Rais Magufuli Alitaka Jeshi la Kujenga Taifa(JKT) Liongeze Kasi ya Uzalishaji wa Mazao ya Chakula

November 8, 2016, 5:55 am

≫ Next: Kangi Lugola Adai Mkataba wa EPA Utatuletea USHOGA.....Asisitiza serikali isiusaini ili Kuwalinda Wanaume

≪ Previous: Wabunge waridhia msimamo wa Serikali wa kutokusaini mkataba wa EPA

Shirika la uzalishajimali lililo chini ya Jeshi la Kujenga Taifa (Suma – JKT) litaanza kutekeleza mpango wa kufuga samaki kwa kutumia vizimba (Cages) katika bahari ya Hindi baada ya mpango huo kuonesha mafanikio makubwa katika mito na maziwa mbalimbali hapa nchini.

Hayo yamesemwa na Mkuu wa JKT Meja Jenerali Michael Isamuhyo muda mfupi baada ya kufanya mazungumzo na Rais wa Jamhuri ya Muungano wa Tanzania Dkt. John Pombe Magufuli Ikulu Jijini Dar es Salaam.

Meja Jenerali Isamuhyo amesema ufugaji wa samaki kwa kutumia vizimba umepata mafanikio makubwa katika maeneo mbalimbali nchini hususani katika ziwa Viktoria na kwamba ili kupanua ufugaji huo Suma-JKT inajielekeza kufuga samaki katika bahari ya Hindi.

Ameongeza kuwa pamoja na ufugaji wa Samaki, Rais Magufuli ameliagiza Jeshi la Kujenga Taifa kuongeza uzalishaji wa mazao ya chakula na shughuli zilizotajwa katika misingi ya uanzishaji wa jeshi hilo ili Serikali isipate gharama za kununua chakula kwa ajili ya vijana wanaokwenda kupata mafunzo ya JKT na pia kupata chakula cha ziada ambacho kitatumika kutatua tatizo la uhaba wa chakula katika maeneo yatakayokumbwa na uhaba.

Meja Jenerali Isamuhyo ameongeza kuwa Rais Magufuli ameitaka JKT kujenga mabwawa kwa ajili ya kuanzisha kilimo cha umwagiliaji katika maeneo yanayofaa kwa kilimo hicho.

Aidha, Mkuu huyo wa JKT amebainisha kuwa JKT itahakikisha inasimamia utekelezaji wa maelekezo ya Mhe. Rais na kuongeza kuwa kazi hii itakwenda sambamba na utekelezaji wa majukumu mengine ya JKT yaliyoainishwa katika uanzishwaji wake mwaka 1963 ikiwemo ujenzi kwa gharama nafuu.

Wakati huo huo, Mhe. Rais Dkt. John Pombe Magufuli amekutana na kufanya mazungumzo na Mwenyekiti wa Bodi ya Shirika la Hifadhi za Taifa (TANAPA) Jenerali Mstaafu George Marwa Waitara Ikulu Jijini Dar es Salaam.

Gerson Msigwa

Mkurugenzi wa Mawasiliano ya Rais, IKULU

Dar es Salaam

08 Novemba, 2016

↧

Kangi Lugola Adai Mkataba wa EPA Utatuletea USHOGA.....Asisitiza serikali isiusaini ili Kuwalinda Wanaume

November 8, 2016, 6:07 am

≫ Next: TANZIA:Aliyewahi kuwa Waziri wa elimu awamu ya tatu, Joseph Mungai afariki dunia

≪ Previous: Rais Magufuli Alitaka Jeshi la Kujenga Taifa(JKT) Liongeze Kasi ya Uzalishaji wa Mazao ya Chakula

Mbunge wa Mwibara Kangi Lugola, ameupinga kwa nguvu zake zote mkataba wa EPA kwa madai kwamba hauna manufaa yoyote kwa taifa letu na kwamba ndani ya mkataba huo kuna vishiria vya USHOGA

Lugola aimeitaka serikali isiusaini mkataba huo ili kulinda maumbile ya wanaume yanayotaka kuharibiwa kupitia mkataba huo.

Msikilize hapo chini alipokuwa akitoa mchango wake bungeni

↧

TANZIA:Aliyewahi kuwa Waziri wa elimu awamu ya tatu, Joseph Mungai afariki dunia

November 8, 2016, 1:52 pm

≫ Next: Habari Zilizopo Katika Magazeti ya Leo Jumatano ya Novemba 9

≪ Previous: Kangi Lugola Adai Mkataba wa EPA Utatuletea USHOGA.....Asisitiza serikali isiusaini ili Kuwalinda Wanaume

Aliyewahi kuwa waziri wa Elimu Tanzania Joseph Mungai amefariki Dunia katika Hospitali ya Taifa Muhimbili alipokuwa akipatiwa matibabu

Geofrey Mungai mtoto wa Marehemu amesema marehemu alipelekwa hospitali ya Taifa Muhimbili baada ya kuanza kutapika mfululizo na kudhaniwa kwamba alikuwa amekula kitu kibaya.

↧

Habari Zilizopo Katika Magazeti ya Leo Jumatano ya Novemba 9

November 8, 2016, 8:29 pm

≫ Next: Rais Magufuli Atuma Salamu za Rambirambi Kufuatia Kifo c ha Joseph Mungai

≪ Previous: TANZIA:Aliyewahi kuwa Waziri wa elimu awamu ya tatu, Joseph Mungai afariki dunia

↧

Rais Magufuli Atuma Salamu za Rambirambi Kufuatia Kifo c ha Joseph Mungai

November 8, 2016, 7:48 pm

≫ Next: Waziri Mkuu aomba Serikali ya Uingereza ihamasishe wawekezaji zaidi kutoka nchini humo kuja kuwekeza katika sekta ya Viwanda

≪ Previous: Habari Zilizopo Katika Magazeti ya Leo Jumatano ya Novemba 9

↧

Waziri Mkuu aomba Serikali ya Uingereza ihamasishe wawekezaji zaidi kutoka nchini humo kuja kuwekeza katika sekta ya Viwanda

November 8, 2016, 7:59 pm

≫ Next: Mkuu Wa Mkoa Wa Dodoma Mhe. Jordan Rugimbana Akutana Na Balozi Wa Uingereza Nchini Mhe. Sarah Cooke

≪ Previous: Rais Magufuli Atuma Salamu za Rambirambi Kufuatia Kifo c ha Joseph Mungai

Waziri Mkuu Kassim Majaliwa ameiomba Serikali ya Uingereza ihamasishe wawekezaji zaidi kutoka nchini humo ili waje kuwekeza kwenye sekta ya viwanda.

