Masogange azikwa Mbeya....Tazama Picha

April 23, 2018, 10:28 am

≫ Next: Habari Zilizopo Katika Magazeti ya Leo Jumanne ya April 24

≪ Previous: Mzee Majuto azidiwa, arudishwa hospitali

Safari ya mwisho duniani ya aliyekuwa msaani maarufu aliyekuwa akipamba video za wanamuziki wa Bongo fleva, Agnes Gerald 'Masogange' imehitimishwa leo zaa tisa alasiri bada ya kuhifadhiwa kwenye nyumba ya milele nyumbani kwa wazazi wake Utengule – Mbalizi mkoani Mbeya.

Mamia ya waombolezaji kutoka Dar es salaam na maeneo mbalimbali ya Mkoa wa Mbeya walijitokeza wakiongozwa na Mkuu wa mkoa huo, Amos Makalla.

Akitoa salamu za rambirambi kutoka serikalini, Makalla amesema hakuna mtu anayejiandaa wala aliye tayari kwa ajili ya kifo, hivyo kifo cha Masongange ni kilelezo kwamba binadamu wote hapa duniani ni wasafiri.

‘Kifo cha Masogange kitukumbushe kwamba sote tutakufa, nimefurahi namna wasanii mlivyojipanga bila kujali bifu na tofauti zenu, katika hili mmekuwa pamoja,” amesema Makalla.

“Nilikuwa nafuatilia tangu msiba huu ulipotokea, mlikuwa pamoja na kwa mshikamano na sisi Serikali tunawapa pongezi sana.”

Makalla amewapongeza wananchi kwa namna walivyojitokeza kwa wingi na hiyo inaonyesha ndio utamaduni wa Mtanzania kushirikiana katika matatizo.

Akimshukuru Makalla kwa niaba ya wasanii wenzake, mwenyekiti wa wasanii hao, Steve Nyerere amesema, “hili ni pigo kwetu wasanii. Na sisi kama wasanii tumekubaliana kiasi tulichojichanga, kiasi fulani kitatumika kumlipia ada ya mwaka mmoja mtoto wa marehemu ambaye yupo darasa la saba lakini pia kumlipia bima ya afya endelevu.”

↧

Habari Zilizopo Katika Magazeti ya Leo Jumanne ya April 24

April 23, 2018, 9:04 pm

≫ Next: Rais Magufuli Alivyozindua tawi la NMB Kambarage lililopo Dodoma

≪ Previous: Masogange azikwa Mbeya....Tazama Picha

↧

Rais Magufuli Alivyozindua tawi la NMB Kambarage lililopo Dodoma

April 23, 2018, 9:14 pm

≫ Next: Waziri Mhagama Amtaka Msajili Wa Vyama Kuchukua Hatua Kwa Vyama Vinavyokiuka Sheria Na Miongozo Iliyopo.

≪ Previous: Habari Zilizopo Katika Magazeti ya Leo Jumanne ya April 24

Rais Dkt. John Pombe Magufuli amezindua ofisi na matawi mawili ya benki ya NMB Tanzania ambayo imepewa jina la Baba wa Taifa, NMB Kambarage lililopo jengo jipya la PSPF Dodoma Plaza lililopo mkoani Dodoma.

Akizungumza katika hafla ya uzinduzi huo, Rais Magufuli ameipongeza NMB kwa huduma bora ambazo inazitoa na kuitaka kuendelea na kasi hiyo ili kuhakikisha kila Mtanzania anatumia benki kuhifadhi fedha kwani ni sehemu salama.

“Nikiwa kama mteja na kiongozi wa serikali huwa najisikia vizuri sana kuona benki hii inazidi kufanikiwa napenda niwahakikishe serikali itaendelea kushirikiana na NMB.

"Mkurugenzi wenu ametueleza mambo mengi ambayo mnayafanya mkiwa mmefika kila sehemu hapa nchini napenda kuwahakikishia kwamba tupo pamoja,” alisema Magufuli na kuongeza.

“Lakini Mkurugenzi kwakuwa umekubali kuchagua jina la Kambarage Nyerere yawezekana ni mbinu nzuri ya kuwavuta wateja wakaja kwa kutambua jina la Kambarage Nyerere kuwe na uwiano wa huduma zinazotolewa na vitendo vya Kambarage Nyerere, sitarajii kusikia mtu amekuja alafu akaanza kuombwa hata rushwa, wote tunajua kuwa Baba wa Taifa alikuwa mpinga rushwa.”

Awali akizungumza katika hafla hiyo, Mkurugenzi wa Benki ya NMB, Ineke Bussemaker alisema benki hiyo kwa sasa imefika maeneo yote nchini na hivyo kurahisha upatikanaji wa huduma za kifedha na kwamba wamejipanga kuendelea kuboresha huduma kwa kushirikiana na serikali.

“Tunafungua ofisi na matawi mapya mawili katika jengo la PSPF, NMB Kambarage inalenga kuhudumia wateja wengi ikiwepo wa kawaida na wa serikali na katika kufanikisha hili tunamshukuru Mama Maria Nyerere kwa kuturuhusu kutumia jina la mme wake ambaye ni Baba wa Taifa na Rais wa kwanza Mwalimu Julius Kambarage Nyerere,

“NMB imedhamiria kuhakikisha Watanzania wote wanapata huduma za kifedha, kwa kutumia matawi, ATM na Wakala kupitia njia ya kidigitali ya intaneti, apps na simu za mkononi. Kwa sasa NMB ina matawi 218 na zaidi ya ATM 800 nchi nzima,” alisema Bussemaker.

Aidha Bussemaker alisema pamoja na hilo pia wamekuwa wakitenga asilimia moja ya faida wanayopata kwa kila mwaka kwa ajili ya kusaidia jamii katika sekta ya afya, elimu na elimu ya fedha ambapo wamekuwa wakitoa misaada katika maeneo mbalimbali nchini kulingana na uhitaji uliopo.

“Tumekuwa tukitenga asilimia moja ya faida yetu baada ya kulipa kodi kwa ajili ya Kitengo cha Masuala ya Uwajibikaji kwa Jamii (CSR). Kwa mwaka 2017 pekee tulitumia Tsh. 1.4 bilioni ambazo tulisaida shule kwa kutoa madawati 6,000, kompyuta 300 na vifaa vya maabara,” alisema Bussemaker.

Katika hafla hiyo benki ya NMB imekabidhi msaada wa Sh. 50 milioni kwa uongozi wa mkoa wa Dodoma ambazo watazitumia katika shughuli za maendeleo. Hata hivyo Rais Magufuli ameshauri kuwa mradi ambao pesa hizo zitatumika upewe jina la NMB.

↧

Waziri Mhagama Amtaka Msajili Wa Vyama Kuchukua Hatua Kwa Vyama Vinavyokiuka Sheria Na Miongozo Iliyopo.

April 23, 2018, 9:18 pm

≫ Next: Tanzania Na Israel Kuagalia Namna Ya Kushirikiana Katika Masuala Ya Utoaji Haki

≪ Previous: Rais Magufuli Alivyozindua tawi la NMB Kambarage lililopo Dodoma

Waziri wa Nchi Ofisi anayeshughulikia masuala ya Sera, Bunge, Vijana, Ajira na Watu wenye Ulemavu Mhe. Jenista Mhagama amemuagiza Msajili wa vyama vya Siasa kuchukua hatua kwa vyama vinavyokiuka sheria na miongozo ya vyama vya siasa.

Ametoa kauli hiyo jana (Aprili 23, 2018) alipokuwa akitoa maelezo ya ufafanuzi juu ya hoja za ofisi yake, zilizoainishwa katika Ripoti ya Mthibiti na Ukaguzi Mkuu wa Hesabu za Serikali kwa Mwaka wa fedha unoishia Juni 30, 2018 alipokutana na waandishi wa habari Bungeni Dodoma.

Waziri Mhagama ameelekeza kuhakikisha vyama vyenye mapungufu upande wa hesabu zao basi wawasilishe kwa Msajili wa vyama ndani ya wiki 3 hadi 4.

“Namtaka Msajili wa Vyama achukue hatua za Kisheria pasi kusita kwa chama chochote kinachokiuka sheria ya vyama vya siasa Na. 2 ya mwaka 1992”.alisema Waziri Mhagama

Aidha amemtaka Msajili wa Vyama vya siasa nchini kuhakikisha anaweka miongozo na mpango kazi ili vyama vilivyozoea kutowasilisha hesabu zao viache mara moja kwa mujibu wa sheria.

