Mdogo wake Askofu Gwajima aibuka na kumshambulia kaka yake kwa kutaka vyeti vya Makonda

March 9, 2017, 6:16 am

≫ Next: Katibu Mkuu wa Umoja wa Mataifa aisifu Tanzania

≪ Previous: Rais Magufuli Aongoza Kikao Cha Baraza La Mawaziri Mjini Dodoma

Baada ya Askofu Josephat Gwajima kutumia zaidi ya wiki tatu kuzungumzia suala la dawa za kulevya na elimu ya Mkuu wa Mkoa wa Dar es Salaam, Paul Makonda kwa madai kuwa ametumia cheti cha mtu, ndugu yake kiongozi huyo wa Kanisa la Ufufuo na Uzima ameibuka na kumshambulia akimtaka aache mamlaka husika zifanye kazi yake.

Mwanasheria Methusela Gwajima ambaye ni mdogo wake Askofu Gwajima akizungumza na waandishi wa habari leo amehoji, kwanini suala la elimu ya Makonda limeibuliwa wakati huu ambapo amevalia njuga suala la vita dhidi ya dawa za kulevya.

"Watu hawa wanaozungumzia elimu ya Makonda walikuwa wapi? Tangu akiwa Mkuu wa Wilaya ya Kinondoni hawakusema chochote ila amegusa dawa za kulevya ndio wameibuka na kuanza kumshambulia?"

Methusela amesema hamaanishi kuwa mabaya ya Makonda yasinguzumzwe, lakini kwanini yamekuja wakati huu?

"Kwanini wanataka kutuhamisha kwenye ajenda yetu iliyopo mezani?. Yani sasa Watanzania tumehamishwa tukaacha kujadili suala la dawa za kulevya na kwenda kujadili cheti cha mtu. amesema Methusela.

Mwanasheria huyo ametahadharisha kuwa kama vita hii dhidi ya dawa za kulevya itashindwa, huenda asiibuke mtu mwingine mwenye ujasiri kama Makonda kwa sababu kila mmoja atakuwa anahofia kufanyiwa kama alivyofanyiwa Makonda. Na haya yatakapotokea basi wahusika wa biashara ya dawa za kulevya ndio watakuwa wameshinda.

Wakati huo huo, amemshambulia kaka yake kwa kugeuza suala la dawa za kulevya na elimu ya makonda kuwa sehemu ya mahubiri kanisani kwake.

“Wewe umeshatuhumiwa, umeitwa Polisi, hivi kwanini usisubiri uchunguzwe? Kama wewe huhusiki si utaambiwa basi. Wameitwa watu wengi, wameitikia wito, kwanini sasa yeye amegeuza kuwa ajenda? Mbaya zaidi imekuwa ni ajenda kanisani. Kwa hiyo kanisa limegeuzwa kuwa kijiwe cha siasa na watanzania wamekaa kimya hawasemi,” alieleza Methusela

"Kama Gwajima anadhani kuwa ameonewa aende mahakamani badala ya kukaa na kulalamika. Kwanini basi anakwepa mahakama na kufanya kanisa ndio sehemu ya kuzungumzia, kila Jumapili ni Makonda, Makonda, Makonda, vyeti, vyeti" amehoji Methusela.

Mwanasheria Methusela amesema ni lazima watanzania wajiulize ni kundi gani lililopo nyuma ya Askofu Gwajima ambalo ndilo linamsukuma kuendelea kumshambulia Mkuu wa Mkoa na kusababisha kuachwa kwa ajenda ya msingi.

↧

Katibu Mkuu wa Umoja wa Mataifa aisifu Tanzania

March 9, 2017, 6:45 pm

≫ Next: Habari Zilizopo Katika Magazeti ya Leo Ijumaa ya March 10

≪ Previous: Mdogo wake Askofu Gwajima aibuka na kumshambulia kaka yake kwa kutaka vyeti vya Makonda

Katibu Mkuu wa Umoja wa Mataifa (UN), Antonio Guterres ameisifu Serikali ya Tanzania kwa jitihada zake za kutafuta amani nchini Burundi.

Guterres alitoa pongezi hizo wakati aliposimama kwa muda katika Uwanja wa Ndege wa Kimataifa wa Julius Nyerere (JNIA) wa jijini Dar es Salaam akitokea Kenya.

Katibu Mkuu huyo mpya wa UN alisimama kwa ajili ya kufanya mazunguzmo na Waziri wa Mambo ya Nje na Ushirikiano wa Afrika Mashariki, Balozi Dk Augustine Mahiga.

Pamoja na mambo mengine Guterres alitumia fursa hiyo kutoa pongezi kwa serikali kwa juhudi zake za kutafuta amani nchini Burundi kupitia kwa Msuluhishi wa mgogoro huo, Rais mstaafu wa Serikali ya Awamu ya Tatu, Benjamin Mkapa.

“Tanzania imekuwa kinara wa amani Afrika na duniani na naipongeza kwa dhati katika jitihada zake inazozifanya za kutafuta amani ya Burundi na katika nchi nyinge za ukanda huu,” alisema Guterres.

Aidha alisema anatambua mzigo mkubwa inaoupata kama nchi kutokana na kuendelea kupokea wakimbizi kutoka Burundi, na kuahidi UN kuendelea kuunga mkono jitihada za kutafuta suluhu ya kisiasa nchini humo.

Kwa upande wake; Balozi Mahiga aliwasilisha salamu maalum kutoka kwa Rais John Magufuli kuhusiana na hatua iliyofikiwa ya usuluhishi wa mgogoro wa Burundi na ushiriki wa Tanzania katika vikosi vya Umoja wa Mataifa vya ulinzi wa amani Mashariki mwa Jamhuri ya Kidemokrasia ya Congo (DRC).

Balozi Mahiga pia alisema Tanzania imefurahishwa na ujio wake na Rais amempa mwaliko rasmi wa kufanya ziara nchini.

Aidha alimweleza kuwa nchi wanachama wa Jumuiya ya Maendeleo ya Nchi za Kusini mwa Afrika (SADC), katika mkutano wao ujao wana mpango wa kuwasilisha hoja maalum kuhusu hali ya kisiasa nchini DRC.

Mbali na kufanya ziara nchini Kenya, Katibu Mkuu huyo wa Umoja wa Mataifa alitembelea Somalia na kukutana na Rais mpya wa nchi hiyo, Hassan Sheikh Mohamud, ambapo aliagiza Jumuiya ya Kimataifa kuchukua hatua kuepusha balaa la njaa nchini humo, kutokana na hali mbaya ya ukame.

↧

Habari Zilizopo Katika Magazeti ya Leo Ijumaa ya March 10

March 9, 2017, 8:48 pm

≫ Next: Hakimu Atishia Kuifuta kesi ya Jamii Forums

≪ Previous: Katibu Mkuu wa Umoja wa Mataifa aisifu Tanzania

↧

Hakimu Atishia Kuifuta kesi ya Jamii Forums

March 9, 2017, 7:19 pm

≫ Next: TANESCO Yaipa Zanzibar Wakati Mgumu

≪ Previous: Habari Zilizopo Katika Magazeti ya Leo Ijumaa ya March 10

Mahakama ya Hakimu Mkazi Kisutu imetishia kuifuta kesi inayomkabili Mkurugenzi Mtendaji wa mtandao wa JamiiForums, Maxence Mubyazi Melo na mwanahisa wa kampuni ya Jamii Media Co Ltd, Mike William ikisema haifurahishwi na mwenendo wa shauri hilo.

Hakimu mkazi mkuu wa mahakama hiyo, Thomas Simba alisema hayo jana mara baada ya Wakili wa Serikali, Hamis Said kueleza kuwa wakili anayeendesha kesi hiyo ni mgonjwa na kwamba jana ilikuwa siku ya washtakiwa kusomewa maelezo ya awali.

“Haya mambo ya kuahirishaa- hirisha kesi siyafurahii. Wakati mwingine (kama) kesi haiendelei, nafuta,” alisema Hakimu Simba baada ya wakili huyo wa Serikali kuomba kesi hiyo iahirishwe hadi Machi 20.

Hakimu Simba aliiahirisha kesi hiyo hadi Aprili 3, siku ambayo washtakiwa hao watasomewa maelezo ya awali katika kesi hiyo ambayo washtakiwa wanadaiwa kuzuia uchunguzi wa Jeshi la Polisi.

Washtakiwa hao wanaotetewa na mawakili, Tundu Lissu, Jeremiah Mtobesya, Tika Hamis, Hassan Kihangio, Fedrick Kihwelo na Masoud George, watasomewa maelezo hayo ya awali baada ya upande wa mashtaka kukamilisha upelelezi wa kesi hiyo.

Katika kesi hiyo, namba 456/2017, inadaiwa kuwa kati ya Aprili Mosi na Desemba 13 mwaka jana, wakiwa Mikocheni, wakiwa wakurugenzi wa Jamii Media ambayo inaendesha tovuti ya Jamiiforums walishindwa kutoa taarifa kwa Jeshi la Polisi ambalo lilikuwa likichunguza mawasiliano ya kimtandao yaliyochapishwa katika tovuti yao. Washtakiwa hao wapo nje kwa dhamana.

