Wanafunzi wahaha Baada ya Serikali Kukifunga Chuo cha Mbeya Polytechnic Kwa Tuhuma za Kudahili Wanafunzi Wasio na Vigezo

June 12, 2016, 12:25 am

≫ Next: Ole Medeye Atimka Chadema Na Kuhamia UDP Leo .....Kilichomfanya Ahame ni Wabunge wa Upinzani Kutomheshimu Naibu Spika

≪ Previous: Maalim Seif ziarani Marekani......Anatarajiwa Kuieleza Jumuiya ya Kimataifa Kilichojiri Kwenye Uchaguzi Mkuu wa Zanzibar

Ellertoni Mwamasika (Mkurugenzi wa Chuo cha PolyTechnic)

Baraza la Udhibiti wa Vyuo vya Ufundi nchini Tanzania NACTE imekifungia chuo cha Biashara, Mifugo na Kilimo cha Mbeya Polytechnic kwa kushindwa kukidhi vigezo ikiwa ni pamoja na kudahili wanafunzi wasio na sifa.

Akisoma uamuzi huo kwa niaba ya NACTE, Mkuu wa Mkoa wa Mbeya Amosi Makalla amesema kuwa taarifa kutoka NACTE zinaonesha kuwa chuo hichi kina mapungufu mengi ikiwa ni pamoja na kutoa mafunzo ya mifugo ambayo hayajathibitishwa na vyombo husika vya serikali.

Pia amesema kuwa chuo hicho kimekuwa kikidahili wanafunzi wasiokuwa na vigezo, akitolea mfano wanafunzi wanaosoma kozi ya mifugo ambapo kati ya wanafunzi 359 ni wanafunzi 89 pekee ndiyo wanaotambulika kuwa na vigezo husika.

Wakizungumza kwa uchungu baadhi ya wanafunzi wamelalamikia chuo hicho kwa kuwasababishia upotevu wa muda na gharama, ambapo baadhi yao walikuwa tayari wamehitimu na walikwenda chuoni hapo kufuatilia vyeti.

“Mimi nimetoka mbali, nimekuja kufuatilia cheti changu, sasa nina miezi miwili hapa, kila siku nazungushwa nazungushwa, kumbe walijua wanakuja kufungiwa, kwahiyo cheti changu sipati, na muda nimepoteza, nimekaa hapa miaka mitatu halafu leo naambiwa miaka yangu mitatu haina maana tena, sikubali sikubali..” amesema mwanafunzi Catherene Buda

Kwa upande wake Mkurugenzi wa chuo hicho Ellertoni Mwamasika, ameomba radhi na kusema kazi ya kuendesha chuo ni ngumu “Chuo kinawaomba radhi wote, ila mjue kuwa kazi hii ya kuendesha chuo ni ngumu”

Hata hivyo serikali imesema wanafunzi wenye sifa watahamishiwa katika vyuo vingine huku ikimuagiza mmiliki wa chuo hicho kuwalipa wanafunzi gharama zao zote kabla hawajatoka chuoni hapo.

↧

Ole Medeye Atimka Chadema Na Kuhamia UDP Leo .....Kilichomfanya Ahame ni Wabunge wa Upinzani Kutomheshimu Naibu Spika

June 12, 2016, 7:21 am

≫ Next: Watanzania Watakiwa Kushirikiana Kupiga Vita Matukio Ya Mauaji

≪ Previous: Wanafunzi wahaha Baada ya Serikali Kukifunga Chuo cha Mbeya Polytechnic Kwa Tuhuma za Kudahili Wanafunzi Wasio na Vigezo

Kada wa Chadema na mbunge wa zamani wa Arumeru Magharibi, Goodluck Ole Medeye ametangaza leo rasmi kuhamia chama cha UDP.

Ole Medeye amezungumza hayo mbele ya mkutano wa waandishi wa habari uliofanyika katika ofisi za Makao Makuu ya chama hicho,Mwananyamala jijini Dar.

Medeye amezungumza kwa kujipambanua kuwa yeye anasimamia haki na demokrasia, na kwamba amekerwa sana na tabia ya vyama vya Upinzani kutomheshimu Naibu Spika,Dkt. Tulia Ackson Mwansasu,pichani kati ni Mwenyekiti wa chama cha UDP,Mh.John Cheyo akishuhudia tukio hilo.

Ole Madeye ambaye amehamia chama hicho ikiwa ni baada ya miezi tisa tangu alivyojiunga na Chadema akitokea CCM Agosti 2015, amekabidhiwa kadi ya UDP na Mwenyekiti wa chama hicho, John Cheyo akiwa na wafuasi wengine tisa wapya kutoka Chadema akiwamo mke wake, Anatonia Lekule.

Amesema alipitia katiba za vyama vyote hajaona katiba inayosimamia misingi ya kidemokrasia ya kweli na kwamba UDP ndiyo chama pekee Tanzania chenye katiba inayotetea demokrasia.

↧

Watanzania Watakiwa Kushirikiana Kupiga Vita Matukio Ya Mauaji

June 12, 2016, 4:30 am

≫ Next: Taarifa ya ACT-Wazalendo baada ya polisi kuzuia kongamano la kuchambua Bajeti

≪ Previous: Ole Medeye Atimka Chadema Na Kuhamia UDP Leo .....Kilichomfanya Ahame ni Wabunge wa Upinzani Kutomheshimu Naibu Spika

WAZIRI MKUU Kassim Majaliwa amewataka Watanzania, viongozi wa dini zote kushirikiana kwa pamoja kupiga vita matukio maovu ya mauaji yaliyotokea katika maeneo mbalimbali nchini.

Amesema anatarajia hali ya amani, usalama na utulivu inaendelea kuwepo nchini, hivyo wananchi hawana budi kushirikiana na kushikamana na Serikali katika kuhakikisha matendo maovu hayatokei katika maeneo yao.

Waziri Mkuu ameyasema hayo jana (Jumamosi, Juni 11, 2016) wakati alipowasili mkoani Geita kwa ajili ya kuhudhuria ibada ya kuwekwa wakfu Padre Flavian Kassala kuwa Askofu mpya wa Jimbo Katoliki Geita.

“Mfano tukio la Mwanza watu wanavaa kanzu na wanaingia msikitini na kukuta wenzao wanafanya ibada kisha wakawachinja, hii haiwezekani kwa binadamu wa kawaida hivyo tushirikiane katika kupiga vita matendo haya,” alisisitiza.

Hivi karibuni jumla ya watu 15 waliuawa kwa kukatwakatwa na mapanga katika mikoa ya Mwanza,Tanga, Dar es Salaam na Mara.

Kwa upande wake Mkuu wa Mkoa wa Geita, Meja Jenerali Mstaafu, Ezekiel Kyunga amesema vitendo vya watu kuuawa kwa kukatwa mapanga vimepungua baada ya kuanzisha kampeni maalumu ya kukemea mauaji hayo.

Alisema katika kampeni hiyo wameamua kuwatumia walimu, viongozi wa dini mbalimbali pamoja na wauguzi ambao wamekuwa wakiwaelimisha wananchi kuachana na imani potofu za kishirikina na badala yake wajikite katika masuala ya maendeleo.

↧

Taarifa ya ACT-Wazalendo baada ya polisi kuzuia kongamano la kuchambua Bajeti

June 12, 2016, 7:46 am

≫ Next: Majaliwa ahudhuria sherehe za kumsimika askofu Geita

≪ Previous: Watanzania Watakiwa Kushirikiana Kupiga Vita Matukio Ya Mauaji

Baada ya Jeshi la polisi kuzuia mikutano ya hadhara ya vyama vya siasa, Chama Cha ACT- Wazalendo kilipanga kufanya kongamao Jumapili ya June 12 2016 kwa lengo la kujadili Bajeti ya Serikali ya mwaka 2016/2017.