Ametoa kauli hiyo jana (Jumanne, Novemba 8, 2016) wakati akizungumza na Balozi wa Uingereza hapa nchini, Bibi Sarah Cooke alipokutana naye ofisini kwake Bungeni, mjini Dodoma.

“Mheshimiwa Balozi utusaidie kualika wawekezaji wengi zaidi kwenye maeneo ya kilimo, viwanda vya usindikaji mazao ya wakulima, wavuvi na wafugaji, sekta ya mafuta na gesi, nishati na ujenzi wa makazi hasa kwa mkoa wa Dodoma ambako hivi sasa ni Makao Makuu ya Serikali,” alisema.

Alimweleza Balozi huyo kwamba Tanzania imedhamiria kuwa nchi ya uchumi wa kati na hivyo imejipanga kuwa na viwanda vya kutosha ili iweze kusindika mazao yake hapa nchini na itoe ajira kwa wananchi wake.

Waziri Mkuu alitumia fursa hiyo pia kuishukuru Serikali ya Uingereza kwa msaada wake mkubwa wa ujenzi wa nyumba za walimu na shule mkoani Kagera zilizoathiriwa na tetemeko la ardhi lilitokea Septemba 10, mwaka huu.

Kwa upande wake, Balozi Cooke ambaye alifika kujitambulisha rasmi, amesema ameguswa na juhudi zinazofanywa na Serikali katika kukabiliana na masuala ya ufisadi na rushwa. “Kaulimbiu yenu kwamba rushwa haikubaliki (zero tolerance on corruption) inaonyesha jinsi mlivyodhamiria kupambana na baa hili,” alisema.

Alisema Uingereza inaongoza miongoni mwa nchi zenye wawekezaji wengi hapa nchini na kwamba inaendeleza mpango wake wa uwekezaji ambao unalenga maeneo makuu manne ambayo ni gesi na mafuta; kilimo; nishati jadidifu na uimarishwaji wa mazingira ya kufanya biashara.

Balozi Cooke alitumia fursa hiyo kutoa pole kwa Serikali kutokana na msiba wa Spika Mstaafu wa Bunge la Tisa na Mbunge Mstaafu wa Jimbo la Urambo, Tabora, Mheshimiwa Samwel Sitta kilichotokea usiku wa kuamkia Novemba 7, mwaka huu katika hospitali ya Technical University of Munich nchini Ujerumani alikokuwa akipatiwa matibabu.

IMETOLEWA NA:

OFISI YA WAZIRI MKUU,

↧

Mkuu Wa Mkoa Wa Dodoma Mhe. Jordan Rugimbana Akutana Na Balozi Wa Uingereza Nchini Mhe. Sarah Cooke

November 8, 2016, 8:06 pm

≫ Next: Mfumuko Wa Bei Wa Taifa Kwa Mwezi Oktoba 2016, Umebaki Kuwa Asilimia 4.5

≪ Previous: Waziri Mkuu aomba Serikali ya Uingereza ihamasishe wawekezaji zaidi kutoka nchini humo kuja kuwekeza katika sekta ya Viwanda

↧

Mfumuko Wa Bei Wa Taifa Kwa Mwezi Oktoba 2016, Umebaki Kuwa Asilimia 4.5

November 8, 2016, 9:44 pm

≫ Next: TANESCO Yatoa Taarifa Kufafanua Kuhusu Bei ya Umeme

≪ Previous: Mkuu Wa Mkoa Wa Dodoma Mhe. Jordan Rugimbana Akutana Na Balozi Wa Uingereza Nchini Mhe. Sarah Cooke

Na Dotto Mwaibale

MFUMUKO wa bei wa Taifa kwa mwezi Oktoba, 2016 umebaki kuwa ni asilimia 4.5 kama ilivyo mwezi Septemba 2016.

Hayo yamebainishwa na Meneja wa Takwimu za Ajira na Bei wa Ofisi ya Taifa ya Takwimu (NBS) Ruth Minja wakati akitoa taarifa kwa waandishi wa habari ofisini kwake Dar es Salaam jana.

"Hii inaamanisha kuwa kasi ya upandaji wa bei za bidhaa na huduma kwa mwaka ulioishia mwezi Oktoba, 2016 imekuwa sawa na kasi ya upandaji wa bei ilivyokuwa kwa mwaka ulioishia mwezi Septemba 2016" alisema Minja.

Minja alisema fahirisi za bei zimeongeza hadi 103.17 mwezi Oktoba, 2016 kutoka 98.72 mwezi Oktoba 2015 ambapo mfumuko wa bei za bidhaa za vyakula na vinywaji baridi kwa mwezi Oktoba 2016 umebaki kuwa asilimia 6.0 kama ilivyokuwa mwezi Septemba 2016.

Alisema mfumuko wa bei wa mwezi Oktoba umechangiwa na kuongezeka kwa kasi ya bei za bidhaa za vyakula na zisizi za vyakula kwa kipindi kilichoishia mwezi Oktoba 2016 zikilinganishwa na bei za mwezi Oktoba 2015.

Akizungumzia uwezo wa shilingi 100 ya Tanzania katika kununua bidhaa na huduma umefikia shilingi 96 na senti 92 mwezi Oktoba 2016 ikilinganishwa na shilingi 97 na senti 04 ilivyokuwa mwezi Septemba 2015.

Aidha akizungumzia hali ya mfumuko wa bei kwa baadhi ya nchi za Afrika Mashariki alisema nchini Kenya mfumuko wa bei wa mwezi Oktoba 2016 umeongezeka kidogo hadi asilimia 6.47 kutoka asilimia 6.34 mwezi Septemba 2016.

Alisema nchini Uganda mfumuko wa bei wa mwezi Oktoba 2016 umepungua hadi asilimia 4.1 kutoka asilimia 4.2 mwezi Septemba 2016.