Waziri Mhagama aliongezea kuwa taarifa ya Mthibiti na Mkaguzi Mkuu wa Hesabu za Serikali ilibaini mapungufu kadhaa katika uendeshaji wa vyama vya siasa ikiwemo; Upungufu katika hesabu zilizowasilishwa chini ya viwango vya Kimataifa vya uandaaji wa hesabu katika sekta za umma na baadhi ya vyama kushindwa kuwasilisha hesabu zao kwa CAG kwa ukaguzi

Pamoja na hayo alibainisha kuwepo kwa vyama vya kisiasa visivyotumia rejista ya mali za kudumu ambapo vyama vinne ikiwemo;CHADEMA, NLD,ADC na Demokrasia Makini havina Daftari la kudumu la mali zao ikiwa ni kinyume na sheria zilizopo.

“Msajili wa Vyama nakuagiza kutoa maelekezo kwa kila chama cha siasa chenye usajili wa kudumu kuwa na regista ya mali zake ndani ya wiki tatu kuanzia leo kwani kukosa daftari la mali za kudumu ni kinyume na kifungu Na.14(1)(b)(ii) ya sheria ya vyama vya siasa Na.5 ya mwaka 1992.”alisisitiza Waziri.

Sambamba na hilo Waziri alimtaka Msajili wa Vyama vya siasa kuhakikisha vyama vyote vinafuata miongozo yote ya kihasibu ili kuondokana na mapungufu ya kukosekana kwa nyaraka za malipo kama ilivyobainishwa na mkaguzi mkuu wa hesabu za serikali ambapo alibaini vyama vitatu kati ya tisa vina nyaraka pungufu ikiwemo CHADEMA, SAU na ADC.

“Msajili wa vyama ahakikishe vyama vya siasa vinatekeleza miongozo yote kihasibu pamoja na kanuni za fedha, ambazo zinaelekeza nyaraka ziwe na viambatisho sahihi kwani ripoti ilibainisha vyama vitatu vilikuwa na malipo yenye nyaraka pungufu zenye thamani ya shilingi 735,978,559 ambapo ni kinyume na miongozo ya kihasibu na kukosa uhalali wa malipo hayo.”alisisitiza Waziri Mhagama.

Awali kifungu cha 14(1)(a) na (b)(i) cha Sheria ya Vyama vya Siasa Sura ya 258 [RE: 2015] kinaelekeza kuwa, kila chama cha siasa kinapaswa kutunza taarifa za mapato na matumizi, ikiwamo taarifa za mali zake. Vile vile, kinapaswa kuwasilisha kwa Msajili wa Vyama vya Siasa, taarifa ya hesabu zake zilizokaguliwa na Mdhibiti na Mkaguzi Mkuu wa Hesabu za Serikali (CAG), pamoja taarifa ya mali zake.

Hivyo, Kifungu hicho kinampa mamlaka Mdhibiti na Mkaguzi Mkuu wa Hesabu za Serikali kufanya ukaguzi wa hesabu za kila chama cha siasa chenye usajili wa kudumu. Katika mwaka wa fedha unaoishia tarehe 30 Juni, 2017, CAG amefanya ukaguzi wa hesabu za Vyama vya Siasa kumi ikiwemo; CCM, CHADEMA, NLD, TLP, Demokrasia Makini (MAKINI), TLP, DP, SAU, AFP, CCK na ADC kati ya vyama vya siasa kumi na tisa vyenye usajili wa kudumu. Vyama vya Siasa tisa (9) havikuwasilisha hesabu zake kwake kwa wakati kwa ajili ya ukaguzi, hivyo hakukaguliwa.

↧

Tanzania Na Israel Kuagalia Namna Ya Kushirikiana Katika Masuala Ya Utoaji Haki

April 23, 2018, 9:22 pm

≫ Next: Israel Yampongeza Rais Magufuli

≪ Previous: Waziri Mhagama Amtaka Msajili Wa Vyama Kuchukua Hatua Kwa Vyama Vinavyokiuka Sheria Na Miongozo Iliyopo.

Tanzania na Israel zimekubaliana kwamba , mataifa hayo mawili yana mengi ya kujifunza baina yao hususani katika eneo la utoaji wa haki na usimamiaji wa sheria.

Hayo yamejiri jana ( jumatatu) wakati Mwanasheria Mkuu wa Serikali, Dk. Adelardus Kilangi, alipokutana na kufanya mazungumzo na Waziri wa Sheria wa Israel Bi. Ayalet Shaked.

Katika mazungumzo hayo yaliyofanyika katika Jengo la Mikutano la Kimataifa la Mwalimu Julius Nyerere ( JNICC), viongozi hao walikubaliana kwamba kuna haja na umuhimu wa Mwanasheria Mkuu wa Serikali wa Tanzania na Mwanasheria Mkuu wa Israel kukutana kwa lengo la kuainisha maeneo ambayo Ofisi hizo mbili zinaweza kushirikiana.

“ Nadhani tuna mengi ya kujifunza kutoka kwenu na halikadhalika nanyi kuna maeneo ambayo mnaweza kujifunza kutoka kwetu. Hivyo basi, ninaamini kwamba pale itakapowezekana, kuna umuhimu wa mimi kukutana na mwenzangu ili tuweze kuangalia maeneo ya kipaumbele ambayo tunaweza kubadilishana uzoefu na kupanua wigo wa ushirikiano baina ya nchi zetu”, akasema Dk. Kilangi.

Akayataja maeneo ambayo anaamini Tanzania na Israel zinaweza kushirikiana ni pamoja na namna bora ya kuimarisha mifumo ya utoaji haki na ushauri wa kisheria wenye tija, pamoja na eneo la uwezeshwji ( capacity building).

Mwanasheria Mkuu , Dk. Kilangi ambaye alifuatana na Naibu Mwanasheria Mkuu wa Serikali Bw, Edson Athnas Makallo, aliyatumia mazungumzo kati yake na Waziri Shaked kuelezea baadhi ya majukumu yake anayoyatekeleza kama Mshauri Mkuu wa Serikali katika masuala yote yanayohusu sheria pamoja muundo mpya wa Ofisi ya Mwanasheria Mkuu ambao umehusisha kuanzishwa kwa Wakili Mkuu wa Serikali.

Kwa upande wake, Waziri wa Sheria wa Israel, ambaye Tanzania inakuwa nchi yake ya kwanza kutembelea Barani Afrika, pamoja na kukubaliana na wazo la Dk. Kilangi la kuangalia uwezekano wa Wanasheria Wakuu kukutana katika muda utakaopangwa. Amesema kwamba, Ofisi ya Mwanasheria Mkuu wa Serikali ni Ofisi nyeti na yenye hadhi ya juu kabisa katika nchi yoyote ile ikiwamo Israel.

Akaongeza kwamba, majukumu anayoyatekeleza Mwanasheria Mkuu wa Serikali, Dk. Adelardus Kilangi yanashabihiana na anayotekeleza Mwanasheria Mkuu wa Israel yakiwamo ya kuisimamia serikali katika masuala yote yanayohusu sheria, kuiwakilisha serikali katika mahakama za juu na mahakama za chini pamoja na kuendesha mashauri ya jinai hivyo wawili hao wakipata fursa ya kukutana bila shaka watakuwa na mengi ya kujadiliana na kushirikiana.

Waziri wa Sheria wa Israel Ayalet Shaked anaongoza ujumbe wa wafanyabiashara kutoka Israel ambao upo hapa nchini kukutana na wafanyabiashara wa Tanzania.

↧

Israel Yampongeza Rais Magufuli

April 23, 2018, 9:30 pm

≫ Next: Rais Magufuli: Vikwazo ni Vingi Lakini Nitaendelea kuchapa kazi kwa ajili ya maendeleo ya Watanzania

≪ Previous: Tanzania Na Israel Kuagalia Namna Ya Kushirikiana Katika Masuala Ya Utoaji Haki

Jonas Kamaleki- MAELEZO

Serikali ya Israel imempongeza Rais wa Jamhuri ya Muungano wa Tanzania, Dkt. John Pombe Magufuli kwa kurejesha uhusiano unaolenga kuziimarisha nchi hizi mbili kiuchumi.

Kauli hiyo imetolewa jana jijini Dar es Salaam na Waziri wa Sheria wa Israel, Mhe. Ayelet Shaked wakati wa Kongamano la Tano la Biashara na Uwekezaji kati ya Israel na Tanzania.