↧

TANESCO Yaipa Zanzibar Wakati Mgumu

March 9, 2017, 7:53 pm

≫ Next: Rais Magufuli alivyoirudia mistari ya wimbo wa ‘Muziki’ wa Darassa

≪ Previous: Hakimu Atishia Kuifuta kesi ya Jamii Forums

Hatua ya Shirika la Umeme Tanzania (Tanesco) kutoa siku 14 kwa Shirika la Umeme Zanzibar (Zeco) na taasisi za Serikali kuhakikisha wanalipa madeni yao ya umeme la sivyo watakatiwa umeme, vitaipa wakati mgumu Serikali ya Mapinduzi Zanzibar (SMZ).

Jana, Kaimu Mkurugenzi Mkuu wa Tanesco, Dk Tito Mwinuka aliwaambia waandishi wa habari kwamba shirika lake linadai wateja hao jumla ya Sh275 bilioni.

“Tunadai kiasi kikubwa sana cha fedha kutoka kwa wateja wakubwa na wadogowadogo, mpaka Zeco, hivyo tunatoa notisi ya siku 14 kuanzia leo (jana) walipe deni lao kwani baada ya hapo tutasitisha huduma pamoja na kuchukua hatua nyingine za kisheria,” alisema Dk Mwinuka.

Katika kiasi hicho, Zeco inadaiwa Sh127 bilioni ambacho ni sawa na asilimia 15 ya Bajeti ya Serikali ya Zanzibar kwa mwaka 2016/17 ambayo ni Sh841.5 bilioni.

Pia kiasi hicho ni kikubwa karibu mara nne ya kile kilichotengwa katika bajeti hiyo kwa ajili ya mikopo ya ndani ambacho ni Sh33.0 bilioni hali inayoonyesha kwamba Zeco na SMZ watalazimika kuandaa mpango mkakati wa kulipa deni hilo ambao utamaanisha kujifunga mkanda ili kulimaliza.

Alipoulizwa kuhusu notisi hiyo ya kulipa deni, Waziri wa Ardhi, Maji, Nishati na Mazingira wa Zanzibar, Salama Aboud Talib ambaye alikuwa ziarani Pemba alisema hadi jana hakuwa amepokea barua kutoka Tanesco hivyo asingeweza kuzungumza chochote.

Wiki iliyopita, akiweka jiwe la msingi katika kituo cha kupoza umeme cha njia ya Kv 132 mkoani Mtwara, Rais John Magufuli aliiagiza Tanesco kuwakatia umeme wadaiwa wote sugu ikiwamo Zanzibar.

Alisema shirikia hilo halipo kisiasa, hivyo wadaiwa wote wakatiwe umeme. Sambamba na hayo, alilitaka shirika hilo kutoingia mikataba na kampuni zinazoweza kusababisha au kuongeza madeni, badala yake mwekezaji yeyote akitaka kuwekeza azalishe umeme wake na kuuza mwenyewe.

Wadaiwa wengine

Kuhusu wadaiwa wengine, Dk Mwinuka alisema hadi kufikia Januari, shirika hilo lilikuwa linazidai wizara na taasisi za Serikali kiasi cha Sh52 bilioni huku kampuni binafsi na wateja wadogo wakidaiwa jumla ya Sh94 bilioni.

Alisema malimbikizo hayo ya madeni yamekuwa yakikwamisha jitihada za utekelezaji wa majukumu mbalimbali ya msingi ndani ya shirika kwa wakati ikiwamo uendeshaji, matengenezo ya miundombinu pamoja na miradi mbalimbali.

Alisema kulipwa kwa malimbikizo hayo ya madeni kutaisaidia Tanesco kujiendesha kiushindani na kwa ufanisi zaidi, hivyo kuendelea kuchochea kasi ya ukuaji sekta mbalimbali zinazotegemea nishati ya umeme nchini.

Alipoulizwa kuhusu mashirika na taasisi za umma zinazodaiwa malimbikizo hayo ambayo Tanesco haikuyataja, Msemaji wa Serikali, Dk Hassan Abbas alisema mashirika hayo yanatakiwa kuanza kutekeleza agizo hilo kwa kulipa deni kama wanavyodaiwa.

↧

Rais Magufuli alivyoirudia mistari ya wimbo wa ‘Muziki’ wa Darassa

March 9, 2017, 8:03 pm

≫ Next: Tundu Lissu, Masha wataka kujumuishwa kesi ya Kupinga uchaguzi TLS

≪ Previous: TANESCO Yaipa Zanzibar Wakati Mgumu

Rais Magufuli amekuwa akisifika kutokana na utendaji kazi wake lakini pia ni moja kati ya viongozi ambao wanaweza kuongea na wananchi na kuchombeza na maneno ya utani.

Licha ya kuwa Rais Magufuli ni mtu makini na mkali kwa watumishi wasiotekeleza majukumu yao lakini alifurahisha umati wa watanzania alipokuwa akiongea nao na kugusia wimbo wa ‘Muziki‘ wa Darassa katika sehemu ya hotuba zake kwa kunukuu mistarii kadhaa

==>Msikilize hapo chini

↧

Tundu Lissu, Masha wataka kujumuishwa kesi ya Kupinga uchaguzi TLS

March 9, 2017, 8:04 pm

≫ Next: Jinsi Ya Kuandaa Na Kutayarisha Lishe Maalumu Kwa Wanaume Wenye Tatizo La Ukosefu Na Upungufu Wa Nguvu Za Kiume

≪ Previous: Rais Magufuli alivyoirudia mistari ya wimbo wa ‘Muziki’ wa Darassa

Wanasheria wawili wa jijini Dar es Salaam, Tundu Lissu na Lawrence Masha wamesema wataiomba mahakama kuwajumuisha kama wadaiwa katika kesi za kupinga uchaguzi wa viongozi wa Chama cha Wanasheria Tanganyika (TLS) walizodai zimefunguliwa jijini Dar es Salaam na Dodoma.

Lissu, ambaye ni mbunge wa Iramba na mwanasheria wa Chadema, na Masha (mwanachama wa Chadema na waziri wa zamani wa Mambo ya Ndani) wamedai kuwa kesi hizo mbili zimefunguliwa Mahakama Kuu na Godfrey Wasonga mjini Dodoma na Onesmo Mpinzile jijini Dar es Salaam, wakitaka uchaguzi huo uzuiliwe.

Mawakili hao wamewahi kupambana katika kesi mbili tofauti zilizohusu vyama vya CCM na Chadema.

Wasonga aliwahi kupambana na Lissu katika kesi iliyofunguliwa na wanachama wawili wa CCM mjini Dodoma waliopinga ushindi wa mbunge huyo wa Singida Mashariki katika Uchaguzi Mkuu mwaka 2010, wakati Mpinzile alipambana na mwanasheria huyo wa Chadema aliyekuwa akimtetea mbunge wa Kilombero, Peter Lijualikali ambaye amehukumiwa miezi sita jela.

Hata hivyo, Wasonga alisema jana kuwa hajafungua kesi ila anakusudia kufanya hivyo.

Hatua ya Lissu, ambaye ni mwanasheria mkuu wa Chadema, kuchukua fomu ya kuwania urais wa TLS akisema imechagizwa na kauli ya Rais John Magufuli dhidi ya mawakili, ilibadili upepo wa uchaguzi huo na kumlazimu Waziri wa Katiba na Sheria, Dk Harrison Mwakyembe kuuzungumzia akisema Serikali haitavumilia kuona chama hicho kinajiingiza katika siasa.

TLS imekuwa ikafanya uchaguzi kila mwaka, lakini umekuwa hauna harakati kubwa kama ulivyo wa mwaka huu. Tayari TLS imepitisha wagombea urais, wakiwamo Lissu na Masha.

Mbali na kuwa mawakili, Masha na Lissu, ambao wote wanawania urais, ni wanachama wa Chadema, jambo linaloonekana kuchochea mjadala wa siasa kuingia katika chama hicho.

Lakini, mgombea mwingine, Godwin Mussa Mwapongo, pia ni kada wa CCM aliyechukua fomu za kuwania kupitishwa na chama hicho kugombea urais mwaka 2015 ingawa hakufanikiwa. Mgombea mwingine ni Victoria Mandari.

Akizungumza jijini Dar es Salaam jana, Lissu alisema wamepata wasiwasi kuwa huenda kukawa na njama za washtakiwa katika kesi hiyo, ambao ni TLS na Mwanasheria Mkuu wa Serikali, kutojitetea vya kutosha na hivyo kukubali mashtaka ili uchaguzi huo uzuiwe.

Alisema ili hali hiyo isijitokeze, wataiomba masjala ya Mahakama Kuu iliyopo Dar es Salaam, iwaunganishe katika kesi hizo kama wadaiwa.

“Uchaguzi ukizuiwa, maslahi yetu sisi tunaogombea yatakuwa yamevurugwa kwelikweli. Kwa sababu hiyo na kwa mujibu wa taratibu zinazoruhusiwa kisheria, sisi ambao tunagombea na wapigakura wanaotaka, tutapeleka maombi haraka ili tuunganishwe kwenye kesi zile kama wadaiwa,” alisema Lissu.

“Tutanunua ile kesi, kusije kukawa na njama za uongozi wa sasa wa TLS kuendelea kuongoza baada ya muda wao wa kikatiba kuisha na kusije kukawa na njama ya kuzuia uchaguzi na wale ambao wanataka kuvuruga TLS wakafanikiwa.”

Lissu alisema lengo jingine ni kutaka masuala ya uchaguzi huo yasije yakaamuliwa nyuma ya migongo yao au juu ya vichwa vyao na hivyo wanataka kupata fursa kamili ya kuiambia mahakama kwanini maombi hayo ya kuzuia uchaguzi hayana msingi wowote.