↧

TANESCO Yatoa Taarifa Kufafanua Kuhusu Bei ya Umeme

November 8, 2016, 9:49 pm

≫ Next: Undani wa Kifo cha Mzee Joseph Mungai

≪ Previous: Mfumuko Wa Bei Wa Taifa Kwa Mwezi Oktoba 2016, Umebaki Kuwa Asilimia 4.5

Shirika la Umeme Tanzania (TANESCO) linapenda kutoa ufafanuzi kuhusu taarifa iliyotolewa katika vyombo mbalimbali vya habari kuhusu ombi la kurekebisha bei za umeme kwa mwaka 2017.

Ombi la mabadiliko ya bei za umeme liliwasilishwa EWURA kulingana na agizo la kubadilisha bei za umeme la mwaka 2016 lililoanza kutumika tarehe 1 April 2016. Ifahamike kuwa bei za umeme (Electricity Tariffs) zinazotumika zilitolewa zitumike mpaka tarehe 31/12/2016, hivyo itakapofika Januari 2017, inatakiwa bei mpya za umeme (NewElectricity tariff) kutolewa kwa mujibu washeria.

Hivyo TANESCO ilitakiwa kufanya tathmini ya gharama za uzalishaji , usafirishaji na usambazaji umeme na kupeleka mapendekezo hayo kwenye Mamlaka ya Udhibiti wa Huduma za Nishati na Maji, (EWURA), ili kupitiwa na kufanyiwa taftishi, (kupata maoni ya wadau), ikiwa ni pamoja na Baraza la Ushauri la Serikali . Hivyo basi ikiwa bei za umeme zitapanda au kutopanda, hiyo itategemea na mapitio ya tathmini ya gharama za kuzalisha, kusafirisha na kusambaza umeme tulizowasilisha EWURA.

TANESCO haiwezi kuamua yenyewe kupandisha au kutopandisha bei za umeme. Kwamujibu wa sheria, EWURA inapaswa ifanye mapitio ya bei za umeme kwa kila robo mwaka (Periodic Tariff Adjustment).

Tunapenda Umma ufahamu kuwa kupanda au kushuka kwa gharama za umeme ni suala la kisheria na nijambo la kawaida kwani bei ya umeme imeshawahi kushuka katika vipindi tofauti kwa mfano Mwaka 2015 (roboya kwanza yamwaka) bei ilishuka kwa asilimia 2.5. Vivyo hivyo Mwezi Aprili mwaka 2016 pia gharama za umeme zilishuka kwa asilimia 1.6

IMETOLEWA NA:

Mhandisi FELCHESMI MRAMBA

Mkurugenzi Mtendaji

Shirika La Umeme Tanzania, (TANESCO)

↧

Undani wa Kifo cha Mzee Joseph Mungai

November 8, 2016, 10:09 pm

≫ Next: Mtoto aliyepandikizwa betri moyoni afariki dunia

≪ Previous: TANESCO Yatoa Taarifa Kufafanua Kuhusu Bei ya Umeme

Mwanasiasa mkongwe na waziri wa zamani wa Serikali ya awamu ya kwanza hadi ya nne, Joseph Mungai, amefariki dunia.

Mungai aliyezaliwa Oktoba 24,1943 alifariki dunia Dar es Saalam jana baada ya kuugua kwa muda mfupi.

Akisimulia mazingira ya kifo cha baba yake, mtoto wa marehemu, William Mungai, jana alisema baba yake alifariki dunia wakati akipelekwa katika Hospitali ya Taifa Muhimbili kwa matibabu.

Alisema kabla ya kifo hicho baba yake alianza kulalamika kuumwa na tumbo na kutapika ambako alipelekwa katika hospitali moja ambayo hakutaka kuitaja.

Alisema baada ya kufikishwa hospitalini hapo, hali yake ilizidi kubadilika na kuwa mbaya zaidi na hivyo wakaamua kumkimbiza Muhimbili kwa matibabu zaidi.

“Ni kweli baba amefariki dunia saa 10 jioni leo (jana) wakati tukimpeleka Muhimbili baada ya kulalamika kuumwa na tumbo. Hivi tunavyoongea, ndiyo tunatoka Muhimbili ila taarifa zaidi tutawapatia baada ya kikao cha ndugu,” alisema William kwa kifupi.

Ingawa William hakutaka kuzungumzia kifo hicho kwa undani, taarifa zilizopatikana na ambazo hazijathibitishwa, zinasema kiongozi huyo alikunywa kinywaji katika hoteli moja maarufu ya Dar es Salaam.

Watu walio karibu na familia ya Mungai mameeleza kuwa, jana mchana Mungai alikuwa katika hoteli hiyo iliyopo Msasani akipata kinywaji kwa kuwa alikuwa na mazoea ya kufika mahali hapo.

“Mzee jana alikuwa katika hoteli hiyo akiendelea na kinywaji akipendacho cha whisky. Inasemekana baada ya kutoka hotelini hapo na kurudi nyumbani kwake, alianza kutapika huku akilalamika kusikia maumivu makali ya tumbo.

“Vijana wake walimpeleka hospitali ya karibu, lakini hali ilizidi kuwa mbaya ndipo familia iliamua kumkimbiza Muhimbili ambako aliaga dunia,” alisema mtoa taarifa huyo ambaye hakutaka kutaja jina lake.

Mungai aliwahi kuwa Mbunge wa Mufindi kupitia CCM kwa miaka 35.

Pia amewahi kushika nyadhifa mbalimbali serikalini enzi za utawala wa Hayati Baba wa Taifa, Mwalimu Julius Nyerere na pia katika awamu za pili, tatu na nne.

Baadhi ya nyadhifa alizowahi kushika kwa nyakati tofauti ni uwaziri wa iliyokuwa Wizara ya Elimu na Utamaduni, Waziri wa Kilimo na Maendeleo ya Mifugo na Waziri wa Mambo ya Ndani ya Nchi.

↧

Mtoto aliyepandikizwa betri moyoni afariki dunia

November 8, 2016, 10:19 pm

≫ Next: Wabunge Waigomea Serikali.......Wakataa Kupangiwa Mishahara, Posho na Marupurupu

≪ Previous: Undani wa Kifo cha Mzee Joseph Mungai

Mtoto Happiness Josephat (6) aliyefanyiwa upasuaji wa kupandikiza betri moyoni katika Taasisi ya Tiba ya Moyo ya Jakaya Kikwete (JKCI), amefariki dunia.

