembwe aliungwa mkono na Mbunge wa Rufiji (CCM), Mohamed Mchengerwa ambaye alitaka neno uzalendo liondolewe kwenye kamusi ya Kiswahili endapo kuna mtu atapinga yanayofanywa na Rais Magufuli.

“Tunaamini mambo haya yakitekelezwa vyema tutakuwa na barabara za lami na hatutakuwa na deni la Taifa,” alisema Mchengerwa.

↧

William Ngeleja : Kutuhumiwa siyo kukutwa na hatia......Maisha yanaendelea

June 15, 2017, 1:59 am

≫ Next: NCCR- Mageuzi Wataka CCM Iombe Radhi Sakata la Mchanga wa Madini

≪ Previous: Tundu Lissu,Abdallah Mtolea Wapinga Azimio la Bunge Kumpongeza Rais Magufuli

Mbunge wa jimbo la Sengerema, William Ngeleja, amesema kutuhumiwa siyo kukutwa na hatia na maisha yanaendelea.

Ngeleja ambaye ni mmoja wa watuhumiwa waliotajwa kwenye Ripoti ya pili Rais ya kuchunguza Makinikia, ameyasema hayo leo alipokuwa akichangia Bajeti Kuu ya Serikali ya 2017/18.

Wakati akiendelea na mchango wake, aliwataka wabunge kusimama ili kuonyesha kumuunga mkono Rais John Magufuli kwa kupambana na wizi wa rasilimali za Watanzania ikiwamo dhahabu.

Wakati akiendelea na mchango wake huo, Mbunge wa Mbozi, Pascal Haonga, aliomba kutoa taarifa kwa mzungumzaji akimtaka Ngeleja kueleza uhusika wake kwenye kashfa hiyo kwa sababu kamati imemtaja.

Baada ya kauli hiyo, Mwenyekiti wa Bunge, Mussa Azzan Zungu, alimtaka Ngeleja kuendelea na mchango wake na kuwa alichotoa Mbunge Haonga siyo taarifa.

Hata hivyo kabla ya kuendelea na mchango wake, Ngeleja alisema” kutuhumiwa siyo kukutwa na hatia na maisha yanaendelea”.

↧

NCCR- Mageuzi Wataka CCM Iombe Radhi Sakata la Mchanga wa Madini

June 15, 2017, 2:10 am

≫ Next: RIPOTI YA TWAWEZA: Rais Magufuli Ameshuka Umaarufu kutoka asilimia 96 mwezi Juni mwaka jana hadi asilimia 71 ya June mwaka huu

≪ Previous: William Ngeleja : Kutuhumiwa siyo kukutwa na hatia......Maisha yanaendelea

Baada ya Rais, Dk. John Magufuli kukabidhiwa ripoti ya mchanga wa dhahabu, Chama cha NCCR-Mageuzi kimekitaka Chama Cha Mapinduzi (CCM), kuwaomba radhi Watanzania.

Katibu Mkuu wa NCCR-Mageuzi, Juju Danda, alisema katika taarifa yake kwa vyombo vya habari jana, kwamba ripoti hiyo ya mchanga imeanika uozo uliosababishwa na CCM kwa kipindi kirefu ilichokaa madarakani.

“Kwa maana hiyo, ni vema CCM wakakaa, wajiulize na kujipima kwa kuwaomba radhi Watanzania ambao wamekuwa wakiishi maisha magumu yaliyosababishwa na CCM.

“Kamati mbili zilizoundwa na Rais Dk. John Magufuli, zimethibitisha pasipo shaka, kuwa Watanzania wameibiwa tena kwa kiwango kikubwa ingawa mwaka 2007, Kamati ya Bomani ilitoa maoni na mapendekezo kadhaa yaliyohusu sekta ya madini ingawa maoni hayo hayakufanyiwa kazi,”alisema.

Kwa mujibu wa taarifa hiyo, kukiri kosa ni uungwana na kwamba CCM wanatakiwa kujitokeza hadharani na kuwaomba radhi Watanzania, kuwa hawakuwatendea haki kutokana wizi uliokuwa ukifanyika katika sekta ya madini.

Pamoja na hayo, Danda aliiomba Serikali kuhakikisha inachukua hatua za kisheria kwa yeyote aliyeshiriki katika kuangamiza uchumi wa Taifa kwa kusaini mikataba mibovu katika sekta ya madini.

“NCCR-Mageuzi, tunafarijika kuona tuliyokuwa tukiyapigania kwa miaka mingi, yanaendelea kufichuliwa waziwazi na ukweli unazidi kubainika kupitia kamati zilizoundwa na Rais.

“Pia ni muda muafaka wa kupitia upya sheria zote zinazohusu masuala ya madini na ni wakati muafaka wa wataalamu wazalendo kuipitia tena Katiba iliyopendekezwa kwa kuwa inatoa mwelekeo wa kuwadhibiti wabadhirifu,” alisema.