Taarifa iliyotolewa na chama cha ACT-Wazalendo kupitia kwa Mwenyekiti wa chama hicho Anne Mghwira imesema kwamba kongamano hilo lililenga kumpa fursa ya pekee kiongozi wa chama hicho Zitto Kabwe kusema yale ambayo angeyasema bungeni baada yeye na wabunge wenzake sita wa upinzani kusimamishwa kuhudhuria vikao vya bajeti bungeni.

Taarifa hiyo imeongeza kuwa katika hali isiyo ya kawaida walipewa taarifa na mwenye ukumbi (LAPF Millenium Tower) kwamba polisi walikuwa wametanda katika eneo la ukumbi tangu saa kumi na mbili asubuhi na ilipofika saa nne kamili asubuhi mwenye ukumbi aliwataarifu rasmi kuwa amepewa taarifa na kamanda wa polisi wa Mkoa wa Kinondoni kwamba chama chao hakina kibali cha kufanya kongamano hilo na hivyo asiwafungulie ukumbi huo.

Hivyo kupitia taarifa hiyo chama ACT-Wazalendo kimesema kimesikitishwa sana na hatua hiyo ya polisi na wanaitafsri kuwa ni mwendelezo wa hatua za uhakika katika kufifisha demokrasia katika nchi.

↧

Majaliwa ahudhuria sherehe za kumsimika askofu Geita

June 12, 2016, 7:33 am

≫ Next: Taarifa ya ACT- Wazalendo Kuhusu Kupotea Kwa Zitto Kabwe Tangu Jana Jioni

≪ Previous: Taarifa ya ACT-Wazalendo baada ya polisi kuzuia kongamano la kuchambua Bajeti

Waziri Mkuu, Kassim Majaliwa akisalimiana na Askofu wa Jimbo la Geita , Mhashamu Flavian Kassala katika Ibada ya kusimika Askofu huyo iliyofanyika kwenye Kanisa Katoliki la Geita Juni 12, 2016. (Picha na Ofisi ya Waziri Mkuu)

Waziri Mkuu, Kassim Maliwa akiwapungia waumini wa Kanisa katoliki jimbo la Geita baada ya kuhudhuria sherehe za kumsimika Askofu wa jimbo hilo, Flavian Kassala zilizofanyika mjini Geita Juni 12, 2016. Kushoto ni Mwenyekiti wa CCM wa mkoa wa Geita na Mbunge wa Geita Vijijini Joseph Msukuma. (Picha na Ofisi ya Waziri Mkuu)

↧

Taarifa ya ACT- Wazalendo Kuhusu Kupotea Kwa Zitto Kabwe Tangu Jana Jioni

June 12, 2016, 2:44 pm

≫ Next: Habari Zilizopo Katika Magazeti ya Leo Jumatatu ya June 13

≪ Previous: Majaliwa ahudhuria sherehe za kumsimika askofu Geita

TAARIFA KWA UMMA

Tunaujulisha UMMA kwamba Kiongozi wa Chama chetu cha ACT Wazalendo ndg. Zitto Kabwe amekuwa anatafutwa na Polisi tangu jana usiku.

Mpaka sasa hatujui Kiongozi wetu yupo wapi na yupo kwenye Hali gani. Askari kanzu wanalinda nyumbani kwake na kwa watu wake wa karibu.

Sisi kama chama tunaliambia jeshi la Polisi kuwa lolote litakalotokea kwa Kiongozi wetu wao watajibu kwa umma.

Msafiri Mtemelwa,
Kaimu Katibu Mkuu wa ACT Wazalendo

↧

Habari Zilizopo Katika Magazeti ya Leo Jumatatu ya June 13

June 12, 2016, 8:04 pm

≫ Next: Waziri Mkuu Awataka Viongozi Wa Dini Kushirikiana Na Serikali Kupambana Na Rushwa, Ufisadi

≪ Previous: Taarifa ya ACT- Wazalendo Kuhusu Kupotea Kwa Zitto Kabwe Tangu Jana Jioni

↧

Waziri Mkuu Awataka Viongozi Wa Dini Kushirikiana Na Serikali Kupambana Na Rushwa, Ufisadi

June 12, 2016, 8:17 pm

≫ Next: Utendaji wa Mkuu wa Wilaya Wakwaza Madiwani Morogoro

≪ Previous: Habari Zilizopo Katika Magazeti ya Leo Jumatatu ya June 13

WAZIRI MKUU Kassim Majaliwa amewataka viongozi wa dini kushirikiana na Serikali katika kukabiliana na changamoto mbalimbali zinazoikabili zikiwemo za rushwa, ufisadi na matumizi mabaya ya fedha za umma.

Amesema siku zote kumekuwa na ushirikiano mzuri kati ya Serikali na Asasi mbalimbali ikiwa ni pamoja na madhehebu ya Dini katika kuwapatia huduma za kijamii kama vile, afya, elimu, maji, utunzaji wa mazingira na nyingi nyingine.

Waziri Mkuu Majaliwa aliyasema hayo jana mchana (Jumapili, Juni 12, 2016) wakati alipomuwakilisha Mheshimiwa Rais Dk. John Magufuli katika Ibada ya kuwekwa wakfu na kusimikwa kuwa Mhashamu Askofu Flavian Kassala kuwa Askofu mpya wa Jimbo Katoliki Geita.

“Serikali inatambua jitihada kubwa zilizowekwa na Kanisa Katoliki katika Jimbo hili la Geita na Tanzania kwa ujumla hivyo wito wangu kwa Baba Askofu na Waumini wa Kanisa kwa ujumla wenu ni kuwaomba muendelee na kazi hii nzuri ya kutoa huduma muhimu kwa jamii,” alisema.

Alisema maendeleo ya nchi yanawategemea wote hivyo ushirikiano kati ya Kanisa na Serikali utawezesha maendeleo ya Taifa kupatikana kwa kasi zaidi na kunufaisha wananchi wote.

Waziri Mkuu alisema jukumu la Serikali ni kuweka mazingira wezeshi ambayo yatasaidia Mtanzania kujikomboa na umaskini na kwamba kazi kubwa ya viongozi wa dini kuunganisha jamii na wala siyo kuwatenganisha.

Hata hivyo Waziri Mkuu alisema kinachotakiwa kufanywa na wote ni kumwuomba Mwenyezi Mungu awawezesha kuwaelewa viongozi walioko madarakani na kutii maelekezo yanayotolewa kwani hata vitabu vya dini vinaelekeza kutii mamlaka.

Alisema iwapo waumini watatii na kuzingatia mafundisho ya kiroho yanayotolewa na viongozi wao wa dini ni dhahiri kwamba yatajenga imani miongoni mwao na upendo utatawala katika jamii nzima.

Waziri Mkuu alisema Serikali itaendelea kushirikiana na Madhehebu yote katika kuwahudumia Watanzania wote bila ubaguzi, hivyo aliwasihi waendelee kuwekeza katika huduma za jamii ikiwemo Shule, Vyuo, Zahanati kwa kuwa wana jukumu la kushirikiana kwa pamoja kujenga taifa.

Wakati huo huo Waziri Mkuu aliwaomba wote kwa pamoja waunge mkono juhudi za Mheshimiwa Rais Dkt. Magufuli katika kupambana na uzembe, ubadhirifu na wote wanao kiuka maadili ya utendaji wa kazi.

Kwa upande wake Askofu Renatus Nkwande wa Jimbo la Bunda ambaye alikuwa msimamizi wa Kitume Jimbo Katoliki Geita amewaomba waumini kumpa ushirikiano Askofu mpya wa jimbo hilo.

IMETOLEWA NA OFISI YA WAZIRI MKUU
JUMAPILI, JUNI 12, 2016.