Mama mzazi wa Happiness, Elitruda Malley amesema Happiness alifariki dunia ghafla juzi mchana.

Alisema Jumapili, mtoto huyo alikuwa mzima na walikwenda kanisani kutoa sadaka ya shukrani kama ishara ya kumshukuru Mungu kwa mambo aliyowatendea na wakarudi nyumbani salama.

“Jana tumeamka vizuri lakini ghafla hali yake ilibadilika akaanza kulalamika kuwa anajisikia vibaya, tukamkimbizia Hospitali ya Selian hapa Arusha lakini tukiwa njiani alifariki dunia,” alisema.

Elitruda alisema kifo cha mwanawe kimemhuzunisha mno na daima atamkumbuka.

“Alikuwa tayari amesharudi shuleni, alikuwa akiniambia kuwa atasoma kwa bidii ili ndoto yake ya kuwa daktari bingwa itimie aweze kusaidia watu wanaosumbuliwa na magonjwa mbalimbali,” alisema.

Hata hivyo, alisema maziko ya Happiness yanatarajiwa kufanyika leo huko Mbulu mkoani Manyara.

Mkurugenzi wa JKCI, ambako Happiness alifanyiwa upasuaji, Profesa Mohamed Janabi amesema taarifa hiyo imemshtua ikizingatiwa mtoto huyo alikuwa anaendelea vizuri.

“Sikuwa na taarifa, nitawasiliana na mama yake tujue hasa shida gani ilitokea, maana zipo sababu nyingi labda alipita jirani na mitambo ya umeme au simu, hizo ni sehemu hatarishi kwa mtu aliyewekewa betri kwenye moyo,” alisema.

Happiness alifanyiwa upasuaji huo wa historia nchini Julai 15, mwaka huu katika Taasisi ya JKCI wa kuwekewa betri maalumu kwenye moyo ambayo kitaalamu inaitwa ‘pacemaker’.

Kwa mujibu wa madaktari waliokuwa wakimtibia mtoto huyo, wakati alipopekekwa hospitalini hapo, mapigo yake ya moyo yalikuwa 20.

Walisema hali hiyo kwa mtoto si ya kawaida kwa vile anapaswa kuwa na wastani wa mapigo 60 hadi 100 kwa umri wake.

Mtoto Happiness alizaliwa na tatizo hilo ambalo mara nyingi hali hiyo huwakumba watu wazima.

Moja ya ndoto za mtoto huyo ambayo alinukuliwa akiisema ni kuwa daktari bingwa wa kutibu magonjwa mbalimbali.

↧

Wabunge Waigomea Serikali.......Wakataa Kupangiwa Mishahara, Posho na Marupurupu

November 8, 2016, 11:05 pm

≫ Next: Serikali: Ukosefu wa ajira kwa vijana umepungua

≪ Previous: Mtoto aliyepandikizwa betri moyoni afariki dunia

Wabunge wamegomea hatua ya Serikali kutaka kusimamia posho na marupurupu yao, huku wakitaka suala hilo waendelee kujipangia wenyewe.

Msimamo huo uliotolewa na Kamati ya Bunge ya Katiba na Sheria, umetolewa baada ya Serikali kuwasilishwa Muswada wa Sheria ya Marekebisho ya Sheria mbalimbali namba tatu ya mwaka 2016.

Awali Serikali ilitaka suala la stahiki hizo kwa watumishi wa umma liamuliwe na Katibu Mkuu Ofisi ya Rais Utumishi na Utawala Bora.

Akisoma maoni ya Kamati ya Bunge ya Katiba na Sheria, Mohammed Mchengerwa, alisema wametoa pendekezo hilo katika Sheria ya Utumishi wa Umma sura 298 kulinda dhana ya mgawanyo wa madaraka.

“Tume ya Utumishi wa Bunge na Tume ya Utumishi wa Mahakama zipewe uhuru kusimamia upangaji wa mishahara, posho na marupurupu mengine,” alisema.

Akizungumzia mikopo kwa wanafunzi wa elimu ya juu, alisema kifungu cha 18 cha Muswada huo kuhusu muda wa mnufaika kurejesha mkopo, Mchengerwa alisema kamati inashauri mkopo uwe mwaka mmoja baada ya kumaliza masomo.

Alisema hali hiyo itasaidia kutoa fursa kwa mnufaika kuanza kulipa mkopo wake, utaratibu ambao hutumika katika nchi nyingine kama Kenya na Zambia.

“Kuhusu wanufaika waliojiajiri kamati inapendekeza kiwango cha kurejesha mkopo kisipungue Sh 100,000 badala ya Sh 120,000 kama Serikali ilivyopendekeza,” alisema Mchengerwa.

Awali, akiwasilisha hotuba ya mabadiliko ya sheria hiyo, Mwanasheria Mkuu wa Serikali (AG), George Masaju, alisema kifungu cha 8 cha Sheria hiyo kinaanisha mamlaka ya Katibu Mkuu, Ofisi ya Rais (Utumishi) kuwa ni pamoja na kufanya uchunguzi kwa ajili ya kuendeleza ufanisi wa utumishi wa umma.

Alisema Ibara 24 ya Muswada huo inapendekeza kuongeza kifungu kipya cha 9A cha Sheria kinachoweka masharti kuwa Taasisi, Wakala au Tume za Serikali hazitakuwa na mamlaka ya kuidhinisha mishahara na marupurupu kwa watumishi wa taasisi hizo na badala yake kibali kwa ajili hiyo kitatolewa na Katibu Mkuu,Ofisi ya Rais (Utumishi).

“Marekebisho hayo yanalenga kuwa na mamlaka moja inayoratibu mishahara, posho na marupurupu na watumishi katika taasisi za Serikali na pia kuwianisha mishahara posho na marupurupu mengine kwa watumishi wa taasisi hizo.

“Masharti yaliyopendekezwa hayatatumika. Ibara hiyo imefutwa na kuandikwa upya masharti yanayopendekezwa hayatatumika kwa mishahara, marupurupu na masilahi mengine kwa Bunge,Mahakama, Jeshi la Wananchi wa Tanzania (JWTZ),Polisi,Magereza,JKT, Jeshi la Zimamoto na Uokoaji na Idara ya Usalama wa Taifa ili utaratibu huo kuendelea kama ilivyo sasa katika sheria zinazosimamia taasisi hizo.