Aliongeza kuwa mawakili hao walioamua kuweka mapingamizi ni wanachama wa TLS na walikuwa na nafasi ya kuweka mapingamizi baada ya kamati ya uteuzi kutangaza majina ya wagombea.

“Kulikuwa na kipindi cha karibu wiki mbili cha kuweka mapingamizi dhidi ya wagombea walioteuliwa, fursa hiyo mwisho wake ilikuwa Machi 15 mwaka huu, lakini hakuna hata mmoja wao aliyeweka mapingamizi hayo. Itabidi tuwahoji,” alisema.

Kwa upande wake, Masha alisema hakuna mtu hata mmoja kati ya wagombea wote wa urais aliyeamua kuingia na kugombea kwa sababu za kisiasa.

Masha alisema licha ya kuwa hana nafasi ya uongozi Chadema, ni mwanachama aliyekuwa wa kwanza kuchukua fomu ya kuwania nafasi ya urais kabla Lissu hajachukua fomu hiyo.

Alisema kama kungekuwa na mbinu za kisiasa, yeye na Lissu wasingechukua fomu ya kuwania nafasi moja.

“Lissu alikuja kuchukua fomu baada ya muda wa kushiriki katika uchukuaji wa fomu kuongezwa, kama tungekuwa na njama ya kisiasa isingekuwa rahisi kwa Lissu na mimi wote kuchukua fomu kugombea nafasi moja,” alisema waziri huyo wa mambo ya ndani wa Serikali ya Awamu ya Nne.

Masha alisema chama hicho kinaongozwa kwa mujibu wa sheria na kwamba hakina uhusiano wowote katika masuala ya kisiasa.

Kuhusu matukio yaliyojitokeza Lissu alisema anashangaa kuona Serikali inaingilia suala la uchaguzi wa TLS, akisema hii ni mara ya kwanza tangu kuundwa kwake, zaidi ya miaka 60 iliyopita.

“Ni mara ya kwanza kwa Serikali kuingia moja kwa moja katika suala la nani anapaswa kuwa kiongozi wa chama hiki. Hii haijawahi kutokea tangu TLS ilipoanzishwa 1954,” alisema.

Alisema chama hicho kinaongozwa kwa mujibu wa sheria na kwamba kuwa wanachama au viongozi wa vyama vya siasa, hakuna maana yoyote ile TLS.

“Linapokuja suala la uchaguzi wa TLS nafasi zangu zote nilizonazo hazina maana. Kitu pekee chenye maana ni je wewe ni wakili mwenye sifa zote zinazotakiwa ili kuweza kugombea nafasi unayotaka kugombea katika chama cha mawakili,” alisema Lissu.

“Nadhani Dk Mwakyembe anayafahamu haya, kama atakuwa hayafahamu ni bahati mbaya sana. Wapiga kura ndio waamuzi wa mwisho kwenye uchaguzi huu. Hatutaki baraka za yeyote.”

↧

Jinsi Ya Kuandaa Na Kutayarisha Lishe Maalumu Kwa Wanaume Wenye Tatizo La Ukosefu Na Upungufu Wa Nguvu Za Kiume

March 9, 2017, 8:39 pm

≫ Next: Kigogo mwingine wa CCM ajiuzulu

≪ Previous: Tundu Lissu, Masha wataka kujumuishwa kesi ya Kupinga uchaguzi TLS

Ukosefu na/au upungufu wa nguvu za kiume ni tatizo linalo wakabili mamilioni ya wanaume duniani.

Kufahamu mambo yanayo sababisha tatizo la ukosefu/ upungufu wa nguvu za kiume, dalili za mwanaume mwenye tatizo la ukosefu na/ama upungufu wa nguvu za kiume, viashiria vya tatizo la ukosefu/upungufu wa nguvu za kiume, athari za tatizo la ukosefu na upungufu wa nguvu za kiume, tafadhali tembelea : http://neemaherbalist.blogspot.com/2015/07/uhusiano-kati-ya-damu-na-tatizo-la.html

LISHE MAALUMU KWA WANAUME WENYE TATIZO LA UKOSEFU NA/AMA UPUNGUFU WA NGUVU ZA KIUME

Hii ni Tiba-Lishe maalumu kwa wanaume wenye kusumbuliwa na tatizo la ukosefu na upungufu wa nguvu za kiume. Tiba –lishe hii inajumuisha vyakula,matunda, mimea mbalimbali, pamoja na dawa ya asili iitwayo Jiko.

JINSI YA KUANDAA NA KUTAYARISHA LISHE MAALUMU KWA WANAUME WENYE TATIZO LA UKOSEFU NA /AMA UPUNGUFU WA NGUVU ZA KIUME

Mahitaji

1. Dawa asilia ya Jiko

2. Juice ya msafisha tumbo

3. Supu ya nyanya chungu

4. Vitunguu swaumu/vitunguu maji

5. Juice ya rozera

6. Vumbi la Kongo ( Congo Dust )

7. Pink salt ( Chumvi ya pinki ) au Himalayan Salt

8. Pilipili manga

MAANDALIZI , MATAYARISHO NA MATUMIZI

Jinsi Ya Kuandaa, Kutayarisha na Kutumia dawa asilia ya Jiko.

Chukua vijiko vidogo viwili vyenye dawa ya jiko, kisha tia kwenye kikombe chenye maji ya moto ambacho ujazo wake ni milimita mia mbili hamsini ( 250mills ). Iache kwa kama dakika kumi, kisha koroga halafu tumia kunywa pamoja na machicha yake. Utafanya hivyo mara mbili kwa siku, asubuhi na jioni kwa muda wa siku thelathini.

AU Chukua vijiko vidogo viwili vyenye dawa yako halafu chemsha pamoja na maji robo lita hadi itokote kabisa, kisha ipua halafu tumia kunywa dawa pamoja na machicha yake. Utafanya hivyo mara mbili kwa siku, asubuhi na jioni kwa muda wa siku thelathini

VUMBI LA CONGO ( CONGO DUST ) : Katika kipindi cha siku thelathini za matumizi ya tiba asilia ya Jiko. Unashauriwa kutumia vumbi la congo walau mara moja kwa wiki kwa muda wa wiki nne. Yani wiki ya kwanza, utumie mara moja, wiki ya pili utumie maara moja, wiki ya tatu utumie mara moja, na wiki ya nne utumie mara moja.

MATAYARISHO NA MATUMIZI YA VUMBI LA CONGO

Chukua dawa yako kiasi cha kujaa kwenye kidole, kisha changanya kwenye mafuta ya kujipaka halafu tumia kupaka kwenye kichwa cha uume wako. Utafanya hivyo, nusu saa kabla ya kushiriki tendo la ndoa.

LISHE MAALUMU YA KUTUMIA PAMOJA NA DAWA YA JIKO

Pamoja na dawa ya Jiko, unashauriwa kutumia lishe maalumu kama ifuatavyo:

1. SUPU YA NYANYA CHUNGU AMA NGOGWE : Unashauriwa kutumia supu ya nyanya chungu mara mbili kwa siku asubuhi na jioni kwa siku thelathini.

Mahitaji :

·Robo kilo ya nyanya chungu ( Tumia nyanya chungu zenye rangi ya kijani kwani ndio zenye virutubisho vinavyo hitajika.

·Nusu kijiko kidogo cha chumvi ya pinki ( Pink Salt), au Himalayan salt pamoja na maji lita mbili. ( Kama utakosa hizo chumvi utatumia nyanya chungu peke yake bila kuongeza chochote )

Matayarisho : Baada ya kuziosha nyanya zako bila kutoa vikonyo vyake, ziweke kwenye maji kiasi cha lita mbili, ndani ya maji hayo ongeza nusu kijiko kidogo cha chumvi ya pink, au Himalayan Salt ( Kama hauna hizo chumvi chemsha nyanya zako peke yake bila kuchanganya na chochote), kisha chemsha hadi itoe supu. Baada ya hapo, ipua kisha tumia kula supu yako pamoja na kutafuna nyanya chungu zote ulizo chemsha.

Utafanya hivi mara mbili kwa siku,asubuhi na jioni kwa muda wa siku thelathini. Asubuhi utatumia muda wwowote kati ya saa kumi na mbili alfajiri na saa nne asubuhi na usiku utatumia muda wowote kati ya saa moja usiku hadi saa nne usiku. )

N.B :KABLA YA KUTUMIA SUPU YA NYANYA CHUNGU, WEKA TOFAUTI AMA INTERVAL YA DAKIKA KUMI HADI KUMI NA TANO TANGU UMETUMIA DAWA YA JIKO. KWA MFANO KAMA UMETUMIA DAWA YA JIKO SAA MBILI KAMILI,ASUBUHI, BASI SUPU YA NYANYA CHUNGU ITUMIE SAA MBILI NA DAKIKA KUMI AU NA DAKIKA KUMI NA TANO . UTAFANYA VIVYO HIVYO WAKATI WA USIKU.

Pia kama, utakosa nafasi ya kuchemsha nyanya chungu, basi unashauriwa kutafuna nyanya chungu zikiwa mbichi pamoja na maji ya uvugu vugu lita moja na nusu, mara mbili kwa siku asubuhi na jioni kwa muda wa siku thelathini.