↧

Utendaji wa Mkuu wa Wilaya Wakwaza Madiwani Morogoro

June 12, 2016, 9:15 pm

≫ Next: Pemba Walalamikia Kupigwa Mabomu ya Machozi Zaidi ya 100.........Ni katika vijiji Ambavyo watu Wasiofahamika waliharibu na kufyeka mazao

≪ Previous: Waziri Mkuu Awataka Viongozi Wa Dini Kushirikiana Na Serikali Kupambana Na Rushwa, Ufisadi

Madiwani wa Halmashauri ya Wilaya ya Kilosa mkoani Morogoro wamesa hawajaridhishwa na utendaji kazi wa Mkuu wa Wilaya hiyo, John Henjewele kushughulikia migogoro ya ardhi inayoendelea wilayani humo.

Waliyasema hayo katika mkutano na Waziri wa Ardhi,Nyumba na Maendeleo ya Makazi, William Lukuvi mwishoni mwa wiki iliyopita juu ya utatuzi wa migogoro ya ardhi wilayani humo.

Diwani wa Mbigiri, Juma Rajab alisema amejaribu kufika ofisini kwa mkuu huyo wa wilaya kuhoji uhalali wa mashamba kuendelea kushikiliwa na wawekezaji hewa ambao hawayaendelezi, lakini hapati ushirikiano.

Diwani wa Kata ya Makole, Anfas Kaunda alimueleza Lukuvi kuwa kuna shamba namba 35 lililopo Kijiji cha Mambeya ambalo lilifutiwa hati na kurejeshwa serikalini tangu 1984, lakini hadi leo halijakabidhiwa kwa kijiji.

Akizungumza baada ya mkutano, Henjewele alisema diwani huyo ana mgogoro na wananchi wake ambao amewakodisha mashamba ya Serikali kwa gharama kubwa.

↧

Pemba Walalamikia Kupigwa Mabomu ya Machozi Zaidi ya 100.........Ni katika vijiji Ambavyo watu Wasiofahamika waliharibu na kufyeka mazao

June 12, 2016, 9:32 pm

≫ Next: Jinsi Punyeto Inavyo Sababisha Ukosefu Na Upungufu Wa Nguvu za Kiume

≪ Previous: Utendaji wa Mkuu wa Wilaya Wakwaza Madiwani Morogoro

Wakazi wa Pemba wamelalamikia Jeshi la Polisi kuvamia maeneo yao na kupiga mabomu ya machozi na kufanya doria usiku wa kuamikia juzi katika mitaa na vijiji mbalimbali kisiwani humo na kuzua hofu miongoni mwao.

Maeneo yaliyokabiliwa na hali hiyo ni pamoja na Mahuduthi, Kengeja, Mgagadu na Kiwani, Wilaya ya Mkoani, Mkoa wa Kusini Pemba ambako polisi wanadaiwa kupiga mabomu ya machozi zaidi ya 100 na kutumia risasi za mpira kuwatawanya watu.

“Ilikuwa saa 1.30 usiku (wa kuamkia Jumamosi), gari za polisi zilifika kiamboni (kijijini) kwetu zikipiga misere kwa kasi, sote tukawa na hofu, watu walikimbia na kwenda kujificha, wengine waliumia na baadaye wakapiga mabomu mfululizo, sijui waliondoka saa ngapi maana tulijifungia ndani,” alisimulia Zuberi Said (34), mkazi wa Kiwani.

Baadhi ya wakazi wa vijiji hivyo walidai huenda hatua hiyo ya polisi ilitokana na matukio ya kuhujumu mali za viongozi wa Shehia yanayoendelea.

Inadaiwa kuwa watu wasiojulikana usiku wa kuamkia Ijumaa waliteketeza miti na mashamba yanayomilikiwa na Sabiha Mohamed Ali na Abdalla Makame Hamad, ambao ni mashekha wa Shehia za Kendwa na Kiwani wilayani humo.

Ilidaiwa watu hao pia waliteketeza migomba na mikarafuu mali ya viongozi hao na kusababisha hasara ya mamilioni ya fedha.

Mkuu wa Wilaya ya Mkoani, Hemed Suleiman Abdallah aliyefika kujionea uharibifu huo alisema: “Sijui sababu ni nini, ila huenda ni kutokana na siasa chafu zinazoendelea hapa.”

Alilitaka Jeshi la Polisi na askari alioongozana nao katika ziara hiyo kufanya uchunguzi haraka ili kuwabaini na kuwakamata watu waliohusika na vitendo hivyo. “Wala msisubiri baada ya miezi 20 ndipo mkaanza kuchukua hatua,” alisema.

Kamanda wa Polisi Wilaya ya Mkoani Pemba, Mohamed Salim aliyeambatana na Mkuu wa Wilaya Abdalla, alikiri kuwapo kwa hujuma na kuwatuma askari katika vijiji hivyo kufanya doria.

↧

Jinsi Punyeto Inavyo Sababisha Ukosefu Na Upungufu Wa Nguvu za Kiume

June 12, 2016, 11:01 pm

≫ Next: CCK Yamkingia Kifua Naibu Spika Dk Tulia Ackson

≪ Previous: Pemba Walalamikia Kupigwa Mabomu ya Machozi Zaidi ya 100.........Ni katika vijiji Ambavyo watu Wasiofahamika waliharibu na kufyeka mazao

Ukosefu na/ama upungufu wa nguvu za kiume, ni tatizo linalo wakabili mamilioni ya wanaume duniani. Zipo sababu nyingi zinazo sababisha tatizo la ukosefu wa nguvu za kiume.

Miongoni mwa sababu hizo ni pamoja na maradhi kisukari, presha,shinikizo la damu, moyo, figo, matatizo kwenye mishipa ya ubongo & mishipa ya uti wa mgongo, matatizo kwenye mishipa itumikayo kusafrisha damu mwilini, maradhi ya ngiri, pamoja na upigaji punyeto kwa muda mrefu.

Katika makala yetu ya leo, tutaangalia namna suala la upigaji punyeto linavyo athiri nguvu za kiume.

Kabla hatujaangalia namna suala la upigaji punyeto linavyo maliza nguvu za kiume, ni vyema tukafahamu kwanza kuhusu SAYANSI YA MFUMO WA NGUVU ZA KIUME.

Kufahamu kuhusu SAYANSI YA MFUMO WA NGUVU ZA KIUME tafadhali tembelea :

http://neemaherbalist.blogspot.com/2015/07/uhusiano-kati-ya-damu-na-tatizo-la.html

Ukisoma vizuri kuhusu mfumo wa nguvu za kiume, utagundua kuwa Suala la nguvu za kiume ni suala la kimfumo. Ili mwanaume awe na nguvu za kiume, aendelee kuwa na nguvu za kiume na azilinde nguvu zake za kiume, ni lazima ogani zote zinazo husika na mfumo wa nguvu za kiume ziwe na afya njema na ziwe na ushirikiano thabiti na wenye afya.

Vile vile , utagundua kuwa , mambo makuu muhimu katika mfumo wa nguvu za kiume ni kama ifuatavyo:

i.Mishipa imara ya ubongo na yenye afya njema

ii. Mishipa imara ya uti wa mgongo ( spinal cords )

iii.Mishipa imara itumikayo kusafirisha damu mwilini ( Blood Vessels )

iv. Mfumo imara wa usafirishaji damu mwilini

v. Mishipa ya uume iliyo imara na yenye afya njema

vi. Uhusiano imara na wenye afya kati ya mishipa ya fahamu iliyopo katika ubongo, mishipa ya kwenye uti wa mgongo pamoja na misuli & mishipa ya kwenye uume.

Hivyo basi, ili mwanaume aweze kuwa na nguvu imara za kiume, na aendelee kuwa na nguvu hizo ni lazima mambo yote muhimu katika mfumo wa nguvu za kiume yawe imara pasi na hitilafu yoyote.