“Kifungu cha 20 (1) (c) cha Sheria ya Utumishi wa umma kinaipa Tume ya Utumishi wa Umma mamlaka ya kutunga kanuni kuhusu usaili wa watumishi wa umma unaofanywa na tume hiyo,” alisema Masaju

Awali kifungu cha 8 kilikuwa kinapendekeza kufanyiwa marekebisho kumpa mamlaka Katibu Mkuu (Utumishi) kurekebisha na kuwianisha mishahara, posho na marupurupu mengine kwa watumishi wa umma wakiwamo wabunge na idara ya mahakama.

Huku ikipendekeza kuongeza kifungu kipya cha 9A kinachozizuia taasisi za umma, wakala, bodi na tume zisirekebishe au kuwianisha mishahara, posho na marupurupu mengine kwa watumishi.

Sehemu ya tano inapendekeza marekebisho katika Sheria ya Utumishi wa Umma, Sura ya 298 kwa lengo la kutoa tafsiri ya neno “recruitment secretariat”, maneno hayo yametumika katika Sheria lakini hayakuwa yamepewa tafsiri.

Kiama kwa waajiri

Alisema Ibara ya 19 ya Muswada huo, inapendekeza kufuta kifungu cha 20 na 21,ambacho kilikuwa kinaeleza kwa kuwa si rahisi mwajiri kufahamu kama mtumishi anayeajiriwa ni mnufaika wa mkopo.

Kutokana na hali hiyo,alisema Muswada unaainisha kuwa mwajiri atatakiwa kuifahamisha Bodi ya Mikopo ndani ya siku 28,baada ya mwajiriwa huyo mwenye Shahada au Astashahada ili bodi iangalie kama mwajiriwa huyo ni mnufaika wa mikopo.

“Mwajiri ambaye atashindwa kutekeleza masharti ya kifungu hicho atakuwa anatenda kosa la jinai ambalo adhabu yake ni Sh milioni moja au kifungo cha miezi sita gerezani. Pia inapendekezwa baada ya mnufaika wa mkopo mwajiri atatakiwa kukata asilimia 15 ya mshahara wa mwajiriwa.

“Bodi au mawakala wake wawe na mamlaka ya kukagua kumbukumbuku za waajiriwa kwa lengo la kufuta taarifa zinazohusiana na wanufaika wa mkopo pamoja na kumbukumbu za waajiriwa kwa lengo la kutafuta taarifa zinazohusiana na wanufaika wa mkopo kwa hatua zao muhimu kuhusu makusanyo wa mikopo,” alisema

AG Masaju alisema kifungu cha 57 cha sheria hiyo, kinaweka masharti kuhusu zuio kwa shughuli za binadamu zinzoathiri ulinzi wa bahari, mito, mabwawa zisifanyike ndani ya mita 60 kutoka kingo za bahari, mito au mabwawa.

Alisema hatua hiyo imekusudiwa kuimarisha ulinzi na usalama wa mazingira ya maeneo husika ya bahari, maziwa na mito na mabwawa.

“Ibara ya 11 ya Muswada inapendekeza kifungu hicho kirekebishwe katika kifungu kidogo cha pili kuweka mwongozo wa namna ya kupima mita 60 ambako shughuli za binadamu zimezuiliwa kufanyika.

“Kifungu cha 184 kinaeleza athari na uthamini wa mazingira. Ibara ya 12 inapendekeza kuwa kitendo cha mtu yeyote kushindwa au kukataa kufanya tathimini ya athari za Mazingira kwa mradi unaohitaji tathmini hiyo kufanyika ni kosa la jinai ambalo adhabu yake ni faini isiyopungua Sh milioni tano na isiyozidi Sh bilioni moja au kifungo kisichopungua miaka miwili,” alisema.

↧

Serikali: Ukosefu wa ajira kwa vijana umepungua

November 8, 2016, 11:09 pm

≫ Next: Ratiba ya Mazishi ya Spika Mstaafu, Samwel John Sitta

≪ Previous: Wabunge Waigomea Serikali.......Wakataa Kupangiwa Mishahara, Posho na Marupurupu

Serikali ya Tanzania imesema kwamba kulingana na takwimu inaonesha kuwa ukosefu wa ajira kwa vijana nchini Tanzania umepungua kwa asilimia mbili, kutoka asilimia 13.7 mwaka 2012 mpaka asilimia 11.7 mwaka huu.

Akizungumza jana bungeni, mjini Dodoma wakati wa kipindi cha maswali na majibu Naibu Waziri Ofisi ya Waziri Mkuu, Sera, Bunge, Kazi, Ajira na Walemavu Mhe. Anthony Mavunde, alisema licha ya kupungua huko kwa ukosefu wa ajira, serikali imeweka mipango ya kuwawezesha vijana kuwa na wigo mpana wa ajira nchini.

Mhe. Mavunde alisema kuwa kwa takwimu hizo Tanzania ni nchi inayoongoza kwa kutoa ajira kwa vijana wengi zaidi kushinda baadhi ya nchi za Afrika Mashariki ikiwemo Kenya na Uganda.

↧

Ratiba ya Mazishi ya Spika Mstaafu, Samwel John Sitta

November 8, 2016, 11:24 pm

≫ Next: Kisukari Kilisababisha Mke Wangu Wa Ndoa Kunikimbia Na Kuhamia Kwa Jirani Yangu

≪ Previous: Serikali: Ukosefu wa ajira kwa vijana umepungua

Mwili wa aliyekuwa spika wa bunge, Samuel Sitta unatarajia kuwasili nchini siku ya Alhamis ukitokea nchini Ujerumani ambapo alipokuwa akipatiwa matibabu.

Taarifa hiyo imetolewa na Gerald Mongela ambaye ni msemaji wa familia.

Amesema mara baada ya mwili huo kuwasili nchini utapelekwa nyumbani kwa marehemu Masaki jijini Dar es Salaam na siku ya Ijumaa shughuli za kuaga zitafanyika katika viwanja vya Karimjee kisha kupelekwa bungeni mjini Dodoma.