“Tunamshukuru sana Rais Magufuli kwa kufungua ubalozi wa Tanzania nchini kwetu na tunataraji kuuzindua rasmi juma lijalo”, alisema Waziri Shaked.

Ameongeza kuwa kwa zaidi ya miongo minne Tanzania na Israel hazikuwa na mahusiano ya kiuchumi wala ya kisiasa na kuongeza kuwa sasa nchi yao iko tayari kuwekeza nchini.

Waziri huyo ameeleza kuwa ni mara yake ya kwanza kufika Afrika na yuko tayari kuja na familia yake kwa ajili ya kufanya utalii Zanzibar na kwenye mbuga za wanyama za Serengeti na Ngorongoro.

Kwa upande wake, Waziri wa Viwanda, Biashara na Uwekezaji, Charles Mwijage amewakaribisha waisraeli kuwekeza nchini kwani Tanzania ni kitovu cha uwekezaji kwa nchi za Mashariki na Kusini mwa Afrika kutokana na amani iliyopo. Pia ameitaja nchi hii kuwa ni lango la biashara kwa nchi za kiafrika zinazoizunguka.

“Israel mnakaribishwa kuwekeza hapa Tanzania kwani mazingira ya uwekezaji ni mazuri, tunayo ardhi nzuri kwa kilimo, tunayo maziwa, mito kwa ajili ya kilimo cha umwagiliaji, hivyo hakuna mtakachokikosa endapo mnataka kuwekeza kwenye kilimo”, alisema Waziri Mwijage.

Waziri Mwijage amesema Tanzania iko tayari kwa uwekezaji katika kilimo, viwanda vya dawa, TEHAMA, utalii, uzalishaji wa sukari na uongezaji thamani kwenye madini, na hivyo kuwahakikishia kuwa Serikali inaunga mkono suala la uwekezaji.

Naye balozi wa Israeli kwa nchi za Tanzania , Kenya, Uganda, Malawi na Shelisheli, Mhe. Noah Gal Gendler amesema Serikali ya Rais Magufuli imeonyesha mabadiliko makubwa ya ushirikiano wa kisiasa na kiuchumi kwa muda mfupi.

“Kwa kipindi cha zaidi ya miaka 46 hakuna waziri hata mmoja kutoka Israeli amewahi kuitembelea Tanzania, lakini ndani ya wiki mbili wamefika mawaziri wawili toka nchini mwetu”, alisema Gendler.

Ameongeza kuwa katika kuimarisha sekta ya Afya, Israeli itajenga wodi za wagonjwa wanaohitaji uangalizi maalum (ICU) katika Hospitali ya Benjamin Mkapa, Dodoma, na kituo huduma kwa watoto katika Taasisi ya Moyo ya Jakaya Kikwete.

Kongamno hili ni la tano kufanyika hapa nchini likiwa na lengo la kuonyesha fursa za uwekezaji zitakazotekelezwa baina ya wafanyabiashara wa Israeli na Tanzania. Kongamano hili ni fursa kwa sekta binafsi kuitumia vizuri ili kuongeza tija katika biashara hususan katika kilimo na uwekezaji katika ujenzi wa viwanda.

↧

Rais Magufuli: Vikwazo ni Vingi Lakini Nitaendelea kuchapa kazi kwa ajili ya maendeleo ya Watanzania

April 23, 2018, 9:38 pm

≫ Next: Jacob Zuma atangaza ndoa na binti wa miaka 24

≪ Previous: Israel Yampongeza Rais Magufuli

Rais wa Jamhuri ya Muungano wa Tanzania Dkt. John Pombe Magufuli, amesema kuwa anajua wapo watakaotumika kuleta vikwazo kwenye hatua anazopiga za kuiletea maendeleo nchi.

Ameyasema hayo jana katika uzinduzi wa jengo la PSPF mkoani Dodoma, ambapo Rais Dkt. Magufuli alisema kwamba wapo ambao hawapendi kuona Tanzania inapiga hatua kwenye uchumi, hivyo watu watatumika na mabeberu kuleta vipingamizi na vikwazo, lakini yeye ataendelea kuchapa kazi kwa ajili ya watanzania masikini.

“Katika juhudi hizi za kuleta maendeleo wapo wengine watasaliti njiani, wapo wengine watatumika na mbinu za mabeberu, na hasa katika masuala haya ya kujenga nchi yetu, na hasa kwa sababu nchi yetu inakwenda mbele, ni lazima itawakwaza wengine, katika jukumu lolote la kazi hata kwenye familia, lazima watapatikana wa kupinga pinga kidogo, lakini kikubwa ni kunyoosha mstari kwa ajili ya kuwatumikia Watanzania masikini”, alisema Rais Dkt. Magufuli.

Sambamba na hilo, Rais Magufuli amemuhakikishia mtoto wa Baba wa Taifa Mwl. JK Nyerere, Makongoro Nyerere, kuwa nchi ipo salama na imara, na anaamini itafika ikiwa imara zaidi licha ya vikwazo vingi anavyokutana navyo.

↧

Jacob Zuma atangaza ndoa na binti wa miaka 24

April 23, 2018, 9:54 pm

≫ Next: Treni ya Kisasa Kuanza Novemba Mwakani

≪ Previous: Rais Magufuli: Vikwazo ni Vingi Lakini Nitaendelea kuchapa kazi kwa ajili ya maendeleo ya Watanzania

Aliyekuwa Rais wa Afrika Kusini Jacob Zuma, ameushangaza umma baada ya kuwepo na taarifa za kutarajia kuoa mke wa tano, binti mdogo mwenye umri wa miaka 24.

Taarifa hizo zimethibitishwa na binti huyo ambaye ni mke mtarajiwa wa Zuma anayejulikana kwa jina la Nonkanyinso Conco, kupitia chombo cha habari cha Times live cha nchini Afrika Kusini.

“Ndio tunaoana, hayo ndiyo naweza kusema kwa sasa, nahitaji kutoa taarifa kabla sijafanya interview (mahojiano) yoyote”, amesikika binti huyo akiuambia mtandao wa Times Live.

Habari zaidi zinasema kuwa binti huyo tayari ana mtoto mchanga aliyezaa na Jacob Zuma ambaye amezaliwa siku ya kumbukumbu ya kuzaliwa ya Jacob Zuma, April 12, na tayari mahali imeshatolewa.

Jacob Zuma ambaye ana miaka 76 mpaka sasa ameshaoa mara sita, na hii itakuwa ni mara ya saba kufunga ndoa,

Tukio hilo limeonekana kuwakwaza wananchi wa Afrika Kusini na kutoa maoni yao kwenye mitandao ya kijamii, wakisema binti huyo ni mdogo sana kwa Zuma, kwani wana tofauti ya miaka 52.

↧

Treni ya Kisasa Kuanza Novemba Mwakani

April 23, 2018, 10:09 pm

≫ Next: Kuhusu Kuchanjwa Chale Na Wachawi

≪ Previous: Jacob Zuma atangaza ndoa na binti wa miaka 24

Serikali imesema treni inayotumia umeme inatarajiwa kuanza kutoa huduma Novemba mwakani kwa usafiri wa reli ya kati, kipande cha Dar es Salaam - Morogoro.

Vilevile, imesema mpaka sasa ujenzi wa reli hiyo kwa kiwango cha kisasa (Standard Gauge) umepiga hatua saba.

Utekelezaji wa mradi huo unahusisha ujenzi wa reli ya kisasa kutoka Dar es Salaam hadi Mwanza ambao sasa unaendelea kwa Dar es Salaam-Morogoro (km 205) na Morogoro-Makutupora (km 422).

Akiwasilisha bungeni mjini hapa jana hotuba yake kuhusu makadirio ya bajeti ya wizara yake kwa mwaka ujao wa fedha, Waziri wa Ujenzi, Uchukuzi na Mawasiliano, Prof. Makame Mbarawa, alisema hadi sasa ujenzi wa kipande cha Dar es Salaam-Morogoro umefikia asilimia 10 na unatarajiwa kukamilika Novemba mwakani.

Akizungumzia hatua saba muhimu zilizofikiwa katika ujenzi wa reli hiyo, Prof. Mbarawa alisema hatua ya kwanza ya ujenzi wa kambi ya mkandarasi ya Dar es Salaam imekamilika kwa asilimia 99, Soga umekamilika kwa asilimia 89 na Ngerengere asilimia 67.

Alisema hatua ya upimaji wa ardhi itakakopita reli hiyo (topographical survey), umekamilika kwa asilimia 95.