Hitilafu yoyote katika mambo hayo, itasababisha ukosefu na/ama upungufu wa nguvu za kiume kwa mwanaume huyo. Pale inapotokea hitilafu ama mapungufu katika ogani zaidi ya moja kati ya zilizo tajwa hapo juu, basi tatizo kwa muhusika huwa kubwa mara dufu.

JINSI PUNYETO INAVYO SABABISHA TATIZO LA UKOSEFU & UPUNGUFU WA NGUVU ZA KIUME.

Mwanaume anapopatwa na wazo la kufanya tendo la ndoa, ubongo hutoa ishara kwenye mishipa ya uti wa mgongo ambayo nayo husafirisha taarifa hadi kwenye mishipa & misuli ya uume.

Mishipa ya uume inapopokea taarifa hiyo, hutanuka. Na mishipa ya uume inapotanuka, hufanya mambo mawili muhimu sana :

i.Husababisha mishipa ya ateri kupanuka na hivyo kuruhusu damu kuingia kwa kasi sana ndani ya mishipa ya uume na hivyo kuufanya uume usimame na kuwa imara bara bara.

ii. Huibinya na kuiziba mishipa ya vena na hivyo kuzuia kunyonya ama kufyonza damu iliyo ingia ndani ya mishipa ya uume. ( KAZI KUBWA YA MISHIPA YA VENA ILIYO KARIBU NA MISHIPA YA UUME NI KUHAKIKISHA HAKUNA DAMU NDANI YA MISHIPA YA UUME. HIVYO BASI DAMU INAPOINGIA NDANI YA MISHIPA YA UUME, MISHIPA YA VENA HU “SENSE” JAMBO HILO KWA HARAKA NA HIVYO KUIFYONZA DAMU HIYO KUTOKA KWENYE MISHIPA YA UUME YA KUITOA NJE YA MISHIPA YA UUME. NA DAMU INAPOKOSEKANA NDANI YA MISHIPA YA UUME, HUUFANYA UUME KUSINYAA NA KULEGEA )

Mtu anayepiga punyeto husababisha mambo yafuatayo katika mwili wake :

1. Huuwa nguvu ya mishipa & misuli ya uume ambayo ndio inayo husika na kusimama kwa uume

2. Mishipa ya uume inapo sinyaa na kukosa nguvu yake ya asili, husababisha mambo yafuatayo :

i.Huondoa uwezo wa mishipa & misuli ya uume kutanuka, na hii ndio sababu inayo wafanya waathirika wa punyeto kutumia nguvu nyingi sana katika kuufanya uume usimame.

ii.Huondoa uwezo wa mishipa & misuli ya uume kuibana na kuiziba mishipa ya vena, na hii ndio sababu inayo fanya waathirika wa punyeto kufika kileleni haraka sana, kwani damu inayo ingia kwenye misuli ya uume hufyonzwa ndani ya muda mfupi sana.

Hii hutokea kwa sababu mishipa na misuli ya uume inakuwa imelegea,na mishipa ya vena inakuwa imepwaya, hivyo msuguano wowote ule hufanya mishipa ya vena kufunguka na kufyonza damu kutoka kwenye mishipa ya uume na hivyo kuufanya uume kusinyaa ndani ya dakika ama sekunde chache sana.

3. Vile vile punyeto hufanya uume kusinyaa na kurudi ndani na kuufanya uonekane kama uume wa motto mdogo.

Kwa ufupi punyeto husababisha ukosefu wa nguvu za kiume kwa sababu kuu zifuatazo :

i.Kwanza hudhoofisha na kuharibu mishipa ya uume, ambayo ndio hufanya uume kusimama.

ii.Pili hudhoofisha utendaji kazi wa mishipa ya ateri, ambayo ndio hutumika kama njia ya kusafirisha damu kupeleka kwenye misuli ya uume na ivyo kuufanya uume usimame

iii. Tatu, punyeto hupelekea kuvuja kwa mishipa ya vena na hivyo kusababisha damu kufyonzwa kwa haraka sana kila iingiapo ndani ya misuli ya uume na matokeo yake ni uume kusimama kwa muda mfupi sana wakati wa tendo la ndoa.

iv. Punyeto huathiri mtiririko wa damu kwenda kwenye mishipa ya uume, kwa sababu hudhoofisha misuli & mishipa ya uume pamoja na mishipa ya ateri ambayo ndio hutumika katika kusafirisha damu kwenda kwenye uume

DALILI ZA MTU ALIYE ATHIRIWA NA PUNYETO

Dalili kuu za mtu aliye athiriwa na punyeto ni kama ifuatavyo:

i. Uume kusinyaa na kuwa kama wa mtoto

ii. Uume kurudi ndani

iii. Uume kusimama ukiwa legelege

iv. Kufika kileleni haraka wakati wa tendo la ndoa.

TIBA YA NGUVU ZA KIUME KWA MTU ALIYE ATHIRIKA NA PUNYETO.

Dawa asilia ya nguvu za kiume iitwayo JIKO ni tiba bora na ya uhakika kabisa kwa mtu aliye athiriwa na punyeto. Dawa hii, pamoja na mambo mengine mengi, husaidia kufanya mambio yafuatayo katika mwili wa mwanaume aliye athiriwa na punyeto :

i.Kuimarisha mishipa & misuli ya uume ulio legea na hivyo kuurejeshea uwezo wake wa asili

ii. Hutibu tatizo la uume kurudi ndani

iii.Humaliza tatizo la kusimama kwa uume ukiwa legelege

iv.Hutibu na kuponya kabisa tatizo la kufika kieleleni haraka.

BEI YA DAWA : Dawa hii inapatikana kwa gharama ya SHILINGI ELFU THEMANINI TU (Tsh. 80,000/=)

MAHALI INAPOPATIKANA : Dawa hii inapatikana katika duka la dawa asilia liitwalo NEEMA HERBALIST & NUTRITIONAL FOODS CLINIC lililopo jijini DAR ES SALAAM katika eneo la UBUNGO nyuma ya jengo la UBUNGO PLAZA karibu na SHULE YA MSINGI UBUNGO NATIONAL HOUSING.

Kwa wateja wasio weza kufika ofisini kwetu. Watafikishiwa dawa mahali popote walipo jijini DAR ES SALAAM.

Kwa wateja waliopo mikoani watatumiwa dawa kwa njia ya MABASI

Kwa wateja waliopo Zanzibar wata fikishiwa dawa kwa njia ya usafiri wa boti.

Na kwa wateja waliopo UGHAIBUNI watatumiwa dawa kwa njia ya POSTA ama DHL.

MAWASILIANO : WASILIANA NASI KWA SIMU NAMBA 0766 53 83 84.

Kwa taarifa zaidi kuhusu huduma zetu, tutembelee kila siku kwenye blogu yetu :

www.neemaherbalist.blogspot.com

↧

CCK Yamkingia Kifua Naibu Spika Dk Tulia Ackson

June 12, 2016, 11:07 pm

≫ Next: Lipumba kueleza hatima yake ndani ya CUF leo

≪ Previous: Jinsi Punyeto Inavyo Sababisha Ukosefu Na Upungufu Wa Nguvu za Kiume

CHAMA Cha Kijamii (CCK) kimelaani mpango unaofanywa na wabunge wa Kambi Rasmi ya Upinzani Bungeni, wa kutaka kumng’oa Naibu Spika wa Bunge, Dk Tulia Ackson na kimewataka kufuata kanuni za uendeshaji wa Bunge.

Hayo yamo kwenye taarifa ya Mwenyekiti wa Taifa wa CCK, Constantine Akitanda aliyoitoa kwa vyombo vya habari jana, iliyotokana na tathmini ya Bunge tangu kurejeshwa Mfumo wa vyama vingi vya siasa, chanzo na kupevuka kwa ususaji wa shughuli za Bunge.