“Mwili wa mpendwa wetu mheshimiwa Samuel Sitta utawasili na ndege ya Emirates siku ya Alhamis saa tisa na nusu alasiri na baada ya hapo mwili tutauleta hapa nyumbani kwaajili ya kukaa nao na kupumzika kusubiri ratiba ya Ijumaa,”alisema Mongela.

Mazishi ya Marehemu Samwel John Sitta yatafanyika siku ya Jumamosi Urambo mkoani Tabora.

↧

Kisukari Kilisababisha Mke Wangu Wa Ndoa Kunikimbia Na Kuhamia Kwa Jirani Yangu

November 9, 2016, 12:29 am

≫ Next: Rais Magufuli Ampongeza Donald Trump Kwa Kushinda Kiti cha Urais Wa Marekani

≪ Previous: Ratiba ya Mazishi ya Spika Mstaafu, Samwel John Sitta

Kisukari ni tatizo linalo wasumbua watu wengi duniani. Ama kwa upande wa wanaume, tatizo la kisukari huja na madhara mengi. Moja kati ya madhara yanayo letwa na tatizo la kisukari ni pamoja na tatizo la ukosefu na upungufu wa nguvu za kiume.

Kwa wanaume tatizo la kisukari na tatizo la ukosefu wa nguvu za kiume huenda sambamba. Mara nyingi, ukosefu ama upungufu wa nguvu za kiume huweza kuchukuliwa kama dalili ya kuwa na tatizo la kisukari.

Tatizo hili huweza kuja na athari nyingine za kijamii na kifamilia. Mfano wa athari hizo inaweza kuwa kukimbiwa na mke, mchumba, mpenzi nakadhalika.

Tunacho kisa kimoja cha kusikitisha kinacho muhusu mwanaume aliye kimbiwa na mke wake, na kisha mke huyo kuhamia kwa jirani yake kwa sababu ya ugonjwa wa kisukari.

Kisa hiki kinasimuliwa na Mchungaji & Mwinjilisti Daniel Kulola, alipokuwa akihubiri huko Chamwino, mkoani Dodoma.

Mchungaji Daniel Kulola anasema

“ Wakati nakuja kwenye basi, mtu mmoja akanipigia simu. Aliokoka mwaka 97 wakati nahubiri Shinyanga. Yule ni mwalimu wa sekondari, sasa hivi ni amepandishwa cheo, amekuwa Mratibu wa Elimu.

Anasema ‘ KILA NIKIFUMBA MACHO, NAONA KIFO! PRESHA YANGU IPO JUU KULIKO KAWAIDA, NA NIMEPIMWA NIMEKUTWA NINA KISUKARI.

KISUKARI KIMENIFANYA MKE WANGU ANIKIMBIE. AMEENDA KUOLEWA NA JIRANI YANGU. KWA HIYO MKE WANGU ANAPITA MBELE ZA MLANGO WA NYUMA YANGU. NA MWANAUME MWNGINE AMBAE ANA GARI. MIMI SINA GARI

Fikiria maumivu hayo. Mke wako wa ndoa!, halafu anapita mbele ya nyumba yako,kwa sababu wewe ni masikini, tena unaumwa ! Umepata kisukari, na presha ni kubwa! Yule mtu anasema am ready YANI NINAONA KIFO KIPO MBELE YANGU…..

Kusikiliza clip hii, bofya kwenye link hii : https://www.youtube.com/watch?v=P5M2WyDR-FE

UHUSIANO ULIOPO KATI YA KISUKARI NA TATIZO LA UKOSEFU NA UPUNGUFU WA NGUVU ZA KIUME.

Kuna uhusiano mkubwa sana kati ya ugonjwa wa kisukari na tatizo la ukosefu na upungufu wa nguvu za kiume . Kufahamu namna ugonjwa wa kisukari unavyo sababisha tatizo la ukosefu na upungufu wa nguvu za kiume, tembelea : http://www.neemaherbalist.com/2015/07/uhusiano-kati-ya-damu-na-tatizo-la.html

NINI TIBA YA TATIZO LA NGUVU ZA KIUME KWA MWANAUME MWENYE KISUKARI.

Kufahamu kuhusu tiba ya tatizo la ukosefu na upungufu wa nguvu za kiume, kwa mwanaume mwenye tatizo la kisukari, tembelea : http://www.neemaherbalist.com/2015/07/uhusiano-kati-ya-ugonjwa-wa-kisukari-na.html

HABARI HII IMELETWA KWENU NA NEEMA HERBALIST BLOG, KWA UDHAMINI MKUBWA WA NEEMA HERBALIST & NUTRITIONAL FOODS CLINIC, WAUZAJI WA DAWA MBALIMBALI ZA ASILI KAMA VILE :

1. Dawa asilia ya kuunganisha mifupa, pingili na kukomaza mifupa.

2.Dawa asilia ya kuondoa maumivu ya misuli, kurekebisha mishipa na misuli

3.Dawa asilia kwa wagonjwa wa kiharusi (Kupooza)

4.Dawa asilia ya kutibu majeraha

5.Dawa asilia ya kutibu vidonda ndugu

6.Dawa asilia ya kuondoa uchovu na kuwashwa

7.Dawa asilia ya kuondoa mafuta kwenye damu ( kolestrol /lehemu)

8.Dawa asilia ya kutibu tatizo la nyongo

9.Dawa asilia ya kutibu gauti

10.Dawa asilia ya uzazi wa mpango

11.Dawa asilia ya kutibu tatizo la Goita

12.Dawa asilia ya kutibu tatizo la change la watoto wachanga.

13.Dawa asilia ya kutibu vidonda vya tumbo

14.Dawa asilia ya kutibu mzio ( Allergy)

15.Dawa asilia ya kutibu tatizo la degedege kwa watoto wenye umri wa kati ya miezi 6 hadi tisa.

16.Dawa asilia ya kurutubisha mayai ya uzazi na kuzibua mirija ya uzazi kwa wanawake.

17.Dawa asilia ya kutibu tatizo la utasa kwa wanaume.

18. Dawa asilia ya kusaidia kugeuza mtoto aliye kaa vibaya tumboni ( Mfano: Katanguliza mikono, makalio n.k )

19.Dawa asilia ya kupunguza kitambi, uzito na unene uliozidi.

20.Dawa asilia ya kutibu tatizo la vinyama vya puani.