3. JUICE YA ROZERA : Unashauriwa kutumia juice ya Rozera mara kwa mara, kila upatapo nafasi.. Unashauriwa kutumia lita moja hadi mbili ya juice ya Rozera kila siku kwa muda wa siku thelathini mfululizo. Unatakiwa kutumia lita hiyo moja ya juice ya Rozera kwa wakati mmoja. Kama ni mchana utakunywa lita nzima ya juisi ya Rozera, na kama ni jioni, utakunywa lita nzima ya juisi ya Rozera. Unatakiwa kuinywa bila ya kuchanganya na kitu chochote kile. Na muda mzuri wa kuinywa, ni kati ya saa sita mchana hadi saa saa 2 kamili usiku.

Matayaraisho Ya Juice Ya Rozera : Chukua vijiko vikubwa vinne vya rozera iliyo kaushwa, kisha loweka kwenye maji lita mbili, iache kwa muda wa dakika thelathini, kisha chemsha hadi itokote. Itakapo tokota, ipua, chuja, makapi weka pembeni, baki na juisi yako ambayo utaitumia kwa kunywa yote . Utafanya hivyo mara moja kwa siku kwa muda wa siku thelathini. Unaweza kuinywa ikiwa ya moto, ama ikiwa imepoa. Ila vizuri zaidi uinywe ikiwa ya moto.

4. JUICE YA MSAFISHA TUMBO : Unashauriwa kunywa walau lita moja ya juisi ya dawa asilia ya MSAFISHA TUMBO mara moja kwawiki katika kipindi cha wiki nne utakazo kuwa unatumia dozi ya dawa ya Jiko. Hii ina maana kuwa ndani ya wiki nne za dozi ya Jiko, utatumia lita nne za juisi ya Msafisha Tumbo, lita moja kila wiki, kwa muda muda wa wiki nne.

Matayarisho Ya Juisi Ya Msafisha Tumbo: Chukua vijiko vitatu vidogo vyenye dawa ya msafisha tumbo,, kisha weka kwenye lita moja ya maji, halafu chemsha hadi itokote, ikisha tokota, ipua chuja, makapi weka pembeni, ubaki na juisi yako ambayo utaitumia kwa kunywa yote. Unatakiwa kuinywa ikiwa ya moto na muda mzuri wa kuinywa ni saa kumi na mbili jioni.

5. VITUNGUU MAJI NA VITUNGUU SWAUMU: Katika kipindi chote utakacho kuwa unatumia dozi ya dawa ya Jiko, unashauriwa kutumia kwa wingi sana, vitunguu maji na vitunguu swaumu.

NJIA ZA KUTUMIA VITUNGUU MAJI NA VITUNGUU SWAUMU

Zipo njia kuu tatu za kutumia kitunguu maji na kitunguu swaumu kama lishe maalumu kwa mwanaume anaye tumia tiba ya ukosefu na upungufu wa nguvu za kiume.

A. MCHANGANYIKO WA JUICE YA KITUNGUU MAJI NA KITUNGUU SWAUMU

Unashauriwa kutumia mchanganyiko huu, walau mara moja kwa wiki.Lakini kama utaweza kutumia mara mbili au tatu kwa wiki, sio mbaya pia.

Mahitaji : Kitunguu swaumu kiasi ha robo kilo, kitunguu

maji robo kilo.

Matayarisho : Blend au saga robo kilo ya kitunguu swaumu kupata juisi yake. Ukisha saga, weka juisi yako kwenye sufuria

safi.

Kisha saga robo kilo ya kitunguu maji kupata juisi

yake, ukisha pata juisi ya kitunguu maji, changanya pamoja na ile juisi ya kitunguu swaumu halafu chemsha hadi itokote.

Ikisha tokota, ipua iache ipoe. Ikisha poa tumia kunywa

mchanganyiko wako wote. Utakunywa mara moja tu kwa siku.

Kama utapenda, unaweza kuchanga na asali robo lita na kuchemsha pamoja, kisha ikisha tokota, ipua iache ipoe na utumie kunywa.

B. KACHUMBARI YA KITUNGUU MAJI NA KITUNGUU SWAUMU

Chukua vitunguu maji vikubwa vinne, kisha vimenye na kuvikata kata, kama vitunguu vya kachumbari. Halafu chukua punje kumi na sita za vituu swaumu, vikate kate na uvichanganye pamoja na vitunguu maji ulivyo vikatakata.

Tumia kula mchanganyiko wako wote. Utafanya hivyo mara moja tu kwa siku. Unaweza kuongeza na chumvi ya kawaidakidogo kama utapenda. Tumia kachumbari hii mara nyingi kadri utakavyo weza.

MENGINEYO

Kama ni mtumiaji wa chai, penda sana kutumia chai iliyo ungwa kwa pilipili manga na tangawizi. Na kama unaatumia uji, penda sana kutumia uji ulioungwa kwa pilipili manga

Jenga mazoea ya kutumia nyanya chungu katika kila mlo wako. Kwa mfano, kamaunakulala ugali na nyama, basi nyanya chungu pia ziwepo pembeni ( NYANYA CHUNGU ZINAZO HITAJIKA HAPA NI ZILE ZENYE RANGI YA KIJANI KIBICHI )

vi. Jenga mazoea ya kuwa unajumuisha kitunguu swaumu kwenye mlo wako. Nyanya chungu iwe kiungo kisicho kosa katika mlo wako. Mfano, kama unakula ugali na nyama, basi katika mchuzi ya mboga yako, kitunguu swaumu kiwe miongoni mwa viungo.

Kwa mahitaji yako ya dawa ya JIKO pamoja na vumbi la kongo, wasiliana na NEEMA HERBALIST, duka la kuuza dawa mbalimbali za asili. Tunapatikana Ubungo jijini Dar Es Salaam, jirani na SHULE YA MSINGI UBUNGO NATIONAL HOUSING, nyuma ya jengo la UBUNGO PLAZA.

Kwa wateja waliopo jijini Dar Es Salaam, wasio na muda au nafasi ya kuja ofisini kwetu Ubungo, tunayo huduma ya kuwafikishia dawa mahali walipo ( HOME & OFFICE DELIVERY)

Kwa wateja waliopo nje ya mkoa wa Dar Es Salaam, watatumiwa dawa kwa njia ya usafiri wa mabasi mbalimbali. Wateja waliopo Zanzibar watatumiwa dawa kwa njia ya usafiri wa boti, wateja waliopo Nairobi watatumiwa dawa kwa mabasi ya DAR EX PRESS, wateja waliopo MOMBASA watatumiwa dawa kwa mabasi ya TAHMEED, na wale wa ughaibuni watatumiwa dawa kwa njia ya POSTA au DHL.

WASILIANA NASI KWA SIMU NAMBA 0766 53 83 84.

Na kwa taarifa zaiddi kuhusu huduma zetu, tutembelee kila siku kwenye blogu yetu:

www.neemaherbalist.com

↧

Kigogo mwingine wa CCM ajiuzulu

March 10, 2017, 1:48 am

≫ Next: Maaskofu Watoa Waraka Mzito

≪ Previous: Jinsi Ya Kuandaa Na Kutayarisha Lishe Maalumu Kwa Wanaume Wenye Tatizo La Ukosefu Na Upungufu Wa Nguvu Za Kiume

Ikiwa ni siku nne tu zimepita tangu Mwenyekiti wa Jumuiya wa Wanawake wa Chama cha Mapinduzi (UWT), Sophia Simba kusema kuwa hana mpango tena wa kugombea nafasi hiyo katika uchaguzi ujao, Mwenyekiti wa Jumuiya ya Wazazi wa CCM naye amesema kuwa miaka mitano aliyotumikia nafsi hiyo inatosha, hivyo ni wakati wake kupumzika.

Alhaji Abdallah Bulembo alitangaza uamuzi huo wa kujiuzulu jana wakati akifungua kikao cha dharura cha jumuiya hiyo walipokuwa wakijadili mapendekezo yaliyotolewa na Halmahsauri Kuu wa CCM iliyokutana Disemba mwaka jana.

Bulembo aliwaambia wajumbe hao kuwa anajiuzulu na nafasi hiyo na kuwa sababu si kwa vile ameteuliwa kuwa mbunge bali yeye anaamini ni muda wa kupisha mtu mwingine.

Aidha, aliwataka viongozi hao kujipima kuona kama kuna ambaye anaona kuwa anaweza kuongoza jumuiya hiyo agombee.

Lakini aliwaasa wote watakaogombea kuwa, yeye hatompigia mtu kampeni na wala asiwepo mtu atakayesema kuwa amekubaliana naye jambo lolote, hivyo kila mgombea ajinadi mwenyewe.

Pia Bulembo alisema kwa muda wote ambao ameingoza jumuiya hiyo, amefanikiwa kwa asilimia 75 kwa yote aliyoyaahidi kwani wakati anaingia madarakani jumuiya hiyo ilikuwa katika hali mbaya hadi mwenyekiti aliyekuwepo, Dkt Kikwete akataka kuifuta.

"Tangu nimeingia madarakani hatujawahi kuomba hata shilingi mia kwa ajili ya kuendesha vikao vyetu, "alijisifu Bulembo.

Hata hivyo amesema ataendelea na majukumu ya nafasi hiyo hadi mwezi Oktoba atakapokabidhi ofisi kwa mwenyekiti mpya atakayechaguliwa.