Kuhusu mpango wa kutaka kumng’oa Dk Tulia, Mwenyekiti huyo wa CCK alisema; “Hivi sasa kuna propaganda inayoenezwa ya kutaka kumng’oa Naibu Spika, Dk Tulia Ackson kwa madai ametumwa na Rais kuminya uhuru na demokrasia ndani ya Bunge.

“Hii si mara ya kwanza kwa kambi ya rasmi ya upinzani kulalamikia kiti cha Spika. Pia si mara ya kwanza kwa kambi hiyo kususa na kutoka nje ya bunge, pia si mara ya kwanza wabunge wa upinzani kukorofishana na kiti cha spika na kususa,” alisema.

Akitanda alisema tatizo la kambi hiyo ni pale spika anaposimamia kanuni huku wao wakikataa kwa makusudi, kufuata taratibu na kanuni za uendeshaji wa shughuli za Bunge, jambo alilosema haliwezi kufumbiwa macho.

“Kanuni zipo wazi kama hujaridhika na maamuzi ya kiti cha Spika unaruhusiwa kukata rufaa na hoja ikajadiliwa, sasa wabunge wetu wa Kambi Rasmi ya Upinzani sijui ni kwa nini hawataki kufuata utaratibu huu, ambao ni wa kikanuni.Wao wanataka kumng’oa Naibu Spika tu basi, kanuni je?”

Alisema dalili za kukataliwa kwa Naibu Spika na wabunge hao zilionekana tangu mwanzo kwani walimkataa hata kabla ya kuanza kazi kwa madai kuwa ametumwa na Ikulu, na hata siku ya kujieleza akiomba kura alikuwa anazomewa na wabunge wa kambi hiyo.

“Kimsingi tangu mwanzo wabunge wetu wa upinzani hawakumtaka Dk Tulia kutokana na umahiri wake wa kuzijua na kuzisimamia kanuni kwa ustadi mkubwa.”

Akitanda alisema tangu Bunge la vyama vingi lianze mwaka 1995, wabunge wa upinzani kutokana na uchache wao wamekuwa wanalalamikia kiti cha Spika na kutofautiana na Spika au kudai wanaburuzwa na wenzao wa Chama Cha Mapinduzi (CCM).

Alisema katika kipindi cha mwaka 2010 hadi sasa ambapo Chadema kwa mara ya pili imetoa kiongozi wa upinzani bungeni, nchi imeshuhudia wabunge wa upinzani wakitumia muda mwingi kulalamikia kiti cha Spika.

“Kwa kipindi cha 2010 hadi 2015, Spika wa Bunge alikuwa Anne Makinda na Naibu Spika Job Ndugai. Wapinzani walimlalamikia sana spika wakimtuhumu kuwa anailinda serikali na kuwa kiti cha Spika kimemshinda."

Alisema picha ambayo Watanzania wanaipata kutoka kwa Kambi Rasmi ya Upinzani yenye nia ya kumng’oa Dk Tulia kwa kupiga kura ya kutokuwa na imani naye, ni mwendelezo wa wazi wa udhalilishaji wa wanawake kuwa hawana uwezo wa kuongoza.

↧

Lipumba kueleza hatima yake ndani ya CUF leo

June 12, 2016, 11:14 pm

≫ Next: Godbless Lema Amnyooshea Kidole Mwigulu Nchemba

≪ Previous: CCK Yamkingia Kifua Naibu Spika Dk Tulia Ackson

ALIYEKUWA Mwenyekiti wa CUF, Profesa Ibrahim Lipumba, leo anatarajiwa kuzungumza na waandishi wa habari kueleza hatima yake ndani ya chama hicho.

Habari zinasema amechukua hatua hiyo baada ya kuibuika wimbi la wana CUF kumtaka arudi katika nafasi yake ya uenyekiti huku chama hicho kikitangaza kufanyika kwa mkutano mkuu Agosti 21, mwaka huu.

Wakati hayo yakiendelea taarifa za ndani zinaeleza kuwa mwishoni mwa wiki iliyopita Profesa Lipumba, aliondoa barua yake ya kujiuzulu uenyekiti na alikutana na Katibu Mkuu wa CUF na kujadili kwa kina suala hilo.

Chanzo chatu cha uhakika ndani ya CUF kilisema baada ya mazungumzo ya kina, Maalim Seif alimthibitishia Profesa Lipumba, kupokewa kwa barua yake huku akimuomba asubiri ushauri wa wanasheria kuhusu hatima yake ya kurejea ofisini.

“Kesho (leo) Profesa atazungumza na wana habari asubuhi na kikubwa ataeleza kwa kina hatima yake ndani ya CUF.

“Kikubwa tunategemea atafungua ukurasa mpya na kutangaza kukijenga chama chetu,” alisema mtoa habari wetu ambaye yupo karibu na Profesa Lipumba.

Profesa Lipumba alijiuzulu nafasi hiyo Agosti 5, mwaka jana kwa kile alichodai kutoridhishwa na hali ya mambo ikiwamo umoja ndani ya Ukawa na kupokewa kwa aliyekuwa mgombea urais aliyekuwa anaungwa mkono na vyama Chadema, CUF, NCCR-Mageuzi na NLD, Edward Lowassa.

Katika siku za hivi karibuni kumekuwa na vuguvugu la wana CUF kuendesha makongamano nchi nzima kutaka Profesa Lipumba arudi kwenye madaraka kwa madai kwamba chama hicho kimekosa mtu imara upande wa Bara.

Licha ya hali hiyo wanachama hao walikuwa wakitaka uitishwe Mkutano Mkuu Maalumu ambao unatakiwa kujadili hoja ya kujiuzulu kwa Profesa Lipumba, kwa mujibu wa Katiba ya CUF.

↧

Godbless Lema Amnyooshea Kidole Mwigulu Nchemba

June 12, 2016, 11:19 pm

≫ Next: Freeman Mbowe na Viongozi Wengine wa Chadema Wakamatwa.....Alipo Zitto Kabwe Bado ni Utata

≪ Previous: Lipumba kueleza hatima yake ndani ya CUF leo

WAKATI Rais Dk. John Magufuli akitarajiwa kumwapisha Waziri wa Mambo ya Ndani ya Nchi, Mwigulu Nchemba, Ikulu, Dar es Salaam leo, Mbunge wa Arusha Mjini, Godbless Lema (Chadema) amemnyooshea kidole waziri huyo.

Kupitia taarifa yake kwa vyombo vya habari jana, Lema ambaye ni Waziri Kivuli wa Mambo ya Ndani, alisema wizara hiyo ni nyeti na muhimu kwa usalama wa taifa hivyo Mwigulu anapaswa kuwa makini, mwangalifu na mwenye utulivu.

“Ni heshima kubwa uliyopewa na Rais, unapaswa kuwa makini, mwangalifu na mwenye utulivu. Natarajia jambo la kwanza utakalofanya ni kutambua kuwa na wingi wa silaha za kisasa kwa askari wetu si suluhisho la ulinzi na amani katika taifa letu, bali haki na matumaini ya wananchi ndiyo msingi madhubuti wa amani na utulivu wa nchi.

“Polisi wetu na askari magereza wanaishi maisha magumu, mishahara haitoshi wanahitaji uelewa wako juu ya maisha yao na kazi zao.

“Umeteuliwa wakati Serikali kupitia jeshi la polisi inatumia nguvu zote kukandamiza na kuangamiza demokrasia.

“Vyama vya siasa vimezuiwa kufanya mikutano ya hadhara nchi nzima kwa sababu ambazo hazina msingi wowote kinyume cha sheria na Katiba ya nchi, huku pia uhuru wa maoni, habari na taarifa ukiwa shakani,” alisema.