Waziri huyo alisema hatua ya tatu iliyofikiwa ni njia ya kuhudumia mradi itakayotumika kupitishia watu, mitambo na vifaa vya ujenzi ambayo imekamilika kwa asilimia 83.

"Jumla ya vifaa kwa ajili ya ujenzi (mitambo na magari 755) vimeshawasili kwa ajili ya kazi. Kazi ya kusafisha eneo la mradi nayo imekamilika kwa asilimia 59.7," alisema.

Prof. Mbarawa alitaja hatua ya sita iliyofikiwa kuwa ni utafiti wa ardhi itakayobeba misingi ya madaraja pamoja na makalavati ya kuvukia watu, wanyama na baiskeli ambao umekamilika kwa asilimia 10.

Waziri huyo alisema hatua ya saba ni ujenzi wa tuta la reli ambayo imekamilika kwa asilimia 15.

Aliongeza kuwa utekelezaji wa ujenzi wa reli ya kisasa kwa sehemu ya pili inayoanzia Morogoro hadi Makutupora yenye jumla ya urefu wa kilometa 422 (km 336 njia kuu na km 86 njia za kupishana treni) unaendelea vizuri.

"Mkataba wa ujenzi kwa utaratibu sanifu na jenga, ulisainiwa Septemba mwaka jana kati ya iliyokuwa Kampuni Hodhi ya Rasilimali za Reli (RAHCO) na kampuni ya Yapi Merkezi ya Uturuki," alisema na kusema zaidi:

"Mhandisi mshauri wa mradi huu ni muungano wa kampuni nane unaoongozwa na kampuni ya KORAIL ya Korea Kusini."

Alisema taratibu za kusaka fedha za ujenzi wa reli ya kisasa kwa maeneo ya Makutupora-Tabora (km 295), Tabora-Isaka (km 133), Isaka-Mwanza (km 250), Tabora-Uvinza-Kigoma na Kaliua-Mpanda-Karema zinaendelea.

"Nchi za China, Korea, Ujerumani, Ufaransa, India, Marekani, Nigeria, Ureno na Uingereza zimeonyesha nia ya kushiriki katika ujenzi huo," alisema.

"Zabuni kwa ajili ya kununua treni na mitambo itakayotumika kutoa huduma ya usafiri kwenye reli ya kisasa ilifungwa Februali, mwaka huu na tathmini inaendelea."

Jiwe la msingi la ujenzi wa sehemu ya reli hiyo liliwekwa na Rais John Magufuli, Machi 14, mwaka huu na ilielezwa kuwa unatarajiwa kukamilika Desemba 2020.

Prof. Mbarawa pia alisema serikali inatambua umuhimu wa reli ya kati iliyopo sasa kwa ajili ya kutoa huduma za mizigo na kuendelea kusafirisha mitambo na vifaa kwa ajili ya ujenzi wa reli ya kisasa inayojengwa.

Kwa kutambua umuhimu huo, alisema maandalizi ya kukarabati miundombinu ya reli ya kati kupitia Mradi wa Uboreshaji Miundombinu ya Reli (TIRP) unaogharamiwa kwa fedha za mkopo kupitia Benki ya Dunia (WB), yanaendelea.

Katika hatua nyingine, Prof. Mbarawa alisema kuwa mwaka ujao wa fedha, Shirika la Ndege (ATCL) limetengewa Sh. bilioni 495.6 kwa ajili ya kununua ndege mbili; moja aina ya Q400 yenye uwezo wa kubeba abiria 76 na ndege kubwa ya masafa marefu aina ya Boeing 787-8 (Dreamliner) yenye uwezo wa kubeba abiria 262.

Prof. Mbarawa alisema fedha hizo pia zitatumika kulipia bima, gharama za uendeshaji wa ndege (start up cost), mafunzo ya marubani, wahandisi na wahudumu na ulipaji wa madeni.

Waziri huyo pia alisema kuwa katika mwaka ujao wa fedha, serikali itaendelea kuboresha huduma zinazotolewa na Shirika la Reli (TRC), Sh. trilioni 1.506 (fedha za ndani) zikitengwa.

Akifafanua kuhusu fungu hilo, Prof. Mbarawa alisema Sh. trilioni 1.4 zitatumika kuendelea na ujenzi wa reli ya kati (Dar - Morogoro km 300 na hadi Makutupora (km 422) kwa kiwango cha Standard Gauge.

Alisema Sh. bilioni 100 zimetengwa kwa ajili ya kuanza ujenzi wa reli ya Isaka-Rusumo (km 371) kwa kushirikiana na Rwanda, Sh. bilioni tatu zimetengwa kwa ajili ya kuanza utekelezaji wa mradi ikiwa ni pamoja na kumwajiri mtaalamu atakayeandaa nyaraka na kusaidia kutafuta fedha za ujenzi wa reli ya Mtwara-Mbambabay na matawi ya Mchuchuma na Liganga.

Prof. Mbarawa pia alisema kuwa katika mwaka ujao wa fedha, Sh. bilioni 9.29 ili kutekeleza miradi ya Mamlaka ya Usafiri wa Anga (TCAA) ambayo ni pamoja na ununuzi na usimikaji wa rada nne za kuongozea ndege za kiraia katika viwanja vya JNIA, KIA, Mwanza na Songwe.

Aliongeza kuwa serikali imetenga Sh. bilioni sita kwa ajili ya utekelezaji wa miradi ya sekta ya uchukuzi ikiwa ni pamoja na ununuzi wa magari ya zimamoto kwa viwanja vya ndege vya Mpanda, Shinyanga na Iringa.

Prof. Mbarawa aliliomba Bunge kuidhinisha jumla ya Sh. trilioni 4.271 ili kutekeleza majukumu yake kwa mwaka ujao wa fedha. Kati yake, Sh. trilioni 1.865 ni kwa ajili ya sekta ya ujenzi, Sh. trilioni 2.387 za sekya ya uchukuzi na Sh. bilioni 18.856 za sekta ya mawasiliano.

↧

Kuhusu Kuchanjwa Chale Na Wachawi

April 23, 2018, 10:47 pm

≫ Next: Rais Magufuli Abaini Mchezo Mchafu NMB.......Ashangazwa Gawio Kufanana Miaka Mitatu Mfululizo

≪ Previous: Treni ya Kisasa Kuanza Novemba Mwakani

NA. DOKTA MUNGWA KABILI. ….0744 000 473.

Katika maeneo mengi ya vijijini ni jambo la kawaida sana kwa watu kuamka na kujikuta wakiwa wamechanjwa chale sehemu mbalimbali mwilini na wasijue chale hizo wamechanjwa na nani na kwa sababu gani.

Jambo hili halitokei maeneo ya vijijini tu bali hutokea na mijini pia.

Watu huamka asubuhi na kujipata wakiwa wamechanjwa chale bila kujua ni nani aliehusika na kuwachanja chale hizo na alifanya hivyo kwa sababu gani.

Katika makala ya leo tutapata kuwafahamu ni akina nani haswa wanao wachanja watu chale usiku wakiwa wamelala na huwa wanafanya hivyo kwa sababu gani.

Kwanini wachawi huwachanja watu chale usiku ?

Wachawi huwachanja watu chale kwa sababu mbalimbali. Baadhi ya sababu hizo ni kama ifuatavyo :

1. KUSOMA NYOTA ZA WAHUSIKA : Story ya maisha ya kila mtu huwa imeandikwa kwenye damu yake .

Kwa kutumia maarifa ya juu kabisa ya kichawi, wachawi wanaweza kusoma story nzima ya maisha ya mtu kwa kutumia damu yake.

Kwa lugha nyepesi ni kwamba katika ulimwengu wa rohoni damu ya mtu ni kama ubao ama kitabu ambacho kimeandiwa story nzima ya maisha ya mtu huyo.

Siri na mipango yote ya maisha ya mwanadamu ambayo amepangiwa na Mwenyezi Mungu imeandikwa katika damu yake.

Wachawi wakitaka kujua kuhusu siri hii huhaha kutafuta damu ya mtu ambae wanataka kujua kuhusu maisha yake.

Hivyo basi wachawi wanavyo mchanja mtu chale, pamoja na mambo mengine, hufanya hivyo kwa lengo la kupata damu ambayo wataitumia kusoma nyota ya mhusika.

KAMA AMBAVYO WATAALAMU WA KISAYANSI WANAWEZA KUJUA MAISHA YA MTU YAKOJE KWA KUMFANYIA MTU HUYO KIPIMO KIITWACHO FULL BLOOD PICTURE, BASI VIVYO HIVYO WACHAWI WANAWEZA KUJUA SIRI YA MAISHA YA MTU KWA KUTUMIA DAMU YAKE.