21.Dawa asilia ya kutibu tatizo la bawaziri.

22.Dawa asilia ya kutibu tatizo la uchungu wa pili baada ya kujifungua.

23.Dawa asilia ya kutibu majeraha ya moto pamoja na makovu yatokanayo na moyo.

24.Dawa asilia ya kutiu tatizo la kwikwi

25.Dawa asilia ya kutibu tatizo la kutokwa na harufu mbaya kinywani

26.Dawa asilia ya kutibu tatizo la kutoa harufu mbaya mwilini

27.Dawa asilia ya kusaidia kunenepesha mtu aliye dhoofu mwili

28.Dawa asilia ya kutibu tatizo la uvimbe wa tumboni ( FIBROID )

29.Dawa asilia ya kisukari

30.Dawa asilia kwa watu wenye tatizo la moyo, presha ya kupanda, presha ya kushuka, moyo kupanuka na matundu kwenye moyo.

31.Dawa asilia ya kutibu tatizo la U.T.I, kaswende, kisonono sugu na Taifodi.

32.Dawa asilia ya kutibu magonjwa mbalimbali ya ngozi

33.Dawa asilia ya kutibu tatizo la kubanwa mkojo na maumivu kwenye njia ya mkojo

34.Dawa asilia ya kutibu tatizo la kujikojolea

35.Dawa asilia ya kusafisha figo na kibofu cha mkojo

36.Dawa asilia ya kuondoa sumu mwilini

37.Dawa asilia ya kuondoa maumivu ya hedhi

38.Dawa asilia za kuondoa sumu ya nyoka, na nge.

39.Dawa asilia ya kutibu tatizo la pumu

40.Dawa asilia ya kuyeyusha uvimbe kwenye lango la uzazi.

41.Dawa asilia ya kutibu malaria sugu

42.Dawa asilia ya kutibu tatizo la upara

43.Dawa asilia ya kutibu tatizo la kikohozi sugu na kimeo.

44. Dawa asilia ya kutibu tatizo la ngiri

45. Mawe kwenye figo

46.Kukosa choo

47.Kukosa hamu ya kula

48.Chango la kike

49.Kutanua nyonga ( Kuzaa bila kupasuliwa )

50.Nguvu za kiume

51.Hamu ya tendo la ndoa kwa wanawake.

52.Mtoto kuchelewa kutembea

DAWA ZOTE HIZI NI ZA ASILIA KABISA NA HAZINA KEMIKALI ZA VIWANDANI.

Tunapatikana UBUNGO jijini DAR ES SALAAM, jirani na SHULE YA MSINGI UBUNGO NATIONAL HOUSING, nyuma ya jengo la UBUNGO PLAZA.

Kwa wateja waliopo Dar Es Salaam, ambao hawana nafasi ya kufika ofisini kwetu, watapelekewa dawa mahali popote walipo.

Kwa wateja waliopo mikoani, watatumiwa dawa kwa njia ya mabasi.

Kwa wateja waliopo Zanzibar, watatumiwa dawa kwa njia ya usafiri wa boti.

Kwa wateja waliopo Mombasa, watatumiwa dawa kupitia basi la TAHMEED.

Kwa wateja waliopo jijini Nairobi, watatumiwa dawa kupitia basi la DAR EXRESS.

Na kwa wateja waliopo ughaibuni, watatumiwa dawa kwa njia ya POSTA au DHL.

WASILIANA NASI KWA SIMU NAMBA:

0766 – 53 83 84.

Kwa taarifa zaidi kuhusu huduma zetu, tutembelee kila siku, kupitia :

www.neemaherbalist.blogspot.com

↧

Rais Magufuli Ampongeza Donald Trump Kwa Kushinda Kiti cha Urais Wa Marekani

November 9, 2016, 4:45 am

≫ Next: Breaking News: Donald Trump Ndo Mshindi wa Kiti cha Urais wa Marekani

≪ Previous: Kisukari Kilisababisha Mke Wangu Wa Ndoa Kunikimbia Na Kuhamia Kwa Jirani Yangu

Leo November 9, 2016 Marekani imeweka historia nyingine baada Donald Trump wa chama cha Republican kutangazwa mshindi wa kiti cha Urais, na tayari ameanza kupokea pongezi kutoka kwa viongozi wa nchi mbalimbali ikiwemo Rais wa Tanzania, John Pombe Magufuli.

Rais Magufuli ametoa pongezi zake kwa Rais Donald Trump kupitia ukurasa wake Twitter

Congratulation President-Elect Donald Trump and the People of America. Tanzanians and I assure you of continued friendship and cooperation.
— Dr John Magufuli (@MagufuliJP) November 9, 2016

↧

Breaking News: Donald Trump Ndo Mshindi wa Kiti cha Urais wa Marekani

November 9, 2016, 4:39 am

≫ Next: Msajili wa vyama vya siasa Tanzania, avifutia usajili Vyama Vitatu

≪ Previous: Rais Magufuli Ampongeza Donald Trump Kwa Kushinda Kiti cha Urais Wa Marekani

Mgombea wa Chama cha Republican, Donald Trump ameshinda uchaguzi mkuu wa Marekani baada ya kufikisha kura 276 huku Hillary Clinton akiwa na kura 218.

Hillary Clinton amempigia simu Rais Mteule wa Marekani, Donald Trump na kumpongeza kufuatia ushindia huo alioupata.

Akizungumza na wafuasi wake baada ya kutangazwa mshindi, Trump amewataka raia wote wa Marekani, waliomchagua na ambao hawakumchagua kuungana na kuanza kuijenga nchi yao kwani muda wa kampeni na siasa za kugawanyika umekwisha.

↧

Msajili wa vyama vya siasa Tanzania, avifutia usajili Vyama Vitatu

November 9, 2016, 4:39 am

≫ Next: Rais Barack Obama ampongeza Rais Mteule, Donald Trump na kumualika Ikulu kujadiliana juu makabidhiano ya ofisi.

≪ Previous: Breaking News: Donald Trump Ndo Mshindi wa Kiti cha Urais wa Marekani

Msajili wa Vyama vya Siasa nchini Tanzania Jaji Francis Mutungi ametangaza kuvifutia usajili vyama vitatu baada ya kubainika kukiuka sheria ya usajili wa vyama.