↧

RIPOTI YA TWAWEZA: Rais Magufuli Ameshuka Umaarufu kutoka asilimia 96 mwezi Juni mwaka jana hadi asilimia 71 ya June mwaka huu

June 15, 2017, 2:42 am

≫ Next: Taarifa ya Kampuni ya Barrick baada ya kufanya mazungumzo na Rais Dkt Magufuli kuhusu sakata la mchanga wa madini.

≪ Previous: NCCR- Mageuzi Wataka CCM Iombe Radhi Sakata la Mchanga wa Madini

Asilimia 71 ya wananchi wanaukubali utendaji wa Rais Magufuli tangu alipoingia madarakani. Kiwango hiki kimeshuka kutoka asilimia 96 mwezi Juni 2016. Viwango vya kukubalika kwa Rais vinatofautiana katika makundi mbalimbali:

Asilimia 68 wenye umri chini ya miaka 30 wanamkubali Rais ikilinganishwa na asilimia 82 wenye umri zaidi ya miaka 50
Asilimia 75 ya wananchi wenye elimu ya msingi au chini yake wanamkubali Rais ikilinganishwa na asilimia 63 ya wale wenye elimu ya sekondari au zaidi
Asilimia 75 ya wananchi masikini wanamkubali Rais ikilinganishwa na asilimia 66 ya wananchi matajiri

Viwango vya kukubalika kwa viongozi wengine navyo pia vimeshuka katika kipindi hicho hicho.

Wabunge: Kukubalika kwa utendaji wa wabunge kumeshuka kutoka asilimia 79 (Juni 2016) hadi asilimia 58 (Aprili 2017).
Madiwani: Kukubalika kwa utendaji wa madiwani kumeshuka kutoka asilimia 74 (Juni 2016) hadi asilimia 59 (Aprili 2017).
Wenyeviti wa vijiji/mitaa: Kukubalika kwa utendaji wa wenyeviti wa vijiji/mitaa kumeshuka kutoka asilimia 78 (Juni 2016) hadi asilimia 66 (Aprili 2017).

Matokeo haya yametolewa na Twaweza katika utafiti wake uitwao Matarajio na matokeo; Vipaumbele, utendaji na siasa nchini Tanzania.

Utafiti huo unatokana na takwimu kutoka Sauti za Wananchi, utafiti wa kwanza barani Afrika wenye uwakilishi wa kitaifa unaotumia simu za mikononi.

Matokeo hayo yanatokana na takwimu zilizokusanywa mwezi Aprili mwaka 2017 kutoka kwa wahojiwa 1,805 kutoka maeneo mbalimbali Tanzania Bara (Zanzibar haihusiki kwenye matokeo haya).

Kukubalika kwa vyama vya siasa kunatoa taswira mchanganyiko. Kukubalika kwa CCM kumeendelea kuimarika, ikiwa ni kati ya asilimia 54 na asilimia 65 kati ya mwaka 2012 na 2017, Baada ya kushuka mwaka 2013 na 2014 ambapo kiwango cha kukubalika kilifikia asilimia 54 kutoka asilimia 65 ya 2012.

Kukubalika kwa CCM kumeendelea kubaki katika kiwango hicho hicho cha asilimia 62 tangu uchaguzi wa mwaka 2015 na asilimia 63 mwaka 2017. Kukubalika kwa Chadema kumeshuka hadi asilimia 17 mwaka 2017 kutoka asilimia 32 mwaka 2013.

CCM inakubalika zaidi miongoni mwa wazee (asilimia 80), ukilinganisha na asilimia 55 ya vijana. Wanawake (asilimia 68) wanaikubali CCM kuliko wanaume (asilimia 58), maeneo ya vijijini (asilimia 66) kuliko maeneo ya mijini (asilimia 57), na wananchi masikini (asilimia 69) kuliko matajiri (asilimia 53). Wananchi wenye elimu ya sekondari, elimu ya ufundi au elimu ya juu wanaikubali CCM kwa asilimia 46.

Kukubalika kwa Chadema kwa ujumla unafuata mtiririko tofauti: ni mkubwa miongoni mwa vijana, wanaume, watu matajiri na wenye kiwango kikubwa cha elimu.

Ndani ya kipindi cha miaka miwili tu, vipaumbele vya wananchi vimebadilika sana. Mwaka 2015, asilimia 34 ya wananchi walitaja umasikini na uchumi duni kama moja ya vipaumbele vyao vikubwa ikilinganishwa na asilimia 60 waliotaja masuala hayo mwaka 2017.

Mwaka 2015, ni asilimia 9 waliotaja upungufu wa chakula au njaa kama kipaumbele chao ikilinganishwa na asilimia 57 mwaka 2017.

Katika kipindi hicho hicho, wasiwasi wa wananchi juu ya huduma za umma na rushwa umepungua.

Asilimia ya wananchi wanaotaja masuala yafuatayo kuwa miongoni mwa changamoto kuu tatu zinazoikabili nchi:

Afya: asilimia 40 mwaka 2017 ikilinganishwa na asilimia 59 mwaka 2015.