↧

Maaskofu Watoa Waraka Mzito

March 10, 2017, 3:18 am

≫ Next: Upelelezi Kesi Ya Kamishna Mkuu Mstaafu wa TRA, Harry Kitilya na wenzake Wasubiri Ushahidi Kutoka Ulaya

≪ Previous: Kigogo mwingine wa CCM ajiuzulu

Jumuiya ya Kikristo Tanzania (CCT) imetoa waraka uliojumuisha mambo mbalimbali, ikiwa ni pamoja na kuwataka viongozi kutenda haki, kutokuwa na upendeleo, kuheshimu Katiba na sheria za nchi.

Pia jumuiya hiyo imewataka Watanzania kwa ujumla kuliombea taifa na viongozi wake, ili wawe walinzi wa Katiba na sheria za nchi kama walivyoapa.

Waraka huo ulisambazwa jana katika vyombo vya habari, ukiwa umetiwa saini na Askofu Mkuu wa Kanisa la Kiinjili la Kilutheri Tanzania (KKKT), Dk. Fredrick Shoo na Askofu Mkuu wa Kanisa la Anglikana Tanzania (KAT), Dk. Jacob Chimeledya.

Wengine ni Askofu Mkuu wa Kanisa la Moravian Tanzania (KMT), Dk. Isaac Nicodemo na Askofu Mkuu wa Kanisa la African Inland Church in Tanzania (AICT), Silas Kezakubi.

“CCT inatoa maelekezo kwa Wakristo wa makanisa wanachama na Watanzania wote kwa ujumla, kuendelea kulinda na kuheshimu misingi ya haki za binadamu na kuliombea taifa na viongozi wake ili waendelee kuwa na hofu ya Mungu na waadilifu.

“Watende haki, wasiwe na upendeleo na waheshimu na kuwa walinzi wa Katiba na sheria za nchi kama walivyoapa,” ilisema sehemu ya waraka huo.

CCT ilieleza pia kusikitishwa na vitendo vya ujambazi na matumizi ya silaha katika jamii na kukemea matukio ya ukatili na yale ya watu kupotea katika mazingira ya kutatanisha.

“CCT inasikitishwa na vitendo vya ujambazi na matumizi ya silaha katika jamii yaliyofikia kiwango cha kuua askari polisi."

Aidha, CCT inakemea matukio ya ukatili unaondelea katika jamii.

“Yapo matukio ambayo yamedhihirisha ushirikiano hafifu kati ya polisi na wananchi na kuendelea kujitokeza kwa matukio yanayoashiria chuki za kidini na kikabila.

“CCT inatoa wito kwa Serikali kuhakikisha misingi ya umoja na mshikamano wa kitaifa inaheshimika na utawala wa kisheria unafuatwa,” ilisema taarifa hiyo.

Dawa za Kulevya

CCT ilisema ili vita dhidi ya dawa za kulevya ifanikiwe, ni muhimu Serikali ikalenga kutokomeza kiini cha tatizo kwa kuwapata wahusika wakuu wa biashara hiyo bila kujali wasifu wao na nafasi walizonazo katika jamii.

Kutokana na hilo, CCT ilisisitiza kuwa Serikali izingatie misingi ya sheria, haki na usawa katika kuwakamata, kuwapekua na kuwafikisha katika vyombo vya sheria bila kuonea mtu wala kusukumwa na misingi yoyote ya imani au itikadi ya mtu.

“CCT inaunga mkono vita dhidi ya matumizi ya dawa za kulevya na viroba iliyoanzishwa na Serikali. Hata hivyo, CCT inasisitiza kuwa ili vita hii ifanikiwe, ni muhimu sana Serikali ilenge kutokomeza kiini cha tatizo kwa kuwapata wahusika wakuu wa biashara hii bila kujali wasifu wao, nafasi zao wala nafasi walizo nazo katika jamii.

“Katika kufanya hivyo, ni muhimu Serikali izingatie misingi ya sheria, haki na usawa katika kuwakamata, kuwapekua na kuwafikisha katika vyombo vya sheria bila kuonea wala kusukumwa na misingi yoyote ya imani au itikadi ya mtu.

“Ni muhimu kwa Serikali kuendelea kuweka mazingira wezeshi kwa vijana kupata ajira na kuendesha shughuli za ujasiriamali ili kujiepusha na vitendo viovu vikiwemo matumizi ya dawa za kulevya na unywaji wa pombe kali.

“CCT inayaelekeza makanisa wanachama, wazazi na walezi kuendelea kuwalea vijana wao katika misingi ya kidini ili wasijiingize katika matumizi ya dawa za kulevya na pombe kali.

“Wakati huu wa Kwaresma, tunawaombea na kuwaomba wale wote ambao kwa njia moja au nyingine wanajihusisha na dawa za kulevya au unywaji wa pombe kali, watubu na kuyaacha maovu yao na Mungu atawarehemu,” walisema maaskofu hao.

Hali ya Chakula

Kuhusu hali ya chakula nchini, CCT ilisema kuwa pamoja na mvua kuanza kunyesha, Serikali na wengine wawezeshe usambazaji wa chakula kutoka mikoa yenye ziada kwenda mikoa yenye uhaba wa chakula ili bei ya chakula iweze kushuka.

“Tunaiomba Serikali kupitia idara yake inayohusika, iratibu na kusaidia utekelezaji wa jambo hili, ili wananchi waweze kumudu bei, mfano mahindi hayo yakisambazwa, bei ishuke kutoka zaidi ya Sh 100,000 ifikie angalau Sh 60,000.

“Pia tunawaomba wakulima wasitumie njaa hii kutekeleza usemi ya kwamba ‘kufa kufaana’, hivyo kwao kipindi hiki kigumu kwa Watanzania wengine wakakifanya kipindi cha kupandisha bei ili kupata faida kubwa.

“Sambamba na wito huu, tunawaekeleza wanachama wetu kupitia vitengo vya maafa na misaada ya kibinadamu, waendelee kuwasaidia wananchi wenye upungufu mkubwa wa chakula wakipate kwa bei nafuu kwenye maeneo yao,” ilisema.

CCT iliwataka Wakristo wote kuendelea kumwomba Mungu ili mvua zinazoendelea kunyesha ziwe za neema na zisilete madhara.

Katika hilo, wameiomba serikali kutoa unafuu wa bei ya gesi ya kupikia ili wananchi wengi wapunguze au kuachana kabisa na matumizi ya kuni na mkaa.

Elimu

CCT ilisema pamoja na nia njema ya Serikali kutoa elimu bure, lakini iangalie masilahi ya walimu na kuwe na mpango mkakati unaotekelezeka wa kuimarisha miundombinu ya kufundishia.

“Serikali haina budi kuendelea kutoa elimu ya kutosha kwa wananchi kuhusu dhana ya elimu bila malipo, ili kuepusha migogoro inayokabili sekta ya elimu kwa dhana hiyo kutoeleweka kwa vizuri kwa baadhi ya wananchi.

“Pia mabadiliko ya mitaala na miongozo mingine ya kufundishia ya mara kwa mara imekuwa ikiathiri elimu ya Tanzania kwa kila awamu ya uongozi na kuwafanya wahitimu wetu kukosa ushindani kikanda na kimataifa,” ulisema waraka huo.

Kupitia waraka huo, maaskofu waliishauri Serikali kuwa na será ya elimu isiyobadilika badilika kila uongozi mpya unapoingia madarakani.

↧

Upelelezi Kesi Ya Kamishna Mkuu Mstaafu wa TRA, Harry Kitilya na wenzake Wasubiri Ushahidi Kutoka Ulaya

March 10, 2017, 10:01 am

≫ Next: VIDEO: Rais Magufuli Aongoza Kikao Cha Usalama Na Maadili Ya CCM Mkoani Dodoma

≪ Previous: Maaskofu Watoa Waraka Mzito

Mahakama ya Hakimu Mkazi Kisutu imeelezwa kuwa upelelezi uliokuwa ukifanywa ndani ya nchi ya Tanzania katika kesi ya uhujumu uchumi dhidi ya Kamishna Mkuu Mstaafu wa TRA, Harry Kitilya na wenzake umekamilika.

Hayo yameelezwa na wakili wa Jamuhuri Estazia Wilson mbele ya Hakimu Mkazi Mfawidhi, Cyprian Mkeha kesi hiyo ilipokuja kwa ajili ya kutajwa.

Hata hivyo Wakili Wilson amedai kuwa huyo bado wanasubiri upelelezi unaofanywa nje ya nchi ambao bado haujakamilika.

Mbali na Kitilya washtakiwa wengine ni Miss Tanzania, 1996, Shose Sinare na Sioi Graham Solomon.Wanadaiwa kutenda makosa nane likiwemo la utakatishaji wa fedha wa kiasi cha USD milioni sita.

Baada ya taarifa hiyo ya upelelezi, Wakili wa utetezi Majura Magafu aliiomba mahakama kuwaleza upande wa jamuhuri waeleze hali ya upelelezi ikoje na siyo kuleta lugha za ujanja ujanja.

“Tunaomba upande Jamuhuri watupe majibu yenye muelekeo, waache lugha za ubabaishaji, kama upelelezi haujakamilika waseme basi siyo suala la kutueleza umekamilika ndani ya nchi lakini nje bado, haileti maana yoyote.”Amesema Magafu.

Akijibu hoja hizo,Hakimu Mkeha amesema kitendo cha kesema upelelezi wa ndani umekamilika inaonyesha kesi imepiga hatua kwa kiasi fulani hivyo ameuagiza upande wa jamuhuri ukija tena ueleze hali ya upelelezi huko nje ikoje.