Alisema taifa linatarajia Waziri Mwigulu atakuwa mshauri mzuri wa Rais Magufuli kuhusu masuala hayo pamoja na wajibu wa polisi katika demokrasia kwa sababu kuitia shaka demokrasia ni kuharibu ustawi wa jamii nchini.

Alimshauri Mwigulu kutafuta waraka wa hotuba ya kambi ya upinzani kwa wizara hiyo iliyozuiliwa kusomwa bungeni kwa sababu ina mambo mengi ambayo yanaweza kumsaidia.

“Kuna mambo mengi tulilieleza katika hotuba yetu… ni vema ukaitafuta hotuba hiyo na ukatazama kwa makini mambo ambayo yalizuiwa kusomwa na uone namna utakavyowajibika juu ya mambo hayo.

“Hapo ndipo unapaswa kuanzia. Na wananchi wanasubiri kukupima katika hilo.

“Hata hivyo, ninakutakia kila la heri katika wajibu wako huu mpya, ninafahamu changamoto za wizara hii hasa wakati huu ambao mauaji ya binadamu na ugaidi ni tishio duniani na Afrika Mashariki,” alisema.

Pamoja na kumwapisha Waziri Mwigulu leo, Rais Magufuli pia anatarajiwa kumwapisha Waziri wa Kilimo, Mifugo na Uvuvi, Charles Tizeba.

Kabla ya kuteuliwa kuwa Waziri wa Mambo ya Ndani ya Nchi, Mwigulu ndiye alikuwa Wazira wa Kilimo, Mifugo na Uvuvi.

↧

Freeman Mbowe na Viongozi Wengine wa Chadema Wakamatwa.....Alipo Zitto Kabwe Bado ni Utata

June 12, 2016, 11:19 pm

≫ Next: Audio: Gwajima afyatuka tena, amshauri Magufuli aihame CCM....Adai amenasa njama Mbaya

≪ Previous: Godbless Lema Amnyooshea Kidole Mwigulu Nchemba

Wakati Polisi ikimshikilia kwa saa mbili Mwenyekiti wa Chadema, Freeman Mbowe mkoani Mwanza, jeshi hilo limefuta kongamano la kujadili Bajeti ya Serikali lililoandaliwa na ACT Wazalendo jijini Dar es Salaam huku kiongozi wake, Zitto Kabwe akisakwa.

Jeshi hilo lilizuia mkutano wa hadhara wa Chadema uliokuwa ufanyike wiki iliyopita mjini Kahama ambako lilitumia mabomu ya machozi kuwatawanya wanachama na wafuasi wa chama hicho, katika kile kilichoelezwa kulikuwa na dalili za uvunjifu wa amani.

Jeshi hilo pia lilizuia msafara wa viongozi wa chama hicho kuingia katika ofisi zake za Shinyanga walipokuwa wakielekea Mwanza.

Taarifa iliyotolewa jana na msemaji wa chama hicho, Tumaini Makene ilieleza kuwa mbali na Mbowe, jeshi hilo pia lilikuwa linawashikilia Mwenyekiti wa Baraza la Vijana wa Chadema (Bavicha), Patrobas Katambi na Katibu Mkuu wa Bavicha, Julius Mwita.

Wengine ni Mbunge wa Tunduma, Frank Mwakajoka na viongozi wengine na wanachama wa chama hicho waliokuwa wanashikiliwa katika kituo cha Polisi Nyakato, jijini Mwanza.

Makene alisema tangu asubuhi ya jana, Mbowe na viongozi wenzake walikuwa wakizunguka katika maeneo kadhaa ya jijini Mwanza kuwasalimia wananchi katika ‘vijiwe’ mbalimbali kabla hawajakamatwa.

Alisema, “Hadi sasa (saa 11 jioni) hakuna maelezo ya kushikiliwa kwao.”

Kamanda wa Polisi Mkoa wa Mwanza, Ahmed Msangi alithibitisha kukamatwa kwa viongozi hao na kubainisha kuwa waliachiwa bila kufunguliwa kesi yoyote.

“Walikutwa Igoma Sokoni wakizungumza na wananchi. Mikutano ya namna hii imezuiwa. Wamefungua kesi mahakamani, hivyo hakuna haja ya kufanya tofauti mpaka itakapohukumiwa,” alisema Msangi.

Alifafanua kuwa jeshi hilo halina uhasama wowote na Chadema au chama kingine chochote na "hatuwezi kukiingilia kinapofanya mikutano yake ya ndani au hotelini. Kilichozuiwa ni mikutano ya hadhara.”

Wakati Msangi akisema hayo, kongamano la ACT Wazalendo ambalo lilitakiwa lifanyike jana kuanzia saa 7:00 mchana kwenye Ukumbi wa Jengo la LAPF; Millennium Towers, Kijitonyama lilizuiwa na polisi.

Tangu mapema asubuhi, askari polisi walitanda katika eneo la ukumbi huo kuzuia kongomano hilo.

Ukumbini hapo, waandaaji walisema hakuna anayeruhusiwa kuingia kwani wamepewa maelezo ya kuufunga baada ya tukio lililoandaliwa kuahirishwa.

Zaidi ya viti 210 vilikuwa vimepangwa kwa ajili ya kongamano hilo na mmoja wa viongozi wa ukumbi huo alionekana akiondoa mabango yaliyokuwa yanautambulisha mkutano huo wa ACT.

Viongozi watatu wa ukumbi huo walikataa kueleza kinagaubaga juu ya sakata hilo, lakini taarifa za jumla zilisema mkutano umezuiwa.

Mmoja wa watumishi wa ukumbi huo, alisema: “Tuliandaa kila kitu, ila shughuli imeahirishwa. Ukumbi unatakiwa kufungwa. Hautatumika kwa leo.”

Ilipofika saa 5:00 asubuhi, Msemaji wa ACT-Wazalendo, Abdallah Khamis alisema chama kinafanya mkutano wa dharura kwenye ofisi zake za makao makuu na baadaye kingezungumza na waandishi wa habari.

Saa 8:00 mchana, Mwenyekiti wa ACT Wazalendo, Anna Mghwira akiwa na viongozi wenzake, isipokuwa Kiongozi wa Chama, Zitto Kabwe alikuwa mbele ya kamera za wanahabari akifafanua kilichotokea kwa wanachama, wafuasi wa chama hicho na Watanzania kwa ujumla.

Alisema ilipotimu saa 4:00 asubuhi walipewa taarifa na mwenye ukumbi kuwa Jeshi la Polisi Mkoa wa Kinondoni limemjulisha kuwa chama hicho hakina kibali cha kuendesha kongamano hilo na kwamba kisiruhusiwe kufanya hivyo.

“Huku ni kufifisha demokrasia. Wapigania haki za kiraia wasimame imara na vyama vya upinzani katika kuilinda,” alisema Mghwira.

Wakati kongamano hilo likizuiwa, kuna taarifa za kukanganya juu ya alipo Zitto baada ya kudaiwa alikuwa anasakwa na polisi tangu juzi.

Taarifa hizo zinakuja siku chache baada ya kiongozi huyo kuitwa Kituo Kikuu cha Polisi jijini Dar es Salaam na kuhojiwa juu ya kauli alizozitoa kwenye mkutano wa hadhara zinazokosoa utendaji wa Serikali na kupinga matokeo ya uchaguzi wa Zanzibar.

Baadaye jioni, Kaimu Katibu Mkuu wa chama hicho, Msafiri Mtemelwa alitoa taarifa kuwa Zitto ametoweka na hajulikani alipo. Hiyo ilikuwa ni baada ya askari kanzu kumtafuta kwa muda kwa saa kadhaa.