Elimu: asilimia 22 mwaka 2017 ikilinganishwa na asilimia 44 mwaka 2015.

Miundombinu: asilimia 21 mwaka 2017 ikilinganishwa na asilimia 32 mwaka 2015.

Huduma ya maji: asilimia 19 mwaka 2017 ikilinganishwa na asilimia 46 mwaka 2015.

Rushwa: asilimia 10 mwaka 2017 ikilinganishwa na asilimia 28 mwaka 2015.

==>Soma FULL Ripoti Hapo Chini

↧

Taarifa ya Kampuni ya Barrick baada ya kufanya mazungumzo na Rais Dkt Magufuli kuhusu sakata la mchanga wa madini.

June 15, 2017, 3:09 am

≫ Next: AUDIO: Abdallah Ulega( Mbuge CCM) Awafananisha Wapinzania Na POPO

≪ Previous: RIPOTI YA TWAWEZA: Rais Magufuli Ameshuka Umaarufu kutoka asilimia 96 mwezi Juni mwaka jana hadi asilimia 71 ya June mwaka huu

↧

AUDIO: Abdallah Ulega( Mbuge CCM) Awafananisha Wapinzania Na POPO

June 15, 2017, 5:05 am

≫ Next: Habari Zilizopo Katika Magazeti ya Leo Ijumaa ya June 16

≪ Previous: Taarifa ya Kampuni ya Barrick baada ya kufanya mazungumzo na Rais Dkt Magufuli kuhusu sakata la mchanga wa madini.

Mbunge wa Mkuranga kwa tiketi ya Chama Cha Mapinduzi (CCM) Abdallah Ulega amewafananisha wabunge wa upinzani na popo kuwa hawaeleweki na kusema wamekuwa watetezi wa wawekezaji ambao wao wamewatuhumu kuwa ni wezi wa madini.

Mbunge huyo amesema hayo bungeni akisema kuwa wapinzani hao leo limewashuka baada ya jana Rais Magufuli kukutana na Mwenyekiti wa Kampuni ya Barrick Gold Corporation ambayo ni mmiliki mkubwa wa kampuni ya Acacia Mining Limited Prof. John L. Thornton na kukubaliana kuwa kampuni hiyo ipo tayari kufanya mazungumzo na Serikali ya Tanzania ili kulipa fedha ambazo Tanzania imezipoteza kutokana na kampuni hiyo kuendesha shughuli zake hapa nchini.

"Popo hajafahamika kama ni mnyama au ndege mpaka hivi leo na hawa wenzetu hata sitaki kuwaita vinyonga naomba niwaite popo maanake hawajafahamika kama ndege au wanyama na leo limewashuka kwani walijigeuza kuwa mawakili wa wale ambao sisi tunawatuhumu kwamba ni wezi wetu na yule anayehusika Mkuu amewathibitishia mchana wa leo (jana) ameingia na amekiri mwenyewe kwa kinywa chake ya kwamba wapo tayari kulipa pesa ambazo tunawadai na tena lile lililokuwa linaonekana jambo gumu la kujenga kinu cha kuchenjua madini amelichukua na amesema yupo tayari kujenga" alisema Ulega

Mbunge huyo alikwenda mbali zaidi na kesema bara la Afrika limekuwa na bahati mbaya kwani wapinzani wa Afrika wamekuwa wakitumika na mabeberu miaka yote na kusema wao kama Chama Cha Mapinduzi wanakila sababu ya kutamba kwa kuwa Ilani ya Uchaguzi ya CCM imeweka sawa na kutamka namna nzuri ya kusimamia shughuli za madini.

==>Msikilize hapo chini

↧

Habari Zilizopo Katika Magazeti ya Leo Ijumaa ya June 16

June 15, 2017, 9:13 pm

≫ Next: Serikali yalifungia gazeti la MAWIO kwa kukiuka maagizo

≪ Previous: AUDIO: Abdallah Ulega( Mbuge CCM) Awafananisha Wapinzania Na POPO

↧

Serikali yalifungia gazeti la MAWIO kwa kukiuka maagizo

June 15, 2017, 11:09 pm

≫ Next: Gazeti la MAWIO waijibu serikali baada ya kutangaza kulifungia kwa Miaka Miwili

≪ Previous: Habari Zilizopo Katika Magazeti ya Leo Ijumaa ya June 16

Alhamisi ya Juni, 15 Serikali ilitangaza kulifunga gazeti la MAWIO kutochapishwa kwa muda wa miezi 24, sababu ikitajwa kuwa ni kuchapisha mbele picha ya Marais wastaafu, Mkapa na Kikwete na kuwahusisha na sakata la mchanga wa madini.

==>Hapo chini kuna video ya Mkurugenzi Mtendaji wa Habari-MAELEZO, Dk. Hassan Abbas akitangaza kulifunga gazeti hilo.

↧

Latest Images