Kesi hiyo imeahirishwa hadi Machi 24,mwaka huu.

Mbali na shtaka la utakatishaji wa fedha, watuhumiwa hao wanakabiliwa na tuhuma za kula njama, kutoa nyaraka za uongo na kughushi.

Wanadaiwa kutenda makosa hayo katika tarehe tofauti kati ya Machi 2013 na Septemba 2015 wakati wa mchakato wa Mkopo wa USD 550 wa Serikali ya Tanzania kutoka Benki ya Standard ya Uingereza.

↧

VIDEO: Rais Magufuli Aongoza Kikao Cha Usalama Na Maadili Ya CCM Mkoani Dodoma

March 10, 2017, 10:19 am

≫ Next: Kamanda Siro aongea kuhusu kukamatwa kwa Vanessa Mdee na Rummy

≪ Previous: Upelelezi Kesi Ya Kamishna Mkuu Mstaafu wa TRA, Harry Kitilya na wenzake Wasubiri Ushahidi Kutoka Ulaya

Mwenyekiti wa Chama Cha Mapinduzi (CCM) na Rais wa Jamhuri ya Muungano wa Tanzania Mhe. Dkt. John Pombe Magufuli leo tarehe 10 Machi, 2017 ameongoza Kikao cha Usalama na Maadili cha chama kilichofanyika Chamwino Mkoani Dodoma.

Kikao hicho kimehudhuriwa na wajumbe wake wakiwemo Makamu Mwenyekiti wa CCM Zanzibar ambaye ni Rais wa Zanzibar na Mwenyekiti wa Baraza la Mapinduzi Mhe. Dkt. Ali Mohamed Shein, Makamu Mwenyekiti wa CCM Bara Ndg. Philip Mangula, Katibu Mkuu wa CCM Ndg. Abdulrahman Kinana na Makamu wa pili wa Rais wa Zanzibar Mhe. Balozi Seif Ali Idd.

Katibu Mkuu wa CCM,Ndugu Abdulrahman Kinana akizungumza jambo wakati wa kikao cha Usalama na Maadili kilichoongozwa na Rais Dkt Magufuli,Chamwino mkoani Dodoma.

Mwenyekiti wa Chama Cha Mapinduzi (CCM) na Rais wa Jamhuri ya Muungano wa Tanzania Mhe. Dkt. John Pombe Magufuli akisalimiana na Makamu Mwenyekiti wa Chama cha Mapinduzi na Rais wa Zanzibar na Mwenyekiti wa Baraza la Mapinduzi Dk. Ali Mohamed Shein mapema leo,Chamwino mkoani Dodoma,pichani kati ni Makamu wa Rais Mama Samia Suluhu Hassan

Mwenyekiti wa Chama Cha Mapinduzi (CCM) na Rais wa Jamhuri ya Muungano wa Tanzania Mhe. Dkt. John Pombe Magufuli akizungumza jambo na Makamu Mwenyekiti wa Chama cha Mapinduzi na Rais wa Zanzibar na Mwenyekiti wa Baraza la Mapinduzi Dk. Ali Mohamed Shein mapema leo,Chamwino mkoani Dodoma.

↧

Kamanda Siro aongea kuhusu kukamatwa kwa Vanessa Mdee na Rummy

March 10, 2017, 10:31 am

≫ Next: Jaji Warioba Atoa Kauli Nzito Kuhusu Tatizo la Njaa Nchini

≪ Previous: VIDEO: Rais Magufuli Aongoza Kikao Cha Usalama Na Maadili Ya CCM Mkoani Dodoma

Kamishna wa Kanda Maalumu ya Dar es Salaam, Simon Siro amesema jeshi hilo bado linawashikilia Wasanii maarufu wa muziki wa kizazi kipya akiwemo Vanessa Mdee ambaye alikamatwa juzi (Jumatano) na Rummy Shaeli kwa tuhuma za matumizi ya dawa za kulevya.

Akiongea na wana habari Ijumaa hii ofisini kwake kamanda amesema jeshi hilo bado linawashikilia watu hao mpaka uchunguzi utakapo kamilika.

“Juzi tulimkamata Vanesa Mdee napia tunamshikilia Rummy Shaeli taarifa zinaonyesha ni watumiaji na wasambazaji lakini upelelezi unaendelea na ukikamilika tutawafikisha mahakamani au tutamuachia. Na sio hao tu wapo wengine ambao tuna majina baadhi tumewakamata inasemekana huwa wanasafirisha dawa hizo kwenda Afrika Kusini,” amesema Siro.

Vanessa alikuwa miongoni mwa watuhumiwa wa matumizi ya dawa za kulevya waliotajwa na Mkuu mkoa wa Dar es Salaam Paul Makonda katika orodha yake ya pili na kuwataka kuripoti katika kituo cha kituo kikuu cha polisi. Hata hivyo Vanessa hawakuweza kufika kituoni hapo kwa wakati kwa sababu wakati agizo hilo likitolewa alikuwa nje ya nchi na kumtuma mwanasheria wake kumwakilisha.

↧

Jaji Warioba Atoa Kauli Nzito Kuhusu Tatizo la Njaa Nchini

March 10, 2017, 10:41 am

≫ Next: Maamuzi ya Mahakama kwa maafisa wa zamani wa TFF katika kesi ya rushwa

≪ Previous: Kamanda Siro aongea kuhusu kukamatwa kwa Vanessa Mdee na Rummy

Waziri Mkuu Mstaafu wa Tanzania Jaji Joseph Warioba amewataka watanzania wote kuungana na kujiaandaa kukabiliana na baa la njaa ambalo huenda likatokea, huku akikiri kuwa tatizo la upungufu wa chakula kwa mwaka huu, ni kubwa kuliko kawaida.

Akizungumza leo wakati akizindua kongamano la 'Wanawake na Uongozi' katika ukumbi wa Makumbusho ya Taifa Dar es Salaam, Jaji Warioba amesema hakuna haja ya watanzania kubishana na kulumbana kama kuna njaa au upungufu wa chakula, bali kujiandaa ikiwa ni pamoja na kujifunza kujifunza katika nchi ambazo tatizo hilo limetokea ikiwemo Kenya na Somalia.

"Haijalishi kama njaa ipo au kuna upungufu wa chakula kinachotakiwa ni kuungana na kujiandaa kwa pamoja ili kujua ni jinsi gani tutaweza kukabiliana na baa la njaa endapo litatokea kama jinsi inavyosemwa, tujifunze kupitia Kenya na Somalia. Siyo sawa kurushiana maneno huyu anasema hivi huyu anamjibu vile, tuungane kwa pamoja" Amesema Warioba ambaye pia alikuwa ndiye Mwenyekiti wa Tume ya Mabadiliko ya Katiba a kuongeza “Serikali ijiandae kukabiliana na njaa kwa sababu ingawa tumezoea kwamba kila mwaka zipo sehemu zenye upungufu wa chakula, mwaka huu tatizo ni kubwa”

Kuhusu vita dhidi ya dawa za kulevya, Warioba ametaka elimu itolewe kwa watu wanaojishughulisha na dawa za kulevya hususani wanaolima bangi lakini pia wasaidiwe wapate njia mbadala za kuweza kujikimu ili kuachana na shughuli hizo ambazo zinaathiri asilimia kubwa ya vijana.

Ameongeza kuwa tatizo la dawa za kulevya linaripotiwa kawaida kama siyo tatizo kwa sababu limefanywa kama jambo la siasa

"Tatizo la dawa za kulevya linazungumzwa kama jambo la kawaida, badala yake tumetafuta mchepuo wa kisiasa, ambao ndiyo unazungumzwa, Karibu kila siku utaona taarifa kwamba wameenda askari wameharibu dawa za kulevya katika mashamba ya bangi, inaripotiwa tu kama tukio halafu basi.

"Tuseme hapana matumizi ya madawa, madawa ni mengi sana yanayoingia , tunajua madhara yake, tuyazuie yanayoingia kutoka nje pamoja na yanayolimwa, tujitahidi kuwasaidia vijana walioathirika. Tunahitaji kujenga nguvu za pamoja" Amemalizia jaji Warioba.

Kongamano hilo lililoandaliwa na Mtandao wa Wanawake na Katiba, ni sehemu ya maadhimisho ya Siku ya Wanawake Duniani, na limetumika pia kuzindua kitabu chenye jina 'Nguvu zetu, Sauti zetu, Ajenda katika mchakato wa katiba mpya' kilichoandaliwa na mtandao huo jijini Dar es salaam,

↧

Maamuzi ya Mahakama kwa maafisa wa zamani wa TFF katika kesi ya rushwa

March 10, 2017, 10:47 am

≫ Next: Godbless Lema Afanya Mkutano wa Kwanza Baada ya Kutoka Gerezani......Wema Sepetu naye Alipewa Nafasi ya Kuwasalimia Wananchi

≪ Previous: Jaji Warioba Atoa Kauli Nzito Kuhusu Tatizo la Njaa Nchini

Mahakama ya Hakimu Mkazi Kisutu imewaachia huru watumishi wawili wa Shirikisho la Mpira wa Miguu Tanzania (TFF), Martin Chacha na Juma Matandiko baada ya kuwaona hawana kesi ya kujibum. Uamuzi huo umetolewa leo na Hakimu Mkazi Mkuu, Huruma Shaidi.