“Zitto amekuwa akitafutwa kwa muda mrefu. Askari wanalinda nyumbani kwake tangu jana (juzi) usiku. Hivi sasa ametoweka, hatujui alipo. Lolote litakalompata, Jeshi la Polisi litajibu,” alisema Mtemelwa.

Awali, Mghwira alipoulizwa imekuwaje kuhusu Zitto alijibu kuwa mkutano ulikuwa wa dharura ndiyo maana viongozi wote hawakuwapo.

↧

Audio: Gwajima afyatuka tena, amshauri Magufuli aihame CCM....Adai amenasa njama Mbaya

June 13, 2016, 3:38 am

≫ Next: Zitto Kabwe Aibuka Baada ya Kupotea kwa Siku Mbili.....Kasemaje??? BOFYA Hapa

≪ Previous: Freeman Mbowe na Viongozi Wengine wa Chadema Wakamatwa.....Alipo Zitto Kabwe Bado ni Utata

Askofu wa Kanisa la Ufufuo na Uzima, Josephat Gwajima ambaye anafahamika kwa kutoa kauli ‘tata’, amefyatuka tena akimshauri Rais John Magufuli kuihama CCM endapo kile alichokiita ‘njama alizozibaini’ ndani ya chama hicho zitaletwa mezani.

Gwajima ambaye amekiri kuwa katika kampeni alikuwa hamkubali Dk. Magufuli kutokana na kutokuwa na imani na CCM, amesema amemkubali sana baada ya kuanza kazi ya urais kutokana na hatua ambazo amekuwa akizichukua ndani ya muda mfupi.

Akizungumza katika ibada ya Jumapili kanisani kwake, Gwajima ameeleza kuwa amebaini njama za baadhi ya wanachama wa CCM ambao ‘dili’ zao mbalimbali ikiwa ni pamoja na ‘flow meter’ ya mafuta yaingiayo nchini na makontena yaliyokamatwa yalikuwa yanawahusu, wameanza kampeni ya chinichini nchi nzima kutaka Rais Magufuli asipewe uenyekiti wa chama hicho.

Amesema kuwa watu hao wanazunguka nchi nzima kuwashawishi wanachama wa CCM kuridhia hoja ya kutenga uenyekiti wa chama na urais, ili kumnyima nafasi hiyo Rais Magufuli ambaye utendaji wake umewabana bila kujali ni wa chama chake.

Hivyo, amemshauri Rais Magufuli kuwa endapo itatokea hilo, akihame chama hicho na kuendelea na kazi yake kama Rais wa Jamhuri ya Muungano wa Tanzania.

Mengine, msikilize mwenyewe hapo chini:

↧

Zitto Kabwe Aibuka Baada ya Kupotea kwa Siku Mbili.....Kasemaje??? BOFYA Hapa

June 13, 2016, 3:53 am

≫ Next: Mwigulu Nchemba Aapishwa Rasmi Kuwa Waziri wa Mambo ya Ndani ya Nchi.......Atoa ONYO Kali kwa Wauza Dawa za Kulevya

≪ Previous: Audio: Gwajima afyatuka tena, amshauri Magufuli aihame CCM....Adai amenasa njama Mbaya

Baada ya taarifa za kutoweka, Kiongozi wa chama cha ACT Wazalendo, Zitto Kabwe ameibuka leo na kusema yuko salama wa afya huku akilaani mbinu za Jeshi la Polisi kutaka kumkamata kwa siri bila kufuata utaratibu unaotakiwa.

Tangu Jumamosi usiku, vyombo mbalimbali vya habari viliripoti Zitto kutofahamika alikokuwa baada ya simu zake zote kutopatikana huku viongozi wa chama hicho wakihofia kukamatwa na polisi baada ya kubaini njia za uviziaji wa kumkamata nyumbani

kwake.

"Ilikuwa Jumamosi , walikuja nyumbani kwangu wakiwa na magari matatu ila hawakufanikiwa, siwezi kukamatwa kwa `terms' zao ila nitakuwa tayari kukamatwa kwa `terms' zetu na wala siyo kuviziana, kama nina makosa kwa nini wanivizie,"amesema Zitto Kabwe na kuongeza;

''Watu wetu wa Usalama wa Chama walihakikisha kwamba sitakamatwa ili niweze leo kupata fursa kuzungumza na watanzania kupitia nyie wana habari

''Hatufahamu Watawala wanaogopa nini mpaka kuzuia mikutano ya wanasiasa

''Nasikia Jana Walimkamata Mwenyekiti Mbowe wa Chadema Huko Mwanza kisa eti kawasalimia wananchi, huu ni uvunjwaji na ukiukwaji mkubwa wa utawala wa kidemokrasia

''Tunalaani tabia za Kidikteta za Rais Magufuli .Magufuli ameanza na vyama vya siasa kuonyesha Udikteta wake, nawahakikishia akimalizana na Vyama vya siasa atahamia kwenu Wanahabari, Tumkatalie

''Ndio maana Magufuli Ziara yake ya Kwanza alifanya Rwanda, tumegundua kuwa alikwenda kujifunza namna ya Kudhibiti Demokrasia na Kuongoza Kidikteta

''Hauwezi kupambana na Ufisadi kama haumpi nguvu ya Kiutendaji wa CAG. Kwa hali Hii anayokwenda Magufuliajiandae kuwa rais wa term moja kwa sababu watanzania hawataweza kuvumilia kutawaliwa, kuminywa na kuburuzwa .

''CCM wamdhibiti Magufuli, na wasipomdhibiti sisi na Watanzania Tutamdhibiti

''Hatutakaa Kimya hata kama atatufunga, akimfunga Zitto watazaliwa wakina Zitto wengine, na kwenye hili hatutakaa Kimya, tutasimama kidete mpaka nchi irudi kwenye misingi''

''IGP ameagizwa na Magufuli anikamate, lakini hawezi kunikamata bila kufuata utaratibu, hawawezi kunikamata kwa kunivizia, viongozi hatukamatwi kwa kuviziwa viziwa, tumewaonyesha kwamba Polisi wanaweza kutukamata kwa kufuata terms zetu na sio zao

''Karibuni kesho saa tisa kwenye Kongamano letu, Hatuwezi kuacha kufanya siasa, lazima tuendelee kufanya siasa, mmehudhuria mikutano yetu hamjaona hata sisimizi amekanyagwa

''Wanasema Bajeti imeongezeka kwa 32% ukweli ni kwamba Bajeti imeshuka kwa maana Dola imeporomoka''

↧

Mwigulu Nchemba Aapishwa Rasmi Kuwa Waziri wa Mambo ya Ndani ya Nchi.......Atoa ONYO Kali kwa Wauza Dawa za Kulevya

June 13, 2016, 4:20 am

≫ Next: Waziri Mwigulu Nchemba Apokelewa Makao Makuu Ya Wizara Ya Mambo Ya Ndani.

≪ Previous: Zitto Kabwe Aibuka Baada ya Kupotea kwa Siku Mbili.....Kasemaje??? BOFYA Hapa

Waziri wa Mambo ya Ndani ya Nchi Mh. Mwigulu Nchemba amewataka wafanyabiashara haramu ya kuuza madawa ya kulevya kuacha mara moja biashara hiyo badala yake watafute shughuli halali za kujiingizia kipato.

Waziri Nchemba ametoa agizo hilo mara baada ya kuapishwa na Rais wa Jamhuri ya Muungano wa Tanzania Dkt. John Pombe Magufuli aliyemteua kuwa Waziri wa Mambo ya Ndani ya Nchi Leo Ikulu Jijini Dar es Salaam kuchukua nafasi iliyoachwa wazi na Mh.Charles Kitwanga ambaye uteuzi wake ulitenguliwa.

Aidha Waziri Nchemba alisema kuwa atahakikisha anasimamia Ulinzi na Usalama wa Raia na Mali zao kwa kuziba mianya inayohatarisha amani na utulivu katika nchi.