NAOMBA NIELEWEKE VIZURI KUHUSU KIPIMO CHA FULL BLOOD PICTURE NA KUJUA MAISHA YA MTU.

SIMAANISHI KWAMBA KWA KUMFANYIA MTU FULL BLOOD PICTURE MADKATARI WANAWEZA KUJUA MAISHA YA MTU HUYO YATAKUWAJE HAPO MBELENI LA HASHA.

NINA MAANISHA HIVI, KIPIMO CHA FULL BLOOD PICTURE NI KIPIMO KINACHO ONYESHA HALI HALISI YA AFYA YA MWANADAMU NA KAMA TUJUAVYO MAISHA NI AFYA NA AFYA NDIO MAISHA.

KWA KUFANYA FULL BLOOD PICTURE MADAKTARI WANAWEZA KUBAINI KAMA MHUSIKA ANA VIRUSI VYA UKIMWI, KISUKARI, PRESHA,SHINIKIZO LA DAMU, LEHEMU MWILINI NAKADHALIKA.

WANAWEZA KUJUA KAMA MTU NI MGONJWA AU ANA AFYA NJEMA.

NA KWA KUJUA KAMA MTU NI MZIMA BUKHERI WA AFYA AU ANASUMBULIWA NA MARADHI MAZITO NDANI YA MWILI WAKE NI SAWA NA KUJUA KUHUSU MAISHA YAKE KWA SABABU MAISHA YA MTU NI AFYA NA AFYA NDIO MAISHA YA MTU. UKIACHILIA MIPANGO YA MUNGU NA SHARI ZA WACHAWI, AFYA YA MTU NDIO INAYO AMUA UMRI WA MTU KUISHI. UHAI WA MTU UPO KWENYE DAMU YAKE.

Vivyo hivyo basi wachawi wanapo taka kujua siri za maisha ya mtu hufanya hivyo kwa kutumia damu yake. Hii ni kwa sababu maisha ya kila mwanadamu yameandikwa kwenye damu yake. Siri zote kuhusu maisha ya kila mtu zimefichwa kwenye damu yake.

2. KUIBA NYOTA : Hii ni sababu nyingine kwanini wachawi huwachanja watu usiku wakiwa wamelala. Hufanya hivyo kwa lengo la kuiba nyota zao. Suala la kuiba nyota huja baada ya kusoma nyota ya mhusika kupitia damu yake na kuona inafaa kuchukuliwa kwa matumizi mbalimbali kama vile biashara, mali nakadhalika.

3. KUPIMA KINGA YA MTU : Kama nilivyo eleza hapo juu kuwa ndani ya damu ya mtu ndimo kumefichwa kila kitu kuhusu mtu huyo.

Kila siri inayo muhusu mwanadamu, imeandikwa ndani ya damu yake .

Wachawi wanapo taka kupima mtu fulani ana kinga kubwa kiasi gani hufanya hivyo kwa kusoma damu yake au vitu vya mtu huyo ambavyo vimetokana na msukumo wa damu kama vile manii n.k.

Kumbuka kuwa kinga yoyote ile ya mtu huwa inakaa kwenye damu yake. Dawa anazo chanjwa mtu kwa ajili ya kinga, dawa anazo kula ama kunywa mtu kwa ajili ya kinga huwa zinaenda kukaa kwenye damu yake.

Sasa basi katika uchawi njia ya juu kabisa ya kujua kinga ya mtu ikoje ni kusoma damu yake.

Hivyo basi wachawi wanapo mchanja mtu chale, pamoja na mambo mengine, hufanya hivyo kwa lengo la kupima kinga ya mtu huyo..

Na lengo la kutaka kujua kinga ya mtu ni kujua mtu huyo kinga yake ina nguvu kiasi gani na wakisha jua nguvu ya kinga ya mtu huyo kitakacho fuatia baada ya hapo ni kutuma uchawi wa kuteketeza kwanza kinga kisha ili wapate urahisi au mwanya wa kutupa uchawi wao kwa mtu waliemkusudia.

4. KUPANDA MAPANDO YA KICHAWI : Inaeleweka vyema kwa wengi kuwa mwanadamu aliumbwa kwa udongo.

Wachawi wana amini sana katika jambo hili. Wao hawaishii tu kuamini kuwa mwanadamu aliumbwa kwa udongo bali wanaenda mbele zaidi na kumtreat mwanadamu kama udongo kabisa.

Na katika kudhihirisha hilo kwa vitendo, wachawi wanaweza kuutumia mwili wa mwanadamu kupanda mapando yao mbalimbali. Wachawi wanaweza kuutumia mwili wa mwanadamu ( ambao ni udongo) kama shamba la kupanda mapando yao.

Mapando yao yanaweza kuwa kwa faida yao wao kama wachawi huku mtu huyo wakimtumia kama shamba tu au yanaweza kuwa kwa ajili ya mtu huyo ili baadae aje ayavune katika maisha yake halisi.

Ndani ya mwili wa mwanadamu inaweza kupandwa roho ya mauti ambayo itakuwa inakua kadri mwanadamu anavyo kuwa na anaweza “ kula matunda” ya roho hiyo hata baada ya miaka ishirini. Inaweza kupandwa roho ya kukataliwa, roho ya umasikini, ufukara nakadhalika.

Kwa hiyo chale hizo zaweza kuwa ishara kwamba wachawi walikuwa wanalima kwenye mwili wako na kupanda mapando yao ya kichawi kupitia damu yao.

5. KUFUGIA MAJINI WACHAFU : Wachawi wanaweza kuutumia mwili wa mtu kama banda la kufugia majini wachafu ambao watakuwa wanawachukuwa kuwatumia kila watakapo wahitaji.,Majini hao wachafu wanaweza kukaribishwa kwenye mwili wa mtu kupitia chale hizo za kichawi. Chale hizo hutumika kama Antenna za kuwavuta majini wachafu ndani ya mwili wa mtu walie mkusudia.

6. KUMPAKA MTU NUKSI NA MIKOSI: Kama nilivyo sema hapo awali kuwa story ya maisha ya kila mtu huwa imeandikwa kwenye damu yake.

Kuna kanuni moja kubwa sana katika ulimwengu wa rohoni ambayo inasema chochote utakacho kiunganisha na damu ya mtu basi kinamezwa na kuwa sehemu ya damu ya mtu huyo na kitu hicho kikisha kuwa sehemu ya damu ya maisha ya mtu huyo basi kinakuwa sehemu ya maisha ya mtu huyo na kikisha kuwa sehemu ya maisha ya mtu huyo basi kitaanza kujidhihirisha chenyewe katika maisha ya mtu huyo.

Hii ni kwa sababu damu ndio nishati inayo endesha maisha ya mtu. Nishati hii ndio inayo amua kila kitu katika maisha ya mwanadamu.

Wachawi kwa kulitambua hilo, huwa wanafanya uchawi maalumu wa kuunganisha damu ya mtu na vitu vibaya ili vitu hivyo vibaya na vichafu vikafanyike kuwa sehemu ya damu ya mtu huyo na hivyo kuharibu utaratibu mzima wa maisha ya mtu huyo.

Hufanya hivyo kwa kuwatia watu nuksi.Nuksi hiyo inaweza kuingizwa kwenye mfumo wa maisha ya mtu kwa njia nyingi sana, kubwa kuliko zote ni njia hiyo ya kuwachanja chale na kuwapaka nuksi.

Nuksi sio neo tu kama baadhi ya watu wanavyo lichukuliwa. Sio neno wala msemo.

Ni uchawi kabisa ambao nguvu yake hubeba maudhui ya jina lake. Zipo nuksi za aina nyingi sana.

Moja wapo kati ya nuksi hizo ni nuksi inayo tengenezwa kwa vitu mbalimbali kama vile : Mavi ya mtu fresh ambayo alijisaidia akiwa porini, mavi ya nyani, mavi ya sokwe, mavi ya chatu, mavi ya kenge, uchafu wa kwenye majalala saba ( Wakati uchafu huu unachukuliwa hufanyika tambiko maalumu la kichawi linalo husisha kafara ya mnyama au ndege, ambayo hulenga katika kuwaamsha majini wachafu walio lala katika majalala hayo kuingia ndani ya uchafu huo), kipande cha mti kilicho okotwa ndani ya kaburi wakati kaburi linachimbwa, utumbo wa kuku, maji yaliyo tumika kuoshea maiti, uchafu wa mochwari, shahidi la kaburi, dawa moja ya kiarabu ifananayo na lami na yenye kutoa harufu mbaya sana , uchafu wa chooni pamoja na madawa mengine ya kichawi ambayo ninayahifadhi hapa)

Vitu vyote hivyo vinapikwa kwa pamoja kwa kutumia dawa ya paka mweusi.