Akisoma uamuzi huo, Hakimu Shahidi amesema kuwa amewaachia huru washtakiwa baada ya kupitia ushahidi uliotolewa na mashahidi saba wa upande wa mashtaka na kuona upande wa mashtaka umeshindwa kuthibitisha pasipo kuacha shaka kuwa washtakiwa wametenda kosa.

Washtakiwa Matandika na Mecky wanatuhumiwa kwa kuomba rushwa ya Shilingi milioni 25.

Awali ilidaiwa kuwa Februari 4 mwaka jana, washtakiwa hao wakiwa waaajiriwa wa TFF walishawishi kuomba rushwa ya kiasi hicho cha pesa kutoka kwa Salum Kulunge na Constatine Morandi ambao ni maofisa kutoka Chama cha Mpira wa Miguu Mkoa wa Geita na Klabu ya Mpira wa Miguu Geita.

Ilidaiwa kuwa watuhumiwa hao waliomba rushwa hiyo kama kishawishi kwa TFF na Idara ya Uhamiaji Tanzania kutoa uamuzi dhidi ya klabu ya Mpira wa Miguu Polisi Tabora ili kuisaidia klabu ya Geita kupanda katika ligi kuu ya Tanzania.

Akitoa uamuzi huo, Hakimu Shahidi alisema katika ushahidi uliotolewa na mashahidi wa upande wa mashtaka unaonesha hakuna mtu aliyeenda Takukuru kulalamika juu ya washtakiwa kuomba rushwa zaidi ya sauti ya CD kusambaa katika mitandao.

Amesema upande wa mashtaka haukuonesha kama kweli washtakiwa walitoka Geita kuja Dar Saalam.

Kuhusu sauti zilizotambuliwa za Mecky na Matandiko kupitia CD, Hakimu Shaidi amesema watu wana sauti za kufanana na hata kuigizana hivyo hauwezi kujikita kwenye ushauli kuwa ni washtakiwa wenyewe ndio wanaosikika kwenye hiyo CD.

Amesema, ni wajibu wa upande wa mashtaka kuthibitisha pasipo kuacha mashakama kuwa washtakiwa walitenda kosa hilo.

Hakimu Shahidi ameenda mbali na kueleza kuwa kwa mujibu wa ushahidi ulitolewa mahakamani hapo, imedaiwa kuwa kanuni za TFF zinaeleza wazi kuwa, mchezaji akibainika kudanganya ndiye anayepaswa kuadhibiwa lakini si timu kunyang'anywa pointi.

"Hawa hawakuwa na mamlaka ya kunyang'anya pointi, hivyo wasingeshtakiwa kwa kuomba rushwa na hata kama walitenda kosa basi wangeshtakiwa na tuhuma zingine, labda utapeli", amesema.

Kutokana na upungufu wa ushahidi, Hakimu Shaidi aliwaachia huru washtakiwa kwa sababu hawana kesi ya kujibu.

Kesi hiyo ilikuwa inaendeshwa na Mwendesha Mashtaka wa Taasisi ya Kuzuia na Kupambana na Rushwa (Takukuru),Leonard Swai.

↧

Godbless Lema Afanya Mkutano wa Kwanza Baada ya Kutoka Gerezani......Wema Sepetu naye Alipewa Nafasi ya Kuwasalimia Wananchi

March 10, 2017, 11:22 am

≫ Next: Habari Zilizopo Katika Magazeti ya Leo Jumamosi ya March 11

≪ Previous: Maamuzi ya Mahakama kwa maafisa wa zamani wa TFF katika kesi ya rushwa

Na,Vero Ignatus ,Arusha.

Mbunge wa Arusha mjini Godbless Jonathan Lema amefanya mkutano wake wa kwanza kwa kuzungumza na wananchi wa Arusha baada ya kutoka rumande alipokuwa ameshikiliwa kwa miezi minne

Akizungumza katika mkutano huo Lema amesema kuwa madiwani wa chama cha Demokrasia na maendeleo Chadema watakao kuwa waoga yupo tayari kuwakana mbele ya wananchi na kama hawawezi kuwa majasiri waachanae na chama hicho.

Mkutano huo umehudhuriwa na viongozi mbalimbali wa chama hicho wakiwemo madiwani wote wa chama hicho katika jiji la Arusha pamoja na wabunge wa simanjiro na yule wa Monduli.

Aidha mbunge huyo amesema kuwa yupo kwenye harakati za kukamilisha kukiandika kitabu chake kitakachotoka hivi karibuni chenye historia ya maisha halisi ya wafungwa waliopo gerezani bila hatia,sambamba na wale waliobambikiziwa kesi mbalimbali.

Amewataka madiwani kuwa sambamba na yeye na kuachana na kauli wanayoisema ya kuwa wapo nyuma yake kwa kila kitu anachokifanya .

Wapili kutoka kushoto ni mbunge wa Arusha mjini Godbless Lema ,wakwanza kulia ni mbunge wa Simanjiro James OLemilya akifuatiwa na aliyeko kulia kwake ni Meya wa jiji la Arusha Kalisti Lazaro,akifuatiwa na Wema Sepetu,na wakwanza kulia ni mwenyekiti wa chadema mkoa wa Arusha Derick Magoma

Mbunge Lema akiwa na Wema Sepetu akisaliamia wananchi wa jiji la Arusha

Mamia ya wananchi waliohudhuria katika mkutano huo leo jijini Arusha.

↧

Habari Zilizopo Katika Magazeti ya Leo Jumamosi ya March 11

March 10, 2017, 8:21 pm

≫ Next: Macho Yote Yaelekezwa Dodoma Leo.....CCM Iliyosukwa Upya Yasubiriwa

≪ Previous: Godbless Lema Afanya Mkutano wa Kwanza Baada ya Kutoka Gerezani......Wema Sepetu naye Alipewa Nafasi ya Kuwasalimia Wananchi

↧

Macho Yote Yaelekezwa Dodoma Leo.....CCM Iliyosukwa Upya Yasubiriwa

March 10, 2017, 11:32 pm

≫ Next: Jina la Mama Salma Kikwete Latumika Kutapeli

≪ Previous: Habari Zilizopo Katika Magazeti ya Leo Jumamosi ya March 11

Chama Cha Mapinduzi (CCM) leo kinafanya vikao viwili vikubwa kwa mkupuo vya Kamati Kuu (CC) na Halmashauri Kuu ya Taifa (NEC) mjini Dodoma.

Vikao hivyo vitafanyika kwa siku moja, baada ya Kamati Kuu kutofanyika jana. Badala yake siku nzima ya jana, ilitumika kwa ajili ya kikao cha Kamati ya Usalama na Maadili ya chama.

Kikao hicho cha Kamati ya Usalama na Maadili cha jana, kiliangalia maadili ya wanachama wake na kiliongozwa na Mwenyekiti wa Taifa wa CCM, Rais John Magufuli.

Pamoja na mambo mengine, kikao hicho hujadili nidhamu za viongozi na baadhi ya wanachama waliokwenda kinyume na maadili ya chama hicho.

Kamati hiyo huhoji wanachama na viongozi na mapendekezo yake, hupelekekwa Kamati Kuu kwa ajili ya hatua zaidi.

Akizungumza na waandishi wa habari mjini hapa, Katibu wa NEC, Itikadi na Uenezi, Humphrey Polepole alisema, vikao hivyo vitafanyika leo, ambapo Kamati Kuu itakutana asubuhi.

Alisema baada ya Kamati Kuu kumaliza kikao chake, mchana Halmashauri Kuu itafanya mkutano wake, ambao ndio utakaoandaa ajenda kwa ajili ya Mkutano Mkuu Maalumu wa chama hicho, utakaofanyika kesho, ambao utafanya mageuzi makubwa katika chama.

Baadhi ya mageuzi hayo ni kubadilisha Katiba na Kanuni za chama pamoja na jumuiya zake, ikiwemo kupunguza wajumbe wake ili kuwa chama cha ufanisi zaidi.

Polepole aliwaomba wajumbe wa mkutano huo kutoka mikoa yote nchini, kuwasili mjini Dodoma na kuhudhuria kutokana na maandalizi yake kukamilika.

“Nawaomba wajumbe wa Mkutano Mkuu wafike mjini Dodoma kutokana na maandalizi yote kukamilika ili kufanikisha mkutano huo ambao ni muhimu katika kufanya mageuzi katika chama,” alisema Polepole.

↧

Jina la Mama Salma Kikwete Latumika Kutapeli

March 10, 2017, 11:37 pm

≫ Next: Godbless Lema Asimulia Maisha ya Gerezani na Jinsi Alivyopewa Cheo cha Nyapara Kuwaongoza Wafungwa Wenzake

≪ Previous: Macho Yote Yaelekezwa Dodoma Leo.....CCM Iliyosukwa Upya Yasubiriwa

Jeshi la Polisi Kanda Maalumu ya Dar es Salaam, limetoa tahadhari kwa wananchi kuhusu uwepo wa Chama cha Akiba na Mikopo (Saccos), inayotapeli watu fedha kwa kutumia majina ya watu maarufu nchini.

Tahadhari hiyo ilitolewa jijini Dar es Salaam na Kamanda wa Polisi Kanda Maalum ya Dar es Salaam, Simon Sirro wakati akizungumza na waandishi wa habari.

Alisema Saccos hiyo yenye jina maarufu la Focus Vicoba kwenye mitandao ya kijamii kama Facebook na tovuti inayojulikana kwa jina “http://www.vicobaloanstz. wapka-mob” www.vicobaloanstz. wapka-mob, hutumia majina ya viongozi serikalini na watu maarufu, kwa nia ya kuwatapeli wananchi.