Naye Waziri wa Kilimo, Mifugo na Uvuvi Dkt. Charles Tizeba amesema kuwa atahakikisha anashirikiana na wataalum wa sekta tatu zilizo katika Wizara yake ili kufanya mapinduzi katika maeneo hayo yaliyoajiri zaidi ya asiimia 80 ya Watanzania.

Pia Waziri Dkt. Tizeba alisema kuwa Wizara itahakikisha inashugahulikia changamoto zinazozokabili vyama vya ushirika ambavyo vimekuwa havifanyi vizuri katika miaka ya hivi karibuni.

Mawaziri walioapishwa na Rais wa Jamhuri ya Muungano wa Tanzania Dkt. John Pombe Magufuli Leo Ikulu Jijini Dar es Salaam ni Waziri wa Kilimo, Mifugo na Uvuvi Dkt. Charles Tizeba na Waziri wa Mambo ya Ndani ya Nchi Mh. Mwigulu Nchemba aliyekuwa Waziri wa Kilimo, Mifugo na Uvuvi anayejaza nafasi iliyoachwa wazi baada ya Rais kutengua uteuzi wa Mh. Charles Kitwanga.

Rais wa Jamhuri ya Muungano wa Tanzania Dkt. John Magufuli akimkabidhi hati ya kiapo Waziri wa Mambo ya Ndani ya Nchi Mh. Mwigulu Nchemba mara baada ya kumuapisha Leo Ikulu Jijini Dar es Salaam.

Waziri wa Kilimo,Mifugo na Uvuvi Dkt. Charles Tizeba akila kiapo mbele ya Rais wa Jamhuri ya Muungano wa Tanzania Dkt. John Magufuli Leo Ikulu Jijini Dar es Salaam.

Rais wa Jamhuri ya Muungano wa Tanzania Dkt. John Magufuli akisaini hati ya kiapo mara baada ya kumuapisha Waziri wa Kilimo,Mifugo na Uvuvi Dkt. Charles Tizeba Leo Ikulu Jijini Dar es Salaam.

Waziri wa Kilimo,Mifugo na Uvuvi Dkt. Charles Tizeba na Waziri wa Mambo ya Ndani ya Nchi Mh. Mwigulu Nchemba wakipongezana mara baada ya kuapishwa Leo Ikulu Jijini Dar es Salaam.

Rais wa Jamhuri ya Muungano wa Tanzania Dkt. John Magufuli akimpongeza Waziri wa Mambo ya Ndani ya Nchi Mh. Mwigulu Nchemba mara baada ya kumuapisha Leo Ikulu Jijini Dar es Salaam.

Rais wa Jamhuri ya Muungano wa Tanzania Dkt. John Magufuli akimpongeza Waziri wa Kilimo,Mifugo na Uvuvi Dkt. Charles Tizeba mara baada ya kumuapisha Leo Ikulu Jijini Dar es Salaam. Kulia ni Waziri wa Mambo ya Ndani ya Nchi Mh. Mwigulu Nchemba.

Rais wa Jamhuri ya Muungano wa Tanzania Dkt. John Magufuli akiwa katika picha ya pamoja na Waziri wa Kilimo,Mifugo na Uvuvi Dkt. Charles Tizeba (kulia) na Waziri wa Mambo ya Ndani ya Nchi Mh. Mwigulu Nchemba mara baada ya kuwaapisha Leo Ikulu Jijini Dar es Salaam.

↧

Waziri Mwigulu Nchemba Apokelewa Makao Makuu Ya Wizara Ya Mambo Ya Ndani.

June 13, 2016, 7:00 am

≫ Next: Makamu wa Rais akagua mradi wa mabasi ya mwendo kasi na kugawa futari kwa wenye mahitaji maalum

≪ Previous: Mwigulu Nchemba Aapishwa Rasmi Kuwa Waziri wa Mambo ya Ndani ya Nchi.......Atoa ONYO Kali kwa Wauza Dawa za Kulevya

Waziri wa Mambo ya Ndani ya Nchi, Mh, Mwigulu Nchemba(kulia), na Katibu Mkuu wa Wizara hiyo, Meja Jenerali Projest Rwegasira(kushoto) wakimsikiliza Naibu Waziri wa Wizara hiyo, Mhandisi Hamad Masauni, muda mfupi baada ya Rais Dkt. John Magufuli kumwapisha Waziri Mwigulu Nchemba kuongoza wizara hiyo leo.

Waziri wa Mambo ya Ndani ya Nchi, Mh. Mwigulu Nchemba(Kushoto), akikaribishwa Makao Makao ya Wizara hiyo na Katibu Mkuu Meja Jenerali Projest Rwegasira.Katikati ni Naibu Waziri wa Wizara hiyo Mhandisi Hamad Masauni na wa kwanza kulia ni Naibu Katibu Mkuu Balozi Yahya Simba.

Waziri wa Mambo ya Ndani ya Nchi, Mwigulu Nchemba, akisalimiana na Mkuu wa Kitengo cha Teknolojia ya Mawasiliano, Jane Massawe, mara baada ya kupokelewa Makao Makuu ya Wizara hiyo, jijini Dar es Salaam leo.

Waziri wa Mambo ya Ndani ya Nchi, Mwigulu Nchemba, akiweka saini mara baada ya kuwasili Makao Makuu ya Wizara ya Mambo ya Ndani ya Nchi muda mfupi baada ya kuapishwa kwake. Katikati ni Katibu Mkuu wa Wizara hiyo, Meja Jenerali Projest Rwegasira na kushoto ni Naibu Katibu Mkuu, Balozi Yahya Simba.(Picha zote na Wizara ya Mambo ya Ndani ya Nchi).

↧

Makamu wa Rais akagua mradi wa mabasi ya mwendo kasi na kugawa futari kwa wenye mahitaji maalum

June 13, 2016, 7:09 am

≫ Next: Profesa Lipumba Atangaza Kurejea Kwenye Nafasi yake ya Mwenyekiti wa CUF.........Amwandikia Barua Katibu Mkuu wa Chama Hicho Kuomba Atengue Kujiuzulu Kwake

≪ Previous: Waziri Mwigulu Nchemba Apokelewa Makao Makuu Ya Wizara Ya Mambo Ya Ndani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akiwa ndani ya moja ya mabasi ya mradi wa mabasi ya mwendo kasi ya UDA-RT jijini Dar es salaam ambayo kwa kiasi kikubwa yamerahisisha usafiri na kutaka wananchi kuyatunza mabasi hayo.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akiteremka kwenye basi la mwendo kasi baada ya kupanda na kujionea ubora na uzuri wa mabasi hayo ambayo yamerahisisha usafiri kwa wakazi wa jiji la Dar es Salaam.( Picna na OMR)

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza wakati wa shughuli ya kukabidhi Futari na Chakula kwa watu wenye mahitaji maalum katika ofisi za UDA-RT Jangwani jijini Dar es Salaam.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akishiriki dua maalumu wakati wa shughuli ya kukabidhi Futari na Chakula kwa watu wenye mahitaji maalum katika ofisi za UDA-RT Jangwani jijini Dar es Salaam.Kushoto ni Sheikh Mkuu wa Mkoa wa Dar es Salaam akiongoza dua hiyo Mussa Salum .

Makamu wa Rais wa Jamhuri ya Muungano wa Tanzania Mhe. Samia Suluhu Hassan akimkabidhi Futari Mwenyekiti wa Jumuiya ya Wanawake wa Baraza la Waislam mkoa wa Dar es Salaam Bibi Pili Abdala Mwale wakati wa shughuli hiyo maalum ya kukabidhi furati na chakula kwa watu wenye mahitaji maalum, Jangwani jijini Dar es salaam.( Picna na OMR)

↧

Latest Images