Vinakaangwa hadi kuwa majivu halafu mhusika anaenda kupakwa kichawi usiku.

Wakati mwingine zoezi la kumpaka mtu nuksi huweza kuendana na zoezi la kumpaka damu mbichi ya mnyama mmoja apendwae sana na wachawi…

Damu hii hunuizwa kutamka mambo yatakayo enda kubatilisha mambo yote mazuri yaliyo andikwa kwenye damu ya mhusika.

Damu ya mnyama huyu huenda kufuta kila kitu kizuri kilicho andikwa kwenye damu ya mtu aliekusudiwa na badala yake yenyewe ndio hukaa na kuweka tamko jipya juu ya maisha ya mtu aliekusudiwa.

Matokeo yake mtu huyo huanza kuandamwa na nuksi mabalaa na mikosi .

Makala haya yameandaliwa na Dokta. Mungwa Kabili ambae anapatikana kwa SIMU NAMBA : 0744 000 473.

↧

Rais Magufuli Abaini Mchezo Mchafu NMB.......Ashangazwa Gawio Kufanana Miaka Mitatu Mfululizo

April 23, 2018, 10:18 pm

≫ Next: Mbunge CHADEMA Ahoji Bungeni sababu za ripoti za CAG kutokuwa na taarifa za Tanroads Shirika la Ndege (ATCL)

≪ Previous: Kuhusu Kuchanjwa Chale Na Wachawi

Na: Lilian Lundo – MAELEZO, Dodoma.

Rais Dkt. John Pombe Magufuli ameiagiza Bodi ya National Microfinance Bank (NMB) pamoja na Mkurugenzi Mtendaji wa Benki hiyo kuangali kiasi cha gawiwo kinachotolewa na benki hiyo, kutokana na kiasi hicho kutoongeza ndani ya miaka mitatu mfululizo.

Rais Magufuli ameyasema hayo jana Mjini Dodoma wakati alipokuwa akifungua jengo jipya la Mfuko wa Pensheni wa Watumishi wa Umma (PSPF) pamoja na tawi jipya la NMB Kambarage lililoko katika jengo hilo.

“Kuna mambo mazuri mengi yaliyofanywa na NMB lakini tunahitaji uhakiki wa gawiwo linalotolewa kwa Serikali, kutokana na gawiwo hilo kutopanda kwa miaka mitatu mfululizo tangu mwaka 2014/2015 mpaka mwaka 2016/2017 ambapo benki hiyo imekuwa ikitoa shilingi Bilioni 16.525 kama gawiwo la hisa ya asilimia 32 iliyonayo katika Benki hiyo,” alisema Rais Magufuli.

Ameendelea kwa kusema, ni matumaini yake kuwa kiasi hicho cha fedha kitapanda kwa mwaka 2017/2018 kutokana na benki hiyo kutengeneza faida kila mwaka.

Aidha, Rais Magufuli ameipongeza benki ya NMB kwa kuwa na matawi mpaka vijijini pamoja na kutoa ajira kwa zaidi ya Watanzania 3000 na kutoa misaada ya kijamii ikiwemo madawati 600, kompyuta 300 kwa shule za Sekondari na vitanda vya wagonjwa.

Vilevile Rais Magufuli ameupongeza mfuko wa PSPF kwa kuona fursa ya Serikali kuhamia Dodoma na kujenga jengo ambalo limeboresha na kupendezesha mandhari ya Dodoma ambapo pia ujenzi huo umetoa ajira kwa Watanzania takribani 250.

Pia amesema, mfuko huo umekuwa ukitoa mikopo kwa wanachama wake pamoja na kuwekeza katika ujenzi wa viwanda mbalimbali ikiwa ni pamoja na kiwanda cha cha Sukari Kagera, kiwanda cha nguo na turubai vilivyopo mkoani Morogoro.

Wakati huo huo, Mkuu wa Mkoa wa Dodoma Dkt. Binilith Mahenge amesema Rais Magufuli kupitia TAMISEMI ametoa shilingi bilioni 70 kwa ajili ya ujenzi mbalimbali wa miundombinu mkoani Dodoma.

Dkt. Mahenge ametaja miundombinu hiyo kuwa ni pamoja na ujenzi wa stendi mpya ya kisasa yenye uwezo wa kuingia mabasi makubwa 250, magari madogo 600 pamoja na bajaji na bodaboda 300 kwa wakati mmoja.

Aidha, Dkt Mahenge ameitaja miundombinu mingine ambayo ni ujenzi wa soko la kisasa, sehemu ya kupaki malori, miundombinu ya majitaka, maeneo ya kupumzikia pamoja na kuboresha miundombinu ili kuondoa msongamano wa magari.

kwa upande wake, Naibu Waziri wa Fedha na Mipango, Dkt. Ashatu Kijaji ameutaja mfuko wa PSPF kuwa ndio mfuko wa kwanza kuwekeza katika vitega uchumi Makao Makuu ya Nchi ukiondoa mfuko wa LAPF ambao Makao Makuu yake yapo Mkoani Dodoma.

Jengo la PSPF ni moja ya majengo marefu yaliyoko mkoani Dodoma ambapo ina jumla ya ghorofa 11 pamoja na eneo la maegesho ya magari 161 ambapo mpaka sasa jengo hilo limeshapata wapangaji kwa asilimia 100.

↧

Mbunge CHADEMA Ahoji Bungeni sababu za ripoti za CAG kutokuwa na taarifa za Tanroads Shirika la Ndege (ATCL)

April 23, 2018, 10:25 pm

≫ Next: Mbunge CHADEMA Aishangaa Serikali Kununua Ndege Mpya

≪ Previous: Rais Magufuli Abaini Mchezo Mchafu NMB.......Ashangazwa Gawio Kufanana Miaka Mitatu Mfululizo

Mbunge wa Momba, David Silinde (Chadema), amehoji bungeni kuhusu taarifa ya Mdhibiti na Mkaguzi Mkuu wa Hesabu za Serikali (CAG) kutokuwa na taarifa za Shirika la Ndege (ATCL) na Wakala wa Barabara (Tanroads).

Akichangia bungeni jana mjadala wa makadirio ya bajeti ya Wizara ya Ujenzi, Uchukuzi na Mawasiliano kwa mwaka ujao wa fedha, mbunge huyo ambaye pia ni Naibu Waziri Kivuli wa Fedha na Mipango, alisema hakutarajia kuona ripoti ya CAG ya mwaka 2016/17 ikikosa taarifa za taasisi hizo muhimu katika kipindi hiki ambacho zinatengewa fedha nyingi.

Alisema taarifa za fedha za taasisi hizo zilipaswa kuwamo kwenye ripoti ya CAG ili wahoji kama wanavyofanya sasa kuhusu kutoonekana kwa matumizi ya Sh. trilioni 1.51.

Silinde ambaye alihoji ni sababu za ripoti za CAG kutokuwa na taarifa za Tanroads ili wabunge waangalie barabara za Tanzania kama zinaendana na thamani ya fedha inayotolewa.

“Sisi kama wabunge tunatakiwa kuhoji kwanini katika ripoti ya CAG huwa hakuna Tanroads, tunatakiwa kuhoji; je, barabara inayojengwa inalingana na 'value for money' (thamani ya fedha)?” alisema Silinde.

↧

Mbunge CHADEMA Aishangaa Serikali Kununua Ndege Mpya

April 23, 2018, 10:39 pm

≫ Next: Rais Magufuli Ampongeza Mizengo Pinda.....Ataka Viongozi Wengine Wastaafu Waige Mfano Wake

≪ Previous: Mbunge CHADEMA Ahoji Bungeni sababu za ripoti za CAG kutokuwa na taarifa za Tanroads Shirika la Ndege (ATCL)

Mbunge wa Viti Maluum (Chadema), Lucy Magereli amesema uamuzi wa Rais John Magufuli kununua ndege hauwezi kuwa sababu ya kulifufua Shirika la Ndege Tanzania (ATCL).

Akizungumza katika mjadala wa bajeti ya Wizara ya Ujenzi, Uchukuzi na Mawasiliano mwaka 2018/19, mbunge huyo amesema kuliko kununua ndege hizo, Serikali ingekodisha ndege na kuanza kujipanga taratibu kuliboresha shirika hilo.