Alisema majina ya viongozi yanayotumiwa na matapeli hao ni pamoja na jina la mke wa Rais mstaafu wa Serikali ya Awamu ya Nne, Salma Kikwete, Mbunge wa Kawe Halima Mdee na Mwenyekiti Mtendaji wa Makampuni ya IPP, Reginald Mengi.

Aliongeza kuwa matapeli hao, hutumika kufungua akaunti za facebook na tovuti mbalimbali, ambazo hutumia kuwarubuni watu kwa kuwaaminisha kuwa wanaweza kupata mikopo yenye masharti nafuu na haraka zaidi kwa njia hiyo ya mtandao.

Alisema katika ufuatiliaji wa suala hilo, kitengo cha upelelezi wa makosa ya mtandao cha Polisi Kanda Maalum ya Dar es Salaam, kimebaini kuwa katika tovuti “http://www.vicobaloanstz. wapka-mob” www.vicobaloanstz. wapka-mob picha na jina la Mama Salma, limetumika huku kwenye ukurasa wa Facebook wakitumia jina la Mengi, likiwa ni pamoja na namba za simu 0757 308381 na 0768 199359 ambazo si za Mama Salma wala Mengi.

Aidha, alisema katika ufuatiliaji wa jambo hilo, Desema 16 mwaka jana alikamatwa mtu aliyefahamika kwa jina la Boniface Ojwando (27) baada ya kubainika kuwa anahusika katika mtandao huo wa kujipatia pesa kwa njia ya udanganyifu kupitia mitandao hiyo ya kijamii, ambapo mpaka sasa mtuhumiwa ameshafikishwa mahakamani ili kujibu mashtaka hayo yanayomkabili.

“Nitoe onyo kwa wale wote wanaondelea kufanya udanganyifu huu wa kujipatia fedha kwa njia isiyo halali kupitia mitandao ya kijamii kuacha mara moja, kwani sheria iko wazi na pindi watakapokamatwa, watachukuliwa hatua kali,”alisema Sirro.

Alitoa rai kwa wananchi wote, kutokuwa wepesi kukubali matangazo ya mikopo, yanayotolewa kwenye mitandao ya kijamii, bila kufika katika ofisi husika ili kujiridhisha kuhusu utolewaji wa mikopo hiyo, ili kuepuka kutapeliwa fedha na mali zao.

↧

Godbless Lema Asimulia Maisha ya Gerezani na Jinsi Alivyopewa Cheo cha Nyapara Kuwaongoza Wafungwa Wenzake

March 10, 2017, 11:51 pm

≫ Next: Kenya waomba kuwaajiri madaktari kutoka Tanzania

≪ Previous: Jina la Mama Salma Kikwete Latumika Kutapeli

Mbunge wa Arusha Mjini, Godbless Lema (Chadema) ameibuka na kueleza mambo mbalimbali, aliyokumbana nayo katika kipindi cha miezi minne akiwa mahabusu katika Gereza la Kisongo mkoani Arusha, kutokana na kukosa dhamana katika kesi ya uchochezi.

Aidha, amesema akiwa katika mahabusu hiyo, alipewa cheo cha nyapara na kuweza kuwaongoza wafungwa wenzake, jambo lililomfanya kufahamu matatizo na manyanyaso mbalimbaliwa, wanayofanyiwa wafungwa.

Lema alisema hayo katika Viwanja vya Ngarenaro jijini Arusha jana, alipokuwa akiwahutubia wakazi wa jimbo lake katika mkutano wa hadhara.

“Kwani nimekosa nini? Kutoa maoni ndio nifanywe hivi kweli? Nilikuwa naomba sana kwa Mungu tangu nilipowekwa ndani hadi siku nilipotoka.

“Na Mungu aliniambia endelea kuomba na usubiri uone miujiza yangu, lakini akaniambia wasamehe wote waliokukosea kwa kukuweka gerezani bila kosa.”

Akizungumzia kosa alilolifanya la kutoa kauli ya uchochezi dhidi ya Rais John Magufuli; Lema alisema; “Nilivyosema nimeona maono walidhani mimi ni kichaa, lakini Mungu ndiye atakayethibitisha maono haya, kama yalikuwa ni feki au la.

“Dhambi mbaya na kubwa kuliko zote duniani ni uoga, kinachotesa nchi hii si polisi, ni uoga, angalia kilichotokea juzi mahakamani, nimekaa ndani miezi minne halafu nilipotoka wananchi walikamatwa na kupigwa, kisha wakafunguliwa kesi ya mkusanyiko usio halali, jambo ambalo ni la uonezi,” alisema Mbunge huyo.

Akitoa ushauri kwa polisi, Lema alisema; “ Nawaomba polisi muwe na utu, kwani damu mnayoimwaga itawarudia, hakuna dhambi itakayopandwa ikavuna haki, kwanini mnawapiga watu? Nasema Mungu yupo.”

Alisema Idara ya Mahakama, haipo huru na kwamba kielelezo cha Serikali kuingilia mhimili wa mahakama ni hatua ya hivi karibuni ya Rais Magufuli kumteua Kaimu Jaji Mkuu badala ya Jaji Mkuu.

Alisema lengo la uteuzi huo, aliodai si sahihi, ni kuifanya Serikali icheze na sheria na kwamba tafsiri iliyo ni kuilazimisha Mahakama icheze wimbo wa serikali.

“Hili ni jambo la hatari sana, kwani watu wakijua kuwa Mahakama inayumbishwa na haijasimama imara, haki itatafutwa mitaani. Mateso niliyoyapata Magereza, yamenitengeneza kuwatetea waliopo magerezani.

“Nakuomba Mbunge mwenzangu James Millya (Mbunge wa Simanjiro – Chadema), tukienda bungeni turekebishe sheria, maana tulipozitunga, tulidhani sisi haitugusi kumbe inatugusa, hivyo tuombe ifanyiwe marekebisho.”

Alisema pia akiwa jela, alishuhudia mambo mbalimbali, ikiwemo kufungwa kwa vijana wadogo wenye umri wa miaka 14 kinyume cha sheria za nchi.

Aliongeza;“Umri huo ni mdogo sana na ninaposema Magereza, lazima mjuwe hali halisi iliyopo magereza."

Alisema pia alishuhudia kuwekwa mahabusu kwa watu wengine kwa muda mrefu, bila kufikishwa mahakamani au kupewa dhamana, jambo alilosema ni kukiuka sheria za nchi.

Alisema kutokana na uzoefu alioupata mahabusu kwa kipindi cha miezi minne, anaandika kitabu kuhusu wafungwa wanavyoteseka magerezani.

Alisema pia akiwa mahabusu, ameweza kukutana na watu wanaoitwa magaidi zaidi ya 65 wakiwa wamekaa kwa muda mrefu kwa zaidi ya miaka minne; huku wengine wakiwa wamekatwa miguu, lakini cha ajabu ni kuwa hawajahukumiwa kutokana na kutokuwepo kwa ushahidi.

“Unapochelewesha kesi za ugaidi, unajenga tabaka kati ya dini na dini, kama ni magaidi, malizeni upelelezi ili wahukumiwe, lakini kwa upelelezi wangu na uchunguzi wangu sijaona kama hao watu ni magaidi.

“Natoa agizo, mmalize upelelezi kabla sijaenda Bungeni, hii haitakuwa noma ndogo, itakuwa noma kubwa nikienda Bungeni.

“Kama mimi Mbunge mmeninyima dhamana, kila siku mnaweka mapingamizi narudi gerezani, hali ikoje kwa watu wasioandikwa kwenye magazeti ambao hawajulikani, ni wazi kuwa wananyanyaswa sana,” alisema mbunge huyo.

Kabla ya kuanza kuhutubia, Lema alimpa nafasi msanii, Wema Sepetu ambaye alimtaja kuwa ni mwanamke jasiri na kuwa ana uhakika atashinda katika kesi yake ya kudaiwa kukutwa na dawa ya kulevya.

Akihutubia, Wema alisema ana imani na Mungu na kuwa mitihani ya maisha, anayokumbana nayo ni mipango ya Mungu katika kumfikisha mahali alipo hivi leo.

Alimuomba Lema kusamehe kila analofanyiwa na kutolipiza kisasi ili kupata baraka za mwenyezi Mungu.

Naye, Mwenyekiti wa Chadema Wilaya ya Arusha Mjini, Derick Magoma alisema Chadema wilaya Arusha, ipo imara haijayumba wala kutetereka wakati Lema alipowekwa mahabusu kwa kipindi cha miezi minne.

“Hatumpi mtu yoyote kura, bali ni Lema hadi 2020 au zaidi ya hapo, tumefanya maendeleo kwa kipindi cha miaka miwili na wananchi wote mnajua kuwa maendeleo yameletwa na Chadema” alisema.

Meya wa Jiji la Arusha, Calist Lazaro, alieleza furaha aliyonayo kutokana na kitendo cha kuachiwa kwa Lema. Alisema kwamba miezi minne aliyokaa mahabusu, si jambo la mchezo.

“Mbunge najua walikuweka ndani sababu ya kudhoofisha maendeleo ya Jiji la Arusha, lakini kwa sababu una Meya na madiwani bora wa Baraza la Madiwani, hatukuweza kutetereka” alisema Lazaro.

↧

Latest Images