Vyama hivyo ni pamoja na CHAUSTA kilichopata usajili wa kudumu tarehe 5 Novemba 2001, The African Progressive Party of Tanzania ( APPT-Maendeleo) kilichopata usajili wa kudumu terehe 4 Machi 2003 na Chama cha Jahazi Asilia kilichopata usajili wa kudumu tarehe 17 Novemba 2004.

Jaji Mutungi amesema kuwa mchakato wa kufuta usajili wa vyama hivyo umetokana na zoezi la uhakiki wa utekelezaji wa masharti ya usajili na matakwa mengine ya sheria ya vyama vya siasa vyenye usajili wa kudumu lililofanyika kuanzia tarehe 26 Juni hadi 26 Julai 2016.

Amesema katika zoezi hilo uhakiki ulibaini kuwa vyama hivyo vimepoteza sifa za usajili wa kudumu kwa kukiuka masharti ya sheria ya vyama vya siasa, na kwamba kila chama kilipewa ya nia ya msajili kufuta usajili wake, lakini vikashindwa kutoa utetezi wa kuridhisha ili visifutiwe usajili.

Kufuatia uamuzi huo, Msajili amewataka waliokuwa wanachama wote wa vyama hivyo kutojiuhusisha na shughuli yoyote kwa majina ya vyama hivyo, na kwamba kufanya hivyo ni kuvunja sheria, huku akiviasa vyama vingine kuendesha shughuli zao kwa kuzingatia sheria.

↧

Rais Barack Obama ampongeza Rais Mteule, Donald Trump na kumualika Ikulu kujadiliana juu makabidhiano ya ofisi.

November 9, 2016, 4:56 am

≫ Next: Treni Yanusurika Kuchomwa Moto na Wananchi....Vioo 30 vya Mabehewa Vyapasuliwa, 17 Watiwa Mbaroni

≪ Previous: Msajili wa vyama vya siasa Tanzania, avifutia usajili Vyama Vitatu

Rais Barack Obama wa Marekani amempongeza Rais Mteule wa taifa hilo, Donald Trump na kumualika Ikulu kujadiliana juu makabidhiano ya ofisi.

↧

Treni Yanusurika Kuchomwa Moto na Wananchi....Vioo 30 vya Mabehewa Vyapasuliwa, 17 Watiwa Mbaroni

November 9, 2016, 5:18 am

≫ Next: TRA Yakusanya Shilingi Trilioni 1.15 Mwezi Oktoba

≪ Previous: Rais Barack Obama ampongeza Rais Mteule, Donald Trump na kumualika Ikulu kujadiliana juu makabidhiano ya ofisi.

TRENI ya abiria inayofanya safari zake kati ya Kituo Kikuu cha Reli na maeneo ya Pugu Dar es Salaam maarufu kama ‘Treni ya Mwakyembe’ nusura ichomwe moto juzi, baada ya wananchi kudai kuchoshwa na usumbufu wa shirika hilo.

Wananchi hao walitaka warudishiwe nauli zao kwa kile walichodai Shirika la Reli Tanzania (TRL) limeshindwa kuwa na ratiba inayoeleweka.

Tukio hilo lilitokea juzi saa 3:00 usiku eneo la Majumbasita, baada ya treni hiyo kukaa kituoni hapo kwa muda mrefu bila kuambiwa kuambiwa chochote.

Hali hiyo iliwafanya abiria kuvamia kituo kidogo cha mawasiliano kilichopo eneo hilo wakitaka warejeshewe nauli zao vinginevyo wangekichoma moto pamoja na mabehewa ya treni hiyo.

Mwandishi aliwashuhudia abiria wakitaka kuingia ndani ya kituo hicho huku wakiwalazimisha wafanyakazi waliokuwapo wawarudishie fedha zao za nauli.

Purukushani hiyo iliyodumu kwa takribani saa mbili ilimalizika kwa abiria hao kuvunja vioo vya mabahewa ya treni vipatavyo 30.

Wafanyakazi kuona hivyo walijifungia ndani ya kituo hicho huku polisi waliokuwa wakisindikiza treni hiyo wakitimua mbio kunusuru maisha yao.

Baadhi ya abiria walisema tangu Ijumaa iliyopita wamekuwa wakipata usumbufu kwa kukatishiwa tiketi huku treni ikichelewa na wakati mwingine kutoonekana kabisa.

Walisema jambo hilo limekuwa likiwasababishia hasara na kuwalazimu kutafuta usafiri mwingine na kuchelewa kufika kwenye majukumu yao.

Kufuatia kukithiri vitendo vya uharibifu wa miundombinu ya reli na treni vinavyofanywa na baadhi ya wananchi, Kampuni ya Reli Tanzania (TRL) kupitia kwa Mkurugenzi Mtendaji , Masanja Kadogosa imetoa onyo kwa wananchi kutofanya vitendo hivyo.

“Tukio hili si mara ya kwanza kujitokeza, lilijitokeza tarehe 24, 26 na 28 mwezi wa 10 na Novemba 7 Katika matukio hayo kulitokea uharibifu wa miundombonu na kujeruhi baadhi ya wafanyakazi wa TRL akiwemo Mustapha Omary ambaye ameshonwa nyuzi 8 katika hospitali ya mnazi mmoja,” amesema.

Amesema kutokana na uharibifu huo, watuhumiwa 17 wanashikiliwa na jeshi la polisi na kwamba upepelezi ukikamilika watachukuliwa hatua za kisheria.

Kadogosa amedai kuwa, wahusika wa fujo na uharibifu huo ni makondakta wa dalala kwa lengo la kutisha wananchi kutoutumia usafiri wa treni.

“Kuna watu wa daladala wanafikiri wataendelea kufanya fujo ili wananchi waone kuwa usafiri wa treni si salama wapande magari yao, sisi hatulazimishi wananchi kuutumia usafiri wetu ila kutokana na ubora wa huduma zetu wanakuja wenyewe. Pia hatusitishi kutoa huduma kwa sababu ya fujo zao sababu tutawatesa abiria wetu zaidi ya 21,000,”

Naibu Kamishna wa Polisi na Kamanda wa Reli, Simon Chillery amesema jeshi la polisi linaendelea kufanya uchunguzi ili kubaini wengine waliohusika.

↧

Latest Images