“Nani aliyemshauri Rais kununua ndege? Tungeweza kuifufua ATCL kwa ndege za kukodi, hatuhitaji ndege kubwa. Hivi tunawezaje kushindana na mashirika makubwa ya ndege duniani ambayo yapo muda mrefu na yamejiimarisha,” amesema.

“Suala si kuhitaji ndege, suala tumezipata kwa utaratibu upi. Tuna ndege wakati viwanja vya ndege vya ndani havifai kwa matumizi yetu. Leo mtalii akitua Dar es Salaam akitaka kwenda maeneo mengine atafika kwa shida.”

Mbunge huyo alihoji sababu za Serikali kununua ndege kubwa wakati haijaimarisha miundombinu, vikiwemo viwanja vya ndege, “ndege tunazonunua ni mzigo kwa nchi hii, zinahitaji matengenezo, tutayaweza?”

“Kesho na keshokutwa Bunge litakaa tena na kusema tumetumia fedha nyingi kuifufua ATCL na kuliingiza Taifa katika matatizo. Nawaambieni tutakaa hapa kujadili tena jambo hili.”

“Tumetumia fedha nyingi kukomboa ndege zetu zilizozuiwa Canada je hizo fedha Bunge gani limezipitisha?” Amehoji.

↧

Rais Magufuli Ampongeza Mizengo Pinda.....Ataka Viongozi Wengine Wastaafu Waige Mfano Wake

April 23, 2018, 10:59 pm

≫ Next: Waziri Mkuu: Nimeridhishwa Na Maadhalizi Ya Sherehe Za Muungano

≪ Previous: Mbunge CHADEMA Aishangaa Serikali Kununua Ndege Mpya

Rais John Magufuli jana alimmwagia sifa Waziri Mkuu mstaafu, Mizengo Pinda kwa kumwelezea ni kiongozi mkimya na asiyependa kuzungumza ovyo ovyo.

Rais Magufuli alisema Pinda, maarufu kama Mtoto wa Mkulima, ni kiongozi anayefaa kuigwa na viongozi wengine, na kwamba hata yeye siku akistaafu atamfuata ili kujifunza.

Aliyasema hayo jana mjini Dodoma wakati akifungua Tawi la Benki ya NMB la Kambarage na Jengo la Mfuko wa Pensheni kwa Watumishi wa Umma (PSPF).

“Mzee Pinda anaishi maisha ya kawaida sana, hapigi kelele, hazungumzi chochote, Mzee Pinda ‘you are too special’ (wewe ni mtu wa kipeke),” alisema Rais Magufuli.

“Watu watakukumbuka (Pinda) kwa ukarimu wako, wewe ni mtu wa kawaida sana. Sasa hivi hatujui thamani yako lakini ipo siku tutaijua.

“Ndiyo maana bado unaonekana kijana, hujipi ‘pressure’ (hofu), unaamini kile unachofanya, na mimi nikistaafu nitakuja kuchukua ‘course’ (mafunzo) kwako.”

Sifa kwa Pinda zinakuja miezi saba tangu alipokosoa viongozi wastaafu wa "maeneo mengine" wanaosemasema kila wakati kuhusu uendeshaji wa serikali.

Akizungumza jijini Dar es Salaam Septemba 11, mwaka jana Rais Magufuli alitoa mfano wa majaji wastaafu ambao alisema ni tofauti na wastaafu wengine na kwamba huenda kujua sheria ndiko kunakowasaidia kutokuwa waropokaji.

Rais Magufuli alisema hayo wakati wa kumuapisha Jaji Mkuu Profesa Ibrahim Juma.

“Nawashuruku majaji wakuu wastaafu, Barnabas Samatta na Augustino Ramadhani, walifanya kazi kubwa ya kujenga misingi ya mahakama nchini," alisema.

“Bahati nzuri majaji hawa ni waadilifu sana huwezi kumsikia Jaji (Mkuu mstaafu Othman) Chande, (Barnabas) Samatta, Augustino (Ramadhani), (Damian) Lubuva au majaji walioko hapa... ukiangalia wastaafu wa maeneo mengine hawachoki kusema, wanawashwawashwa.

“Ndiyo maana nawapongeza sana mahakama...Ni safi mno, nina uhakika wanapotaka kutoa ‘advice’ (ushauri) yoyote (wowote) lazima wanakushirikisha (Jaji Mkuu); ndiyo faida ya kujua sheria.

“Sisi wengine huku ambao hatujajua sheria mahali popote, chochote unaweza ukazungumza.”

↧

Waziri Mkuu: Nimeridhishwa Na Maadhalizi Ya Sherehe Za Muungano

April 24, 2018, 8:57 am

≫ Next: Maxcom yatoa ufafanuzi utata tiketi za mabasi ya mwendokasi

≪ Previous: Rais Magufuli Ampongeza Mizengo Pinda.....Ataka Viongozi Wengine Wastaafu Waige Mfano Wake

WAZIRI MKUU Kassim Majaliwa amesema ameridhishwa na maandalizi ya sherehe za miaka 54 ya Muungano wa Tanganyika na Zanzibar yanayoendelea katika Uwanja wa Jamuhuri mjini Dodoma.

Ameyasema hayo leo (Jumanne, Aprili 24, 2018) mara baada ya kukagua maandalizi hayo yanayofanyika kwenye Uwanja wa Jamuhuri mjini Dodoma, ambapo amesema maandalizi yanaendelea vizuri.

Waziri Mkuu amejionea maonesho mbalimbali yakiwemo ya kikundi cha halaiki ambacho kinaundwa na wanafunzi 2,000 kutoka Manispaa ya Dodoma pamoja na maonyesho ya kujihami na maadui yaliyooneshwa na Jeshi la Magereza.

“Nimeridhika na kazi ambayo mmeifanya, nawaruhusu muendelee kushirikiana katika kukamilisha maeneo ambayo yamesalia na kuanzia kesho tujiandae kuwapokea wageni kutoka maeneo mbalimbali.”

Alhamisi Aprili 26, 2018 Watanzania wanatarajia kuadhimisha miaka 54 ya Muungano tangu Tanganyika ilipoungana na Zanzibar, chini ya waasisi wake Hayati Baba wa Taifa Mwalimu Julius Nyerere na Sheikh Abeid Aman Karume.

↧

Maxcom yatoa ufafanuzi utata tiketi za mabasi ya mwendokasi

April 24, 2018, 9:04 am

≫ Next: Bilioni 256 Kutumika Kujenga Kiwanda Cha Kemikali Mlandiz

≪ Previous: Waziri Mkuu: Nimeridhishwa Na Maadhalizi Ya Sherehe Za Muungano

↧

Bilioni 256 Kutumika Kujenga Kiwanda Cha Kemikali Mlandiz

April 24, 2018, 9:12 am

≫ Next: Waziri Ummy apiga marufuku kuuza dawa za malaria

≪ Previous: Maxcom yatoa ufafanuzi utata tiketi za mabasi ya mwendokasi

SERIKALI imezindua mradi mkubwa wa ujenzi wa kiwanda cha kemikali za kutengeneza dawa za kusafishia maji kitakachogharimu sh. Bilioni 256.

Uzinduzi huo umefanyika eneo la Mlandizi Msufini mkoani Pwani jana na Waziri wa Viwanda, Biashara na Uwekezaji, Charles Mwijage kwa niaba ya Makamu wa Rais, Samiah Suluhu Hassan.

Mwijage alisema mradi huo ukikamilika utasaidia serikali kuokoa kiasi cha fedha kilochokuwa kikitumika kununua dawa hiyo nje za nchi.

” Mradi huo ni wa tatu kwa ukubwa Afrika na kwa sasa tunatarajia kuzindua viwanda vingine tisa vilivyo na viwango. KUSOMA ZAIDI BOFYA HAPA

Na ili kuhakikisha adhma ya viwanda inafanikiwa nitatoa eneo langu kwa ajili kujenga jumba la utamaduni wa viwanda, ” alisema.

Mwijage aliwataka Watanzania kujenga uthubutu wa kuwekeza kwenye viwanda ili kuchochea mageuzi ya kiuchumi.

4Mkurugenzi wa Kiwanda hicho, Justine Lumbert , alimwakikishia Rais Dk.John Magufuli kuwa anacho kikosi mahiri nchini kwa ajili ya jenzi wa viwanda kwa mkoa wa Pwani.

Alisema mradi huo wa dawa ni mkubwa barani Afrika hivyo utaisaidia nchi kutengeneza aina ya dawa ya Chlorine itakakayotumika kusafisha maji.

” Utengenezaji wa dawa hiyo hutumia chumvi, sasa hakuna chumvi yoyote itakayouzwa nje ya nchi hadi mahitaji ya kiwanda hicho yatakapojitosheleza kwa sababu bidhaa zitakazotengenezwa zitakuwa na soko la asilimia 20 ndani ya nchi na 80 nje ya nchi,” alisema.

Mkurugenzi huyo ujenzi wa mradi huo utagharimu kiasi cha sh. Bilioni 256 kwa eneo la hekari nane na utakamilika ndani ya miezi 23.

” Tunaiomba serikali kuweka sheria na kanuni stahiki zitakazosaidia kulinda bidhaa na malighafi ya chumvi itakayotumiwa na mradi huu,” alisema.

Lumbert alitaja faida za mradi huo, utasaidia kuingizia taifa fedha za kigeni, kuokoa fedha za kununulia dawa nje, kuokoa gharama za matumizi ya kusafisha maji nchini na kuongeza ajira rasmi kwa vijana takribani 700.

Waziri wa Maji na Umwagiliaji, Isack Kamwelwe, alimuagiza Mkurugezi wa Mamlaka ya Maji Safi na Maji taka Dar es Salaam (DAWASCO), Mhandisi Cyprian Luhemeja, ndani ya siku tatu anakutana na Mkuu wa Mkoa wa Pwani, Mhandisi Evarist Ndikilo kwa ajili ya ujenzi wa pipa kubwa la maji eneo la Mlandizi ili kuhakikisha yanapatikana eneo hilo kwa urahisi.

” Kwa Wizara yangu itabadilisha muundo wa ununuzi kwani tutakuwa tukinunua ununuzi wa pamoja kuanzia Julai mwaka huu sasa wizara yangu haitakwenda kununua sawa ya kusafisha maji nje wakati itakuwa ikipatikana nchini,” alisema.

Kamwele alizitaja aina ya upungufu uliokuwepo katika wizara yake kuwa ni utengenezaji wa mabomba ya chuma cha pua na dawa ya kusafisha maji kwa haraka iliyo na uwezo wa kuzamisha vumbi na matope kwa haraka.

Naye Mhandisi Ndikilo alisema mradi wa kiwanda hicho ni wa tofauti Afrika Mashariki kwa sababu Afrika kinapatikana nchi ya Misri na Nigeria.

” Wawekezaji tambueni ya kuwa mkoa wa Pwani uko salama kwa hiyo msipigiwe kelele na mitandao ya kijamii.

“Kiwanda hicho kinahitaji tani 2500 ya chumvi kwa mwezi kwa hiyo wazalishaji changamkieni fursa hiyo kwa sababu hakuna chumvi itakayochukuluwa nje ya nchi,” alisema.

↧

Waziri Ummy apiga marufuku kuuza dawa za malaria

April 24, 2018, 9:19 am

≫ Next: Watu Saba Arusha wakamatwa kwa kuhamasisha maandamano

≪ Previous: Bilioni 256 Kutumika Kujenga Kiwanda Cha Kemikali Mlandiz

Serikali kupitia Wizara ya Afya, Maendeleo ya Jamii, Jinsia, Wazee na Watoto imeendelea na msisitizo wa vituo vya Afya, Zahanati na Hospitali za serikali kuacha tabia ya kuuza dawa za kutibu malaria nchini na endapo mtoa huduma ataenda kinyume na hilo atachukuliwa hatua stahiki dhidi yake.

Hayo yamesemwa na Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu wakati alipotembelea Zahanati ya Mwandiga iliyopo wilayani Kigoma Mkoa wa Kigoma katika akiwa anangalia hali ya matibabu dhidi ya malaria wilayani humo kuelekea kilele cha siku ya Malaria Duniani.

"Nawaagiza waganga wakuu wa Mikoa na Wilaya kuweka matangazo yanayooonyesha kipimo cha haraka cha Malaria, dawa za kutibu Malaria ya mseto na sindano ya kutibu malaria kali ni bure kwenye kila zahanati, kituo cha afya na hospitali ya serikali", amesema Waziri Ummy.

Aidha, Waziri Ummy amewataka waganga wakuu wa vituo ngazi za zahanati na waganga wakuu wa wilaya waweke namba zao za simu kwenye vituo vya kutolea huduma za afya nchini ili kuwasaidia Watanzania kutoa malalamiko yao pindi wanapopatiwa huduma ambazo za hazikidhi viwango ili kubendelea kuboresha huduma za afya nchini.

Waziri Ummy amesema kuwa katika kujikinga na Malaria wananchi wanatakiwa kutumia vyandarua vyenye dawa, kusafisha mazingira na kuondoa mazalia ya mbu waenezao ugonjwa huo kwani kinga ni bora kuliko tiba.

Sambamba na hilo Waziri Ummy ametoa vyandarua vyenye dawa ya kukinga dhidi ya Malaria katika kijiji cha Mwandiga ili kuendelea na juhudi za kutokomeza Malaria nchini katika kuelekea siku ya Malaria Duniani.

↧

Watu Saba Arusha wakamatwa kwa kuhamasisha maandamano

April 24, 2018, 9:52 am

≫ Next: Ndege Kubwa Zaidi ya Emirates Iliyobeba Abiria 475 Yatua kwa Dharura Dar

≪ Previous: Waziri Ummy apiga marufuku kuuza dawa za malaria

Watu saba akiwamo mwanamke mmoja wanashikiliwa na Polisi mkoani Arusha kwa tuhuma za kuhamasisha maandamano kupitia mitandao ya kijamii.

Kaimu kamanda wa polisi Mkoa wa Arusha, Yusuph Ilembo amewaambia wanahabari leo Aprili 25 kuwa watu hao wamekamatwa kutokana na sababu za kuhamasisha maandamano Aprili 26 mwaka huu.

Ilembo amesema watuhumiwa hao wamekuwa wakihamasishana kwa kutumia mitandao ya kijamii ikiwamo ya Telegram na WhatsApp.

Amesema watu hao wamekamatwa kupitia vitengo vya intelijensia baada ya kuwekewa mitego mbalimbali na kufanikiwa kuwakamata.

Amesema miongoni mwa watuhumiwa hao baadhi yao wapo vyuo vikuu, mitaani na maeneo mengine.

Ilembo ameongeza kuwa watuhumiwa hao wanatarajiwa kufikishwa mahakamani muda wowote, huku wakiendelea kuwatafuta wengine kwa njia mbalimbali.

"Nasisitiza hakuna maandamano Aprili 26, atakayeandamana atavuna alichopanda kwa kuwa Serikali haijaribiwi," amesema Ilembo.

↧

Ndege Kubwa Zaidi ya Emirates Iliyobeba Abiria 475 Yatua kwa Dharura Dar

April 24, 2018, 10:39 am

≫ Next: Baba aondoka na mtoto wa Masogange siku moja ya mazishi

≪ Previous: Watu Saba Arusha wakamatwa kwa kuhamasisha maandamano

Ndege ya kampuni ya Emirates iliyokuwa ikielekea Mauritius ikiwa na abiria 475 wakitokea Dubai, imetua jijini Dar es Salaam leo kwa dharura kutokana na hali mbaya ya hewa nchini humo.

Kamanda wa Polisi wa Viwanja vya Ndege Tanzania, Kamishna msaidizi, Matanga Mbushi amethibitishia taarifa hizo akisema ndege hiyo ya Emirates, aina ya Airbus 380, EK701, ilishindwa kutua mara tatu nchini Mauritius kutokana na mvua kali iliyokuwa ikinyesha.

“Hiyo ndege ilikuwa ikielekea Mauritius, sasa hali ya hewa imekuwa mbaya ikashindwa kutua. Rubani alijaribu kutua mara tatu lakini akashindwa ndipo akaamua kuja Dar es Salaam kutua kwa dharura,” alisema Mbushi.

Amesema ndege hiyo ilikuwa na abiria 475 na wote wamepangiwa hoteli ili kusubiri taarifa za hali ya hewa ikiwa nzuri waendelee na safari.

“Kesho kama hali itakuwa nzuri wataondoka,” amesema Mbushi.

Ndege hiyo ni ya Shirika la Emirates la Dubai, Umoja wa Falme za Kiarabu (UAE). Ni kampuni tanzu ya Emirates Group, ambayo inamilikiwa na Shirika la Uwekezaji la Serikali ya Dubai.

↧

Latest Images